Santiago, 11 de marzo de 2022.- O Parlamento galego aprobou hoxe por unanimidade a proposición non de lei do Grupo Popular a través das que se solicita a posta en marcha da marca Leite de pastoreo, impulsando así o produto galego baixo o paraugas de Galicia Calidade Alimentaria.
“A promoción é clave para os sector leiteiro galego polo que, ademais da implantación das medidas contidas na Estratexia do sector lácteo, é fundamental o impulso desta marca de leite como un selo que se suma ao de Galega 100%”, manifestou a viceportavoz do Grupo Popular, Elena Candia.
Na súa intervención, Candia recoñeceu “as dificultades polas que atravesa o sector gandeiro motivado polo incremento dos seus custos de produción, polo que desde o PPdeG insistimos na necesidade dun esforzo por parte dos demais axentes da cadea de valor”. “O gandeiro é o elo máis sensible da cadea e temos que apoialo na súa actividade, clave para dar continuidade a todo o proceso produtivo”, manifestou.
SEGUIR AVANZANDO
A viceportavoz popular lembrou que Galicia produce o 40 por cento do leite de toda España e acolle máis da metades das explotacións lácteas do total nacional. Deste xeito, Galicia produce tanto leite como a suma das seguintes catro comunidades españolas con maior produción (Castela e León, Cataluña, Andalucía e Asturias) e se atopa entre as nove primeiras comunidades en produción de leite de Europa.
“Neste situación, hai que seguir avanzando para consolidar ao sector lácteo galego como un eido produtivo estratéxico para o noso rural”, indicou Elena Candia, quen lembrou que “os produtos de calidade diferenciada son puntais de Galicia Calidade e por iso celebramos o anuncio de creación dunha nova sección específica de produto agroalimentario que se chamará Galicia Calidade Alimentaria”.
