Skip to content

Alfonso Rueda confía no apoio de Lugo e defende que os bos resultados do PP na provincia son resultado da motivación e o convencemento do que hai en xogo en Galicia

Hoxe, nun mitin en Lugo ao que asistiron un milleiro de persoas e no que participaron ademais a cabeza de lista pola provincia, Elena Candia, e os tamén candidatos Cristina Sanz e Javier Arias

  • Reivindica o balance do traballo feito na provincia, como o CIS no Barrio da Residencia, o equipamento oncolóxico do HULA e comprométese a poñer en marcha un centro para persoas con Alzheimer e a executar a demandada Rolda Leste
  • “En vez de falar mal de Galicia como fan outros, eu o que quero é dicir que imos ben e que temos que mellorar aínda máis”, asegura ao tempo que avoga por “non volver ao modelo de imposicións e de división entre bos e malos galegos que xa tiñamos superado”

11 de febreiro de 2024. O presidente e candidato do PPdeG, Alfonso Rueda, pediu hoxe un último esforzo ao partido na provincia de Lugo para acadar unha maioría absoluta coa que frear o retroceso que pretende implantar o multipartito e seguir sendo unha envexa para toda España: “Confío moitísimo na provincia de Lugo porque sei que os seus bos resultados son froito da motivación e do convencemento do moito que nos xogamos o 18 de febreiro”.

A cambio, ofrece aos lucenses o balance do feito nestes anos e un programa serio e rigoroso no que se inclúen medidas que se van cumprir. Falou así do Centro Integral de Saúde (CIS) no Barrio da Residencia, o futuro centro de saúde no Sagrado Corazón, o centro para persoas con Alzheimer que se porá en marcha no antigo Hospital de Calde ou o equipamento para o tratamento de enfermidades oncolóxicas que se instalou no HULA.

Apostou tamén pola mellora da vertebración territorial da provincia, con infraestruturas como a Ronda Leste ou a mellora das conexións ferroviarias. Así como por un apoio rotundo para que o proxecto de Altri “sexa unha realidade a pesar de que as plataformas vinculadas ao BNG teñan a desfachatez de pedir que non se dediquen fondos a unha iniciativa tan importante para Lugo e para Galicia”.

Alfonso Rueda asegurou que quere seguir sendo presidente de Galicia durante os próximos catro anos para que a nosa Comunidade siga apoiando ás familias e ás persoas con dependencia, atraendo investimentos e aproveitando oportunidades. E neste sentido amosouse categórico: “En vez de falar mal de Galicia como fan outros, eu o que quero é dicir que imos ben e que temos que mellorar aínda máis”.

“Non podemos volver ao modelo de imposicións e de división entre bos e malos galegos que xa tiñamos superado porque Galicia non é así”, subliñou ao tempo que ironizaba que se o BNG quere aspirar a gobernar, o primeiro que debería facer é “crear a Consellería de adoutrinamento e imposición monolingüística e a Consellería de asuntos exteriores para tratar cos seus amigos de Bildu”.

Fronte a isto, a un PSOE sometido “á matriz da Moncloa” e uns Podemos e Sumar “que se tiran os mobles”, Rueda quere ser  “o presidente de todos os galegos e desde o primeiro día”.

CANDIA: “A GALICIA DO SENTIDIÑO DE RUEDA É A ÚNICA QUE FUNCIONA”

Pola súa banda, a presidenta do PP e cabeza de lista ás eleccións autonómicas pola provincia de Lugo, Elena Candia, apelou durante o mitin central de Lugo ao voto de diferentes grupos da sociedade.

“Humildemente, pido o voto ás mulleres dende un proxecto político que me permitiu escribir en feminino unha páxina da traxectoria de institucións coma a Deputación Provincial. Fun a primeira muller que a presidiu deixando un legado que aínda hoxe está vivo e que demostrou que gobernamos para todos. Son a primeira muller que preside o PP a nivel provincial. Somos un proxecto no que as mulleres temos oportunidade para decidir”.Tamén pediu a confianza dos maiores, “os nosos referentes que co seu esforzo e sacrificio nos deixaron unha sociedade mellor e para os que queremos que teñan todo o que precisen” como o está a facer o Goberno de Alfonso Rueda atendendo a 74.000 dependentes -fronte aos 16.000 que estaban atendidos polo bipartito- e a pesar de que “o Estado debe a Galicia máis de 2.500 millóns de euros para dependencia”.

Candia pediu o voto para os autónomos e empresarios, “máis pequenos e máis grandes, que demandades celeridade na burocracia, certezas e clarificación na nosa economía”.

Animou á xente moza a confiar no Partido Popular  nunha comunidade na que van ter a gratuidade na primeira matrícula universitaria, un apoio ao emprendemento, programas como o Talento 30, o programa de primeira experiencia na empresa, o Bono Mozo para o inicio da actividade que son medidas para reter o talento mozo e apoiar as súas primeiras experiencias laborais. “Galicia é un lugar excepcional para vivir e traballar. Que non se fíen dos que a critican e desprezan”.

“Precisamente dende o Campus de Lugo quero lembrar o compromiso do presidente Rueda por darlle continuidade ao mapa de titulacións universitarias, ampliándoo ou adaptándoo a unha oferta educativa especializada na agricultura, na gandaría e no sector forestal sustentable”, subliñou xusto antes de lembrar que “foi un presidente da Deputación do PP, Francisco Cacharro, o que fixo posible que existise en Lugo o campus universitario”.“O proxecto do Partido Popular apoia aos nosos gandeiros e agricultores nunha situación na que o Goberno central permite que se lexisle desde un despacho en Bruxelas asfixiándonos con trámites e burocracia”, dixo.

Candia pediu o voto a todos os que “estean convencidos de que as forzas e corpos de seguridade do Estado teñen que ter máis medios e máis seguridade: hai que protexer aos que nos protexen. Uns queren botalos, pero nós precisámolos preto”.

Igualmente, a cabeza de lista do PP lucense pediu a confianza “a quen quere a liberdade de poder elixir o idioma que fala, o deporte que practica… sen sectarismo nin políticas radicais e defendendo que somos lucenses e galegos, a mellor forma de ser españois”.Elena Candia tamén pediu o voto “a aquelas persoas que consideran que en política hai que ser coherentes. E ser coherente é facer o que se di. Non son coherentes no BNG, que critican as listas de espera noutras administracións, pero onde teñen responsabilidade de goberno as persoas que máis o precisan teñen que agardar ata dous meses para ser atendido por un traballador social. Non son coherentes quen defenden os dereitos dos traballadores na rúa, pero nas administracións onde gobernan permiten que un traballador estea encadeado reclamando o cumprimento dunha sentenza firme que recoñece que lle deben máis de 48.000 euros”.

“O teu voto decide continuar avanzando ou quedar á sorte dun pacto do que non coñecemos o seu contido. Pido o voto para afianzar o proxecto de Rueda, unha persoa leal, que escoita e empatiza coa xente” polo  “seu compromiso, a súa capacidade de xestión e por cumprir coa súa palabra. Rueda meréceo e Lugo precísao”, concluíu.

Noticias recomendadas

O PPdeG prepara a campaña das europeas apelando a unha gran mobilización e a un resultado co que “facer oír alta e clara a voz dos galegos en Europa”
A unha semana do inicio da campaña das eleccións europeas, o PPdeG xa ten “a maquinaria perfectamente engraxada” e aos seus equipos preparados para afrontar “con ilusión e confianza” uns
O Parlamento de Galicia esixe ao Goberno de España o traspaso inmediato dos medios materiais e persoais para xestionar a costa galega
O Parlamento de Galicia aprobou hoxe por unanimidade a proposición non de lei do Grupo Popular a través da que se esixe ao Goberno de España o traspaso inmediato dos
O Parlamento pide ao Goberno de España a dotación dos trens Avril suficientes para garantir que o AVE chegue a todas as cidades galegas
O Parlamento de Galicia aprobou hoxe por unanimidade a proposición non de lei do Grupo Popular a través da que se demanda ao Goberno de España a dotación, canto antes,
Para brindar las mejores experiencias, utilizamos tecnologías como cookies para almacenar y/o acceder a la información del dispositivo. El consentimiento para estas tecnologías nos permitirá procesar datos como el comportamiento de navegación o identificaciones únicas en este sitio. No dar su consentimiento o retirarlo puede afectar negativamente a ciertas características y funciones. View more
Cookies settings
Aceptar
Rechazar
Política de Cookies
Privacy & Cookies policy
Cookie name Active
A través da presente Política de Cookies, o PARTIDO POPULAR (en adiante, o PP ou a Entidade) garante o cumprimento da normativa aplicable. A presente Política de Cookies, poderá ser modificada en calquera momento por razóns legais ou normativas, por motivos técnicos ou por cambios na prestación dos servizos do Sitio web. Cando isto ocorra e co obxectivo de avisarlle, publicarémolo no propio Sitio. Se continúa utilizando os servizos do Sitio web, entenderemos que aceptou as modificacións introducidas.

1. Que son as cookies?

Co obxectivo de garantir a súa privacidade, informámoslle que en www.ppdegalicia.com utilizamos cookies que nos permiten facilitarlle o uso e navegación a través da páxina web; garantir o acceso a determinadas funcionalidades e, adicionalmente, axúdannos a mellorar a calidade da páxina de acordo aos hábitos e estilos de navegación dos usuarios. Unha cookie é un ficheiro que se descarga no seu terminal (xa sexa un computador, Smartphone ou tableta) cando accede a unha páxina web e que permite ao titular da devandita páxina almacenar ou recuperar determinada información sobre múltiples variables, por exemplo: o número de veces que a páxina foi visitada polo usuario, identificar o usuario rexistrado, garantir a sesión do usuario mentres navega pola páxina, permitir que se realicen operacións de forma segura e estable, conectar con aplicacións como redes sociais, etc. Como se indicou, as cookies ofrecen información sobre os hábitos de navegación dos usuarios e en consecuencia poden afectar á privacidade dos mesmos, por este motivo, desde o PP queremos ofrecerlle a información necesaria sobre a tipoloxía de cookies utilizada na nosa páxina web, para que vostede teña plena capacidade de decisión en relación ao uso das mesmas e en relación á protección da súa privacidade.

2. Tipoloxía de cookies empregadas

A continuación ofrecémosche información sobre o tipo de cookies utilizadas en www.ppdegalicia.com e a finalidade das mesmas:
  • Cookies de sesión: son un tipo de cookies deseñadas e utilizadas para solicitar e almacenar datos mentres o usuario accede a unha páxina web. Como o seu propio nome indica, estas cookies almacénanse no seu terminal ata que finalice a sesión de navegación do usuario.
  • Cookies analíticas: son un tipo de cookies deseñadas e utilizadas para o seguimento e análise do comportamento dos usuarios. Este tipo de cookies ofrecen ao titular da páxina a medición da actividade no sitio web a través de información agregada ou de carácter estatístico. En www.ppdegalicia.com utilízanse para esta finalidade, as cookies de Google Analytics que teñen distintos prazos de caducidade en función da información que ofrecen á Entidade. Se precisa obter máis información sobre o funcionamento deste tipo de cookies, recomendámoslle que consulte este enlace http://www.google.com/intl/es/analytics/privacyoverview.html Cookies técnicas: Son aquelas que permiten ao usuario a navegación a través da páxina web e a utilización das diferentes opcións ou servizos que nela existen como, por exemplo, controlar o tráfico e a comunicación de datos, utilizar elementos de seguridade durante a navegación, lembrar as preferencias do usuario respecto das cookies, permiten proporcionar a correcta reprodución dos contidos multimedia.

3. Quen utiliza as cookies?

A información que se recaba a través das cookies de www.ppdegalicia.com pode ser utilizada tanto polo titular da páxina web como por terceiros.

4. Xestión das cookies

Tendo en conta a información facilitada a través da presente Política de Cookies, a continuación ofrecémoslle información sobre como pode levar a cabo a xestión das cookies utilizadas en www.ppdegalicia.com a través das diferentes opcións que ofrecen os navegadores máis comúns (Explorer, Firefox e Chrome). Se se impide a instalación de todas as cookies da páxina web, algunhas funcionalidades da mesma, así como algúns contidos poden verse afectados.

Como visualizar as cookies

Para restrinxir ou bloquear as cookies, vostede deberá modificar a configuración do navegador que utilice no seu terminal, xa sexa ordenador, smartphone ou tablet. Con carácter xeral os navegadores ofrecen as seguintes opcións de configuración en relación á instalación de cookies:

Como eliminar as cookies

Para restrinxir ou bloquear as cookies, vostede deberá modificar a configuración do navegador que utilice no seu terminal, xa sexa ordenador, smartphone ou tablet. Con carácter xeral os navegadores ofrecen as seguintes opcións de configuración en relación á instalación de cookies:
  • Que o navegador rexeite todas as cookies e por tanto, que non se instale ningunha cookie de ningunha páxina web no seu terminal.
  • Que o navegador avíselle antes de que se produza a instalación da cookie para que vostede decida se acepta ou non a instalación da mesma.
  • Que o navegador unicamente rexeite as cookies de terceiros dos sitios web que visita pero non as utilizadas polo sitio web polo que vostede navega.
  • A opción de navegación en modo privado mediante a cal, as cookies instálanse no terminal pero elimínase de maneira automática cando finaliza a navegación pola páxina web:
* Google Chrome: https://support.google.com/chrome/answer/95464?hl=es * Mozilla Firefox: https://support.mozilla.org/es/kb/navegacion-privada-navega-en-la-web-sin-guardar-in?redirectlocale=en-US&as=u&redirectslug=Private+Browsing&utm_source=inproduct * Internet Explorer: http://windows.microsoft.com/es-ES/windows-8/help-protect-yourself-ie-10?ocid=IE10_priv_browsing#firstTabControl=tab1 * Safari: http://support.apple.com/kb/PH1191
Save settings
Cookies settings