Santiago, 11 de xullo de 2017.- O deputado do Grupo Popular Carlos Gómez Salgado acusou esta tarde no Parlamento aos grupos da oposición de defender “unha emenda á totalidade da política económica e de emprego da Xunta, pretendendo revisar e botar por terra as medidas que están dando bos resultados e xerando emprego”.
Gómez Salgado subliñou que “as políticas de emprego da Xunta están sendo positivas” e a modo de exemplo sinalou o descenso do paro en máis de 20.000 persoas cada ano; a suba das afiliacións á Seguridade Social en 22.000 persoas no último ano; os 10.320 novos contratos que se asinaron en Galicia respecto ao pasado ano; o 17,87 por cento de suba na contratación indefinida que supera en 7 puntos a temporal, así como a suba do 13,75 por cento da contratación a tempo completo; ou o aumento do número de fogares que chegan con facilidade ou moita facilidade a fin de mes, que aumentou ata o 54,5 por cento.
Porén, o deputado popular manifestou que “queda moito por facer” e avogou por “traballar todos xuntos e na mesma dirección”. Neste sentido, lembrou a recente proposta feita polo propio Presidente da Xunta, Alberto Núñez Feijóo, para poñer en marcha un acordo marco de ámbito autonómico “para dar un salto cualitativo na creación de emprego e diminuír as desigualdades que aínda persisten”.
“Non é tempo para experimentos, sobre todo para reeditar modelos que xa se amosaron fracasados”, manifestou o deputado popular, quen engadiu que “se está a desenvolver unha política estable e fiable, que está dando bos resultados e coa perspectiva de melloralos a medio e longo prazo”.
Santiago, 11 de xullo de 2017.- O deputado do Grupo Popular Carlos Gómez Salgado acusou esta tarde no Parlamento aos grupos da oposición de defender “unha emenda á totalidade da política económica e de emprego da Xunta, pretendendo revisar e botar por terra as medidas que están dando bos resultados e xerando emprego”.
Gómez Salgado subliñou que “as políticas de emprego da Xunta están sendo positivas” e a modo de exemplo sinalou o descenso do paro en máis de 20.000 persoas cada ano; a suba das afiliacións á Seguridade Social en 22.000 persoas no último ano; os 10.320 novos contratos que se asinaron en Galicia respecto ao pasado ano; o 17,87 por cento de suba na contratación indefinida que supera en 7 puntos a temporal, así como a suba do 13,75 por cento da contratación a tempo completo; ou o aumento do número de fogares que chegan con facilidade ou moita facilidade a fin de mes, que aumentou ata o 54,5 por cento.
Porén, o deputado popular manifestou que “queda moito por facer” e avogou por “traballar todos xuntos e na mesma dirección”. Neste sentido, lembrou a recente proposta feita polo propio Presidente da Xunta, Alberto Núñez Feijóo, para poñer en marcha un acordo marco de ámbito autonómico “para dar un salto cualitativo na creación de emprego e diminuír as desigualdades que aínda persisten”.
“Non é tempo para experimentos, sobre todo para reeditar modelos que xa se amosaron fracasados”, manifestou o deputado popular, quen engadiu que “se está a desenvolver unha política estable e fiable, que está dando bos resultados e coa perspectiva de melloralos a medio e longo prazo”.
