O Grupo Popular salienta que a normalidade marcou a actividade no Parlamento en 2022, ano no que, por primeira vez, produciuse o relevo na Presidencia da Xunta a mediados de lexislatura

26 de decembro de 2022. O portavoz do Grupo Popular, Pedro Puy, fixo esta mañá balance da actividade no Parlamento de Galicia ao longo de 2022, “que viu marcada pola normalidade política, a pesar de que, por primeira vez, tivemos que facer o relevo na Presidencia da Xunta a metade de lexislatura”. “Dimos exemplo de coherencia, estabilidade e cumprimento estrito das regras nunha operación tan transcendente”, salientou. Así mesmo, destacou a aprobación dos orzamentos máis altos da historia de Galicia, así como de novas leis para o desenvolvemento industrial e a incorporación de profesionais á sanidade pública galega.

Continue reading

O Parlamento galego demanda incluír a síndrome coronaria aguda na axenda de prioridades sanitarias da Xunta

22 de decembro de 2022. O Parlamento de Galicia aprobou hoxe a proposición non de lei do Grupo Popular a través da que se solicita incluír a síndrome coronaria aguda, primeira causa de morte entre as enfermidades cardiovasculares, na axenda de prioridades sanitarias da Xunta de Galicia, impulsando as ferramentas e os mecanismos necesarios de xestión que garantan a posta en marcha dunha e-interconsulta entre o médico de atención primaria e o Servizo de Cardioloxía, con resposta rápida; e fixar consulta presencial de alta resolución con prioridade nos pacientes que se considere necesaria consulta presencial tras a e-interconsulta.

Continue reading

O Parlamento galego solicita ao Goberno central que axilice a aprobación dos plans que delimitan as zonas nas que implantar enerxías mariñas

22 de decembro de 2022. O Parlamento de Galicia aprobou hoxe a proposición non de lei do Grupo Popular, que non contou co apoio do BNG nin do PSdeG, a través da que se solicita que a Xunta manteña o apoio á plataforma experimental de eólica mariña prevista a 10 quilómetros do porto exterior de A Coruña como proxecto piloto para o posterior despregamento da eólica mariña en Galicia e a nivel de toda España.

Continue reading

O Parlamento galego pide actuacións enerxéticas ao Goberno central para garantir a viabilidade e competitividade de empresas en Galicia

O Parlamento de Galicia aprobou hoxe a proposición non de lei do Grupo Popular, que non contou co voto favorable do BNG, a través da que se solicitan ao Goberno central diversas actuacións enerxéticas para garantir a viabilidade e competitividade de empresas como Alcoa en San Cibrao uo Stellantis en Vigo, e facilitar que novos proxectos como Altri en Palas de Rei, Showa Denko en A Coruña ou Sentury e a planta de hidróxeno de Reganosa e EDP en As Pontes se convertan nunha realidade.

Continue reading

O Grupo Popular apoia no Pleno pedir ao Goberno central que non permita a suba de peaxes da AP-9 e da AP-53

O Grupo Popular apoiou hoxe no Pleno do Parlamento de Galicia a aprobación dunha proposición non de lei a través da que se pide ao Goberno central que non permita a suba das peaxes da AP-9 e AP-53, pola súa incidencia moi negativa nas economías familiares e en sectores económicos estratéxicos nun contexto de suba desmesurada dos prezos. “Non estamos a pedir algo imposible, porque o Goberno de Pedro Sánchez tan só debe seguir o exemplo marcado polo Goberno galego nas autoestradas da súa titularidade, conxelando as peaxes para evitar unha suba moi negativa para as economías familiares e para sectores estratéxicos como o transporte”, indicou o portavoz popular de Infraestruturas, José Manuel Balseiro.

Continue reading

O Parlamento de Galicia pide elaborar un Plan galego de prevención do cancro de pulmón

O Parlamento de Galicia aprobou hoxe a proposición non de lei do Grupo Popular, que non contou co apoio do BNG, a través da que se insta á Xunta a elaborar un Plan galego de prevención do cancro de pulmón no que se empreguen métodos innovadores de detección para facer deste programa unha iniciativa pioneira a nivel estatal. “Este tipo de cancro é o terceiro en frecuencia, detectándose cada ano arredor de 30.000 novos casos en toda España, pero se sitúa como a primeira causa de morte por cancro, estimándose que está detrás de máis de 22.000 falecementos cada ano”, explicou a deputada popular Marta Rodríguez-Vispo.

Continue reading

O Parlamento aproba a Lei de medidas fiscais e administrativas, con medidas para reducir os impostos, a protección das mulleres vítimas de violencia de xénero ou a baixa do canon de Sogama

20 de decembro de 2022. O Parlamento de Galicia aprobou hoxe a Lei de medidas fiscais e administrativas que acompaña aos orzamentos da Xunta para 2023, que “permitirá mellorar a vida dos cidadáns e ser máis útiles aos galegos con medidas como a redución de impostos, a protección das vítimas de violencia de xénero ou a baixada do canon de SOGAMA”, manifestou a viceportavoz do Grupo Popular, Paula Prado.

Continue reading

O Parlamento galego aproba os orzamentos da Xunta para 2023, que engaden un plus de estabilidade económica é estabilidade política

20 de decembro de 2022. O Pleno do Parlamento de Galicia aprobou hoxe os orzamentos da Xunta para 2023, “unhas contas que engaden un plus de estabilidade económico e financeira á estabilidade política que vive a Comunidade galega”, salientou o portavoz do Grupo Popular, Pedro Puy. Neste sentido, puxo como retos para o vindeiro ano “a transformación enerxética e dixital de Galicia como vía para o crecemento e a xeración de emprego de calidade”.

Continue reading