O Parlamento demanda que a Xunta fomente e protexa a actividade dos traballadores a tempo parcial no campo

Mércores, 27 de Marzo de 2019
12:27 p.m.
Duración de lectura aproximada: 3 minutes

Santiago, 27 de marzo de 2019.- O Parlamento de Galicia aprobou hoxe a proposición non de lei impulsada polo Grupo Popular a través da que se insta á Consellería do Medio Rural a manter o apoio aos profesionais que traballan no campo a tempo parcial, impulsando cantas medidas sexan necesarias para fomentar e protexer a súa actividade no campo galego.

“É o momento de afrontar un cambio de mentalidade, compatibilizando novas actividades industriais e novos proxectos empresariais pero, tendo en conta a realidade do campo galego, continuando coa protección aos traballadores do campo a tempo parcial, impulsando novas medidas que garantan e potencien este xeito de desenvolver unha actividade no rural, xa que tamén sirve para poñer en valor a terra produtiva, manter unha actividade económica, ter coidadas e limpas as parcelas e axudar a loitar contra os incendios”, manifestou o portavoz do Medio Rural, Moisés Blanco.

Na súa intervención, Blanco asegurou que o PPdeG “está do lado dos que falan ben do rural, porque deste xeito fálase ben de Galicia”. “Somos do equipo que sinte orgullo do rural, un rural galego que ten que seguir progresando, modernizándose e innovando, pero sen renunciar á súa tradición, usos e costumes fondamente arraigados”, indicou.

O portavoz popular lembrou que “a gran atomización e dispersión dos terreos demostran unha estrutura moi particular do campo galego, pero que ten condicionado ate o momento o asentamento poboacional, a forma de aproveitar os nosos recursos naturais e o desenvolvemento da actividade agrogandeira e forestal, contando con milleiros de postos de traballo espallados por toda Galicia, dos cales unha boa parte son desempeñados baixo a modalidade de tempo parcial”.

INGRESOS COMPLEMENTARIOS

Neste sentido, apuntou que estes traballos a tempo parcial “seguen sendo unha interesante fonte de ingresos complementarios para moitas familias galegas, pero non so do rural, senon tamén para aquelas que, residindo en zonas máis urbanas, manteñen as súas propiedades e desenvolven algunhas actividades no campo”.

Moisés Blanco considerou “necesario que se siga mantendo o apoio ao traballo a tempo parcial a través das axudas da PAC, porque en Galicia o tamaño de explotación é moi baixo e non todos os beneficiarios da PAC teñen unha dedicación total á agricultura”, xa que máis do 80 por cento dos beneficiarios recibe menos de 10.000 euros ao ano.

Na súa intervención, manifestou que “a excesiva parcelación e o concepto do minifundismo non teñen porque ser algo negativo en si mesmo, porque é posible concibir pequenas ou medianas explotacións familiares, cunha dedicación parcial ou a tempo completo, que agrupen as súas terras, acadando unha dimensión suficiente para asegurar a súa viabilidade económica”.

“O rural de Galicia non debe camiñar inevitablemente cara unha masiva e obrigada concentración parcelaria”, indicou o portavoz popular, quen explicou que “non pretendemos substituír a práctica tradicional e cultural minifundista e familiar creando grandes extensións ou parcelas dun xeito forzado ou artificial, afastado da nosa realidade social e económica, pero si poñer en marcha novos instrumentos de ordenación para fomentar a mobilización de terras, agrupamentos ou permutas para poñer a producir terra produtiva abandonada”. “Un bo exemplo pode ser a creación de polígonos agroforestais que permitan delimitar zonas de boa calidade agronómica, dedicada a cultivos de alto valor engadido e con parcelas de suficiente tamaño que garantan a rendibilidade”, dixo.

Noticias recomendadas

Alberto Pazos afirma que a Comisión de Investigación chega ao seu fin demostrando o bo facer dos gobernos do PPdeG

Venres, 20 de Decembro de 2024

O portavoz do Grupo Popular, Alberto Pazos, manifestou hoxe que a Comisión de Investigación sobre a contratación da Administración galega “está chegando ao seu fin cumprindo os obxectivos que desde

Borja Verea destaca a “imparable” forza do cambio iniciada en Santiago tras a vitoria nas eleccións municipais: “Cada vez somos máis”

Xoves, 19 de Decembro de 2024

O presidente do PP de Santiago, Borja Verea, animou hoxe os seus a seguir traballando con ganas, entusiasmo e ilusión para acadar o obxectivo de gobernar a capital de Galicia

O PPdeG demanda ao Goberno central un plan integral de abordaxe da obesidade dirixido á sociedade en xeral, como o que ten en marcha a Xunta

Xoves, 19 de Decembro de 2024

A portavoz de Sanidade do Grupo Popular, Encarna Amigo, demandou hoxe no Parlamento de Galicia que “o Goberno central, do mesmo que xa está a facer a Xunta de Galicia,

« Siguiente 1 2 3 4 5 6 7 Anterior »

Nome da cookie

Activa

PHPSESSID

RWSESSID

fikker-61vm-nk2N

session_history

wp-wpml_current_language