O Parlamento galego demanda a elaboración dunha nova Estratexia Galega de Acción Voluntaria

Santiago, 3 de febreiro de 2022.- O Parlamento de Galicia aprobou hoxe, sen o voto favorable de BNG e PSdeG, a proposición non de lei do Grupo Popular a través da que se insta á Xunta a iniciar a elaboración da nova Estratexia Galega de Acción Voluntaria, co obxectivo de coñecer a súa situación actual para definir as liñas estratéxicas e os obxectivos operativos, coa base da experiencia dos propios voluntarios. “Estamos orgullosos da Galicia que facemos entre todos, pero estamos especialmente orgullosos daqueles que constrúen esa Galicia con espírito altruísta, entregando o mellor de si sen esperar máis premio que a propia satisfacción persoal”, manifestou o portavoz popular de Asuntos Sociais, Alberto Pazos.

Seguir leyendo

O PPdeG incide no compromiso da Xunta coa atención sanitaria en Pantón mantendo o terceiro médico e a construción do novo centro de saúde

Santiago, 3 de febreiro de 2022.- A portavoz de Sanidade do Grupo Popular, Encarna Amigo, incidiu hoxe no Parlamento galego no compromiso da Xunta de Galicia coa sanidade no concello lucense de Pantón, “que se manifesta co cumprimento da reposición do terceiro médico sen amortizar a praza e coa construción dun novo centro de saúde”.

Seguir leyendo

O PPdeG afirma que o conflito no Servizo de Otorrinolaringoloxía do CHUS resolverase cando Inspección Sanitaria se pronuncie sobre a apertura dun posible expediente

Santiago, 3 de febreiro de 2022.- O Grupo Popular apoiou hoxe no Parlamento galego a aprobación dunha proposición non de lei a través da que se insta á Xunta a abordar o conflito existente no Servizo de Otorrinolaringoloxía do Hospital de Santiago, atendendo ás demandas feitas polo persoal facultativo deste servizo. A deputada popular Marta Rodríguez-Vispo lembrou que a Xunta “mantivo o diálogo desde o primeiro momento con todos os profesionais deste servizo para identificar os problemas e acadar solucións”, pero explicou que esta cuestión “non se resolverá mentres o Servizo de Inspección Sanitaria non se pronuncie respecto á apertura ou non dun expediente”.

Seguir leyendo

O Parlamento galego insiste na demanda ao Ministerio de Interior de máis efectivos para a Unidade de Policía Adscrita a Galicia

Santiago, 2 de febreiro de 2022.- O Parlamento galego aprobou hoxe a proposición non de lei do Grupo Popular a través da que se insiste ao Ministerio do Interior para que, a través da Dirección General da Policía, se articule un concurso de méritos na Policía Nacional que permita cubrir vacantes na Unidade de Policía Adscrita a Galicia para incrementar a 500 os seus efectivos, de xeito que esta unidade poida cumprir coas funcións que actualmente está prestando.

Seguir leyendo

O Grupo Popular afirma que o novo xulgado de Vigo depende de que o Ministerio inicie a creación de novas unidades xudiciais

Santiago, 2 de febreiro de 2022.- O deputado do Grupo Popular José Antonio Armada explicou hoxe no Parlamento galego que a creación dun novo xulgado de primeira instancia en Vigo “dependerá de que o Ministerio de Xustiza inicie a tramitación do proxecto de creación de novas unidades xudiciais e, posteriormente, de que a Comisión Mixta entre o Tribunal Superior e a Xunta considere que existen as condicións obxectivas de necesidade prioritaria para a súa creación”.

Seguir leyendo

O Parlamento solicita ao Goberno central que adecúe a xestión das cotas pesqueiras para evitar paralizacións de especies cando non sexan rendibles

Santiago, 1 de febreiro de 2022.- O Parlamento de Galicia aprobou hoxe a proposición non de lei do Grupo Popular a través da que se solicita ao Goberno de España que adecúa e afine os modelos de xestión das cotas para evitar que existan paralizacións provisionais de especies fundamentais cando non sexan rendibles economicamente segundo os datos de consumo e que prexudican gravemente a frota galega.

Seguir leyendo

O Parlamento insta á Xunta a adiantar as compensacións aos mariscadores da ría do Burgo, pero coa garantía da súa transferencia polo Goberno central

Santiago, 1 de febreiro de 2022.- O Parlamento de Galicia aprobou hoxe unha proposición non de lei, logo dunha transacción acordada entre o Grupo Popular e o BNG, a través da que se insta á Xunta a adiantar os cartos das compensacións económicas por inactividade obrigada aos mariscadores da ría do Burgo durante o tempo que duren as obras de dragaxe e rexeneración previa garantía de transferencia, mediante a sinatura dun convenio ao inicio das obras, dos fondos pertinentes polo Goberno central para esta finalidade, o que permitirá activar garantías de protección a estes traballadores e evitarlles un compromiso de endebedamento engadido innecesario.

Seguir leyendo

O Grupo Popular pedirá no Pleno que o Goberno central priorice a fábrica de fibras téxtiles na provincia de Lugo e medidas para as electrointensivas

Santiago, 1 de febreiro de 2022.- O Grupo Popular centrará as súas proposicións non de lei do Pleno da vindeira semana no sector industrial coa solicitude para que se dea prioridade á construción da primeira fábrica de fibras téxtiles de España na provincia de Lugo, para o que se reitera ao Goberno central a necesidade de establecer liñas de apoio no marco dos fondos europeos Next Generation; e reiterando a necesidade de que o Goberno de España adopte medidas en favor das industrias electrointensivas, principalmente rebaixando o prezo da luz.

Seguir leyendo

Pedro Puy cualifica de “torticeiro e curioso” o uso que fai o Goberno central dos recursos que recibe Galicia

Santiago, 31 de xaneiro de 2022.- O portavoz do Grupo Popular, Pedro Puy, criticou hoxe o “uso torticeiro e curioso que fai o Goberno de España dos recursos que recibe a Comunidade galega”, como é a devolución da mensualidade do IVE de 2017 consecuencia da sentenza do Tribunal Supremo ou as habituais entregas a conta ás comunidades que figuran na Lei de financiamento autonómico.

Seguir leyendo