O Grupo Popular demandará no Pleno que o Goberno central transfira os 204 millóns de euros que debe a Galicia do IVE de 2017

Santiago, 18 de maio de 2021.- O Grupo Popular demandará no Pleno da vindeira semana que o Goberno central transfira á Comunidade galega os 204 millóns de euros da mensualidade do IVE correspondente ao mes de novembro de 2017, así como os máis de 40 millóns que se deben aos concellos galegos por esta mesma cuestión. Ademais, o Grupo Popular solicitará na sesión plenaria a promoción e dinamización do sector da eólica mariña offshore, avaliando o asentamento de parques eólicos no contorno mariño contiguo garantindo o respecto e compatibilidade coas actividades pesqueiras e a preservación do ecosistema mariño.

Seguir leyendo

O Grupo Popular reitera a petición de colaboración e implicación financeira das Deputacións de Lugo, A Coruña e Pontevedra na prevención e extinción de incendios forestais

Santiago, 14 de maio de 2021- A deputada popular María Felisa Rodríguez defendeu hoxe na Comisión 7ª do Parlamento unha emenda do Grupo Popular encamiñada a insistir á consellería de Medio Rural para que redobre os esforzos e traslade novamente ás deputacións de Lugo, a Coruña e Pontevedra a solicitude de colaboración e implicación financeira na prevención e extinción de incendios forestais. A deputada popular reiterou a necesidade de que estas administracións colaboren no mantemento deste servizo público, eficiente e de calidade, nos mesmos termos que está a facer a Deputación de Ourense.

Seguir leyendo

O Parlamento aproba incluír criterios relacionados coa protección da saúde e a aplicación das novas ferramentas da nova Lei de Recuperación de Terra nas axudas aos Grupos de Desenvolvemento Rural

Santiago, 14 de maio de 2021- A Comisión de Agricultura, Alimentación, Gandaría e Montes do Parlamento de Galicia aprobou hoxe a iniciativa para que nas próximas convocatorias de axudas dirixidas aos Grupos de Desenvolvemento Rural se inclúan novos criterios que poñan en valor a recuperación económica e social en cuestións derivadas da incidencia que está tendo a Covid19, a protección da saúde, ou mesmo a posibilidade de aplicar as novas ferramentas que contemplará a nova Lei de Recuperación de Terra.

Seguir leyendo

O Grupo Popular resalta os máis de 9 millóns de euros de axudas da Xunta ao sector de carne de vacún para paliar as consecuencias derivadas da pandemia

Santiago, 14 de maio de 2021- O deputado popular Daniel Vega destacou hoxe na súa intervención na Comisión 7ª do Parlamento os máis de 9 millóns de euros de axudas da Xunta ao sector da carne de vacún específicas para paliar as consecuencias derivadas da pandemia da Covid-19. Ademais, engadíu, as específicas de préstamos ao sector do viño, con 6M€ ou ao sector de plantas ornamentais con 3M€.

Seguir leyendo

O Parlamento aproba a creación dun Centro integral para a loita contra o lume que incremente a análise e a investigación dos lumes forestais

Santiago, 14 de maio de 2021- A Comisión de Agricultura, Alimentación, Gandaría e Montes do Parlamento de Galicia aprobou hoxe a iniciativa encamiñada á creación dun Centro integral para a loita contra o lume en Toén Ourense, a provincia máis afectada polos incendios forestais, dotado con persoal especializado no comportamento e análise dos lumes forestais, para dar formación aos bombeiros forestais e desenvolver análise e investigación.

Seguir leyendo