Santiago, 27 de febreiro de 2018.- O Grupo Popular defenderá no Pleno da vindeira semana unha proposición non de lei a través da que se insta á Xunta a afondar na transformación dos valores que reproducen a desigualdade de xénero, intensificando as accións contra a fenda salarial e pola igualdade efectiva no traballo. Así mesmo, demandará á Xunta a ampliación do programa galego de pacientes polimedicados, a través de novas estratexias de xestión e da formación dos profesionais.
O PPdeG demanda ao Goberno central que permita aos concellos utilizar os remanentes de tesourería para devolver as plusvalías municipais mal cobradas
Santiago, 26 de febreiro de 2018.- O Grupo Popular vén de rexistrar unha proposición non de lei a través da que se solicita ao Goberno central que permita aos concellos utilizar os seus remanentes de tesourería positivos para a devolución do Imposto sobre o incremento do valor dos terreos de natureza urbana indebidamente cobrado.
O Parlamento aproba, a través dunha emenda do GPP, dirixirse ás empresas de enerxía eléctrica para que teñan en conta nos seus plans a singularidade e necesidades do rural galego
Santiago, 26 de febreiro de 2018.- O Parlamento de Galicia aprobou hoxe, a través dunha emenda de substitución do Grupo Popular, que o Goberno galego se dirixa ás empresas
subministradoras de enerxía eléctrica co fin de que os plans de investimentos anuais contemplen específicamente a singularidade e necesidades do rural galego, para continuar a mellora da calidade da subministración eléctrica.
Tellado: “Se a economía está despegando grazas aos Orzamentos da Xunta, imaxinen se ademais tivésemos un modelo de financiamento xusto”
Santiago, 23 de febreiro de 2018.- O secretario xeral dos populares galegos, Miguel Tellado, apuntou que, “se a economía está despegando grazas aos Orzamentos da Xunta, imaxinen se ademais tivésemos un modelo de financiamento xusto”.
O deputado Carlos Gómez Salgado salienta que a Xunta leva abonado 160 millóns das axudas da PAC, un 15% máis que o ano anterior
Santiago, 23 de febreiro de 2018.- O deputado do Grupo Popular Carlos Gómez Salgado afirmou hoxe que a Xunta de Galicia leva abonado cerca de 160 millóns de euros das axudas da Política Agraria Común correspondentes a 2017, o que supón un incremento do 15 por cento respecto do ano anterior.
César Fernández salienta que máis de 1.100 alumnos de León e Zamora reciban ensino de galego durante o presente curso
Santiago, 22 de febreiro de 2018.- O portavoz de Educación do Grupo Popular, César Fernández Gil, cifrou hoxe no Parlamento en máis de 1.100 os alumnos de centros de ensino de Castela e León que reciben ensino de galego no Bierzo e Sanabria. “A valoración deste programa, que leva 17 anos funcionando é positiva tanto polo interese do alumnado pola lingua galega como pola colaboración do resto do profesorado e dos equipos directivos dos centros”.
O GPP rexeita a folga do 8 de marzo porque aposta polo enfrontamento e é elitista, insolidaria e irresponsable
Santiago, 21 de febreiro de 2018.- “Desde o Grupo Popular rexeitamos a folga convocada para o vindeiro 8 de marzo porque aposta polo enfrontamento entre mulleres e homes; por ser elitista e insolidaria; e porque é irresponsable”, explicou hoxe no Parlamento a viceportavoz popular, Paula Prado. Neste sentido, apuntou que “nós seguiremos reivindicando a igualdade de oportunidades e facendo propostas en positivo que melloren a situación das mulleres”.
O Parlamento insta á Xunta a presentar o balance do III Plan Director da Cooperación Galega e presentar o IV Plan Director para o período 2018-2020
Santiago, 21 de febreiro de 2018.- O Parlamento de Galicia aprobou hoxe, a instancias do Grupo Popular, solicitar á Xunta que presente no primeiro cuadrimestre deste ano un balance da execución do III Plan Director da Cooperación Galega 2014-2017, así como elaborar o IV Plan Director para o período 2018-2021.
O Parlamento insta á Xunta a incluír a construción modular de vivenda no seu programa de promoción pública
Santiago, 21 de febreiro de 2018.- O Parlamento de Galicia aprobou hoxe a proposición non de lei do Grupo Popular a través da que se insta á Xunta de Galicia a incluír a construción modular de vivendas dentro do seu programa de vivenda de promoción pública, co obxectivo de avanzar na industrialización dos procesos de construción de vivendas e reducir prazos no proceso de construción de novas vivendas para os sectores máis desfavorecidos da poboación.
O Parlamento aproba de xeito unánime unha proposición non de lei para que o Goberno central amplíe o listado de enfermidades consideradas raras e graves
Santiago, 21 de febreiro de 2018.- O Parlamento galego aprobou hoxe a proposición non de lei conxunta dos catro grupos parlamentarios, impulsada pola Federación Galega de Enfermidades Raras e Crónicas (Fegerec), a través da que se solicita ao Goberno do Estado a ampliación do listado de enfermidades contempladas no anexo do Real Decreto 1148/2011, de forma que inclúa aquelas enfermidades minoritarias consideras graves non incluídas no listado actual, así como os casos graves que estean no proceso de busca de diagnóstico dunha enfermidade rara.
Así mesmo, demándase que o Goberno central efectúe os cambios pertinentes neste Real Decreto para especificar criterios que definan o que se entende por “coidado directo, continuo e permanente”, xa que é un aspecto básico no que se fundamenta a resolución da prestación.
O portavoz de Sanidade do Grupo Popular, Aurelio Núñez, explicou que “as patoloxías pouco frecuentes afectan a moitas persoas, xa que segundo a Organización Mundial da Saúde xa están recoñecidas unhas 7.000 enfermidades raras, que as estatísticas afirman que poden alcanzar a un 7 por cento da poboación”. “Se aplicamos esa cifra ao total da poboación española, poderíamos deducir que uns tres millóns de persoas poden padecer unha enfermidade rara no noso país, polo que calquera de nós pode sufrir unha enfermidade rara en calquera etapa da súa vida”, apuntou.