Santiago, 21 de xuño de 2021.- O portavoz do Grupo Popular, Pedro Puy, manifestou hoxe no Parlamento galego que as emendas presentadas polo PSOE ao proxecto de Lei antifraude “veñen darnos a razón sobre que esta norma vulnera o Dereito Civil e a autonomía financeira de Galicia”, pero considerou insuficiente que se acoute a cinco anos a consideración de fraude para quen venda un bens procedentes dun pacto sucesorio e demandou que “no último trámite no Congreso se acepten definitivamente as emendas do Grupo Popular e non se considere fraude cando un galego exerce os seus dereitos cumprindo a lei vixente”.
?Nós estamos a favor da tramitación dunha lei antifraude pero en contra de que se considere que cando un galego exerce os seus dereitos que se establecen no Dereito Civil propio de Galicia se lles considere de entrada defraudadores, indica Puy @ppdegalicia pic.twitter.com/Q1tjQDDAAI
— GrupoPopularGalicia (@GrupoPopularGal) June 21, 2021
Pedro Puy lembrou que o Grupo Popular defenderá no Pleno do Parlamento que se inicia mañá unha proposición de lei de reforma da Lei galega para a prevención e o tratamento integral da violencia de xénero co obxectivo de incluír a violencia de xénero dixital, é dicir, aquelas condutas de violencia de xénero que se exercen a través das novas tecnoloxías, do correo electrónico, internet, sistemas de mensaxería dixital ou das redes sociais.
?️Un paso adiante na loita contra a violencia machista e a súa prevención coa inclusión da violencia de xénero dixital e da violencia vicaria para que a nosa Lei estea actualizada e haxa un instrumento para combater esta execrable práctica, indica Pedro Puy @ppdegalicia pic.twitter.com/lCuu4hrLoC
— GrupoPopularGalicia (@GrupoPopularGal) June 21, 2021
ACTUALIZAR A NORMATIVA
“Con esta modificación, xunto coa que xa está en tramitación para incorporar a violencia vicaria na Lei galega para o tratamento da violencia de xénero, será un paso adiante para que a nosa norma estea actualizada”, manifestou o portavoz popular.
En segundo lugar, Puy explicou que o Grupo Popular defenderá dúas proposicións non de lei na sesión plenaria. A primeira delas ten como obxectivo que o Goberno central renuncie á súa intención de instalar proxectos eólicos fóra das áreas definidas no Plan eólico de Galicia, así como aqueles que se atopen en Rede Natura.
Neste sentido, sinalou que “existe unha preocupación en toda Galicia polo importante número de proxectos eólicos que se están a tramitar, moitos deles en zonas nas que non poderán ser instalados”, sen respectar o recollido tanto no Plan sectorial eólico como na Lei de simplificación administrativa e de apoio á reactivación económica.
?️Moitos dos proxectos eólicos que se anuncian son en zonas que coa normativa vixente en Galicia non poderían nunca autorizados pero inician os seus trámites na Administración do Estado abrindo preocupació, polémicas innecesarias e custes para as empresas, Puy @ppdegalicia pic.twitter.com/bjd2C1rluy
— GrupoPopularGalicia (@GrupoPopularGal) June 21, 2021
DISCRIMINACIÓN CON GALICIA
Así mesmo, o Grupo Popular insistirá en que o Goberno de España respecte a autonomía financeira e a capacidade normativa en materia tributaria que a Constitución, o Estatuto de Autonomía e as leis lle recoñecen a Galicia. En concreto, o proxecto de Lei de medidas de prevención e loita contra o fraude fiscal que se está a tramitar nas Cortes Xerais e que ataca directamente ao Dereito Civil de Galicia, xa que restrinxe a capacidade de disposición dos herdeiros en vida do que teñen percibido, facéndolles tributar por unha parte do valor dos bens que queda exonerada de percibilos ao falecemento do causante.
“Estamos a favor da tramitación dunha Lei antifraude que reforce os instrumentos da Axencia Tributaria e a Inspección de Facenda, pero tamén estamos en contra de que se considere defraudador a un galego que exerce os seus dereitos cumprindo unha lei”, indicou Pedro Puy.
O portavoz popular referiuse ás emendas presentadas polo PSOE no Senado a este proxecto de lei, “coa que se mellora esta cuestión porque se acouta a cinco anos a consideración de fraude para quen realiza o pacto sucesorio e o que recibe o ben o poda vender”. “Estase a reducir o alcance temporal dunha medida que sigue sendo discriminatoria con Galicia”, polo que confiou que no último trámite no Congreso se acepten as emendas do Grupo Popular para que non se considere fraude a venta dos bens recibidos nun pacto sucesorio.
