Tamén ocupan un lugar destacado as propostas de impulso ao sector industrial, o emprego e o sector primario
O Grupo Popular centra as súas propostas de resolución ao DEA na mellora do benestar dos galegos e dos servizos públicos
Pedro Puy manifesta o orgullo dunha Galicia que “soubo estar á altura das circunstancias” na pandemia sanitaria
Santiago, 13 de outubro de 2021.- O portavoz do Grupo Popular, Pedro Puy, afirmou hoxe no Debate sobre o Estado da Autonomía que “nos sentimos orgullosos dunha Galicia que, ao igual que noutros difíciles momentos da súa historia, soubo estar á altura das circunstancias” nesta pandemia sanitaria, e amosou “o noso compromiso de continuar traballando co Goberno galego para superar os efectos de pandemia o máis pronto posible, con unidade, con diálogo e con lealdade ao país”. “A nosa autonomía, co Presidente Feijóo á fronte, deu unha lección ao resto de España e ao mundo de traballo serio, coordinado, racional e responsable”, salientou.
Puy salienta o “discurso moderado e de man tendida” de Feijóo no DEA, “que abre unha esperanza de transformación de Galicia e de seguir avanzando”
Santiago, 13 de outubro de 2021.- O portavoz do Grupo Popular, Pedro Puy, salientou o “discurso moderado e de man tendida” do Presidente da Xunta no Debate sobre o Estado da Autonomía, “que abre unha esperanza de transformación de Galicia e de continuar avanzando nos éxitos dos últimos anos para conseguir unha comunidade mellor para os que nos sucedan”.
O Grupo Popular afronta o Debate sobre o Estado da Autonomía “cunha actitude de diálogo e de aceptar propostas para un futuro mellor”
Santiago, 11 de outubro de 2021.- “Imos ao Debate sobre o Estado da Autonomía cunha actitude de diálogo e de aceptar propostas para preparar un futuro mellor”, avanzou hoxe o portavoz popular, Pedro Puy. Así mesmo, contrapuxo “un Goberno galego estable, cos pes no chan e que está a actuar con realismo, fronte a uns grupos da oposición que se atopan nunha etapa de autodefinición en todos os sentidos, tanto a nivel ideolóxico como programático”.
O Parlamento galego pide que a Xunta coordine un programa cultural que celebre a figura do pintor Laxeiro no Día das Artes Galegas de 2022
Santiago, 8 de outubro de 2021.- O Parlamento de Galicia aprobou hoxe unha proposición non de lei do Grupo Popular, sen o respaldo de BNG nin de PSdeG, a través da que se recoñece a relevancia de Laxeiro no eido das artes plásticas de Galicia e manifesta a importancia de que a Xunta coordine a posta en marcha dunha programación cultural que celebre a súa figura coincidindo co Día das Artes Galegas 2022.
O Parlamento galego demanda ao Ministerio de Educación que concrete os novos currículos derivados da aplicación da LOMLOE
Santiago, 8 de outubro de 2021.- O Parlamento galego aprobou hoxe a proposición non de lei do Grupo Popular, sen o voto favorable do PSdeG, a través da que se solicita ao Ministerio de Educación axilidade na concreción dos novos currículos derivados da aplicación da LOMLOE como paso previo a poder acometer a súa adaptación ás particularidades do ensino galego e, entre outras cuestións, facilitar que a Consellería poida ofrecer ao profesorado galego un conxunto de instrumentos e ferramentas informáticas que permitan a elaboración das programacións didácticas acorde co modelo curricular vixente.
O Parlamento galego solicita que a Xunta incoe o procedemento de delimitación do Camiño de Inverno
Santiago, 8 de outubro de 2021.- O Parlamento galego aprobou hoxe, logo dunha transacción entre o Grupo Popular e o BNG, unha proposición non de lei a través da que se solicita á Xunta que incoe o procedemento de delimitación do trazado do Camiño de Inverno, dando prioridade ás rutas principais que xa foron recoñecidas previamente.
O Parlamento solicita a retirada da proposta de redución das áreas beneficiarias do programa europeo de cooperación POPTEP 21-27
Santiago, 6 de outubro de 2021.- O Parlamento de Galicia aprobou hoxe a proposición non de lei do Grupo Popular, sen o apoio do Grupo Socialista, a través da que se solicita ao Goberno de España que manifeste ante a Comisión Europea o rexeitamento e solicite a retirada da proposta de redución da área xeográfica beneficiaria incluída no espazo de cooperación do Programa POCTEP 21-27.
Restablecemento de todos os servizos e frecuencias do transporte ferroviario antes da crise da covid-19
Demanda por parte da Xunta ao Goberno de España do restrablecemento de todos os servizos e frecuencias que ofrecía o transporte ferroviario antes da crise da covid-19
O PPdeG saúda que BNG e PSdeG recoñezan que o peche de oficinas bancarias é un problema global que precisa resposta do Goberno central
Santiago, 6 de outubro de 2021.- A deputada do Grupo Popular Sandra Vázquez saudou hoxe no Parlamento galego que tanto BNG como PSdeG “recoñezan que o peche de oficinas bancarias, sobre todo en zonas do rural, é un problema global do sistema financeiro español e que afecta ao conxunto de España”, polo que insistiu que “o Goberno de España debe dirixir unha acción conxunta, ao ser o único competente na materia”.