Santiago, 26 de abril de 2019.- O Grupo Popular vén de rexistrar unha proposición non de lei a través da que se solicita ao Goberno do Estado que garanta unha maior simplicidade e axilidade na tramitación das prestacións por risco durante o embarazo en favor de mariscadoras, percebeiras, redeiras e traballadoras da pesca artesanal por parte da entidade á que lle corresponde esta tramitación: ben sexa o Instituto Social da Mariña ou as mutuas colaboradoras da Seguridade Social.
Feijóo pide o apoio dos galegos que dubidan entre PP e C’s ou VOX para que o seu voto teña escano e sirva para formar outro Goberno
26, abril, 2019. O presidente dos populares galegos, Alberto Núñez Feijóo, pediu o apoio dos galegos que dubidan entre o Partido Popular e Ciudadanos ou VOX para que o seu voto teña escano e sirva así para formar outro Goberno, xa que, tal e como apuntou, os votos a estes partidos non rivalizan con Pedro Sánchez, ao contrario, benefícianlle.
Feijóo pide o voto para o PP porque hai tantas razóns como en xuño de 2016 e máis riscos con Sánchez como presidente
25, abril, 2019. O presidente do PPdeG, Alberto Núñez Feijóo, durante un mitin na Coruña, pediu o voto este domingo para o Partido Popular, porque hai tantas razóns como había en xuño de 2016 e máis riscos con Pedro Sánchez como presidente do Goberno. Así, salientou que entre os motivos está evitar o bloqueo do país, a inestabilidade e a frivolidade.
O Grupo Popular apoia a creación na presente lexislatura dunha marca galega de produtos da horta
Santiago, 24 de abril de 2019. A deputada do Grupo Popular Raquel Arias defendeu hoxe no Parlamento a importancia da creación nos próximos meses dunha marca galega que ampare os produtos hortícolas cultivados na nosa comunidade.
O Parlamento demanda unha planificación das oficinas agrarias comarcais consecuente coa realidade da actividade agrogandeira galega
Santiago, 24 de abril de 2019.- O Parlamento de Galicia aprobou hoxe, logo dunha transacción entre o Grupo Popular e o Grupo Socialista, unha proposición non de lei a través da que se demanda á Xunta que, antes de que remate a presente lexislatura, realice unha planificación das oficinas agrarias comarcais consecuente coa realidade da actividade agrogandeira galega.
Feijóo di que ata os que teñen carné e cargos en C´s e VOX deberían votar ao PP no Senado para que haxa unha maioría que apoie o 155
24, abril, 2019. O presidente do PPdeG, Alberto Núñez Feijóo, subliñou, durante un mitin en Ourense, que ata os que teñen carné e cargos en Ciudadanos e VOX deberían votar ao Partido Popular no Senado para que haxa unha maioría que apoie o 155. Neste senso e segundo apuntou, os votos a estes partidos non rivalizan con Pedro Sánchez, senón que lle benefician.
Feijóo subliña que o PP ten o proxecto máis sólido para España e que Sánchez acabará desexando un terceiro debate
23, abril, 2019.O presidente do PPdeG, Alberto Núñez Feijóo, salientou que Pedro Sánchez, tras non querer ningún debate e verse forzado a que haxa dous, vai desexar que haxa un terceiro para intentar repoñerse do dano que se fixo a si mesmo na televisión. E é que, tal e como apuntou o líder dos populares galegos, “onte todos os españois recordamos por que Pedro Sánchez perdeu sempre as eleccións e por que tivo os peores resultados da historia do PSOE”.
O Parlamento galego demanda á Xunta que realice un estudo de mellora do trazado e as prestacións da OU-533
Santiago, 23 de abril de 2019.- O Parlamento de Galicia aprobou hoxe, co único voto favorable do Grupo Popular, unha proposición non de lei a través da que se insta á Xunta a realizar un estudo de mellora do trazado e as prestacións da estrada OU-533, de modo que conte coas características axeitadas para comunicar, a través dunha renovada infraestrutura, a futura Autovía A-76 coa Autovía A-52, no concello da Gudiña.
O PPdeG solicitará no Pleno que o Goberno do Estado retire a modificación do regulamento da Lei de Costas
Santiago, 23 de abril de 2019.- O Grupo Popular defenderá no Pleno da vindeira semana unha proposición non de lei a través da que se demanda ao Goberno do Estado que retire a proposta de modificación do regulamento da Lei de Costas e, de procederse a tramitar este cambio, se adapte á normativa que lle sirve de cobertura. Así mesmo, a través doutra proposición non de lei se solicitará ao Goberno central unha resposta inmediata á proposta consensuada para implantar o estaleiro 4.0 en Ferrol, que situará a Navantia na vangarda tecnolóxica do sector naval.
O viceportavoz do Grupo Popular, Miguel Tellado, informou que a Xunta de Portavoces acordou a celebración dun pleno específico sobre a solicitude de cese da Valedora do Pobo rexistrado polos grupos da oposición. “É un debate superado logo de que a propia Valedora puxera o seu cargo a disposición do Parlamento galego, e agora nos toca aos grupos parlamentarios consensuar un nome para substituír tanto a esta persoa como ao adxunto ao Valedor”, apuntou.
PLENO ORDINARIO
Dentro do Pleno ordinario que se celebrará a continuación, o Grupo Popular defenderá unha proposición non de lei a través da que se solicita ao Goberno do Estado que retire a súa redacción actual da modificación do regulamento da Lei de Costas por non axustarse á normativa, ao tempo que dea traslado á Xunta dun informe exhaustivo sobre todas as concesións que se verían afectadas por este cambio normativo. Así mesmo, solicítase que na nova tramitación que se acometa se dea un prazo axustado de alegacións para que toda a cidadanía e sectores afectados poidan ter coñecemento da modificación e facer as alegacións oportunas.
Miguel Tellado amosou “a nosa especial preocupación pola afectación que esta modificación do regulamento da Lei de Costas terá sobre máis de 100 empresas de cultivos mariños, transformación e auxiliares, como conserveiras, depuradoras, cocedeiros de moluscos ou instalacións de acuicultura, así como a case 5.000 edificacións de 80 concellos costeiros de Galicia, segundo os cálculos aportados polo Instituto de Estudos do Territorio”.
O Grupo Popular tamén incorporou á orde do día da sesión plenaria unha segunda proposición non de lei a través da que se demanda ao Goberno central unha resposta inmediata á proposta consensuada para a implantación do estaleiro 4.0 en Ferrol, vinculado ao programa de construción das cinco fragatas F-110.
DEFENDER OS INTERESES DE GALICIA
O viceportavoz popular lembrou que o anterior Goberno do Estado “defendía a implantación do estaleiro 4.0 para transformar unhas instalacións do século XVIII e adaptalas ao século XXI”. En concreto, esta actuación suporá un investimento aproximado de 400 millóns de euros, polo que Tellado criticou ao Goberno socialista porque, “ademais do atraso inxustificado na orde de execución das fragatas F-110, que vai supoñer carga de traballo nos estaleiros ferroláns para unha década coa creación de 7.000 empregos, desapareceu calquera mención ao proxecto de estaleiro 4.0 no que viñan traballando a Xunta, Navantia e o Ministerio de Defensa”.
“Con estas dúas iniciativas fundamentais para o impulso dos nosos sectores produtivos, desde o Grupo Popular demostramos que seguimos defendendo os intereses de Galicia, fronte aos que nos acusan de abordar cuestións só por electoralismo”, asegurou Miguel Tellado.
Dentro do apartado de preguntas ao Goberno, o Grupo Popular cuestionará se os concellos de Ferrol e Pontevedra teñen cumprido a proposición non de lei aprobada polo Pleno do Parlamento o pasado mes de novembro a través da que se lles requiría a implantación do servizo de transporte urbano; e solicitará un balance do funcionamento e acollida das casas-niño desde a súa posta en marcha.
Feijóo pide o voto para o PP porque “Galicia necesita un presidente de España que nos teña en conta”
22, abril, 2019.O presidente do PPdeG, Alberto Núñez Feijóo, pediu o voto para o Partido Popular, porque “Galicia necesita un presidente de España que nos teña en conta” e non a Pedro Sánchez, que nin a respecta nin a ten en consideración.