Santiago, 8 de outubro de 2019.- A portavoz de Educación do Grupo Popular, María Antón Vilasánchez, subliñou hoxe no Pleno do Parlamento “o compromiso do Goberno do Partido Popular de recuperar paulatinamente as retribucións do profesorado, pactando cos sindicatos as melloras retributivas que comezaron hai xusto un ano e que seguirán ata 2021”.
O PPdeG asegura que o obxectivo da nova Lei é garantir o abastecemento nos episodios de seca a todos os galegos
Santiago, 8 de outubro de 2019.- O proxecto de Lei de medidas de garantía do abastecemento nos episodios de seca e nas situacións de risco sanitario continuará a súa tramitación parlamentaria logo de superar esta mañá o debate de totalidade na sesión plenaria. O portavoz de Medio Ambiente do Grupo Popular, Gonzalo Trenor, concretou que o obxectivo deste novo texto lexislativo “é garantir o subministro de auga en cantidade e calidade a todos os galegos”.
Pedro Puy afirma que o PPdeG continuará demandando no Pleno solución para as centrais térmicas e as industrias electrointensivas
Santiago, 7 de outubro de 2019.- O portavoz do Grupo Popular, Pedro Puy, avanzou hoxe que no Pleno desta semana “imos seguir apoiando as demandas para que desde o Goberno de España se adopten solucións en relación ás centrais térmicas de As Pontes e Meirama, así como demandando un novo estatuto para as empresas electrointensivas”.
Feijóo sinala que o Partido Popular sae a gañar en Galicia porque precisamos dun Executivo ao que lle importen os galegos
06, outubro, 2019. O presidente do PPdeG, Alberto Núñez Feijóo, salientou que, o próximo dez de novembro, o Partido Popular sae a gañar en Galicia porque precisa dun Goberno ao que lle importen os galegos e que trate a todos os españois por igual.
O Parlamento insta ao Goberno galego a acometer a reforma integral do CEIP Gregorio Sanz de Ribadeo
Santiago, 4 de outubro de 2019.- O Parlamento de Galicia aprobou hoxe a proposición non de lei do Grupo Popular a través da que se insta ao Goberno galego a acometer a reforma integral do CEIP Gregorio Sanz de Ribadeo.
Tellado asegura que o obxectivo do PSOE foi sempre o peche da central térmica das Pontes
4, outubro, 2019. O secretario xeral do PPdeG, Miguel Tellado, afirmou que “Pedro Sánchez, Teresa Ribera, Gonzalo Caballero e Javier Losada conseguiron o seu obxectivo: pechar a central térmica das Pontes”. “Todas as súas declaracións de preocupación, as súas fotos detrás dunha pancarta e as súas supostas reivindicacións son un paripé e unha farsa”, dixo insistindo en que o PSOE, desde que chegou ao Goberno, quixo pechar a central.
O Parlamento demanda avanzar na constitución e funcionamento dos montes de varas
Santiago, 4 de outubro de 2019.- O Parlamento galego aprobou hoxe a proposición non de lei do Grupo Popular a través da que se insta á Xunta para que, antes e que remate o ano 2019, proceda a realizar as xestións oportunas para avanzar decididamente en todo o relativo a constitución e funcionamento dos montes de varas, así como a regulación do rexistro público correspondente.
O PPdeG afirma que a Xunta cumpre coa lexislación tramitando a proposta dunha universidade privada, que dependerá da aprobación dunha lei no Parlamento
Santiago, 4 de outubro de 2019.- O portavoz de Educación do Grupo Popular, Martín Fernández Prado, afirmou hoxe que a Xunta “está a cumprir coa lexislación vixente no procedemento de tramitación dunha proposta de creación dunha universidade privada en Galicia, un proxecto que dependerá da aprobación dunha lei no Parlamento galego”.
O PPdeG reitera a esixencia para que o Goberno central rectifique e incorpore a lingua galega no Certame Arquímedes
A deputada do Grupo Popular Sandra Vázquez reiterou hoxe no Parlamento a esixencia para que o Goberno central rectifique a súa decisión de incorporar á lingua galega, así como calquera outra lingua oficial española, no Certame Arquímedes, “sumándonos á solicitude que xa fixo o Goberno galego á secretaria de Estado de Universidades, Investigación, Desarrollo e Innovación hai un mes”.
O PPdeG insiste que “o futuro de Ferroatlántica pasa polo mantemento da actividade industrial, a mellor maneira para garantir o emprego”
Santiago, 2 de outubro de 2019.- A portavoz de Enerxía do Grupo Popular, Marta Nóvoa, insistiu hoxe no Parlamento que “o futuro das instalacións de Ferroatlántica en Cee-Dumbría pasa irremediablemente polo mantemento da actividade industrial, que é a mellor maneira para garantir o emprego”.