O Parlamento galego demanda ao Goberno central a execución dos fondos FEDER para dotar de internet de 100 Mbps a toda Galicia

Santiago, 1 de outubro de 2020.- O Parlamento de Galicia aprobou hoxe a proposición non de lei do Grupo Popular a través da que se demanda ao Goberno central que garanta e axilice a execución dos fondos FEDER para acadar o obxectivo de cobertura mínima de acceso a internet de 100 Mbps para o 100 por cento da cidadanía galega. “Cómpre urxir a posta en marcha das convocatorias pendentes polo Estado, xa que terán un papel chave en acadar que as redes de alta velocidade cheguen á totalidade da administración, das empresas galegas e da cidadanía”, sinalou a deputada popular Noelia Pérez.

Seguir leyendo

O Grupo Popular critica que o PSdeG intente “rachar o consenso acadado no Pleno para facilitar a conciliación durante a pandemia sanitaria”

Santiago, 30 de setembro de 2020.- O deputado do Grupo Popular Alberto Pazos criticou hoxe no Parlamento que os socialistas galegos intentaran hoxe na Comisión 5ª “rachar o consenso acadado no último Pleno respecto da solicitude de medidas para facilitar a conciliación das nais e pais durante a pandemia sanitaria, co único obxectivo de defender aos seus compañeiros no Goberno de Pedro Sánchez e libralos de cumprir os compromisos solicitados en materia laboral”. “Se o Goberno central non cumpre coas familias, a Xunta de Galicia estará ao seu carón”, asegurou.

Seguir leyendo

O Grupo Popular lembra que o HULA conta desde 2016 cun equipo de ictus

Santiago, 30 de setembro de 2020.- A deputada do Grupo Popular Encarna Amigo lembrou hoxe no Parlamento que o Hospital Universitario Lucus Augusti de Lugo conta desde o ano 2016 cun equipo de ictus, integrado por un grupo de profesionais que traballa de forma conxunta e coordinada para asegurar a mellor atención ao paciente en todo momento.

Seguir leyendo

O Grupo Popular critica que o BNG “queira interferir desde o Parlamento na tramitación ordinaria de expedientes administrativos”

Santiago, 30 de setembro de 2020.- O deputado do Grupo Popular Martín Fernández Prado criticou hoxe que o BNG queira interferir desde o Parlamento na tramitación ordinaria dos expedientes administrativos e de querer anular por decreto-lei as cousas que ideoloxicamente non lles gusta. Neste sentido, asegurou que “todos os proxectos que se desenvolven en Galicia compren con todas as garantías urbanísticas, ambientais e técnicas que establece a legalidade vixente” e, a modo de exemplo, sinalou que o proxecto mineiro Alberta I nas provincias de Ourense e Pontevedra “non se aprobará se existen elementos que o fagan incompatible”.

Seguir leyendo

O Grupo Popular demandará no Pleno que se aplique o IVE reducido ou superreducido ás máscaras e hidroxeles desinfectantes

Santiago, 28 de setembro de 2020.- O Grupo Popular defenderá no Pleno da vindeira semana unha proposición non de lei a través da que se demanda ao Goberno central a modificación da lexislación vixente para aplicar o tipo reducido do IVE do 10 por cento ou superrreducido do 4 por cento ás mascaras e aos hidroxeles desinfectantes. Tamén solicitará medidas de protección para o marraxo que non leven ao quebranto económico da frota galega.

Seguir leyendo

Puy cualifica de “decepcionante” a falta de acordo para a venta de Alcoa e avoga por “analizar todas as opcións para a continuidade da empresa”

Santiago, 28 de setembro de 2020.- O portavoz do Grupo Popular, Pedro Puy, cualificou hoxe de “decepcionante” o resultado das negociacións para a venda da factoría de Alcoa en San Cibrao e avogou por “analizar todas as opcións que, dentro do marco legal vixente, permitan a garantía da continuidade desta empresa e o mantemento dos postos de traballo”.

Seguir leyendo