1, novembro, 2019. O secretario xeral do PPdeG, Miguel Tellado, anunciou a participación de Mariano Rajoy na campaña para as Eleccións Xerais o vindeiro martes en diferentes actos na provincia de Pontevedra, lembrando que mañá será Pablo Casado quen visite a nosa Comunidade. “Un, na súa etapa de Goberno, fíxoo moito mellor como presidente que Pedro Sánchez; e o outro farao a partir do 10 de novembro se os galegos e os españois lle dan a súa confianza”, salientou.
Feijóo pide aos galegos que se unan nun voto esixente para que volva a estabilidade a España e se cumpra con Galicia
31, outubro, 2019. O presidente do PPdeG, Alberto Núñez Feijóo, pediu aos galegos que se unan nun voto esixente para que volva a estabilidade a España e se cumpra coa nosa Comunidade. Porque, segundo apuntou, o que precisa Galicia son certezas e compromiso por parte do próximo Goberno.
O PPdeG critica que a presidenta da Deputación de Pontevedra incumprira por terceira vez a súa obriga legal de comparecer no Parlamento para explicar os orzamentos
Santiago, 31 de outubro de 2019.- O deputado do Grupo Popular, Alberto Pazos, criticou hoxe que a presidenta da Deputación de Pontevedra “incumprira por terceira vez a súa obriga legal de comparecer neste Parlamento para explicar o orzamento da institución que preside, situándose á marxe da lei e desprezando á Cámara galega”.
O Grupo Popular salienta “a planificación, previsión e xestión eficiente” da Deputación de Ourense”
Santiago, 31 de outubro de 2019.- A deputada do Grupo Popular Cristina Romero salientou hoxe no Parlamento “a planificación, previsión e xestión eficiente que converten á Deputación de Ourense na primeira administración pública en aprobar os seus orzamentos para 2020, o que está a permitir aos concellos da provincia planificar as súas contas ao coñecer as contías das que disporán no próximo exercicio”.
O PPdeG demanda ao presidente da Deputación de Lugo pactos a nivel provincial en materia de residencias de maiores, Plan Único, estradas provinciais, a auga e teleasistencia
Santiago, 31 de outubro de 2019.- O deputado do Grupo Popular Daniel Vega demandou hoxe ao presidente da Deputación de Lugo “pactos a nivel provincial para a execución dos proxectos das residencias de maiores, o incremento do Plan Único, maior dotación para o mantemento de vías provinciais, reforzar o servizo de teleasistencia, a mellora do abastecemento da auga e a promoción turística”.
O Grupo Popular pide ao presidente da Deputación de A Coruña que “xestione con seriedade e non sexa un exemplo do amiguismo e a improvisación”
Santiago, 30 de outubro de 2019.- O deputado do Grupo Popular Gonzalo Trenor demandou hoxe no Parlamento ao presidente da Deputación de A Coruña que “xestione con seriedade este organismo facendo previsións realistas e non sexa o responsable dunha administración exemplo do amiguismo e da improvisación”.
Tellado, sobre o caso Espinosa: “Que Sánchez diga se no seu partido caben dirixentes con empresas en paraísos fiscais”
31, outubro, 2019. O secretario xeral do PPdeG, Miguel Tellado, pediu que Pedro Sánchez aclare se no seu partido teñen cabida dirixentes con empresas en paraísos fiscais, facendo referencia aos graves feitos que recolle a prensa sobre Elena Espinosa, que apuntan que a ex ministra do Goberno de Zapatero e actual tenente de alcalde de Vigo segue figurando como administradora e tesoureira dunha sociedade en Panamá.
Tellado: “A Pedro Sánchez non lle vai saír gratis o desprezo co que tratou a Galicia desde que é presidente”
30, outubro, 2019. O secretario xeral do PPdeG, Miguel Tellado, afirmou que “a Pedro Sánchez non lle vai saír gratis o desprezo co que tratou a Galicia desde que é presidente”, sinalando que o socialista pagará as consecuencias de provocar as cuartas eleccións xerais en catro anos, do ataque permanente á nosa industria e ao noso emprego, de terlle adebedado 700 millóns á Comunidade e ocultado os prazos do AVE, do ridículo permanente do delegado do Goberno en Galicia e do delegado de Ferraz en Galicia e, en definitiva, de “ter traizoado a confianza que lle deron os galegos en abril e que, sen dúbida, quedou claro que non merecía”.
Puy afirma que o Goberno socialista “se está quedando só” negando á central térmica de As Pontes tempo para adaptarse á transición enerxética
Santiago, 28 de outubro de 2019.- O portavoz do Grupo Popular, Pedro Puy, lamentou hoxe que o Goberno central socialista “se está quedando só” porque se contradí internamente e non coincide con ningún dos actores que comparten a demanda para que a central térmica de As Pontes teña tempo para adaptarse a unha transición enerxética necesaria. Ademais, lembrou que Pedro Sánchez “dixo literalmente noutro mitin celebrado no mes de marzo en A Coruña que tiñan aprobado un estatuto para o consumidor electrointensivo para garantir o futuro deste sector industrial en Galicia e España, pero a día de hoxe recoñecen que aínda falta o visto bo da Comunidade Europea a esta iniciativa, introducindo moitas dúbidas sobre o que está a facer este goberno.”
Feijóo reivindica para España un Goberno como o galego: garantía de estabilidade e comprometido con Galicia
25, outubro, 2019. O presidente do PPdeG, Alberto Núñez Feijóo, reivindicou para España un Goberno como o galego que, ademais de exercer as súas funcións, sexa garantía de estabilidade política, institucional e económica e de compromiso con Galicia. Neste punto, avogou pola “política útil”.