Santiago, 6 de febreiro de 2019.- O Parlamento de Galicia aprobou hoxe, logo dunha transacción entre o Grupo Popular e En Marea, unha proposición non de lei a través da que se insta á Xunta a iniciar os trámites necesarios en colaboración co Concello de A Estrada para a ubicación dunha base para ambulancia do 061 e para os seus traballadores nunha zona anexa ao novo centro de saúde en construción.
Santiago, 6 de febreiro de 2019.- O Parlamento galego aprobou hoxe a proposición non de lei do Grupo Popular a través da que se insta á Xunta a seguir apostando polo acollemento familiar dos nenos, nenas e adolescentes que estean baixo o sistema de protección, impulsando o acollemento familiar de menores estranxeiros non acompañados.
Santiago, 6 de febreiro de 2019.- O portavoz de Sanidade do Grupo Popular, Aurelio Núñez, incidiu hoxe na negociación entre as empresas concesionarias do transporte sanitario terrestre e os traballadores para poñer fin a este conflito laboral, porque nin o Goberno galego nin os concellos poden interferir nesta problemática.
Santiago, 5 de febreiro de 2019.- O Grupo Popular defenderá no Pleno da vindeira semana dúas proposicións non de lei a través das que o Parlamento galego manifeste o seu rexeitamento ao proxecto de lei de orzamentos xerais do Estado para 2019 e declare a súa solidariedade e apoio ao pobo de Venezuela, demandando medidas urxentes ante a situación de emerxencia humanitaria que vive ese país e amosando o apoio á Asamblea Nacional lexítima e democraticamente elixida e a Juan Guaidó como Presidente recoñecido.
Santiago, 4 de febreiro de 2019.- O Grupo Popular rexistrou hoxe as súas propostas de resolución aos informes de fiscalización sobre o sector público de Galicia elaborado polo Consello de Contas, nas que solicita que a Xunta aprobe un novo plan de contabilidade pública e cree dous novos rexistros: un para as entidades instrumentais e outro sobre as contas bancarias que manexa a tesourería do sector público galego.
Santiago, 4 de febreiro de 2019.- O portavoz do Grupo Popular, Pedro Puy, salientou hoxe que “o primeiro que debe facer o  Goberno central, se se quere reforzar o autogoberno, é atender as demandas de Galicia en relación aos orzamentos do Estado, que non só prexudican en materia de infraestruturas senón que retroceden en relación a cuestións que adoptou o anterior goberno do PP, que estaban nos orzamentos de 2018 e non se cumpriron”.
4, febreiro, 2019.  O secretario xeral do PPdeG, Miguel Tellado, asegurou que Galicia está consolidando o emprego creado nos últimos anos, comezando 2019 con 15.086 parados menos que hai un ano, o que supón unha baixada do 7,94%, cun nivel de desemprego moi inferior ao de hai unha década e cun ritmo de baixada superior ao rexistrado no Estado en 2,45 puntos. “Mentres en Galicia baixa o paro, en España medra a incerteza”, remarcou.
02, febreiro, 2019. O presidente dos populares galegos, Alberto Núñez Feijóo, reivindicou o PPdeG como o partido que máis se parece a Galicia, fronte ás demais formacións que demostran que Galicia non lles importa nada.
1, febreiro, 2019.  O secretario xeral dos populares galegos, Miguel Tellado, avanzou que o PPdeG reunirá a preto de 2.000 afiliados e simpatizantes na presentación da práctica totalidade dos seus candidatos ás vindeiras Eleccións Municipais de maio.

Síguenos nas redes sociais