O PPdeG pon de exemplo a Lalín de como queren que sexan os concellos que gobernan: “Estables, ben xestionados e cada vez con mellores servizos”

O Partido Popular puxo hoxe de exemplo a Lalín de como queren que sexan os concellos que gobernan, neste momento xa 154 en toda Galicia e 27 na provincia de Pontevedra: “estables, ben xestionados e cada vez con mellores servizos, como o novo Centro Integral de Saúde”.

Durante o multitudinario V Magosto do PP de Lalín, ao que asistiron máis de 1.200 persoas, a secretaria xeral do PPdeG, Paula Prado, reivindicou “a Galicia que funciona, que toma como exemplo este concello, a alcaldes referentes como José Crespo ou ese novo centro de saúde”.

A número dous dos populares galegos salientou a Galicia liderada por Alfonso Rueda, con conselleiros da zona como Román Rodríguez ou José López Campos, que “camiñan cara un futuro próspero e cara ao benestar dos galegos a e galegas”, e subliñou que o PPdeG é maioría nos concellos, no Parlamento de Galicia, no Congreso, no Senado e no Parlamento Europeo.

“Somos unha Comunidade que escapa dos extremismos e do radicalismo do BNG e da indiferenza do PSdeG, que onte, a través do seu secretario xeral, volveu mostrar os cambios de opinión respecto ao apoio ao cuponazo catalán e a submisión a Sánchez”, sinalou.

En clave local, Paula Prado sinalou que Lalín é “un lugar que funciona grazas, en gran parte, ao PP”, e lembrou que hai nove meses, o presidente Rueda recibiu neste lugar un apoio “histórico” de máis de 7.400 votos, case un 64%. E pouco despois, o municipio achegou case 5.000 votos para contar, por primeira vez, cun eurodeputado “de verdade, do PPdeG”. “O matrimonio entre o Partido Popular e Lalín leva un 2024 espectacular, despois dun 2023 tamén memorable cos logros da alcaldía e a Deputación. Agardo que a relación dure moito tempo”, concluíu.

JOSÉ CRESPO, “MODELO DE DEFENSA E AMOR POLO CONCELLO”

Na súa intervención, o presidente do PP de Pontevedra, Luis López, agradeceu a multitudinaria asistencia e destacou que este respaldo “demostra a enorme identificación social”, por parte dos veciños de Lalín e da comarca do Deza, do proxecto do PP de Galicia “como máximo valedor e defensor dos intereses xerais” desta zona do interior da provincia.

Así mesmo, louvou o traballo do alcalde, que é “un modelo de xestión, defensa e amor polo seu concello de xeito sostido, xa que leva entregado á súa terra durante 35 anos cunha gran vocación de servizo público”.

Pola súa banda, o rexedor e presidente do PP local, José Crespo, salientou as políticas públicas do PP desde a Xunta como “as mellores para acadar os maiores niveis de progreso en Lalín” e puxo como exemplo máis recente o novo Centro Integral de Saúde, ao que cualificou como “unha infraestrutura sanitaria de vangarda e do máximo nivel europeo”, que permitirá “dar outro salto máis na atención aos lalinenses e aos dezaos”. “Este centro médico é de primeira, é o que merecían os nosos veciños, e demostra a boa saúde da nosa sanidade pública”, detallou.

Finalmente, o acto contou cun recoñecemento e distinción do PP de Lalín a diversos cargos da Xunta e doutras institucións pola súa enorme colaboración nos últimos tempos co municipio. Os premiados foron o secretario xeral da Lingua, Valentín García; o eurodeputado popular Adrián Vázquez; o director xeral de Gandaría, José Balseiros; o director de Turismo de Galicia, Xosé Merelles; e os ex conselleiros de Sanidade Jesús Vázquez Almuiña e Julio García Comesaña.

 

Ferrol y Lugo se unen para reclamar inversiones para la modernización de la línea ferroviaria y su inclusión en la alta velocidad

El presidente del PP de Ferrol, José Manuel Rey Varela, la presidenta del PP de Lugo, Elena Candia, el presidente provincial del PP de A Coruña, Diego Calvo, y el portavoz del grupo parlamentario del PP en el Congreso, Miguel Tellado, presentaron esta mañana en Ferrol una iniciativa para demandar, en el Congreso y Senado, que la alta velocidad llegue a Ferrol y Lugo. “Hoy Ferrol y Lugo se unen, una vez más, para reclamar al Gobierno inversiones para la línea ferroviaria Ferrol-Lugo y para demandar la inclusión de nuestras ciudades en la alta velocidad”, avanzó Rey Varela.

Se trata de dos demandas históricas que vienen realizando tanto el tejido social, como el empresarial de nuestra ciudad- apuntó el popular ferrolano- para la mejora de las comunicaciones ferroviarias entre Ferrol y el resto de ciudades gallegas para completar el Eje Atlántico de Alta Velocidad y el Corredor Atlántico de Mercancías.

“Ferrol y Lugo son las ciudades más abandonadas en materia ferroviaria”, afirmó Rey Varela, “en el año 2024 no podemos permitir que una distancia de 60 km tarde en recorrerse una hora y veinte minutos”, al tiempo que recordó que “en estos últimos seis años el Gobierno de Pedro Sánchez no ha consignado ni un solo euro para reducir los tiempos de trayecto”. Una situación que se agrava, ya que no hay presupuestos generales y “esto significa que no puede haber inversión, ni nuevas obras para este fin”.

También Ferrol y Lugo están excluidas de la alta velocidad. “Las infraestructuras actuales no permiten que circulen los trenes Avril por ellas, lo que supone una pérdida de oportunidades desde el punto de vista social, económico y de inversión para nuestras ciudades”, advirtió. Y más en el caso de Ferrol, ya que el año que viene la ciudad contará con una línea de ferrocarril que llegará al puerto exterior, pero si la conexión Ferrol-Lugo no se realiza será muy complicado poder sacar las mercancías.

Rey Varela aprovechó la presencia del también conselleiro de Mobilidade, Diego Calvo, para agradecer el compromiso de la Xunta con la ciudad en materia de infraestructuras y, sobre todo, con la estación intermodal. “Ferrol firmaría mañana mismo el convenio para la estación intermodal para la que tenemos, al igual que la Xunta de Galicia, reservada una partida, en el caso de Ferrol de 50.000 euros, para poder ejecutar esta infraestructura fundamental”, solo falta que el Gobierno del Estado acceda. El popular lamentó que el ministro de Transportes, a día de hoy, “todavía no haya respondido a la solicitud de reunión solicitada para hablar de este y otros temas”.

Para finalizar recordó que fue gracias a una enmienda del Partido Popular en Europa que Ferrol aparezca en el Corredor Atlántico de Mercancías ante la propuesta remitida por el Gobierno de Sánchez, que dejaba a nuestra ciudad fuera dicho corredor y de la alta velocidad. “Seguiremos demandando lo que es de justicia para estas ciudades, y es que tengan un tren y unas infraestructuras dignas y conectadas con el resto de ciudades y de puntos de España”, finalizó.

ALTA VELOCIDAD

La presidenta del PP de Lugo, Elena Candia, afirmó que este acto es la continuidad de una hoja de ruta que el PPdeG se marcó hace unos meses, “nuestro objetivo es claro: no rendirnos, ni darnos por vencidos para evitar que Lugo y Ferrol sean de las pocas grandes ciudades de España sin conexión con la alta velocidad”. Candia insistió en la unidad política, “estamos en un contexto en el que hay unanimidad política y esa unión hay que trasladarla a Madrid para que se convierta en voluntad política y presupuestaria”.

La popular subrayó la importancia del vínculo histórico entre Lugo y Ferrol, municipios hermanados que celebrarán 25 años en 2025, “esta conmemoración supone una oportunidad idónea para consolidar esta alianza y trabajar juntos para conseguir la alta velocidad para ambos ayuntamientos”.

Por su parte, el presidente provincial del PP de A Coruña, Diego Calvo, insistió en que “Ferrol no puede perder el tren en la modernización de infraestructuras ferroviarias, es preciso modernizar la línea Ferrol-A Coruña para tener tiempos de viaje competitivos y desatascar el proyecto de la estación intermodal, pendiente de firmar por parte de Adif desde el 2019”.

Diego Calvo recordó que “estos dos objetivos se incluyen en el estudio en el que trabaja la Xunta para cuantificar las necesidades de movilidad en Ferrol”. Además, la inclusión de Ferrol en el Corredor Atlántico, junto con la conexión del puerto con la estación, también ayudaría a mejorar la competitividad. El conselleiro de Mobilidade reveló que “desde la Xunta de Galicia hemos solicitado al Ministerio que nos remita una planificación real y detallada de su Plan Director del Corredor Atlántico, pero todavía no recibimos nada”. Ferrol está en la red global que tendría que estar finalizada en 2050 en lugar de la red básica del Corredor Atlántico de Mercancías, que estará listo en 2030.

Para contar con una red ferroviaria del siglo XXI y finalizar el Eje Atlántico hasta Lisboa es necesario modernizar la conexión entre Ferrol y A Coruña, y también es estratégica la línea Ferrol-Ribadeo no solo para la conexión de las comarcas de la Mariña, Ortegal y Ferrolterra, sino también para la comunicación de Galicia con Asturias y como continuación hacia el País Vasco.

En lo que respecta a la situación en Lugo, el conselleiro reivindicó la llegada de la alta velocidad a la ciudad y recriminó al Gobierno Central la eliminación de las variantes en Os Peares y Rubián con el único objetivo de “reducir presupuesto previsto a la mitad” y a sabiendas de que esa decisión condenaba a Lugo a la desconexión total de la alta velocidad.

INICIATIVA EN EL CONGRESO Y SENADO

El portavoz del grupo parlamentario del PP, Miguel Tellado, inició su intervención destacando el apoyo que han hecho llegar desde el PP de Galicia a las víctimas de la dana. “Todo es importante, desde los medios enviados por la Xunta, a las recogidas solidarias de concellos como el de Ferrol y también los minutos de silencio en el Parlamento gallego”.

Tellado denunció la ausencia de inversiones en materia ferroviaria en Galicia por el gobierno de Sánchez, “Galicia son siete ciudades, por lo tanto, mientras la alta velocidad no llegue a Ferrol y Lugo no podremos decir que Galicia está conectada, ni vertebrada por la alta velocidad”.  El portavoz popular en el Congreso avanzó que “vamos a registrar una iniciativa en el Congreso y Senado, aquí la defenderá José Manuel Rey, en los mismos términos que se aprobó por unanimidad en Galicia y vamos a ver si tiene los mismos apoyos y el mismo compromiso”.

Galicia tiene un déficit de infraestructuras histórico y el Gobierno de España tiene la obligación de resolverlo y que nuestra comunidad tenga una vertebración completa por alta velocidad como tienen otros territorios, concluyó el popular, Miguel Tellado.

 

O PPdeG reclama a Sánchez que rebaixe a protección do lobo e deixe de dar as costas a Europa e aos gandeiros galegos

O Partido Popular de Galicia reclama a Pedro Sánchez que deixe de dar as costas a Europa e aos gandeiros galegos rectificando a súa postura sobre a protección do lobo e permitindo o control cinexético da especie para así garantir a supervivencia do sector primario de Galicia.

Desde a formación recordan que España –xunto a Irlanda– foi o único país que votou en contra de rebaixar o nivel de protección do lobo de “estritamente protexido” a unicamente “protexido” no Consello Europeo do pasado 25 de setembro. Un voto co que, consideran os populares, o Goberno de Pedro Sánchez e Teresa Ribera quedou “absolutamente illado” en Europa.

O eurodeputado Adrián Vázquez e o coordinador de Medio Rural do PPdeG, Avelino Souto, abordaron esta cuestión durante unha visita a unha explotación gandeira de equino e bovino na Serra do Xistral, en Vilalba –Finca Enxebreza, propiedade de Xabier Paz–, na que reclamaron “un control cinexético do lobo para axudar aos gandeiros galegos a evitar as perdas económicas ou o peche das súas explotacións como consecuencia dos ataques constantes do lobo”.

Esta precisamente é a liña que defenden a maioría dos países europeos e a propia Comisión para facer fronte ao problema de sobrepoboación do lobo. Un problema que afecta especialmente a Galicia, onde unhas 2.800 reses pereceron o pasado ano a consecuencia dos ataques dunha especie que no PPdeG consideran “non está en perigo de extinción, senón en expansión”.

Adrián Vázquez, ante esta situación, anuncia que proporá no Parlamento Europeo a reapertura e actualización da Directiva Hábitats comunitaria, que non se modificou desde 1992, como “condición indispensable para controlar mellor a presenza do lobo no noso territorio”.

 

A Comisión de Investigación sobre a contratación publica da Xunta aproba o seu plan de traballo, con 39 comparecentes e 118 documentos

A Comisión de Investigación sobre a contratación pública da Administración autonómica aprobou esta tarde o seu plan de traballo, que inclúe un total de 39 comparecentes e 118 documentos.

Alberto Pazos lamentou que o veto do BNG e PSdeG a que se incorporasen, a través dunha transacción proposta polo Grupo Popular, 14 novas comparecencias solicitadas por nacionalistas e socialistas á lista proposta polo grupo maioritario, así como representantes das empresas que tiveron relacións contractuais coa Xunta nos anos investigados. Ademais, 11 comparecentes solicitados polo Grupo Popular xa coincidían cos propostos polo BNG, así como outros 11 que eran tamén figuraban no plan rexistrado polo PSdeG.

“Consideramos que con esta extensa relación de comparecentes, xunto coa ampla documentación que solicitamos para esta Comisión de Investigación, será máis que suficiente para botar abaixo as falsas acusacións que se están a verter sobre as contratacións realizadas pola Xunta de Galicia e a xestión levada a cabo para a construción do Hospital Público Álvaro Cunqueiro”, indicou o portavoz popular.

Ao mesmo tempo, Pazos incidiu que “é unha demostración da plena vontade do Grupo Popular de facilitar un traballo áxil e completo desta Comisión de Investigación, na que se poidan sacar unhas conclusións claras e rotundas sobre o bo facer dos gobernos do Partido Popular na Xunta”.

Para rematar, lembrou que o Grupo Popular “xa dixo desde o principio que ía facilitar a máxima transparencia, pero sen permitir que o Parlamento de Galicia se converta nun circo a maior gloria mediática da oposición, que insiste na necesidade de citar a determinadas persoas en función do seu parentesco e non en relación ás súas competencias profesionais”.

 

Paula Prado destaca que o PPdeG é “o partido da mocidade galega” porque dá voz e representación aos máis novos en todos os ámbitos de decisión

A secretaria xeral do Partido Popular d Galicia, Paula Prado, afirmou hoxe que se o seu partido é “o partido da mocidade galega” e a opción electoral preferida pola xuventude é porque ofrece unha voz e unha representación aos máis novos en todos os ámbitos de decisión.

No encontro que mantivo hoxe co alcalde da Estrada, Gonzalo Louzao, e o seu equipo, a número dous dos populares galegos explicou que este é un dos 13 alcaldes máis novos da formación. Ao que se engade que os dous deputados máis novos do Parlamento de Galicia –Nicole Grueira e Raúl Santamaría– e o segundo máis novo do Congreso –Juan Andrés Bayón– son do PPdeG.

“Apostamos pola mocidade e por iso a mocidade elixe sempre a nosa papeleta”, afirmou ao tempo que poñía en valor a estabilidade e o compromiso coa veciñanza que fan tamén do PPdeG “o partido que máis se parece a Galicia”.

Logo dos seis meses transcorridos desde a chegada de Gonzalo Louzao á alcaldía da Estrada, Prado puxo en valor que a agrupación local do partido foi “un exemplo de unidade” no proceso de transición logo dos 13 anos de liderado e maiorías absolutas do anterior alcalde e hoxe responsable de Cultura, Lingua e Xuventude do Goberno galego, José López Campos.

“A Estrada non só é un concello referente de talante democrático e de implicación da veciñanza na toma de decisións grazas á dedicación e ao traballo de Louzao e o seu equipo, senón que ademais representa á perfección o que significan as nosas siglas”, concluíu sinalando á unidade, á estabilidade e a proximidade como sinais de identidade dos populares galegos.

UN CONCELLO QUE SEGUE NAVEGANDO CARA O SEU DESTINO

Pola súa banda, o rexedor estradense tamén quixo destacar que, seis meses despois de “afrontar a responsabilidade de capitanear un dos concellos máis importantes da provincia de Pontevedra e de Galicia”, el e o seu equipo foron quen de “demostrar a través de traballo” que “un gran transatlántico como o Concello da Estrada pode seguir navegando cara o seu destino”.

Reivindicando o seu compromiso por dar cumprimento ao programa electoral co que o partido obtivo a confianza maioritaria da cidadanía nas pasadas eleccións municipais, Louzao sinalou a importancia do compromiso de outras administracións como a Deputación provincial ou a Xunta de Galicia á hora de “dar forma á transformación necesaria e esperada do concello”.

“O Goberno de Alfonso Rueda amosa nos seus orzamentos para 2025 un compromiso claro coa Estrada a través de investimentos concretos en grandes eixos estratéxicos como son as comunicacións, a vivenda e o solo industrial. Algo que redundará en maiores oportunidades de emprego e no desenvolvemento empresarial do noso municipio”, concluíu.

 

O PPdeG reclama a Yolanda Díaz que explique o ‘caso Errejón’ e “teña a valentía de dimitir” no caso de que ela ou alguén máis colaborase en encubrir estes feitos

O Partido Popular de Galicia reclama á galega Yolanda Díaz que dea “todo tipo de explicacións” polo escándalo protagonizado por Íñigo Errejón e que, dada a gravidade do acontecido, “teña a valentía de dimitir no caso de que ela ou alguén máis colaborase en encubrir estes feitos”.

Nunha rolda de prensa celebrada esta mañá na sede autonómica do partido, a secretaria xeral Paula Prado amosouse moi crítica ante o feito de que, precisamente no mes no que se conmemora o Día Internacional contra a violencia de xénero, “os primeiros que tiñan que dar exemplo están á cola dos xulgados para comparecer como investigados por agresión sexual”.

Censurou neste sentido que “os partidos que tiveron a intención de capitalizar o feminismo e a loita pola igualdade chegaron para cambialo todo e revolucionar a igualdade, pero o único que fixeron foi empeoralo todo e crear un monstro como a Lei do ‘só si é si’, que, coa complicidade dun BNG que segue apoiándoa, beneficiou a máis de 1.400 agresores sexuais”.

A número dous dos populares galegos trasladou a repulsa do seu partido “ante as verdadeiras razóns que levaron a Íñigo Errejón a presentar a súa dimisión” e lamentou que ninguén fixera nada ante o que era “un segredo a voces en todos os ámbitos da esquerda”.

“Un segredo a voces que coñecían a vicepresidenta do Goberno, Yolanda Díaz, a ministra de Sanidade, Mónica García, e quen sabe se a nova voceira, a galega Verónica Martínez”, explicou ao tempo que preguntaba como Errejón puido chegar a ir nas listas e a ser premiado coa Portavocía do seu Grupo Parlamentario cando as súas compañeiras de partido “o sabían, o taparon e o consentiron”.

“Chove sobre mollado”, engadiu recordando que, no seu pasado político en Esquerda Unida, Yolanda Díaz “xa encubriu a un asesor pedófilo e purgou a quen o denunciou”. Un asunto que se saldou, ademais, cun arresto por parte da Policía Nacional no Parlamento de Galicia.

Para Paula Prado esta é “unha nova mostra do feminismo hipócrita do Goberno central, desde Pedro Sánchez con Ábalos e o Tito Berni ata Yolanda Díaz con Errejón” e afirmou entender que, ante feitos como estes, “cada vez máis mulleres se sintan absolutamente defraudadas con estes políticos e con este tipo de política”.

“O Goberno central que empezou cun pacto de perdedores, continúa agora cun pacto de encubridores. O Goberno central que dixo ser un exemplo para a democracia, ten unha gran sombra de corrupción que vai acabar escurecendo todo o seu mandato. O Goberno central que quería abandeirar a loita contra a violencia de xénero, acabou cun imputado por agresión sexual o mesmo mes no que se conmemora esta loita”, concluíu.

EXPERIENCIA EN BRASIL

En contraposición a isto, a secretaria xeral fixo unha contraposición e fixo un breve repaso á súa experiencia en Brasil a semana pasada para participar no Encontro Internacional Equigov, no que deu unha conferencia sobre a participación das mulleres na política española e deixou claro que “a loita pola igualdade real non é patrimonio de ningún partido nin ideoloxía, senón responsabilidade de todos”.

Durante a súa a viaxe tamén tivo a ocasión de desfrutar dun cocido galego con máis de 300 persoas en Santos e “sentir a forte irmandade que existe entre Galicia e Brasil”, así como de manter unha produtiva reunión co presidente da Assambleia de Santa Catarina para “achegar culturas e crear alianzas de futuro”.

SOLIDARIEDADE CO POBO VALENCIANO

Paula Prado tamén se referiu ás tráxicas consecuencias da DINA que asolou o leste de España e, no seu nome e no do PPdeG, quixo trasladar unha agarimosa mensaxe de forza ás familias das vítimas e a todos os afectados que fixo extensiva tamén ao presidente Carlos Mazón e ao secretario xeral do PP na Comunidade, Juanfran Pérez Llorca.

Deu así mesmo as grazas a todos os galegos e galegas e ás decenas de profesionais que están traballando sobre o terreo e aqueles que desde Galicia están demostrando a súa solidariedade: “Galicia está con Valencia e desta imos saír xuntos porque somos un gran país”.

 

O PPdeG comprométese a dar a batalla en Europa pola cuestión eólica para “defender o presente e garantir o futuro de Galicia”

O Partido Popular de Galicia comprométese a dar a batalla en Europa no que se refire á tramitación ambiental de proxectos eólicos na nosa Comunidade e á súa adecuación ao marco normativo sectorial vixente para así “defender o presente e garantir o futuro de Galicia”.

Así o ratificou esta semana a Comisión de Medio Ambiente do partido nunha reunión encabezada pola coordinadora deste órgano, Marisol Díaz Mouteira, e na que tamén participaron o eurodeputado Adrián Vázquez e a responsable de Medio Ambiente e Cambio Climático do Goberno galego, Ángeles Vázquez.

Na reunión abordouse a cuestión prexudicial sobre os eólicos presentada polo Tribunal Superior de Xustiza de Galicia o pasado mes de xuño ante o Tribunal de Xustiza Europeo e na que, tal e como se anunciou esta semana, o Goberno galego se personará co obxectivo de defender o seu bo facer e as plenas garantías coas que contaron as autorizacións de parques eólicos concedidas nos últimos anos.

“Este é un problema para o que urxe unha solución canto antes e ante o que todos deberíamos ir a unha na defensa dos intereses de Galicia”, subliña Adrián Vázquez lamentando a postura dun BNG que “parece que quere que volvamos a vivir nos castros e sen electricidade” e dun PSdeG que “supostamente reclama enerxía eólica en Galicia pero en Bruxelas só pon pedras no camiño”.

O eurodeputado lalinense insiste ademais en que a resolución desta cuestión prexudicial terá afectación en todos os países europeos e, por iso, xunto a Francisco Millán Mon, xa contactaron cos ministros de Medio Ambiente doutros estados membros “para alertarlles desta situación tan preocupante”.

GALICIA RETROCEDE POSICIÓNS EN TERMOS DE POTENCIA EÓLICA

Pola súa banda, Ángeles Vázquez recorda que nos 11 anos de vixencia da Lei de avaliación ambiental estatal ningún tribunal albergou dúbidas sobre se o procedemento fixado nesta norma se axustaba ao dereito comunitario. De aí que sorprenda a “interpretación propia” realizada polo TSXG e pola que “de forma errónea” rexeita a forma de actuar do Goberno galego segundo o establecido, precisamente, na normativa estatal.

A responsable de Medio Ambiente e Cambio Climático do Executivo autonómico remarca o seu convencemento de que a tramitación feita en Galicia baseouse na aplicación dunha lei acorde coa normativa comunitaria e por iso defende a actuación levada a cabo en todos os procedementos sometidos a avaliación ambiental desde 2013 (ano de aprobación da Lei de avaliación ambiental española).

Denuncia así mesmo a parálise que está a sufrir o sector eólico en Galicia debido ao “goteo constante” de recursos xudiciais contra as autorizacións de novos parques que levaron a que a nosa Comunidade pasase de ser líder en España en potencia eólica instalada a caer ata a cuarta posición.

Un retroceso que, afirma, ten a súa razón principal nesta parálise que impide que se poida avanzar no obxectivo de descarbonización e loita contra o cambio climático. Por iso agarda que o pronunciamento xudicial permita sentar doutrina e acabar así coa actual situación de inseguridade xurídica que afecta ao sector en Galicia.

 

Paula Prado asegura que para acadar a igualdade “plena e real” é necesario que, como en Galicia, as mulleres conten con representantes que “defendan os seus intereses e coloquen na axenda política os seus dereitos”

A secretaria xeral do PPdeG, Paula Prado, defende que para acadar a igualdade “plena e real” na sociedade en xeral e nos ámbitos de decisión política en particular é necesario que “as mulleres se sintan representadas non só por mulleres polo simple feito de selo, senón por aquelas que defendan os seus intereses e coloquen na axenda política a defensa dos seus dereitos”.

Así o manifestou onte na conferencia inaugural do Encontro Internacional Equigov organizado pola Universidade do Estado de Santa Catarina e a Assambleia Legislativa estatal e que se celebra estes días en Florianópolis. Unha conferencia na que, baixo o título de A participación das mulleres na política española, a número dous dos populares galegos explicou como en España e en Galicia se ten incrementado a presenza de mulleres nos ámbitos de decisión política de xeito paralelo e como, paralelamente, a necesidade de maior participación e representación feminina se foi situando na axenda pública do noso país.

“A miña experiencia vital levoume a observar unha realidade que non era acorde co desenvolvemento normativo e lexislativo do noso país, onde a igualdade formal ou legal non coincidía coa igualdade real”, apuntou como punto de partida do seu afondamento nas dificultades e obstáculos que se atopan as mulleres no acceso a postos de responsabilidade e no ámbito da toma de decisións. “Os problemas cos que se atopan as mulleres polo mero feito de ser mulleres”, resumiu.

Facendo un repaso á lexislación española e ao contexto social feminino ao longo da ditadura e posteriormente no período constitucional, Prado concluíu que “unha boa normativa en materia de igualdade é aquela que ten correspondencia coa situación social da muller en cada momento e responde ás necesidades das mulleres nos diferentes ámbitos do Dereito” e incidiu no fundamental que resulta á asunción do recollido destas normas na conducta real da sociedade.

Destacou que os datos relativos ao liderado e á participación política das mulleres en España están por riba da media da maioría dos países do mundo, xa que as mulleres constitúen o 42% das cámaras parlamentarias, o 64% do Consello de Ministros e o 39% dos órganos deliberativos locais. Así mesmo, a porcentaxe de mulleres con cargos executivos nos partidos políticos foi ascendendo ata situarse actualmente no 45,7%.

No caso específico de Galicia, con datos relativos a 2023, cómpre destacar que o Parlamento galego é o que conta con maior porcentaxe de mulleres de todas as cámaras autonómicas de España, cun 56% fronte á media nacional do 47%. Ademais, nunha análise da evolución rexistrada entre 1983 e 2023, en Galicia pasou de haber 6 alcaldesas a 69 e de 408 mulleres a cargo dunha concellería en 1995 (11,3%) a un total de 1.426 concelleiras en 2023 (42,1%).

“As mulleres non han de participar en política polo mero feito de ser mulleres, senón que han de ter a oportunidade de formar parte de candidaturas en procesos electorais pola súa valía e porque defendan desde os seus postos os dereitos das mulleres”, subliñou ao tempo que se congratulaba de que no noso país cada vez haxa máis mulleres en postos que tradicionalmente ocupaban homes.

Neste sentido, considera fundamental “ir máis alá de asignar ás mulleres as áreas que tradicionalmente se asocian ao sexo feminino” e permitirlles mostrar a súa valía á fronte de departamentos como, por exemplo, os de Medio Ambiente, Infraestruturas, Vivenda, Economía ou Industria.

“A igualdade non é patrimonio de ninguén, non é de esquerdas nin de dereitas. É un reto que todos debemos asumir como responsabilidade propia e, desde o noso ámbito de actuación individual, colaborar para que sexa unha realidade”, concluíu invitando á sociedade brasileira a seguir o exemplo de España para facer do seu país “a punta de lanza dos países americanos en materia de igualdade”

GOBERNOS ABERTOS E TRANSPARENCIA

Dado que un dos obxectivos principais deste encontro era tamén debater sobre a equidade nos servizos públicos a través de gobernos e parlamentos abertos, a secretaria xeral do PPdeG puxo en valor que “actualmente Galicia atópase entre as tres comunidades autónomas máis transparentes de España”.

Recordou así que o Goberno galego, no seu obxectivo de promover a máxima transparencia da xestión pública, foi actuando con medidas innovadoras e pioneiras neste eido que posteriormente adquirirían rango legal. É o caso da Lei 1/2016, de 18 de xaneiro, de transparencia e bo goberno, que “inclúe máis de 50 elementos de transparencia a maiores sobre o marco normativo estatal como son a publicación do tempo medio de pago de facturas, a situación financeira das contas públicas, a relación de BICs ou a composición das mesas de contratación”.

 

Paula Prado destaca en Brasil que as políticas de igualdade de Galicia son unha referencia para outras rexións

A secretaria xeral do PPdeG, Paula Prado, considera que as políticas de igualdade que funcionan en Galicia constitúen “unha referencia” e un exemplo a seguir para outras rexións.

Así o manifestou hoxe durante a reunión que mantivo co presidente da Assambleia Legislativa do Estado de Santa Catarina, Mauro de Nadal, e varios deputados desta Cámara cos que tivo a oportunidade de compartir experiencias, debater sobre intereses comúns e poñer en valor a importancia da igualdade na política.

Neste sentido, a número dous dos populares galegos incidiu en que a igualdade debe estar na base de todas as políticas públicas na medida en que estas inciden directamente no día a día das persoas.

 

O PPdeG solicitará en Bruxelas o desbloqueo de fondos europeos para paliar os efectos das eventualidades climáticas e naturais no sector agrogandeiro galego

O Partido Popular de Galicia solicitará en Bruxelas o desbloqueo dos fondos europeos destinados a cubrir a afectación no sector agrogandeiro dos desastres climáticos e catástrofes naturais para estender a súa cobertura aos agricultores e gandeiros galegos ante as diferentes eventualidades que poidan sufrir.

Así o anunciou esta tarde o eurodeputado Adrián Vázquez durante a visita que realizou á explotación gandeira Carreira de Afonso en Lago (Mazaricos) xunto á responsable de Medio Rural do Goberno galego, María José Gómez, o deputado autonómico Enrique Barreiro e o portavoz local do partido, José Manuel Caamaño.

Vázquez fíxose eco da problemática que supón a baixa cobertura das pólizas de seguros no sector agrogandeiro e destacou que, tras a recentes inundacións en diversos países de Europa central, a presidenta da Comisión Europea, Ursula Von Der Leyen, vén de anunciar unha flexibilización da normativa para garantir que os fondos comunitarios poidan mobilizarse de forma rápida para apoiar aos Estados membros afectados por desastres climáticos e catástrofes naturais.

Unha proposta na que se comprometeu a incluír as problemáticas específicas dos agricultores e gandeiros galegos para que poidan beneficiarse da extensión da cobertura destes fondos e minimizar así o impacto das diferentes eventualidades que poidan sufrir.

Explicou ademais que en España o organismo responsable de mellorar as condicións deste tipo de pólizas é a Entidade Estatal de Seguros Agrarios (Enesa) dependente do Ministerio de Agricultura. Polo que esixiu a ambos organismos que tomen tamén medidas para mellorar estas pólizas a nivel estatal.

APOIO DO GOBERNO GALEGO AO SECTOR PARA CUBRIR GASTOS

Pola súa banda, a responsable de Medio Rural do Goberno galego, María José Gómez, lembrou que o seu departamento está traballando co sector para avaliar as consecuencias do temporal no campo. Para iso, sinalou, xa se levaron a cabo diferentes reunións con organizacións profesionais agrarias e coas cooperativas agroalimentarias.

Nesta liña, Gómez insistiu na importancia dos seguros agrarios como mellor fórmula para facer fronte a este tipo de situacións e reiterou o compromiso do Goberno galego para impulsalos, mediante liñas de axuda para o seu fomento.

Así, recordou que neste 2024 a Xunta destina 8,5 millóns de euros para apoiar o aseguramento, coa novidade de que as achegas públicas poden cubrir ata un máximo do 75% do custo da póliza, e avanzou que de cara ao 2025 vaise incrementar a partida orzamentaria para este fin.

Puxo en valor ademais o feito de que esta mesma semana se vaia aboar aos agricultores e gandeiros galegos o anticipo dos pagos directos da PAC referentes á solicitude única de 2024 e que ascenden a un total de 45 millóns de euros. Esta é, subliñou, a cantidade máis alta dos últimos catro anos e sendo das poucas veces que se adianta este pago ao mes de outubro. Desta forma, explicou Gómez, os beneficiarios poderán contar cun fluxo de efectivo para facer fronte os seus gastos operativos durante o presente ciclo agrícola.