Utilizamos cookies para asegurar que damos a mellor experiencia a o usuario no noso sitio web. Si continúa utilizando este sitio asumiremos que está de acordo. Mais información Política de Cookies

Santiago, 26 de xuño de 2019.- O Pleno do Parlamento de Galicia aprobou hoxe unha proposición non de lei, logo dunha transacción entre o Grupo Popular e o Grupo Socialista, a través da que se insta á Xunta para que se dirixa a todos os concellos co fin de facilitar a aplicación do recollido na Lei do Solo de Galicia no referente ás propostas que se xustifiquen pola súa calidade arquitectónica en canto ao cumprimento das condicións de edificación.
Santiago, 26 de xuño de 2019.- O Parlamento de Galicia aprobou hoxe, logo dunha transacción entre o Grupo Popular en En Marea, unha proposición non de lei a través da que se insta á Xunta á elaboración, conforme a normativa vixente e ás directrices existentes respecto deste tipo de actuacións, dunha proposta alternativa e sustentable para o depósito de materiais procedentes do dragado do río Lérez, de tal forma que se garante que estes non afectarán a ningunha das rías galegas, en especial á ría de Arousa.
Santiago, 26 de xuño de 2019.- O deputado do Grupo Popular Jacobo Moreira demandou hoxe no Pleno do Parlamento que a Deputación de Pontevedra, como administración titular da Escola de Canteiros, realice as xestións oportunas ante o Goberno central para poder impartir formación regrada que permita obter un título oficial de formación profesional, así como que se estude a posibilidade de homologar retroactivamente todos os títulos expedidos por esta Escola ao longo dos seus corenta anos de historia.
Santiago, 26 de xuño de 2019.- O Parlamento galego aprobou hoxe a proposición non de lei do Grupo Popular, co voto en contra de En Marea e BNG, e a abstención do PSOE, a través da que manifesta o seu firme apoio á proposición de lei Orgánica contra a ocupación ilegal e para a convivencia veciñal e a protección da seguridade das persoas e cousas nas comunidades de propietarios, rexistrada no Congreso dos Deputados polo Grupo Popular.
Santiago, 26 de xuño de 2019.  A deputada do Grupo Popular Raquel Arias defendeu hoxe no Pleno que a Xunta elabore, coa participación das organizacións sindicais e unha vez aprobada a Lei de impulso demográfico, unha proposta para ampliar os servizos de conciliación para o persoal funcionario da Administración galega. Porén, lamentou profundamente “a negativa do PSOE para acadar consensos en materia de conciliación”, un aspecto “vital para as familias, para a igualdade, o fomento da natalidade e o reto demográfico”.
Santiago, 26 de xuño de 2019.- O portavoz de Infraestruturas do Grupo Popular, Martín Fernández Prado, salientou hoxe que o Plan de Transporte Publico posto en marcha pola Xunta en 2017 “conseguiu que ningún galego quedase sen servizo de transporte ao incrementar os servizos, coas novas modalidades de transporte a demanda e compartido, e dando estabilidade e seguridade a máis de 500 traballadores das liñas renunciadas”.
Santiago, 25 de xuño de 2019.- O Grupo Popular apoiou hoxe a aprobación polo Pleno do Parlamento dunha proposición non de lei a través da que se insta á Xunta a elaborar na presente lexislatura, en colaboración coa Fegamp, un informe que permita dimensionar o impacto do fenómeno da soidade en Galicia. Este documento conterá un censo de persoas maiores que viven soas na Comunidade galega e pídese que cos seus resultados se elabore, en colaboración coa Fegamp, o Goberno de España, e a participación do terceiro sector, unha Estratexia de prevención e atención á soidade non desexada en Galicia que aborde de forma integral este fenómeno.
. Santiago, 25 de xuño de 2019.- A deputada do Grupo Popular Marta Rodríguez-Vispo salientou que a nova lei de ordenación farmacéutica de Galicia, aprobada esta mañá no Pleno do Parlamento, “servirá para dotar ao sector dunha nova regulación máis acorde cos tempos que estamos a vivir e que  poida afrontar e dar solución, dunha forma máis eficaz, ás demandas actuais e ás necesidades tanto dos profesionais farmacéuticos como dos usuarios”.
Santiago, 25 de xuño de 2019.- A deputada do Grupo Popular Julia Rodríguez Barreira salientou hoxe no Pleno do Parlamento que a Xunta de Galicia “é a única administración que conta cunha estratexia para eliminar os treitos de concentración de accidentes e actuar en todos os puntos negros existentes na rede viaria da súa titularidade”. Neste sentido, criticou que o BNG “presente unha moción variopinta con medidas de seguridade viaria, facendo caso omiso ás numerosas actuacións que está levando a cabo o Goberno galego”.

Síguenos nas redes sociais