Prado, afirmou hoxe no Parlamento, no debate sobre a solicitude de cese da Valedora do Pobo, que “nós non imos tomar decisións firmes cando non hai unha sentenza firme”. Neste sentido, acusou a En Marea de “dar un paso máis na súa carreira de destrución das institucións galegas, coa novidade de que o seu socio neste caso de demolición de institucións é o Partido Socialista”.

Paula Prado manifestou, logo de analizar se a actuación do Valedor do Pobo cumpriu neste proceso coas súas obrigas, á vista da comparecencia da titular da institución e do seu adxunto, a documentación que aportaron e as alegacións efectuadas, que “por primeira vez temos máis información que o propio tribunal”.

“Pode ser que houbese un erro na estratexia de defensa do Valedor, pero do estudo da documentación aportada dedúcese que non houbo desvío de poder por parte de ninguén”, asegurou a viceportavoz popular. Deste xeito, engadiu que “aquí non estamos en sede xudicial e por tanto non temos que asumir os postulados xudiciais, senón construír un xuízo político a partir da documentación que temos”.

MÁIS ALÓ DO CUMPRIMENTO DAS OBRIGAS

Prado reiterou que os méritos que se pedían para o exercicio da Xefatura de Servizo no Valedor do Pobo “se coñecían previamente, xa que estaban recollidos no documento de Liñas xerais dos Plans estratéxicos da institución do Valedor do Pobo, que se podía consultar na súa páxina web con anterioridade á convocatoria”.

Así mesmo, lembrou que as actuacións da Valedora neste procedemento “foron máis aló do cumprimento das súas obrigas e abstívose nun procedemento cando non había nin tan sequera causa xustificada, nin legalmente, que a obrigara á abstención”.

A viceportavoz popular sinalou que a Valedora “cumpre as súas obrigas porque non só presenta os informes e memorias ordinarias, senón que tamén algún extraordinario de temas que nos preocupan a todos”. En concreto, referiuse ás súas solicitudes de máis transparencia na xestión das listas de espera ou mellora da calidade asistencial, así como atendendo 25.000 expedientes máis que o pasado ano, cando considera indigno os casos de pobreza enerxética ou cando fai unha campaña para dar a coñecer a institución no rural galego.

“Tamén cumpre a Valedora as súas obrigas cando se dirixe ao Concello de Santiago ante a súa inoperancia cando deixaba morrer aos sinteitos da cidade, algo que non lles gustaba ás Mareas de Podemos porque consideran que a Valedora ten que cumprir coas súas obrigas criticando á Xunta e non aos concellos gobernados polas Mareas”, dixo Paula Prado.

Neste sentido, engadiu que En Marea “ten pedido a dimisión da Valedora en reiteradas ocasións, e todas tiñan como fondo o cumprimento das súas obrigas defendendo aos máis desfavorecidos: fosen os sinteito do Concello de Santiago ou fose por amparar aos galegos sen pensión en Venezuela”.

HONORABILIDADE E HONESTIDADE DO PORTAVOZ

Para rematar, Paula Prado subliñou que no PPdeG “non dubidamos da honorabilidade e honestidade do portavoz do noso grupo parlamentario, porque estamos absolutamente seguros de que non ten influído para nada neste proceso”; e referíndose aos grupos da oposición indicou que “vostedes tamén están seguros diso, pero prefiren enlodar a honra e a digna labor dun político e dunha institución para sacar réditos políticos co seu comodín preferido: a corrupción”.