Santiago, 13 de xaneiro de 2020.- O portavoz do Grupo Popular, Pedro Puy, considerou hoxe que “neste período de sesións será o momento de poñer enriba da mesa do Goberno central todas as demandas e problemas de Galicia que estamos reclamando, que son de xustiza e moitos deles concitan a unanimidade do Parlamento galego”.
Tellado lamenta que Pedro Sánchez premie a dúas das ministras que máis castigaron a Galicia
10, xaneiro, 2020. O secretario xeral do PPdeG, Miguel Tellado, asegurou que “mal empeza Pedro Sánchez premiando cunha vicepresidencia á ministra que pechou a central das Pontes e premiando coa portavocía do Goberno á ministra de Facenda, que non foi quen de pagar o que lle debe á nosa Comunidade”. “Semella que para o presidente do Goberno é un mérito facerlle dano aos intereses de Galicia. Será por iso polo que parece ter en tanta estima a Gonzalo Caballero”, engadiu.
O PPdeG lamenta que o Goberno de España, refén dos independentistas cataláns e vascos, dependa tamén dos independentistas galegos
3, xaneiro, 2020. O vicesecretario de Participación do Partido Popular, Jaime de Olano, considera que o BNG, tras coñecerse que non votará en contra da investidura de Pedro Sánchez, quere “esquerrizar” Galicia e que se suma ás formulacións independentistas que están a secuestrar ao novo Executivo de España, debido á ambición persoal de Pedro Sánchez. Así, o Goberno socialista, que xa dependía de independentistas cataláns e vascos, agora tamén dependerá dos independentistas galegos.
Tellado cre que o 2020 xa mellora ao ano anterior por traer menos impostos, máis oportunidades e máis dereitos sociais
3, xaneiro, 2020. “A Galicia de 2020 só ten tres días de vida, pero xa mellora en varios parámetros a de 2019, porque debuta con máis dereitos sociais, máis emprego e menos impostos”, salientou o secretario xeral do PPdeG, Miguel Tellado.
O PPdeG valora o modelo de convivencia e integrador do discurso de Feijóo, fronte a gobernos rupturistas e excluíntes
31, decembro, 2019. O secretario xeral do PPdeG, Miguel Tellado, valorou o ton de moderación, responsabilidade, unidade e estabilidade do presidente da Xunta, no seu tradicional discurso de fin de ano; ao tempo que fixo fincapé no modelo de convivencia e integrador do Goberno galego, fronte a modelos que avogan pola fractura e a exclusión.
Paula Prado critica que “o Goberno de Pedro Sánchez acumule neste fin de ano, un tras outro, anuncios que prexudican notablemente aos galegos”
Santiago, 30 de decembro de 2019.- A viceportavoz do Grupo Popular, Paula Prado, manifestou hoxe no Parlamento que “Galicia non merece o trato que lle está dando o actual Goberno socialista”. “Non hai unha boa noticia por parte do Goberno de Pedro Sánchez para a nosa Comunidade autónoma, que neste final de ano acumula, un tras outro, anuncios que prexudican notablemente aos galegos: ao anunciado peche da central de As Pontes, súmase o peche da venta de billetes nas estacións de ferrocarril, a falta dun estatuto para as empresas electrointensivas, a suba da peaxe na AP-9 ou a conxelación das pensións e da suba do salario aos funcionarios”, criticou.
O Grupo Popular propón un prazo de dous meses para elaborar o Pacto Galego contra a Violencia de Xénero
Santiago, 30 de decembro de 2019.- A viceportavoz do Grupo Popular, Paula Prado, propuxo hoxe “un prazo de dous meses, contados desde o inicio do vindeiro período de sesións, para elaborar o Pacto Galego contra a Violencia de Xénero”, un documento cuxo “esqueleto” será o ditame da Comisión non permanente de estudo para a Igualdade e para os dereitos das mulleres, que se debaterá para a súa aprobación no primeiro Pleno do vindeiro ano.
O Parlamento galego demanda que se adecúe ou elimine a norma que obriga ao rexistro horario da xornada a bordo dos buques pesqueiros
Santiago, 20 de decembro de 2019.- O Parlamento de Galicia aprobou hoxe a proposición non de lei do Grupo Popular a través da que se demanda ao Goberno de España que adecúe ou mesmo elimine, tendo en conta as peculiaridades laborais do sector marítimo-pesqueiro, a norma que obriga ao rexistro diario da xornada a bordo dos buques pesqueiros en base á posible inviabilidade de aplicación.
A Comisión de Igualdade e os dereitos das mulleres aproba o seu ditame, primeiro paso para elaborar o Pacto Galego contra a Violencia de Xénero
Santiago, 20 de decembro de 2019.- A Comisión de non permanente de estudo para a Igualdade e para os dereitos das mulleres aprobou hoxe o seu ditame, logo da comparecencia de máis de 80 persoas e a análise de cerca de 30 informes, “con propostas que son o primeiro paso para a elaboración do Pacto Galego contra a Violencia de Xénero”, manifestou a portavoz popular nesta materia, Marián García Míguez.
Pedro Puy asegura que a Axenda Galicia “será o eixo que centrará as demandas do Grupo Popular nos vindeiros meses no Parlamento”
Santiago, 27 de decembro de 2019.- O portavoz do Grupo Popular, Pedro Puy, afirmou hoxe que a Axenda Galicia coas medidas prioritarias da Comunidade galega ao próximo Goberno de España “capitalizou as iniciativas do PPdeG no último período de sesións e será o eixo que centrará as demandas para os vindeiros meses”.