Román Rodríguez, sobre a proposta dunha ABAU común nas comunidades do PP: “Estamos facendo o que non fai o Goberno á hora de garantir a igualdade de oportunidades dos estudantes”

O responsable de Educación, Ciencia, Universidades e Formación Profesional do Goberno galego, Román Rodríguez, asinou hoxe xunto a outros representantes autonómicos do Partido Popular un acordo para a implantación dunha ABAU común nas comunidades gobernadas polo partido.

“Estamos facendo o que non fai o Goberno de Pedro Sánchez no que se refire a xerar un marco de igualdade de oportunidades para todos os estudantes”, asegurou a este respecto en declaracións aos medios antes de asinar ese acordo no marco do acto Por unha ABAU máis xusta organizado polo PP en Salamanca.

Rodríguez puxo en valor a capacidade de coordinación das 12 comunidades autónomas gobernadas polos populares, que representan ao 70% do alumnado español, e a súa “capacidade para aportar unha serie de criterios comúns en termos de organización, contidos e avaliación para facer unha proba de acceso á universidade máis xusta e que garanta a igualdade”.

De aí o acordo asinado hoxe e que, tal e como defende o responsable desta área no Executivo autonómico, non só “combina o rigor e o respecto á lexislación vixente”, senón que ademais “garante as características específicas de Galicia como é a nosa lingua propia”.

O PPdeG celebra que o Congreso e o Senado avalen as medidas propostas por Galicia ao Goberno central para paliar a falta de médicos

O Partido Popular de Galicia celebra que tanto o Congreso como o Senado avalaran esta semana por maioría o modelo galego de Sanidade, é dicir, as medidas propostas por Galicia ao Goberno central fronte á falta de profesionais sanitarios en Atención Primaria, especialmente no verán.

Os populares presentaron nas Cortes Xerais sendas iniciativas coas que instan ao Executivo a exercer as súas competencias para solucionar a falta de médicos en toda España, tomando como exemplo gran parte das iniciativas de Galicia.

Tanto o Congreso –176 votos a favor— como o Senado –17 votos a favor en Comisión— aprobaron esixir ao Goberno central que traballe para materializar con extrema urxencia medidas de utilidade real fronte á crítica necesidade dos profesionais sanitarios que existe na Atención Primaria, principalmente para os meses do presente verán.

“Debe cesar a inacción da ministra de Sanidade, a sexta da era Sánchez, que segue sen tomar as medidas necesarias dentro das súas competencias, como a formación de especialistas, as convocatorias de prazas MIR e a autorización de unidades formativas”, sinalan desde o PPdeG.

De igual modo, desde o PPdeG esixen que o Goberno priorice solucionar os problemas existentes na homologación de títulos universitarios e especialidades extracomunitarias, así como posibilitar que os médicos internos residentes de cuarto ano que iniciaron a súa formación en 2020 poidan atender este verán, coa supervisión e os apoios pertinentes, aos pacientes que acoden aos centros de Atención Primaria.

Os populares reclámanlle facelo desde o cumprimento rigoroso da normativa e da repartición competencial vixentes, e desde o consenso real coas comunidades autónomas e a coordinación plena cos representantes dos profesionais sanitarios.

SEN APOIO DE PSdeG E BNG

As mocións saíron adiante sen o apoio do PSOE e do BNG, que “nin en Galicia nin en Madrid son quen de apoiar calquera medida, pero despois son os primeiros que se poñen detrás dunha pancarta e saen á rúa a manifestarse”. “Coa Sanidade, como con tantos temas, son os líderes da hipocrisía”, lamentan os populares galegos.

“Deste xeito, as Cortes Xerais lembráronlle á ministra de Sanidade que si ten competencias e que ten que exercelas”, conclúen.

Cómpre lembrar que xa no último Consello Interterritorial de Sanidade, o conselleiro galego sinalou a súa decepción pola mala planificación da formación MIR por parte do Goberno de España e destacou que o modelo galego de planificación do verán permitirá garantir a asistencia sanitaria fronte á inacción do Ministerio de Sanidade.

O Grupo Popular rexistra a solicitude para a creación dunha Comisión de Estudo sobre a reforma do sistema de financiamento autonómico

O Grupo Popular rexistrou esta mañá a solicitude para a creación dunha Comisión de Estudo para abordar a proposta da Comunidade Autónoma de Galicia diante da reforma do sistema de financiamento autonómico, co obxectivo de rematar o traballo iniciado durante a pasada lexislatura, elaborando un ditame que recolla unha visión de conxunto das necesidades específicas de Galicia de cara á futura negociación do novo sistema de financiamento autonómico.

O portavoz popular, Alberto Pazos, informou da designación dos distintos portavoces por Comisións e áreas políticas do grupo parlamentario, unha vez quedou constituído definitivamente logo de que varios conselleiros deixaran a súa acta de deputado. En concreto, dixo que Paula Prado ocuparase da portavocía de Institucional, Administración Xeral, Xustiza e Interior; María Deza encargarase de vivenda; Gonzalo Trenor, de medio ambiente; Roberto Rodríguez, de infraestruturas; Cristina Sanz, de economía, facenda e orzamentos, Cecilia Vázquez, de educación; Carmen Pomar, de cultura e de asuntos relacionados coa CRTVG; Encarna Amigo, de sanidade; Raquel Arias, de política social; Noelia Pérez, de emprego; Rubén Lorenzo, de industria; Miguel Viso, de Medio Rural; e Miguel Fidalgo, de pesca.

“A asunción destas portavocías non supón que calquera deputado poida intervir en calquera asunto que considere do seu interese ou afecte directamente á súa área xeográfica de referencia, xa que son os representantes dos seus veciños neste Parlamento galego e os que mellor coñecen as súas necesidades e problemas”, apuntou Pazos.

Respecto da solicitude de creación da Comisión de Estudo sobre o modelo de financiamento autonómico, o portavoz popular explicou que a previsión é que esta demanda sexa aprobada pola Mesa do Parlamento galego e que a Xunta de Portavoces do vindeiro martes a tome en consideración, de xeito que esta Comisión de Estudo poida constituírse no prazo de tempo máis breve posible.

Así mesmo, Alberto Pazos lembrou que nas sesións desta Comisión de Estudo celebradas a pasada lexislatura xa compareceron expertos en materia de financiamento como Santiago Lago, María Cadaval, Xosé Díaz, Xoaquín Fernández Leiceaga, Bernardo Valdés, Juan Alberto Turnes ou Alberto Vaquero, ademais do propio conselleiro de Facenda, Miguel Corgos; ao tempo que se incorporou unha inxente documentación, que será analizada e estudada para a elaboración do correspondente ditame.

SORPRENDE E PREOCUPA QUE O BNG SIGA PEDINDO O CUPO

O portavoz popular considerou “sorprendente, e ao mesmo tempo preocupante, que o BNG siga a insistir na súa solicitude dun cupo para Galicia, semellante ao do País Vasco ou Navarra, e unha facenda propia, cando a práctica totalidade dos expertos que compareceron na Comisión, a excepción do que propuxeron eles mesmos, se posicionaron en contra do cupo foral e da cesión significativa de máis porcentaxe do imposto sobre a renda”.

“Segundo puxeron de manifesto, estas medidas porían en risco a capacidade de redistribución do Estado de Benestar en España e serían especialmente prexudiciais para Galicia por ter unha renda inferior á media e, por tanto, taxas fiscais máis reducidas, ao tempo que maiores necesidades de gasto dada a dispersión e o maior envellecemento da súa poboación”, lembrou.

Alberto Pazos referiuse a informes elaborados por diversas entidades económicas (como, por exemplo FEDEA ou o propio Ministerio de Facenda) nos que se pon de manifesto que “Galicia é das comunidades autónomas que máis recibe da caixa común do Estado, cun saldo favorable próximo aos 2.500 millóns de euros anuais respecto do que os galegos aportamos á Facenda estatal”.

“Que as contas da leiteira dos nacionalistas galegos non nos leven a engano, porque unha cousa é as necesidades de mellora do financiamento de Galicia para a prestación dos servizos básicos, que o Consello de Contas cifra en máis de mil millóns de euros anuais; e outra, ben diferente, é que o Estado faga caixa con Galicia, como din desde o BNG, xa que é patente que recibimos moito máis do que aportamos á caixa común de todos os españois”, manifestou.

Deste xeito, insistiu que “desde o Grupo Popular imos seguir reclamando unha reforma do sistema de financiamento autonómico, pero non unha reforma bilateral, senón un novo sistema que saia dunha negociación multilateral acordado entre todas as comunidades autónomas, para que sexa xusto e equitativo”. “Unha reforma que non sexa a escusa para ceder á chantaxe e que os socialistas presidan a Generalitat de Cataluña ou que Pedro Sánchez se asegure os votos do independentismo catalán para seguir na Moncloa”, engadiu.

En definitiva, Pazos demandou “unha reforma que saia dun acordo no seo do Consello de Política Fiscal e Financeira, e que teña moi presente o sobrecusto que supón para Galicia a prestación dos servizos básicos dado o envellecemento e a dispersión da súa poboación”.

CONSTITUCIÓN DA COMISIÓN PARA A REFORMA DO HIMNO

Por último, o portavoz popular avanzou que o vindeiro mércores, 3 de xullo, está prevista a constitución da Comisión de estudo sobre a posible modificación do himno. “A partir desa data, quedará pendente a aprobación das normas de funcionamento e do plan de traballo desta comisión, de xeito que, á volta do verán, podamos comezar a traballar e recibir información e aos comparecentes que se consideren oportuno que nos permitan elaborar un ditame sobre o posible cambio da letra dun dos símbolos esenciais de Galicia, como é o noso himno”, apuntou.

Portavocías do Grupo Popular no Parlamento de Galicia

Estes son o deputados e deputadas que ocuparán as nosas portavocías na XII Lexislatura no Parlamento de Galicia:

  • Alberto Pazos Couñago, portavoz do Grupo Popular
  • Paula Prado del Rio, viceportavoz 1ª do Grupo Popular
  • Julio García Comesaña, viceportavoz 2ª do Grupo Popular
  • Cristina Sanz Arias, viceportavoz 3ª do Grupo Popular

1.- Portavocía Comisión 1ª: Paula Prado del Río

  • Área de Administración Local: Argimiro Marnotes
  • Área de Exteriores e Coop: Katy Varela
  • Área de Emigración: Victor Baladrón
  • Área de Deportes: Pablo Prieto

 

2.- Portavocía Comisión 2ª:  María Deza

  • Área de Vivenda e Urbanismo: María Deza
  • Área de Medio Ambiente e Mob. Sostible: Gonzalo Trenor
  • Área de Infraestruturas: Roberto Rodríguez

 

3.- Portavocía Comisión 3ª: Cristina Sanz

  • Área de Facenda: Cristina Sanz
  • Área de AMTEGA: Julio García Comesaña
  • Área de Función Pública: Juan Casares

 

4.- Portavocía Comisión 4ª: Carmen Pomar

  • Área de Educación: Cecilia Vázquez
  • Área de Formación Profesional: Patricia García
  • Área de Cultura: Carmen Pomar
  • Área de Patrimonio e Lingua: José Luis Ferro
  • Área de Ciencia e Innovación: Julio García Comesaña

 

5.- Portavocía Comisión 5ª: Encarna Amigo

  • Área de Sanidade: Encarna Amigo
  • Área de Emprego: Noelia Pérez López
  • Área de Política Social e Igualdade: Raquel Arias
  • Área de Saúde Pública: Dolores Hermelo
  • Área de Xuventude: Nicole Grueira

 

6.- Portavocía Comisión 6ª: Rubén Lorenzo

  • Área de Industria: Rubén Lorenzo
  • Área de Fondos Europeos e Igape: Cristina Sanz
  • Área de Comercio: Felisa Carrera
  • Área de Turismo: Borja Verea

 

7.- Portavocía Comisión 7ª: Miguel Viso

  • Área de Gandería: Enrique Barreiro
  • Área de Incendios: Ángel Conde
  • Área de Forestal: Cristina Campero
  • Área de Viticultura: Juan Casares

 

8.- Portavocía Comisión 8: Miguel Fidalgo

  • Área de Marisqueo: Paula Mouzo
  • Área de Portos: Manuel Santos

 

9.- Portavocía CRTVG: Carmen Pomar Tojo

 

 

10.- Portavocía Consello de Contas: Cristina Sanz

 

Paula Prado: “O Partido Popular é un exemplo para o resto, a mellor opción para gobernar, liderar e trazar un futuro próspero”

A secretaria xeral do PPdeG, Paula Prado, amosou hoxe o seu orgullo de que o seu partido “poida ser un exemplo para o PSdeG e o BNG” na medida en que “alí onde ten a oportunidade, o Partido Popular é a mellor opción para gobernar, liderar e trazar un futuro próspero”.

Nunha rolda de prensa na sede autonómica do partido, a número dous dos populares galegos explicou que votar ao PPdeG é sinónimo de “máis estabilidade, máis sentidiño e mellor xestión” e puxo en valor o encontro do presidente Alfonso Rueda, esta semana, co alcalde de Vigo, un dos máis críticos cos populares.

“A hostilidade por sistema non leva a nada e mesmo prexudica aos veciños da primeira cidade de Galicia. Os vigueses merecen que se poñan sempre os seus intereses por diante e se abandone unha forma de ver a política que é absolutamente estéril”, explicou ao respecto.

Tamén ao fío da actualidade da semana, referiuse ao episodio de “inestabilidade e ruptura” protagonizado en Santiago de Compostela por un PSOE “dividido” e que “puxo os intereses dos composteláns no último lugar da súa listaxe de prioridades”. Algo que, na súa opinión, é “o que acaba pasando cando un partido apoia un Goberno local que ten menos dun terzo do Pleno”.

A secretaria xeral dos populares considera que “para Galicia é unha pena que o socialismo se siga rompendo”, xa que “con hostilidade dentro dun partido, en ningún caso se lle pode aportar algo bo aos galegos e galegas”. Por iso pediu a Besteiro que “colla as rendas do seu partido e deixe de facer seguidismo ao BNG, como se veu primeiro en Santiago e vémolo agora tamén en Ourense, onde se fala de sillóns en lugar de falar dun proxecto de cidade”.

No que respecta ao BNG, Paula Prado puxo en evidencia as consecuencias que ten que seguir pagando o nacionalismo por apoiar a investidura de Pedro Sánchez ata en dúas ocasións. E, neste sentido, afirmou que “Galicia xa non cre ao BNG”.

“Os galegos non cren ningunha das súas propostas, que acaban sempre servindo de muleta ao independentismo catalán e vasco; nin cren na súa representación en Europa, onde se acaban de integrar unha vez máis no Grupo dos Verdes que tanto dano lle fixo á nosa terra en cuestións como a protección do lobo ou o veto á pesca de fondo”, subliñou.

GALICIA ORGULLOSA

Na véspera do Día do Orgullo LGTBI, a secretaria xeral do PPdeG quixo conmemorar esta data reivindicando que “Galicia converteuse nas últimas décadas nun lugar xusto e igualitario, e fíxoo co esforzo e compromiso de todos e todas”.

“O PPdeG vai loitar sempre por consolidar os avances e garantir que non se dá un só paso atrás nos dereitos dos galegos e das galegas”, remarcou ao tempo que reivindicaba a súa convicción nun país “onde todas as persoas poidan construír un proxecto de vida en liberdade e de acordo aos seus valores e a súa expresión”.

Rematou insistindo en que os populares galegos sempre estarán ao carón de quen sofre calquera tipo de discriminación ou delito de odio por razón de orientación sexual e avogando por “unha sociedade onde a convivencia e o respecto sexan valores fundamentais”.

El PP exige al Gobierno que “deje de asfixiar a los profesionales del mar” y defienda al sector en la UE

El Grupo Parlamentario Popular exige al Gobierno que “deje de asfixiar a los profesionales del mar” y defienda al sector, también ante la Unión Europea y autoridades comunitarias. Lo hace a través de sendas mociones aprobadas en la Comisión de Pesca, defendidas por los senadores gallegos Manuel Ruiz Rivas y José Manuel Balseiro.

El portavoz de Pesca del PP, Manuel Ruiz Rivas, pide al Gobierno negociar con la UE la exclusión de la flota artesanal de las exigencias del reglamento de control, con puntos “de difícil cumplimiento, que puede llevarlos, incluso a la pérdida de ayudas europeas para el sector”, afirma.

Asegura que el actual reglamento, que deberá completarse en 2030, contiene exigencias “que plasman el desconocimiento de las autoridades europeas, especialmente de la pesca artesanal”.

Añade que es una normativa que parece ideada desde la “obsesiva idea de que los pescadores son el mayor depredador de los propios recursos que le dan sustento”. Recuerda que el texto provocó movilizaciones y el amarre de la flota como protesta” y pide que se escuche a los “mayores defensores del ecosistema marino, que son los pescadores”.

“El esfuerzo pesquero y su forma de computarlo de acuerdo con el reglamento, puede mejorarse y tener excepciones, como cuando un buque está prestando asistencia a otras embarcaciones”, señala.

Por ello, la moción del PP aprobada hoy, a pesar del voto en contra del PSOE, solicita flexibilizar las consecuencias negativas para la flota del reglamento de control de la pesca, a través desarrollo reglamentario, adaptándolo a las posibilidades de cumplimiento de los buques artesanales.

En este sentido, Ruiz Rivas señala algunas de estas excepciones en aspectos del reglamento, entre otros, los sistemas de identificación automática y su obligatoriedad de tenerlo siempre activo; el diario de pesca, para que se adapte a las características de los buques de menos de 12 metros; así como la regulación de la potencia de los motores que, “aumenta la seguridad de las embarcaciones”, explica.

SARDINA IBÉRICA Y NEGOCIACIÓN DE LAS CUOTAS

Por su parte, el senador por Lugo, José Manuel Balseiro, afirma que la gestión de la pesquería por parte del Gobierno de Sánchez “está siendo caótica” por lo que pide que “se pongan las pilas” y trabajen con sensatez y escuchando a los científicos.

El senador popular y concejal de Cervo defiende el contenido de la moción cuyo objetivo es “dotarnos de los datos y de los argumentos científicos” que permitan corroborar lo que los profesionales de pesca están comprobando: “que la situación de la sardina ibérica es de abundancia”.

En este sentido, señala que la propuesta del PP plantea definir “con conocimiento y aportación del sector pesquero” del Cantábrico y el Golfo de Cádiz, una medida de seguimiento de la especie por parte del Instituto Español de Oceanografía, que lleve a una mejora del conocimiento de la dinámica de la población de la especie en las zonas CIEM 8C y 9ª.

Critica la disminución de la cuota de captura de sardina ibérica en 12.000 toneladas (un 21,5% con respecto a 2023), plasmada en el borrador del Ministerio de Agricultura, Pesca y Alimentación, en base al acuerdo entre España y Portugal.

Así, recuerda que la moción plantea la colaboración con el país vecino para establecer una línea de defensa de los datos obtenidos ante el Consejo Internacional para la Exploración del Mar y la Comisión Europea, que conduzca a una mejora del nivel de cuota de pesca establecida en el plan de gestión acordado y lamenta la falta de apoyo del PSOE.

“El segundo paso es poder dirigirnos con respaldo de la ciencia” a los organismos comunitarios y defender un aumento de las posibilidades de pesca de la sardina ibérica, asegura Balseiro.

Añade que debe ser un aumento que no esté condicionado “a intercambios” de cuota con Portugal ni de las limitaciones que se “autoimpone” el propio sector.

“No hay nadie más interesado en un mar sostenible y con futuro que los profesionales de la pesca”, reitera Balseiro, y advierte que “el ecologismo mal entendido se combate con información y ciencia”, concluye.

O Parlamento de Galicia solicita que Xunta, deputacións e concellos colaboren na posta en marcha do Plan de pistas abertas

O Pleno do Parlamento de Galicia aprobou hoxe a proposición non de lei do Grupo Popular a través da que se insta á Xunta a que, en colaboración con concellos e deputacións, desenvolva o Plan de Pistas Abertas a fin de poñer a disposición de clubs e familias as instalacións deportivas escolares e así contribuír a fomentar a práctica de exercicio físico, así como a un aproveitamento máis eficiente dos recursos e instalacións das administracións públicas.

O portavoz de Deportes do Grupo Popular, Pablo Prieto, sinalou que “o Partido Popular sempre tivo claro os beneficios que o deporte ten na sociedade e por iso sempre apostou desde a Xunta por favorecer a práctica deportiva desde as idades máis temperás ata as máis avanzadas”.

UN PASO MÁIS

En concreto, citou iniciativas postas en marcha pola Xunta, como o Bono Deporte, o Bono Actívate ou o Plan Xogade, ao tempo que se mantén a mellora das dotacións de equipamentos e a creación e mellora de infraestruturas deportivas. “Ademais, un ano máis, se publicarán as subvencións, por un importe de case 6 millóns de euros, para crear e mellorar infraestruturas deportivas de titularidade municipal e dotalas de equipamento”, engadiu Pablo Prieto.

“Agora queremos dar un paso máis creando as condicións para que a poboación galega goce dunha vida máis activa desde a infancia ata a vellez, ao tempo que se fai un aproveitamento efectivo de todo ese gran potencial que representan as infraestruturas e instalacións deportivas dos nosos centros educativos”, sinalou.

Deste xeito, subliñou que “un dos compromisos do PPdeG asumidos nas pasadas eleccións autonómicas foi o Plan de Pistas Abertas, co que se pretende poñer a disposición de clubs e familias as instalacións deportivas escolares”.

“Para iso, pedimos á Xunta que lidere este programa para o que é imprescindible a colaboración doutras administracións, nomeadamente os concellos”, dixo o portavoz popular. Así, explicou que a disposición da Xunta debe ser ceder o uso das instalacións deportivas dos centros educativos da súa competencia e encargarse da súa conservación e mantemento ante o incremento de uso das instalacións que este plan implica, polo que pediu “un esforzo para negociar coa Fegamp un convenio marco no que se establezan as condicións a cumprir polas partes e para que desde a propia federación de municipios se inste aos concellos a sumarse a este acordo que redundará en beneficio de toda a cidadanía”.

PROMOCIÓN DO DEPORTE FEMININO

Por outra banda, o Pleno do Parlamento galego tamén aprobou por unanimidade unha proposición non de lei relacionada coa promoción do deporte feminino logo dunha transacción entre o Grupo Popular e o Grupo Socialista. En concreto, pídese que a Xunta dea cumprimento aos artigos 71 e 72 da Lei 7/2023, para a igualdade efectiva de mulleres e homes de Galicia, ao tempo que atribúa regulamentariamente ao Observatorio da Imaxe da Muller a obriga de potenciar a imaxe da muller e o deporte e a participación das mulleres en actividades físico deportivas.

Ademais, pídese que o ente público de Corporación Radio e Televisión de Galicia, dentro da Comisión de Igualdade, impulse unha maior visibilidade das competicións e o deporte feminino na programación e nos informativos; reforce a formación de todos os profesionais da corporación en materia de igualdade co obxecto de incluír unha perspectiva de xénero nas informacións; e promova a adscrición interna do persoal con formación ou experiencia acreditada no campo do deporte feminino aos servizos de deportes, respectando a selección normativa laboral vixente.

O Parlamento de Galicia pide ao Goberno central que a Xunta participe nos órganos de goberno da AESIA de A Coruña

O Pleno do Parlamento de Galicia aprobou hoxe por unanimidade a proposición non de lei do Grupo Popular a través da que se solicita ao Goberno de España, unha vez constituída a Axencia Española de Supervisión da Intelixencia Artificial (AESIA) na súa sede de A Coruña, que conte coa participación de Galicia e do resto de comunidades autónomas nos seus órganos de goberno. Así mesmo, pídese á Xunta que proceda a reformular a Estratexia Galega de Intelixencia Artificial 2030, previsto para o ano 2025, e os programas sectoriais e proxectos de IA en Galicia, de forma que nos permita aproveitar a oportunidade da localización da AESIA en A Coruña para consolidar un ecosistema que facilite a implantación de empresas tecnolóxicas e retención e atracción de talento na Comunidade galega.

O viceportavoz do Grupo Popular, Julio García Comesaña, lamentou o atraso co que o Goberno de Pedro Sánchez está a proceder para a implantación da AESIA en A Coruña, xa que o decreto que aprobaba o estatuto desta axencia publicado o pasado mes de setembro se establecía que a constitución do seu Consello Reitor tería lugar no prazo de tres meses. “Curiosamente, a semana pasada, coincidindo co anuncio de debate desta proposición non de lei, o ministro para a Transformación Dixital visitou A Coruña para anunciar as funcións, o logo e o inicio da confección da plantilla de persoal da AESIA, un anuncio realizado sen ningún tipo de representación da Xunta, a pesar de que leva meses reiterando o seu ofrecemento de colaboración e amosando a súa posición a favor de que as diferentes comunidades participen de forma activa ou directa na xestión da axencia”, sinalou.

García Comesaña lembrou que a Xunta, a través da Amtega, xa expresara no mes de marzo de 2023 a súa firme convicción de que as comunidades autónomas formaran parte dos órganos de goberno da futura AESIA. “Consideraba, e segue a considerar, que a participación das comunidades autónomas é crucial, dadas as súas competencias en áreas fundamentais como a saúde, educación, emprego ou política social, entre outras”, dixo.

A maiores, o conselleiro de Facenda do Goberno galego tamén defendeu o pasado 14 de xuño na Conferencia Sectorial sobre transformación dixital que as comunidades autónomas teñan unha participación directa e activa na cogobernanza da Axencia Estatal de Supervisión da Intelixencia Artificial de A Coruña, do mesmo xeito que acontece na Axencia Estatal da Administración Tributaria, a Axencia Española do Medicamento, a Axencia Española de Seguridade Alimentaria e Nutrición ou na Axencia Española de Protección de Datos, entre outras. Nesta mesma reunión, a maior parte dos representantes autonómicos trasladaron ao ministro o seu malestar polo feito de que as comunidades autónomas non foran consultadas para a elaboración da nova Estratexia de Intelixencia Artificial do Estado.

O viceportavoz popular salientou o compromiso da Xunta coa regulación responsable da intelixencia artificial e mostra disto é a elaboración dunha lexislación propia sobre o uso da intelixencia artificial no sector público autonómico, co obxectivo de garantir un uso ético e seguro da IA en todas as esferas da administración autonómica.

O Grupo Popular avoga no Pleno por finalizar os traballos da comisión parlamentaria de estudo sobre a reforma do financiamento das CCAA

O portavoz do Grupo Popular, Alberto Pazos, afirmou hoxe no Pleno do Parlamento galego que “compartimos co BNG a necesidade de finalizar os traballos da comisión parlamentaria de estudo para abordar a proposta de Galicia ante a reforma do sistema de financiamento das comunidades autónomas, co fin de alcanzar un posicionamento coherente coas achegas realizadas polos expertos que alí compareceron”.

“Para traballar nun ditame que responda ás necesidades reais de Galicia e coherente cos traballos técnicos realizados polos expertos designados polas comunidades autónomas, conten do Partido Popular de Galicia; pero para iniciar unha sucesión de reunións bilaterais que so retrasarían alcanzar o consenso que estamos reivindicando, non conten con nós”, indicou Pazos.

NIN CONCERTO PARA GALICIA, NIN TARIFA ELÉCTRICA GALEGA

Neste sentido, lembrou que “ninguén dos que participaron nesta Comisión de Estudo respaldou a reivindicación nacionalista dun concerto económico galego, que sería ruinoso para Galicia, ao igual que ninguén apoia a súa fantasmagórica tarifa eléctrica galega”.

Alberto Pazos sinalou que “Galicia precisa dun novo modelo de financiamento que atenda de forma axeitada as peculiaridades na Comunidade galega e o sobrecusto que supoñen envellecemento e dispersión á hora de prestar servizos básicos”. Así, lembrou que “este infrafinanciamento de Galicia vén causado por un sistema inxusto e ineficiente, que ten a súa orixe nunha negociación bilateral entre o Goberno de Zapatero e o seu socio de goberno en Cataluña: ERC”.

“Aquel acordo non contou co apoio do PP nin coa aquiescencia da Xunta, ata o punto que fomos ameazados, xunto con outras comunidades autónomas rebeldes, con seguir recibindo o previsto no anterior sistema, comparativamente, aínda máis lesivo”, recordou.

O portavoz popular criticou que, “15 anos despois, os mesmos actores tentan convencernos das bondades dunha negociación bilateral con Cataluña cos mesmos argumentos maniqueos que nos condenaron á inxusta situación actual”. Pero, subliñou que “hoxe en España non se está a negociar un novo modelo de financiamento, senón un pacto de investidura que leve ao señor Illa á Presidencia da Generalitat, aínda que sexa a costa dos demais territorios do Estado”.

O Grupo Popular cualifica de “chapuza” a proposición de lei do BNG de crear unha empresa pública de enerxía renovable en Galicia

O portavoz de Industria do Grupo Popular, Rubén Lorenzo, afirmou hoxe no Pleno do Parlamento galego que a proposición de Lei do BNG para a creación dunha empresa pública de enerxía renovable en Galicia “é unha chapuza porque na súa maior parte é unha norma en branco, baleira de contido e con simples remisións á normativa de aplicación”.

“No BNG son especialistas en discursos simplistas, facendo ver á cidadanía que todo se arranxa co soberanismo independentista e o autogoberno, indo a contracorrente nun mundo que cada vez máis debe ser pensado dun xeito global”, sinalou Rubén Lorenzo.

En concreto, cuestionou aos nacionalistas “como pretenden poder optar a participar ou desenvolver proxectos enerxéticos propoñendo que o capital social da empresa pública sexa de 50.000 euros”. Neste sentido, lembrou que a participación da Xunta na sociedade mercantil Recursos de Galicia, que ten 15 millóns de euros de capital social, é do 30 por cento actualmente, e ten unha capacidade de financiar proxectos mediante pancas financeiras cun importante investimento.

APROVEITAMENTO DOS RECURSOS NATURAIS

En canto ao obxecto e finalidade da suposta empresa pública de enerxía, Rubén Lorenzo indicou que “son obxectivos aliñados co que promove a futura Lei de promoción dos beneficios sociais e económicos dos proxectos que utilizan os recursos naturais de Galicia”, polo que considerou “contraditorio criticar este proxecto de lei e inmediatamente despois defender unha empresa que persegue o mesmo fin”.

“Non imos pechar a porta da participación nos proxectos de aproveitamento dos recursos naturais aos grandes empresarios de Galicia, nin ás pemes, nin aos pequenos investidores, nin aos mariñeiros, nin ás comunidades de montes, nin ás agrupacións veciñais, entre outros moitos “, sinalou.