25, outubro, 2019. O secretario xeral do PPdeG, Miguel Tellado, asegurou que, co estatuto electrointensivo, “a Xunta volveu facer o traballo que non soubo ou non quixo facer o Goberno central”, e apuntou que, igual que aconteceu cos 700 millóns de euros -dos que aínda se lle deben 370 a Galicia- foi o Executivo autonómico quen propuxo solucións enriba da mesa a un problema que os socialistas non foron quen de arranxar.
O Grupo Popular incide que o pago das entregas a conta “chega tarde e chega incompleto”
Santiago, 23 de outubro de 2019.- O portavoz do Grupo Popular, Pedro Puy, incidiu hoxe no Pleno do Parlamento que o pago das entregas a conta por parte do Goberno central a Galicia “chega tarde e chega incompleto”, porque faltan os 200 millóns da mensualidade do IVE de 2017 e os 170 millóns das compensacións por ser unha comunidade cumpridora en materia de déficit e débeda. “O Goberno central estanos privando de capacidade de gasto a cambio de que eles incumpran un pouquiño menos a regra de gasto”, indicou.
O Parlamento galego esixe ao Goberno central un cambio na súa política enerxética para garantir a continuidade da central térmica das Pontes
Santiago, 23 de outubro de 2019. O Parlamento de Galicia aprobou hoxe a proposición non de lei do Grupo Popular, transaccionada co Grupo Socialista, a través da que se esixe ao Goberno Central que rectifique a súa política enerxética e tome as medidas necesarias que permitan garantir o funcionamento da central térmica das Pontes de García Rodríguez o tempo necesario para acadar unha alternativa viable, así como que proceda á negociación urxente dun convenio de colaboración para a posta en marcha da Estratexia de Transición Xusta en Galicia, como xa está a facer na maioría das comunidades autónomas, e que inclúa a Galicia nas axudas europeas para as zonas mineiras afectadas pola transición enerxética.
O Grupo Popular afirma que Galicia está preparada para minimizar os efectos dun bréxit abrupto
Santiago, 23 de outubro de 2019.- O deputado do Grupo Popular Alberto Pazos manifestou hoxe no Pleno que “todos desexamos que o Parlamento británico dea luz verde esta semana ao acordo para unha saída negociada do Reino Unido da Unión Europea, minimizando os efectos deste erro histórico froito do populismo”. “Se non fose así, teñan a completa seguridade de que atoparán á Xunta de Galicia preparada para minimizar os perniciosos efectos dun brexit abrupto”, manifestou.
O Parlamento galego demanda ao Goberno central actuacións para evitar a suba de peaxes e mellorar os accesos na AP-9
Santiago, 23 de outubro de 2019.- O Parlamento de Galicia aprobou hoxe por unanimidade a proposición non de lei do Grupo Popular a través da que se demandan ao Goberno central diversas actuacións relacionadas coa AP-9 para evitar a suba de peaxes, mellorar os seus accesos, a liberación da peaxe de Redondela e a posta en marcha de bonificacións para os usuarios frecuentes.
O Grupo Popular insiste en que a Xunta esixa o vixíe o cumprimento do concerto co Hospital POVISA
Santiago, 22 de outubro de 2019.- O portavoz de Sanidade do Grupo Popular, Aurelio Núñez Centeno, insistiu hoxe na necesidade de que a Xunta esixa e vixíe o cumprimento do concerto co Hospital POVISA de Vigo, diante da posibilidade do cambio da titularidade do mesmo, garantindo a calidade asistencial nesta área sanitaria e o mantemento dos postos de traballo deste centro médico.
O Grupo Popular salienta que Galicia é a segunda comunidade española con máis potencia renovable instalada
Santiago, 23 de outubro de 2019.- A portavoz de Enerxía do Grupo Popular, Marta Nóvoa, salientou hoxe no Pleno do Parlamento que “Galicia é a segunda comunidade española con máis potencia renovable instalada, co 66 por cento da enerxía xerada e o 86 por cento da enerxía consumida de orixe renovable”. “Con estes datos, superamos con creces os obxectivos marcados pola Unión Europea”, asegurou.
Tellado repróchalle á esquerda que o seu modelo económico “é o peche de empresas”
Santiago, 22 de outubro de 2019.- O viceportavoz do Grupo Popular, Miguel Tellado, lamentou este martes no Parlamento que o modelo económico que defenden os grupos de esquerdas sexa “o peche de empresas” e lembrou casos como o das centrais térmicas, a factoría de ENCE ou Reganosa. “Neste Parlamento só defendemos aos traballadores os que avogamos polo mantemento dos postos de traballo”, incidiu.
O Grupo Popular avoga por rematar nesta lexislatura os traballos das comisións non permanentes de discapacidade e de igualdade e dereitos das mulleres
Santiago, 22 de outubro de 2019.- A viceportavoz do Grupo Popular, Marta Rodríguez Arias, avogou hoxe por rematar nesta lexislatura os traballos das comisións non permanentes sobre as políticas relativas á discapacidade e para a igualdade e os dereitos das mulleres, deixando para a vindeira lexislatura “unha revisión das comisións permanentes no Parlamento galego para adaptalas aos distintos departamentos da Xunta de Galicia”.
O PPdeG asegura que o anteproxecto de Lei dos xogos da Xunta “é moito máis completo” que o defendido polo Grupo Común de Esquerdas
Santiago, 22 de outubro de 2019.- A viceportavoz do Grupo Popular, Paula Prado, asegurou hoxe no Pleno do Parlamento que o anteproxecto de Lei reguladora dos xogos no que está traballando a Xunta “é moito máis completo que o defendido polo Grupo Común de Esquerdas, xa que recolle moitas das súas medidas, ademais de incorporar as alegacións dos colectivos que participaron no trámite de información pública”.