O Parlamento galego insiste na demanda ao Goberno central para que encargue un BAM para Navantia-Ferrol

Santiago, 9 de novembro de 2021.- O Parlamento de Galicia volveu demandar hoxe ao Goberno central a construción dun buque de acción marítima nos estaleiros de Navantia na ría de Ferrol, así como a súa incorporación ao Pacto de Estado por Ferrol, a constitución dunha Zona Franca no porto de Ferrol e a inclusión nos orzamentos xerais do Estado para 2022 da partida necesaria para a construción das fragatas F-110. Así mesmo, demándase que o Goberno galego poña en marcha unha Delegación da Xunta en Ferrol no horizonte do primeiro trimestre do vindeiro ano.

Continue reading

O Grupo Popular salienta que Galicia é a segunda comunidade con menor ratio de falecementos por Covid-19 nas residencias de maiores

Santiago, 9 de novembro de 2021.- O deputado do Grupo Popular Alberto Pazos salientou hoxe no Parlamento galego que Galicia é a segunda comunidade autónoma española con menor ratio de persoas falecidas por Covid-19 nas residencias de maiores galegas. Deste xeito, criticou “a teima de BNG e PSdeG en obviar os datos que se coñecen e que acreditan que en Galicia fixéronse as cousas mellor, as residencias funcionaron mellor e evitáronse máis mortes que na maioría das comunidades autónomas”.

Continue reading

O PPdeG salienta que Galicia foi a primeira comunidade en crear un plan de reactivación da cultura, dotado con máis de 26 millóns de euros

Santiago, 9 de novembro de 2021.- A deputada do Grupo Popular Teresa Egerique salientou hoxe no Pleno do Parlamento galego que Galicia “foi a primeira comunidade autónoma en poñer en marcha un plan de reactivación para recuperar a actividade cultural, un plan que contou con máis de 26 millóns de euros, dialogado e dirixido a todos os ámbitos, e que foi adaptándose para atender as necesidades dos profesionais a medida que íamos coñecendo a evolución da pandemia”.

Continue reading

O PPdeG pedirá mañá no Pleno ao Goberno central a intervención temporal de Alcoa e a súa implicación no Pacto de Estado por Ferrol

Santiago, 8 de novembro de 2021.- O Grupo Popular demandará mañá no Pleno do Parlamento galego a intervención temporal por parte do Goberno central da factoría de Alcoa en San Cibrao para a súa posterior venda a un inversor privado que garanta un proxecto industrial viable. Así mesmo, solicitará que o Goberno de España se implique no Pacto de Estado por Ferrol, no que se prevé a posta en marcha dunha Zona Franca no porto ferrolá que dinamice a actividade comercial e industrial desta comarca.

Continue reading

O Parlamento galego demanda a difusión do Banco de Explotacións Agrarias entre os seus beneficiarios

Santiago, 5 de novembro de 2021.- O Parlamento de Galicia aprobou hoxe por unanimidade a proposición non de lei do Grupo Popular a través da que se insta á xunta a promover a difusión e coñecemento do Banco de Explotacións Agrarias entre os seus posibles beneficiarios, en concreto os actuais titulares próximos á xubilación e que non contan con relevo, así como os posibles futuros beneficiarios de explotacións.

Continue reading

O Parlamento galego demanda que se recoñeza como admisible a efectos de recibir axudas a totalidade da superficie que teña actividade gandeira

Santiago, 5 de novembro de 2021.- O Parlamento galego aprobou hoxe por unanimidade a proposición non de lei, transaccionada entre o Grupo Popular e o BNG, a través da que demanda que a Xunta centre os seus esforzos negociadores con tódalas institucións precisas para que sexa recoñecida como admisible a totalidade da superficie que realmente teña actividade gandeira, mellorando o coeficiente de admisibilidade de pastos (CAP) no caso das zonas arbustivas e baixo arboredo, de modo que Galicia non siga a ser prexudicada pola falta de recoñecemento das súas singularidades a efectos da PAC.

Continue reading

O Grupo Popular acusa a BNG e PSdeG de amparar a actitude antidemocrática da presidenta da Deputación de Pontevedra de non comparecer no Parlamento

Santiago, 4 de novembro de 2021.- O deputado do Grupo Popular Alberto Pazos acusou hoxe ao BNG e PSdeG de “amparar a actitude antidemocrática da presidenta da Deputación de Pontevedra” ao non comparecer no Parlamento galego para informar dos orzamentos desta institución provincial, xa que “está no caciqueo, na corruptela e tapando as vergoñas baixo a mullida alfombra da deputación”.

Continue reading