Santiago, 11 de setembro de 2019.- O portavoz de Educación do Grupo Popular, Martín Fernández Prado, demandou hoxe ao Goberno do Estado “unha mellora das bolsas para estudantes universitarios, xa que leva dúas convocatorias sen modificar absolutamente nada”. Así mesmo, salientou que a Xunta “leva unha década colaborando coas universidades galegas no proceso de mellora da oferta de titulacións, adaptándoas á realidade de Galicia dun xeito consensuado”.
O PPdeG incide no compromiso de ter implantadas máis do 70% das accións do Plan de Atención Primaria antes de que remate o presente ano
Santiago, 10 de setembro de 2019.- O portavoz de Sanidade do Grupo Popular, Aurelio Núñez Centeno, incidiu hoxe no Parlamento no compromiso da Xunta de Galicia de ter implantadas máis do 70 por cento das accións contempladas no Plan Galego de Atención Primaria 2019-21 antes de que remate este ano.
O Grupo Popular lembra que o parque eólico do Oribio foi autorizado polo Goberno bipartito en 2007
Santiago, 10 de setembro de 2019.- A portavoz de Enerxía do Grupo Popular, Marta Nóvoa, subliñou hoxe no Parlamento que o parque eólico do Oribio, nos termos municipais de Samos e Triacastela na provincia lucense, “é un proxecto autorizado polo Goberno bipartito en 2007 antes de que a zona fose declarada Rede Natura, e o único que fixo a actual Xunta foi dar luz verde a unha modificación non substancial do proxecto que permitiu minimizar o seu impacto ambiental, ao pasar de 12 a 8 aeroxeneradores”.
O Grupo Popular afirma que o Instituto Galego de Consumo está a disposición dos afectados polo IRPH para asesoralos e informalos
Santiago, 10 de setembro de 2019.- A deputada do Grupo Popular Cristina Romero afirmou hoxe no Parlamento que o Instituto Galego de Consumo e da Competencia “está a disposición dos consumidores galegos afectados polo índice de referencia de préstamos hipotecarios (IRPH) para asesoralos e informalos”, logo de que o avogado xeral do Tribunal de Xustiza da Unión Europea declarara esta mañá que este índice debe estar sometido á tutela xudicial para saber se é abusivo ou non.
O PPdeG asegura que Galicia “conta cunha ampla lexislación para tramitar axeitadamente e con garantías os proxectos de tratamento de residuos”
Santiago, 10 de setembro de 2019.- O portavoz de Medio Ambiente do Grupo Popular, Gonzalo Trenor, asegurou hoxe no Parlamento que “Galicia conta xa cunha ampla lexislación urbanística e ambiental que permite tramitar axeitadamente e con plenas garantías a instalación de proxectos de tratamento de residuos, avaliando os posibles impactos e determinando se as propostas empresariais poden saír adíante”.
Puy afirma que Gonzalo Caballero ten “unha magnífica ocasión” para poñerse de lado dos galegos defendendo a central de As Pontes e Alcoa
Santiago, 9 de setembro de 2019.- O portavoz do Grupo Popular, Pedro Puy, afirmou hoxe que o secretario xeral dos socialistas galegos “ten unha magnífica ocasión para poñerse de lado dos intereses de Galicia e non do Goberno de Pedro Sánchez” tanto no debate no Pleno desta semana dunha proposición non de lei en defensa da central térmica de As Pontes como na xuntanza que celebra hoxe co Comité de Empresa de Alcoa en San Cibrao.
Feijóo avoga porque o Partido Popular volva ser o punto de encontro do centro-dereita e desbloquear o país
08, setembro, 2019. O presidente do PPdeG, Alberto Núñez Feijóo, resaltou que o Partido Popular necesita ser outra vez o punto de encontro e ese partido aglutinador que conseguiu dez millóns de votos e que nas eleccións de abril se disgregaron en tres formacións. Porque, segundo Feijóo, o que estivo unido debe manterse unido, polo que avogou por volver sumar o voto de centro-dereita para desbloquear o país e para que a esquerda e os independentistas non gobernen en España.
Feijóo: “O Partido Popular vai ser un seguro a todo risco de goberno e estabilidade para todos os galegos”
7, setembro, 2019. O presidente do PPdeG, Alberto Núñez Feijóo, afirmou que o seu partido vai ser un seguro de goberno e estabilidade para todos os galegos. “Un seguro a todo risco ante o Goberno central e ante a oposición que hai en Galicia”, dixo durante o acto de inicio de curso político dos populares na nosa Comunidade no que estivo acompañado polo líder do PP, Pablo Casado.
O Grupo Popular salienta que a Xunta xa superou os 232 millóns de euros previstos inicialmente para o Plan de fixación de poboación no rural
Santiago, 06 de setembro de 2019. A deputada popular Raquel Arias manifestou hoxe no Parlamento o indispensable papel do rural na recuperación demográfica nunha comunidade como a galega, “xeneticamente rural”. Neste sentido, destacou o “bo funcionamento” do Plan de fixación de poboación no rural 2017-2020, que un ano antes de rematar xa leva executado máis do 100 por cento do orzamento previsto inicialmente, de 232 millóns de euros”.
Tellado di que Pedro Sánchez ten medo a que os presidentes socialistas se poñan do lado de Feijóo
6, setembro, 2019. O secretario xeral do PPdeG, Miguel Tellado, afirmou que, despois de meses sen que o Goberno do PSOE queira atopar unha solución aos impagos ás comunidades -700 millóns de débeda no caso de Galicia-, “Sánchez teme que incluso as comunidades socialistas se pronuncien aínda con máis claridade e de forma máis rotunda” a favor dos argumentos da Xunta e de Feijóo fronte aos do Executivo central.