Santiago, 16 de novembro de 2021.- O Parlamento de Galicia aprobou hoxe por unanimidade a proposición non de lei do Grupo Popular a traǘes da que se solicita á Dirección General de la Costa y el Mar, dependente do Ministerio de Transición Ecológica y el Reto Demográfico, que considere favorablemente a reversión do dominio público portuario e a posterior desafectación cara aos concellos para que a titularidade dos terreos portuarios reverta nas entidades municipais onde se sitúan os terreos.
?️Traemos a esta Comisión un tema tan trascendental para os concellos costeiros de Galicia como é a reversión do dominio público portuario, @suarezsar defende a desafectación dos concellos para que a titularidade dos terreos portuarios reverta nas entidades municipais pic.twitter.com/Fb9q4UC2zf
— GrupoPopularGalicia (@GrupoPopularGal) November 16, 2021
Ademais, pediuse que se tomen en consideración todas as peticións dos concellos para a reversión de terreos, exceptuando so aqueles que pola súa utilización actual ou previsión concreta de futuro teñan obxecto de uso realmente portuario.
A deputada popular Elena Suárez lembrou que o Regulamento da Lei de Costas “di claramente que, cando a reversión se insta pola comunidade autónoma, a proposta elevarase ao Consello de Ministros”, polo que “queda claro que quen pecha o círculo de competencias nesta cuestión é o Goberno central”.
“A postura do PPdeG na reversión de terreos portuarios é transparente, tanto que xa no programa electoral de 2016 apostábamos por mellorar os espazos de transición entre as áreas urbanas e as portuarias, porque somos conscientes de que os pobos, cidades e vilas da nosa franxa costeira atópanse asentados arredor dos peiraos e moven a súa vida social e económica sobre ese espazo portuario”, asegurou.
En concreto, proponse facilitar o desenvolvemento das actividades portuarias evitando as interferencias entre as mesmas e as propias áreas urbanas, plantexándose a promoción dunha ordenación xeral das zonas de servizo dos portos que contemple a achega aos concellos dos espazos susceptibles de servir para usos urbanos e dedicados á sociedade xeral.
Elena Suárez afirmou que a reversión “en ningún caso é directa aos concellos, porque os terreos portuarios son dominio público marítimo-terrestre, e a desafección fará que sexa xestor e titular do solo o Goberno de España, previa aprobación do expediente no Consello de Ministros”.
