2, xuño, 2019. O secretario xeral dos populares galegos, Miguel Tellado, afirmou que a Xunta e o PPdeG teñen o reto de defender os intereses da nosa Comunidade fronte ao Executivo de Pedro Sánchez, que agraviou constantemente a Galicia o último ano -cos seus PXE e co ataque claro aos nosos sectores produtivos como o das electrointesivas, as centrais térmicas, a automoción ou a parálise dos sector naval público-.“Cada día que pasa Sánchez encárgase de converter a Rajoy no mellor presidente que tivo nunca España na súa democracia”, engadiu.
O PPdeG salienta que o novo concurso de transporte sanitario urxente dotará a Galicia de 16 ambulancias de soporte vital avanzado e 107 de soporte básico
Santiago, 29 de maio de 2019.- A deputada do Grupo Popular Encarna Amigo salientou hoxe que o novo concurso de transporte sanitario urxente dotará a Galicia de 16 ambulancias asistenciais de soporte vital avanzado, 107 ambulancias asistenciais de soporte vital básico e dúas ambulancias non asistenciais convencionais.
O Parlamento demanda manter a condición de familia numerosa especial cando un dos fillos cumpra as condicións establecidas na lei
Santiago, 29 de maio de 2019.- O Parlamento de Galicia aprobou hoxe a proposición non de lei, impulsada polo Grupo Popular, a través da que se solicita que en Galicia se manteña a condición de familia numerosa de tipo especial mentres un dos fillos cumpra as condicións de idade, convivencia e dependencia dos país que esixe a lei, na liña das últimas sentenzas xudiciais e de acordo á recomendación do Defensor del Pueblo.
O Parlamento galego pide que se estude a regulación das funcións dos técnicos en coidados auxiliares de enfermería
Santiago, 29 de maio de 2019.- O Parlamento de Galicia aprobou hoxe por unanimidade, logo dunha transacción entre o Grupo Popular e En Marea, unha proposición non de lei a través da que se demanda ao Goberno central que solicite ao Consello Interterritorial de Saúde o estudo dunha posible regulación das funcións dos e das técnicos en coidados auxiliares de enfermería para adaptar a normativa existente respecto ao marco normativo de titulacións vixente na actualidade, dentro do principio de lealdade institucional, coa garantía do seu financiamento.
O Grupo Popular avoga por un monte e un rural rendible para conseguir controlar a fauna salvaxe e reducir os incendios forestais
Santiago, 29 de maio de 2019.- O deputado do Grupo Popular Miguel Prado Patiño avogou hoxe no Parlamento por “un monte e un rural galego rendible para conseguir un mellor control da fauna salvaxe, como o lobo ou o xabaril, e reducir o número de incendios forestais”.
O Grupo Popular salienta que a Xunta leva investidos nesta lexislatura máis de 355 millóns de euros na loita contra o declive demográfico
Santiago, 28 de maio de 2019.- O deputado do Grupo Popular Alberto Pazos salientou hoxe no Parlamento que a Xunta “leva investidos nesta lexislatura máis de 355 millóns de euros na loita contra o declive demográfico”.“Para o PPdeG e para o Goberno galego o problema demográfico de Galicia é algo máis que unha prioridade, é a prioridade”, sinalou.
O Grupo Popular asegura que a Lei de rehabilitación “é unha oportunidade para recuperar os cascos históricos”
Santiago, 28 de maio de 2019.- A deputada do Grupo Popular María Antón asegurou hoxe no Pleno do Parlamento que a Lei de rehabilitación “é unha oportunidade para recuperar os nosos cascos históricos” e demandou á oposición que “non enreden con argumentos falaces e mensaxes catastrofistas porque esta norma nin crea inseguridade xurídica nin contradí outras leis, nomeadamente a de patrimonio cultural”.
O PPdeG apoia esixir ao novo Goberno central un calendario de actuacións de mellora do transporte ferroviario entre Ourense, Santiago e A Coruña
Santiago, 28 de maio de 2019.- O Grupo Popular apoiou hoxe no Pleno do Parlamento unha proposición non de lei a través da que se esixe ao novo Goberno do Estado que, no prazo de dous meses desde a súa constitución, negocie co Goberno galego un calendario de actuacións para a mellora no transporte ferroviario entre Ourense, Santiago e A Coruña.
O Grupo Popular salienta que a nova lei de administración dixital facilita a realización de trámites e a adquisición de competencias en novas tecnoloxías
Santiago, 28 de maio de 2019.- A portavoz de Novas Tecnoloxías do Grupo Popular, Sandra Vázquez Domínguez, asegurou hoxe no Pleno do Parlamento que a nova Lei de administración dixital de Galicia “pon totalmente a administración a disposición da cidadanía, facilitando a realización de trámites se xa se sabe utilizar internet, facilitando adquirir as competencias para utilizar internet e asegurando que existirá unha persoa que o faga polo cidadán que non saiba utilizar as novas tecnoloxías”.
Paula Prado afirma que a nova lei de administración dixital facilitará unha xestión máis eficaz, eficiente, ordenada, transparente e de calidade
Santiago, 27 de maio de 2019.- A viceportavoz do Grupo Popular, Paula Prado, asegurou hoxe que a nova lei de administración dixital de Galicia, que mañá se debate na súa totalidade no Pleno do Parlamento, “é a peza que faltaba para conseguir a reforma integral da administración pública galega e facela máis eficaz, máis eficiente, máis ordenada, máis transparente, de máis calidade e totalmente dixitalizada”.
Paula Prado lembrou que esta nova lei, que vén respaldada por todas as organizacións sindicais presentes na Mesa de Persoal da Xunta, permitirá consolidar unha administración galega totalmente dixital e universalizar o uso e acceso da cidadanía aos servizos públicos dixitais.
AFECCIÓN ESPECIAL AO PORTO DE VIGO
Así mesmo, Prado indicou que o Grupo Popular defenderá no Pleno que se celebra mañá e o mércores dúas proposicións non de lei. “A través da primeira solicitamos ao Goberno do Estado que non aplique a instrución ditada que impón novas trabas administrativas ás importacións de pesca conxelada ou procesada”, explicou. Neste sentido, apuntou que esta medida “está a afectar especialmente ao porto de Vigo, paralizando contedores e desviando mercancía cada ao porto portugués de Leixoes”.
Unha segunda proposición non de lei do Grupo Popular ten como obxectivo que se manteña en Galicia a condición de familia numerosa de tipo especial mentres un dos fillos cumpra as condicións de idade, convivencia e dependencia dos pais que esixe a lei, tal e como se recolle nas últimas sentenzas xudiciais e de acordo coa recomendación emitida polo Defensor del Pueblo.
“Neste momento, e logo da reforma lexislativa realizada en 2015 para seguir mantendo os efectos de título oficial de familia numerosa cando os irmáns maiores van deixando de cumprir os requisitos, aínda se mantén unha interpretación restritiva por parte do Goberno central que priva ás familias do recoñecemento de familia numerosa de categoría especial”, sinalou a viceportavoz popular.