Categoría: Parlamento de Galicia

O portavoz de Mobilidade do Grupo Popular, Gonzalo Trenor, salientou hoxe no Pleno do Parlamento galego que “os atrasos, a falta de prazas ou as avarías son a excepción no transporte interurbano de competencia da Xunta de Galicia”.

“Seguimos avanzando na consecución dun modelo de mobilidade optimizado, moderno, intelixente e responsables coa poboación galega e co medio natural”, que na actualidade xa conta con máis de 3.700 rutas, máis de 56.000 paradas, máis de 20 millóns de horarios e máis de 2,3 millóns de servizos ao ano.

REFERENTE

Gonzalo Trenor salientou que o transporte público de Galicia “é un referente entre o resto de comunidades autónomas, como pioneiro na renovación do transporte público interurbano, polos máis de 140 millóns de euros anuais que se dedican a financialo e polo marcado carácter social co que se aborda a mobilidade”.

Porén, ironizou con que tanto BNG como o PSdeG “non poñan en práctica nas cidades nas que gobernan as brillantes ideas que din que teñen para o transporte público” e criticou a situación na que se atopan os servizos que prestan desde nos concellos de Pontevedra, onde segue a ser a Xunta a que presta o transporte urbano; Santiago, onde aínda non renovaron o contrato; Lugo ou A Coruña, onde a previsión é que o contrato estea en situación irregular alomenos ata 2026.

O portavoz do Grupo Popular, Alberto Pazos, asegurou hoxe no Pleno do Parlamento galego que “non existe sobrecusto no Hospital Álvaro Cunqueiro, nin trato de favor a Eulen, nin unha soa sospeita fundada de irregularidade na contratación da Xunta durante a pandemia”, polo que animou ao BNG a constituír unha comisión de investigación “porque, de non levalo a cabo, estaría facendo gala dunha incoherencia política inasubmible e demostraría que o único que os nacionalistas poden aportar a Galicia é mentira, difamación e covardía política”.

Alberto Pazos criticou que “a señora Pontón, ao volante da máquina do fango, e co señor Besteiro no asento do copiloto, pretende enlamar a política galega espallando manipulación, bulos e fake news, coa esperanza de que iso sirva para tapar o seu enésimo fracaso electoral”. “Xa perdemos a conta das comisións de investigación formuladas pola oposición polas máis variopintas razóns, pero nin unha soa vez tiveron a coherencia e as agallas de facer uso da potestade que lles outorga o regulación deste Parlamento para constituír unha comisión de investigación automaticamente, sen apoio de ninguén e sen necesidade de votación”, lembrou.

UN DOS MELLORES HOSPITAIS DE EUROPA

Na súa intervención, considerou “unha vergoña que se atrevan a criticar a este goberno por construír durante a crise o hospital público que vostedes non foron quen de iniciar en plena bonanza económica”, ao que engadiu que “resulta dun mastodóntico cinismo que critiquen o método usado para financialo cando é similar ao escollido polo seu goberno bipartito”, como o demostrou cunha carta da asesoría Garrigues reclamando o pago polos servizos prestados para a realización dunha memoria na que se concretaba que o proxecto do hospital de Vigo tería unha participación pública do 10 por cento e tería externalizados todos os servizos non sanitarios.

“Afortunadamente, a demagoxia do Goberno bipartito foi substituída pola seriedade dun Goberno do PPdeG, que foi capaz de axustar as contas públicas, sen facer esas renuncias, ao tempo que poñía a disposición dos galegos un dos mellores hospitais de Europa”, destacou.

Respecto das contratacións da Xunta coa empresa Eulen, o portavoz popular reiterou os datos oficiais extraídos da plataforma e do rexistro de contratos da Xunta, que xa foron facilitados polo Goberno galego ao Parlamento galego en 2022, nos que se pon de manifesto unha redución do 65 por cento da contratación con esta empresa por parte do primeiro Goberno de Feijóo respecto do Goberno bipartito de socialistas e nacionalistas.

NIN UN SÓ REPARO DE LEGALIDADE

Por último, sobre as contratacións realizadas durante a pandemia da Covid-19, Pazos lembrou que “xa foi fiscalizada polo Consello de Contas, sen realizar nin un só reparo de legalidade”. “Sabendo isto, desde o BNG espallaron sospeitas de enriquecemento persoal do Presidente Feijóo durante a pandemia”, criticou o portavoz popular, quen cualificou de “noxento que aínda non se desculparan por tan baixeza”.

Alberto Pazos rematou asegurando que “os admiradores do exemplar sistema electoral bolivariano pretenden importar ao noso país a metodoloxía do réxime de Maduro, convenientemente adaptada á realidade española”, porque “ante a acumulación de casos de corrupción no entorno máis próximo ao Presidente do Goberno de España, a esquerda, tanto nacionalistas como socialistas, néganse a dar calquera explicación ao tempo que esixe que se investigue ao xefe da oposición”.

O Grupo Popular proporá ao maxistrado Andrés Lago Louro como novo membro do Consello Consultivo de Galicia, en substitución de José Luís Costa Pillado, recentemente nomeado vogal do Consello Xeral do Poder Xudicial. Así mesmo, o portavoz popular, Alberto Pazos, salientou que a Comisión Europea recoñecera que o proxecto industrial de Altri en Palas de Rei cumpre a normativa ambiental, co que “pouco a pouco vanse botando abaixo todas as demagoxias que están espallando o BNG e os seus satélites políticos e sociais sobre este proxecto industrial, e desde o Grupo Popular pedímoslles que deixen traballar tranquila e libremente aos técnicos que están estudando o proxecto, para que elaboren os seus informes e as súas conclusións sobre os efectos que terá para o medioambiente e a economía de Galicia”.

Natural de Louro, en Muros, Andrés Lago Louro é licenciado en Dereito pola Universidade de Santiago e conta cun máster en Dereito Xudicial, que lle permitiu o acceso á carreira xudicial e fiscal con só 29 anos de idade. Comezou a súa tarefa profesional como xuíz adxunto no Xulgado de Ordes, ata que, en novembro de 2004, tomou posesión como xuíz titular do Xulgado de Primeira Instancia e Instrución de Cistierna, en León.

Posteriormente, retornou a Galicia para exercer como xuíz titular do Xulgado de Primeira Instancia e Instrución de Corcubión, desde onde en 2013 se trasladou a Santiago onde vén desenvolvendo a súa actividade profesional ata a actualidade. En Compostela, estivo á fronte dos Xulgados de Instrución número 3 (onde instruíu casos de especial relevancia como o relacionado co accidente do tren Alvia) e de Primeira Instancia número 5.

Ao longo da súa extensa traxectoria, Andrés Lago Louro é na actualidade Xuíz Decano dos xulgados de Santiago, co respaldo unánime de todos los maxistrados e maxistradas que ocupan cargos neste partido xudicial; e actúa como coordinador da Escola Xudicial de Galicia. Por último, no apartado de formación, é un activo colaborador na formación de novos letrados e letradas co Colexio de Avogados de Santiago e coa Escola de Práctica Xurídica da Universidade de Santiago, ao tempo que conta cos títulos de experto en Dereito Civil de Galicia e de linguaxe xurídica.

Alberto Pazos manifestou que “estamos a falar dun maxistrado con competencia e experiencia máis que suficiente para ocupar a vacante existente no Consello Consultivo de Galicia, relevando do mellor xeito a quen ocupou este cargo ata hai ben pouco: o maxistrado José Luís Costa Pillado”.

TRAMITACIÓN ABSOLUTAMENTE GARANTISTA

Respecto da resposta que recibiu o BNG da Comisión Europea sobre a avaliación ambiental desta iniciativa industrial, o portavoz popular subliñou que “deixa claro que ‘non observa ningunha infracción da Directiva sobre emisións industriais ou da Directiva sobre a avaliación do impacto ambiental’, o que debería poñer fin aos intentos dos nacionalistas galegos e os seus satélites por contar co apoio europeo na súa loita contra o proxecto de Altri”.

“Queda claro que o único obxectivo que buscan os nacionalistas galegos e a súa eurodeputada a tempo parcial en Bruxelas é poñer todas as trabas que poidan para que o proxecto de Altri non sexa unha realidade e sirva de impulso económico para Galicia e, especialmente, para o interior da nosa comunidade”, sinalou.

Alberto Pazos afirmou que “as cousas estanse a facer ben e este proxecto está a ser sometido a unha tramitación absolutamente garantista e contará con todos os informes sectoriais pertinentes para garantir que cumpre e respecta estritamente a lexislación vixente”.

Pero, relacionado con esta tramitación, Pazos apuntou que a Comisión Europea tamén deixa clara na súa resposta que “o máis eficaz, ao menos nesta fase inicial, sería plantexar a pregunta que fai o BNG ás autoridades dos Estados membros, neste caso ao Goberno de España, que son as principais responsables de garantir o cumprimento do dereito da Unión Europea”

“É dicir, o Goberno de Pedro Sánchez tamén é quen e se debe pronunciar sobre o impacto ambiental do proxecto de Altri, pero, lamentablemente, a día de hoxe nin está nin se lle espera, tanto para axilizar a tramitación do proxecto como para concederlle os fondos europeos necesarios para facelo realidade”, criticou.

NEGOCIACIÓN MULTILATERAL DO FINANCIAMENTO

Para rematar, e coincidindo coa xuntanza que no día de hoxe celebran en Madrid os presidentes autonómicos do Partido Popular, Alberto Pazos considerou “intolerable que Pedro Sánchez anuncie agora que todas as comunidades autónomas van recibir máis cartos do que o facían co Goberno de Mariano Rajoy, porque todo o mundo é consciente que nin o PIB estatal é o mesmo que hai 6 anos nin os ingresos do Estado por impostos son os mesmos, porque ambas cousas se teñen incrementado considerablemente, o que en consecuencia debe vir aparellado cun incremento do financiamento que reciben as comunidades autónomas”.

“O que estamos a denunciar é o trato de privilexio que o Goberno de Pedro Sánchez está a dar a Cataluña e aos independentistas cataláns para conseguir que Salvador Illa fose o Presidente da Generalitat e el mesmo siga como Presidente do Goberno de España”, dixo o portavoz popular, quen reiterou que “o novo financiamento autonómico debe nacer dunha negociación multilateral na que estean presentes todas as comunidades autónomas en pe de igualdade, e o mellor lugar para iniciar esta negociación é nunha Conferencia de Presidentes”.

Ademais, cuestionou “cando ten pensado Pedro Sánchez levantarlle o veto ao Presidente da Xunta, Alfonso Rueda, e recibilo na Moncloa para que lle poida trasladar directamente as necesidades de Galicia?”, lembrando que “xa pasaron cinco meses desde a toma de posesión de Rueda como Presidente da Xunta e seguimos á espera de que Pedro Sánchez teña a ben recibilo, namentres xa pasaron polo seu despacho outros novos presidentes autonómicos, como o lehendakari ou o presidente de Catalunya, que tomaron posesión moito despois que Alfonso Rueda”.

O Grupo Popular esixe á voceira nacional do BNG, Ana Pontón, o cese inmediato do seu deputado Luis Bará polas noxentas declaracións machistas que realizou esta mañá ao menosprezar a competencia e o currículo profesional da nova directora xeral de Calidade Ambiental da Xunta de Galicia, así como a súa independencia á hora de adoptar as decisións oportunas e necesarias desde o seu novo cargo en beneficio de todos os galegos.

Resulta inconcibible que quen se vangloria de feminista e defensora dos dereitos das mulleres teña ao seu carón no seu partido e no Parlamento de Galicia ao señor Luís Bará, quen parece que aínda segue pensando no sometemento e na obediencia debida das mulleres aos homes en todos os aspectos da vida.

Desde o Grupo Popular consideramos que este tipo de declaracións non axudan en absoluto ao traballo que se desenvolve pola igualdade entre as mulleres e os homes desde todos os organismos públicos e privados, algo no que o Parlamento de Galicia, e principalmente os seus grupos parlamentarios, deben ser un exemplo.

Declaracións como as feitas esta mañá polo deputado do BNG Luís Bará non axudan en absoluto ao recoñecemento do valor profesional e a experiencia das mulleres, polo que consideramos que estas palabras carecen de sentido algún na sociedade actual e pedimos a Ana Pontón que o cese de inmediato. De non facelo, estaría demostrando que todo o que os nacionalistas galegos venden de feministas e defensores das mulleres son so palabras baleiras de contido e co único fin de vender unha imaxe totalmente irreal do que realmente representan.

O Parlamento de Galicia aprobou hoxe por unanimidade unha proposición non de lei a través da que se solicita a creación dun programa específico que apoie o emprendemento das persoas con discapacidade, co obxectivo de mellorar a súa inserción socio-laboral.

A portavoz de Emprego do Grupo Popular, Noelia Pérez, manifestou que “a inserción laboral das persoas con discapacidade non so debe ser contemplada desde a óptica do emprego por conta allea, porque hai moitísimas persoas con discapacidade cun enorme potencial para emprender”. “O emprendemento non é so unha vía para a autosuficiencia económica, senón tamén un camiño para a autorrealización e a plena participación na vida económica e social de Galicia”, apuntou.

TRANSFORMAR A CONTORNA, CREAR EMPREGO E APORTAR TALENTO

Noelia Pérez asegurou que a través do emprendemento “as persoas con discapacidade poden transformar a súa contorna, xerar emprego para outras persoas e aportar o seu talento e visión ao tecido empresarial galego”.

Na súa intervención, a portavoz popular lembrou que a Xunta dedica este ano máis de 33 millóns de euros a promover o emprego inclusivo e apoiar ás persoas con maiores dificultades de acceso ao mercado laboral. “Debemos asegurarnos que todas as persoas, independentemente das súas capacidades, teñan as ferramentas necesarias para alcanzar as súas metas”, incidiu.

A portavoz de Asuntos Sociais do Grupo Popular, Raquel Arias, salientou hoxe no Parlamento galego que a Xunta do Partido Popular incrementou nun 228 por cento o número de prazas en escolas infantís na Costa da Morte respecto ás existentes durante o Goberno bipartito de BNG e PSdeG. “Ademais, estas escolas infantís, do mesmo xeito que acontece en toda Galicia, son gratis para todas as familias, independentemente de onde vivan, do número de fillos que teñan e da titularidade da escola infantil escollida”, engadiu.

Raquel Arias concretou que nos últimos anos creáronse ou incrementáronse o número de prazas en escolas infantís nos concellos de Zas (pasou de 30 a 41 prazas), Ponteceso (ampliación de 41 a 61 prazas), Carnota (41 prazas), Fisterra (41 prazas), Mazaricos (41 prazas) e Malpica (41 prazas), ademais de manter as xa existentes en Muxía (20 prazas) e Camariñas (61 prazas). “En total, sumando estas escolas infantís  dependentes da Xunta xunto coas municipais, son 492 prazas totalmente gratuítas para as familias, gracias ao financiamento do Goberno galego”, incidiu.

GALICIA LIDERA A TAXA DE COBERTURA

Así mesmo, a portavoz popular explicou que o Diario Oficial de Galicia xa publicou o pasado día 30 de agosto a orde para que os concellos soliciten o financiamento para a gratuidade das escolas infantís municipais. “Son 7,7 millóns de euros para garantir, un ano máis, a aplicación desta medida en arredor de 7.300 prazas para nenos de 0 a 3 anos nos 140 centros que dependen dos concellos”, dixo.

“Galicia é a primeira comunidade autónoma coas escolas infantís gratis de 0 a 3 anos, liderando a taxa de cobertura con máis do 56 por cento, 12 puntos por enriba da media estatal”, manifestou Raquel Arias. Para iso, a Xunta destina cada ano 60 millóns de euros de fondos propios, polo que insistiu que “seguiremos a reclamar que o Goberno central achegue financiamento ás comunidades autónomas para establecer esta gratuidade, como leva repetido reiteradamente”.

O Grupo Popular demandará no Pleno do Parlamento de Galicia da vindeira semana que o Goberno central mellore o servizo de transporte ferroviario en Galicia, reforzando os servizos e incrementando o número de prazas, e lidere, diante da Unión Europea, o recoñecemento de Edmundo González como presidente electo lexítimo de Venezuela, condenando a política de criminalización por parte do réxime de Nicolás Maduro.

Neste sentido, proporá que o Parlamento galego manifeste o seu apoio e adhesión ás iniciativas de protesta pacífica organizadas pola oposición venezolana e polos exiliados residentes en España, nas que se proclama a fin da represión, o inicio dun proceso de transición cara a democracia e un plan de recoñecemento e respecto aos resultados electorais en Venezuela.

Ao remate da Xunta de Portavoces, o portavoz popular, Alberto Pazos, comezou a súa comparecencia ante os medios amosando o seu pesar polo recente pasamento do editor de La Voz de Galicia e polo ex alcalde de A Lama Jorge Canda.

Respecto da orde do día da sesión plenaria, Alberto Pazos informou que inclúe a comparecencia do conselleiro de Educación, Ciencia, Universidades e Formación Profesional, por petición propia, para informar sobre o inicio do curso escolar, “que vai supoñer o inicio da maior modernización do sistema educativo galego nos últimos 30 anos, mellorando tanto a atención ao alumnado, como as condicións do profesorado e o funcionamento dos centros de ensino”.

En concreto, o portavoz popular salientou que neste curso dará comezo, cos alumnos de 4ª de infantil, a rebaixa do número de alumnos por aula, que se estenderá progresivamente ao resto de etapas educativas; mantendo o número de aulas nas etapas de infantil de primaria, a pesar de ter 4.000 alumnos menos matriculados; e coa incorporación de 400 novos profesores aos centros educativos galegos, co obxectivo de mellorar a atención ás necesidades específicas dos alumnos e avanzar no modelo de ensino inclusivo que xa caracteriza á educación galega.

MELLORA DO FERROCARRIL

Dentro do apartado de proposicións non de lei, o Grupo Popular insistirá na mellora do servizo de transporte ferroviario en Galicia, logo dos numerosos problemas que padeceron os usuarios ao longo deste verán. Así, reiterará a necesidade de que se recuperen as frecuencias suprimidas pola pandemia, adoptando as medidas necesarias para que a oferta dispoñible en conexións e horarios responda ás necesidades reais de cidadanía. Ademais, pedirá que se garanta que cidades como Lugo e Ferrol accedan en pé de igualdade co resto do territorio á alta velocidade e á intermodalidade.

Alberto Pazos lamentou que “ata o de agora todas as demandas que fixemos ao Goberno de Pedro Sánchez relacionadas co transporte ferroviario caeron en saco roto, polo que hoxe, lonxe de mellorar, a situación na que se atopan estes servizos en Galicia é un exemplo significativo de precariedade e de falta de compromiso por parte dos responsables de Adif, Renfe e o Ministerio de Transporte”.

TRANSICIÓN PARA VENEZUELA

A segundo proposición non de lei que o Grupo Popular defenderá no Pleno da vindeira semana ten que ver coa situación que se está a vivir en Venezuela polas accións do réxime de Nicolás Maduro e, en particular, pola fraude das eleccións presidenciais do 28 de xullo, ignorando os resultados electorais favorables á oposición.  Neste sentido, Alberto Pazos considerou “incomprensible a tibieza do Goberno de Pedro Sánchez coa ditadura de Maduro, e de formacións políticas como o BNG, que ten afirmado a súa confianza no sistema electoral venezolano, contradicindo todos os informes de organizacións internacionais independentes que acusan ao Goberno de Maduro de falta de transparencia e manipulación electoral”.

Diante desta situación, o Grupo Popular demandará no Pleno que o Goberno de Pedro Sánchez lidere diante da Unión Europea o recoñecemento de Edmundo González como presidente electo lexítimo de Venezuela, e que se produza unha transición pacífica do país cara a unha democracia plena. Ademais, pídese que condene a sistemática política de criminalización, por parte do réxime de Nicolás Maduro, en contra dos cidadáns venezolanos que decidiron exercer os seus dereitos civís e políticos no marco da Constitución venezolana.

A iniciativa inclúe a esixencia para que o réxime de Nicolás Maduro cese de inmediato a represión a líderes de partidos opositores, activistas de dereitos humanos, sindicalistas, xornalistas, testemuñas electorais e demais cidadáns en exercicio dos seus dereitos civís e políticos, así como a violación dos dereitos humanos destas persoas. Ademais, pídese que se facilite a tramitación, por parte das Administracións Públicas, das solicitudes de protección internacional feitas por cidadáns venezolanos que foxen da opresión política e da exclusión económica e social en Venezuela, así como o mantemento por parte da Unión Europea das sancións impostas ao réxime de Nicolás Maduro mentres non existan garantías fidedignas e comprobables dunha transición do país cara a unha democracia plena.

Dentro do apartado de preguntas ao Goberno galego, o Grupo Popular interesarase polo resultado das subvencións da Xunta para a mellora de explotacións e incorporación á actividade agrogandeira de mozos e mozas; das axudas concedidas aos concellos galegos para a contratación de socorristas este verán para garantir a seguridade nas praias e piscinas; e o cumprimento por parte do Goberno central do Pacto de Estado contra a violencia de xénero.

A viceportavoz Paula Prado avanzou hoxe en rolda de prensa unha iniciativa parlamentaria do Grupo Popular na que se insta ao Goberno central a liderar, diante da Unión Europea, o recoñecemento do presidente electo lexítimo de Venezuela, Edmundo González, e que se produza unha transición pacífica do país cara a unha democracia plena.

Na iniciativa, os populares galegos piden ademais o cese inmediato da represión e violación dos dereitos humanos por parte do réxime de Nicolás Maduro e facilitar as solicitudes de protección internacional aos cidadáns venezolanos que foxen da opresión política e da exclusión económica e social no seu país.

Paula Prado tamén sinalou que na Proposición non de lei, rexistrada no día de hoxe, se fai un chamamento á UE para que manteña as sancións impostas ao réxime actual, mentres non existan garantías dunha transición cara a unha democracia plena e que se recoñeza a situación de emerxencia humanitaria que vive Venezuela.

A viceportavoz popular indicou que “non podemos nin queremos deixar sos aos venezolanos ante a total falta de lexitimidade democrática do réxime totalitario que está levando ao país a unha profunde crise política, económica e social”.

“Porque a nosa defensa das liberdades e dereitos fundamentais traspasa, como non pode ser doutro xeito, as nosas fronteiras, desde o PP tomamos a iniciativa política desde o primeiro momento, sumándonos aos esforzos internacionais para esixir democracia, transparencia e respecto ao resultado das urnas en Venezuela o pasado mes de xullo” engadiu Paula Prado.

MORNEZA DO GOBERNO CENTRAL E APOIO DO BNG Á DITADURA

Na súa comparecencia ante os medios, a viceportavoz popular criticou a “incomprensible morneza do Goberno de Sánchez coa ditadura de Maduro, manténdose á marxe das iniciativas de denuncia promovidas pola comunidade internacional pola emerxencia democrática no país”.

E, referíndose aos nacionalistas galegos, Paula Prado foi contundente ao afirmar que “sabíamos do seu afán independentista, da súa conivencia co terrorismo e do seu radicalismo, pero vemos agora que tamén están co autoritarismo”.

“Como dixemos noutra ocasión: os nacionalistas galegos sempre do lado incorrecto da historia, e cando os informes das organizacións internacionais independentes ,tales como o Centro Carter e máis recentemente o Panel de Expertos Electorais da ONU, acusan ao Goberno de Maduro de falta de transparencia e manipulación electoral, ou cando hai unha abrumadora opinión internacional indicando que na proclamación de Nicolás Maduro se saltaron todos os estándares democráticos, o BNG apoia e felicita ao ditador e amosa a súa plena confianza no sistema electoral venezolano” sinalou a deputada popular.

Para Paula Prado deste xeito “o BNG avala a terrible represión e violación dos dereitos humanos no país e no seu estilo de branquear o comunismo e o terrorismo únese agora tamén o autoritarismo e a ditadura, apoiando a situación dun país que subsiste na pobreza e que non permite o ben máis básico dos seus cidadáns: a liberdade”

OS POPULARES A PÉ DA RÚA E OUTROS PESCANDO ONDE NON HAI

A viceportavoz popular sinalou na rolda de prensa que no presente mes de agosto “os deputados e deputadas populares seguimos a pé de rúa, recollendo inquedanzas e presentando iniciativas co único obxectivo de mellorar a vida dos cidadáns e continuar coa senda de progreso e crecemento en Galicia”.

Pola contra, indicou, “outros aproveitan estas datas para pescar onde non hai para tapar a súa situación complicada, pero, por moito que queiran embarrar, non todos somos iguais”.

“Xa sabemos que estamos ante os campións da mentira e da manipulación, capaces de dar prioridade a súa supervivencia política por enriba das prioridades de Galicia” indicou Paula Prado, engadindo “como fixeron cos pélets polo que aínda non pediron desculpas á sociedade galega polas súas mentiras, manipulacións e o dano a nosa cadea mar-industria, despois do peche de dilixencias e a evidencia da pouca entidade e perigosidade do vertido, tal e como advertimos desde o principio”.

O GOBERNO DO ESTADO MÁIS LESIVO COA IGUALDADE

Paula Prado tamén fixo referencia ao Goberno de Pedro Sánchez como “o máis lesivo da historia para os dereitos das mulleres” polo malestar que está a xerar na sociedade as súas “supostas leis pioneiras nese ámbito”.

Nese sentido indicou que a Lei do só si é si permitiu rebaixar as penas e excarcerar aos condenados por delitos sexuais, a coñecida como Lei para a igualdade real e efectiva das persoas trans está permitindo que maltratadores condenados non entren en prisión cambiando de sexo e que continúen acosando, e recentemente coa Lei de paridade, que desprotexe aos que piden un permiso laboral para conciliar ou coidar a un familiar. “Nunca se retrocedeu tanto en materia de igualdade como desde que está o señor Pedro Sánchez no Goberno” finalizou indicando a viceportavoz popular.

A viceportavoz Cristina Sanz avanzou hoxe en rolda de prensa que o Grupo Popular ven de presentar unha iniciativa parlamentaria instando ao Goberno central a constituír, coa máxima celeridade, a Comisión Mixta de Transferencias para facer efectivo o traspaso dos medios materiais e persoais necesarios para que a Administración autonómica poida xestionar a nosa costa e para pedir que a oposición galega se posicione “sobre se quere unirse e loitar polas nosas competencias ou prefiren continuar na procesión dos caladiños ante o desprezo que o Estado está a amosar con Galicia”.

A deputada popular instou aos nacionalistas galegos a “unirse a nós na defensa dos nosos obxectivos de país en vez de ocupar o seu tempo avalando eleccións moi dubidosas noutras latitudes” en clara referencia ao documento subscrito polo BNG no que lexitima o proceso electoral, “que cada día se amosa máis próximo á fraude que a un verdadeiro proceso democrático”, que proclamou a Nicolás Maduro presidente electo de Venezuela.

“Deixan o noso país e as nosas reivindicacións de lado non para contribuír a buscar solucións á grave crise que está a vivir Venezuela, senón para avalar as represións e violacións dos dereitos humanos que se están a producir no país, nun claro posicionamento radical a favor dun proceso ditatorial que está contribuíndo a afundir cada día máis ao país irmá” indicou Cristina Sanz.

Así mesmo, a viceportavoz popular instou aos socialistas galegos a “loitar contra os constantes ataques do Goberno de Pedro Sánchez a Galicia e ao noso autogoberno” presionando para que se convoque canto antes a Comisión Mixta de Transferencias “ e que se tramite a xestión destas competencias, que ben poderían tratarse nunha xuntanza do presidente Alfonso Rueda co presidente do Goberno nunha reunión pola que seguimos agardando sen data e que está a supoñer un desprezo a todos os galegos”.

Os populares galegos consideran que, despois de 4 meses desde que o Tribunal Constitucional avalara por unanimidade a nosa lei do litoral, “afectada por un recurso sectario e incomprensible do Goberno central, é hora de que deixen de ser o Goberno máis sectario e máis prexudicial para os intereses de Galicia, coa conivencia dos grupos da oposición en Galicia, e comecen a mover ficha para que a nosa costa sexa xestionada desde Galicia”.

“É urxente evitar as ameazas que está sufrindo a nosa costa, coas preto de 4.000 edificacións en 82 concellos, que no pode ser xestionada desde un despacho en Madrid e moito menos ser obxecto de intereses electorais en detrimento do interese xeral dos galegos e galegas” indicou Cristina Sanz.

A viceportavoz popular sinalou que o obxectivo principal é garantir que Galicia teña a capacidade de tomar decisións e actuar de maneira efectiva na xestión da nosa costa, coas competencias recoñecidas para outorgar, prorrogar, modificar ou extinguir concesións para o uso e ocupación do dominio público marítimo-terrestre.

“Temos o dereito e agora é imprescindible que exerzamos as nosas competencias e completar un proceso de transferencia, iniciado hai máis de 40 anos, para consolidar o autogoberno pleno sobre a nosa costa” indicou Cristina Sanz e insistiu na necesidade de “celeridade ao Goberno central para evitar as ameazas que está a sufrir na costa, nas vivendas , nas empresas da cadea mar-industria, nos postos de traballo, nas depuradoras ou nos centos de edificacións de todo tipo”.

SEIS MESES DA GALICIA QUE FUNCIONA

A viceportavoz popular tamén fixo referencia na súa rolda de prensa á “Galicia que fai seis meses dixo con claridade que optaba maioritariamente pola moderación, a estabilidade e o sentidiño do proxecto que encarna o PPdeG co presidente Alfonso Rueda á cabeza”.

Un proxecto que continúa consolidando a senda do crecemento e abordando novos retos, tendo sempre como obxectivo en mente a mellora da calidade de vida dos galegos e as galegas, indicou Cristina Sanz e engadiu que “nese interese traballamos desde o primeiro momento desde o Grupo Popular, asumindo no noso proxecto a credibilidade e o compromiso como sinais de identidade”.

Compromiso no cumprimento da palabra dada, indicou Cristina Sanz, como puidemos valorar nos 100 primeiros días do Goberno de Alfonso Rueda, co cumprimento do 100% das medidas anunciadas para que Galicia continúe a ser referente en diferentes ámbitos.

Cristina Sanz sinalou medidas de relevancia como a gratuidade da matrícula universitaria, o impulso da nova vivenda pública e máis prazas para maiores e persoas con discapacidade nos 100 primeiros días do novo Goberno na Xunta.

Así como as referidas a solo industrial gratuíto os primeiros 8 anos, a redución da tributación das herdanzas entre parentes ou a ampliación da fecundación in vitro e da conxelación de óvulos.

Medidas sempre co obxectivo de acadar unha Galicia próspera e que non exclúa a ninguén na loita conxunta cara ao noso benestar como pobo, indicou a viceportavoz popular.

O portavoz do Grupo Popular, Alberto Pazos, defendeu hoxe no transcurso da Deputación Permanente do Parlamento que “en plena crise económica, a Xunta foi quen de priorizar a saúde dos galegos e construír en Vigo un dos mellores hospitais de Europa, cun mínimo impacto nas contas públicas”.

Deste xeito, incidiu en que o informe do Consello de Contas sobre o Hospital Alvaro Cunqueiro de Vigo sinala que a fórmula de licitación alternativa suporía a renuncia da Administración autonómica á execución do gasto corrente ou doutros investimentos.

“A elección da fórmula actual permitiunos impulsar unha modernización sen precedentes na rede sanitaria galega que, en só os catro anos da construción do Hospital, sumaron un total de 145,2M€ distribuídos en obras e equipamentos nos principais hospitais galegos e en actuacións relevantes en 17 centros de saúde”.

Para Alberto Pazos resulta “escandaloso o exercicio de hipocrisía política” practicado polo BNG e PSdeG nas últimas semanas, “os mesmos que durante a bonanza económica foron incapaces de poñer un só ladrillo do Hospital e agora critican a colaboración público-privada, que eles mesmos xa contemplaban, segundo tiñan anunciado publicamente, e ademais é unha fórmula que eles empregan de forma recorrente cando gobernan”.

O portavoz popular lamentou a “utilización espuria” do BNG do Regulamento do Parlamento, empregando a Deputación Permanente “como ferramenta de propaganda coa que xerar alarma social en beneficio propio e prexuízo do conxunto da sociedade”. Unha clara mostra de “ese interese exclusivamente mediático é que ao comezar a actividade ordinaria na Cámara o que era urxentísimo deixa de ter interese e se non se acepta unha comparecencia non volven a solicitala, como adoitaron facer noutras ocasións”.

O portavoz popular puxo na súa intervención a comparativa coa adquisición dunha vivenda, “todo o mundo sabe que é máis barato pagala con medios propios que acudir ao financiamento pero este acelera o proceso de compra e a prioridade de ter un teito sen esperar a dispoñer dos cartos”.

“ E nós, coma os galegos, temos claras as prioridades: Vigo hoxe dispón dun Hospital público de última xeración, que salvou centos de vidas durante a pandemia, perfectamente dimensionado e cunha gran elasticidade, para atender a demanda de camas en función das necesidades reais de cada momento” indicou Alberto Pazos.

O portavoz popular dirixiuse aos grupos da oposición indicando que “xa sabemos que non podemos contar con vostedes para continuar mellorando o noso sistema público sanitario pero, polo menos, non estorben e, sobre todo, non mintan nin manipulen”.

E, dirixíndose aos representantes do BNG indicou que “teñen vostedes a mesma credibilidade nestas acusacións como cando afirman sentirse orgullosos do sistema electoral do señor Maduro, pero afortunadamente os galegos coñecen cal é a súa fórmula de xestión e non xestión e de democracia e non democracia”.