Santiago, 17 de decembro de 2019.- O Parlamento de Galicia aprobou hoxe a Lei de regulación do aproveitamento lúdico das augas termais de Galicia, que “nace para cubrir un baleiro legal existente na actualidade e permitirá impulsar o crecemento deste sector dun xeito ordenado, á vez que outorgará confianza e seguridade tanto ás instalacións como aos usuarios”, manifestou a portavoz de Turismo do Grupo Popular, Cristina Romero.
O Parlamento galego aproba a Lei de acompañamento dos orzamentos, con baixadas de impostos e actualización de taxas administrativas
Santiago, 17 de decembro de 2019.- O Parlamento galego aprobou esta tarde a Lei de medidas fiscais e administrativas que acompaña aos orzamentos da Xunta para 2020, unha norma que “permite a baixada de impostos e a actualización das taxas administrativas, ademais de resolver cuestións que están dificultando a aplicación dalgunha outra normativa e permite axilizar trámites que melloran a relación da cidadanía coa Administración”.
O Parlamento galego aproba os orzamentos da Xunta para 2020, que permitirán “seguir medrando, creando emprego, garantindo os servizos públicos e minimizar o endebedamento”
Santiago, 17 de decembro de 2019.- O Parlamento de Galicia aprobou hoxe os orzamentos da Xunta para 2020, que, “pese ao momento incerto e con perspectivas complicadas a nivel nacional e internacional que estamos vivindo, permitirán seguir medrando, creando emprego, garantindo os servizos públicos e minimizando o endebedamento”, salientou o portavoz do Grupo Popular, Pedro Puy.
O PPdeG incidirá no Pleno en que o Goberno central pague a Galicia o que lle debe do IVE e as compensacións por ser unha comunidade cumpridora
Santiago, 16 de decembro de 2019.- O Grupo Popular insistirá no Pleno de mañá que o Goberno central abone a Galicia a débeda de 200 millóns de euros da mensualidade do IVE de 2017 e os 170 millóns de euros das compensacións por ser unha comunidade cumpridora nos obxectivos de sustentabilidade financeira.
O PPdeG afirma que a Xunta está a tramitar unha nova orde de axudas para investimentos non produtivos nos concellos da Rede Natura 2000
Santiago, 13 de decembro de 2019.- O portavoz do Medio Rural do Grupo Popular, Moisés Blanco, afirmou hoxe no Parlamento que a Xunta xa traballa na tramitación dunha nova orde de axudas para os anos 2020 e 2021 para investimentos non produtivos vinculadas á realización de obxectivos agroambientais e climáticos nos concellos incluídos na Rede Natura 2000.
Tellado: “O compromiso do Goberno de que as obras do AVE a Galicia acaben a finais de 2019 non se vai cumprir”
13, decembro, 2019. O secretario xeral do PPdeG, Miguel Tellado, asegurou que o compromiso do Goberno de que as obras do AVE a Galicia acaben a finais de 2019 non se vai cumprir.
O Grupo Popular salienta que 110.000 estudantes galegos se benefician este ano do programa Edulingüe
Santiago, 13 de decembro de 2019.- A portavoz de Educación do Grupo Popular, María Antón Vilasánchez, salientou hoxe que o programa Edulingüe de potenciación das linguas estranxeiras “chegará neste curso a cerca de 110.000 estudantes de infantil, bacharelato e formación profesional, o que representa máis do 31 por cento do alumnado galego”.
O Grupo Popular afirma que a dotación de servizos e persoal está axustada ás necesidades da poboación de Laracha
Santiago, 12 de decembro de 2019.- O portavoz de Sanidade do Grupo Popular, Aurelio Núñez Centeno, afirmou hoxe que “a dotación de servizos e persoal está axustada ás necesidades sanitarias da poboación do concello de Laracha” e incidiu que “os problemas puntuais de substitucións do persoal médico veñen derivados do paro cero en medicina de familia e pediatría, que se solucionan dentro das posibilidades de atopar persoal en cada momento”.
O Parlamento galego demanda ao Goberno central que recupere as axudas para atención a MENAS
Santiago, 12 de decembro de 2019.- O Parlamento galego aprobou hoxe a proposición non de lei do Grupo Popular a través da que se pide ao Goberno central o reforzo dos seus programas para a inclusión social dos colectivos máis vulnerables, en particular recuperando as axudas para a atención e a acollida de menores estranxeiros non acompañados en Galicia e incrementando as contías destinadas ao Plan Concertado e ao Plan de desenvolvemento xitano para poder atender a demanda actual de servizos sociais.
O Parlamento galego demanda a elaboración dunha guía con actuacións para acadar vivendas intelixentes
Santiago, 12 de decembro de 2019.- O Parlamento de Galicia aprobou hoxe a proposición non de lei do Grupo Popular a través da que se insta a Xunta a elaborar unha guía con actuacións para acadar vivendas intelixentes, con especial orientación a mellora dos aspectos de sostenibilidade e eficiencia enerxética das mesmas.