11, decembro, 2018. O secretario xeral do PPdeG, Miguel Tellado, asegurou esta mañá que, “como partido de goberno en Galicia e en España, seremos capaces de casar o lexítimo desexo dos galegos de que a xestión da AP-9 resida na nosa Autonomía sen que isto menoscabe o interese xeral do Estado”.
O secretario xeral do PPdeG, Miguel Tellado, asegurou esta mañá que “as Mareas de Podemos, que predican democracia interna e transparencia, aplican no seu partido as peores prácticas dos réximes que defenden”. “É agora cando comezamos a saber por que se fixeron chamar rupturistas e imaxinamos que é porque viven cada día ao borde da ruptura interna”, engadiu.
Como sinalou, levamos semanas observando o espectáculo que están dando nas súas primarias internas, “un novo capítulo das continuas conspiracións que levamos vendo neste partido desde a súa formación” e, unha vez máis, confírmase que as Mareas de Podemos nunca se preocuparon polos problemas de Galicia, senón que só dos seus propios.
Tellado apuntou que, desde a súa fundación, non fixeron nin unha proposta sólida pensando nos intereses dos galegos xa que os debates que trasladaron á sociedade foron o chofer e a secretaria de Villares, os soldos dos deputados e os asesores aos que teñen dereito, os deputados que pagan cotas ao partido e os que non, se unha deputada que intenta intimidar a un policía durante uns actos vandálicos debe dimitir ou non, ou se no partido debe mandar Villares ou Martiño Noriega cun testaferro durante uns meses.
Por todo isto, expresou que a nosa Comunidade merece algo mellor como formación que lidere a oposición ao tempo que preguntaba “se os galegos poden fiarse dun partido no que os seus membros se acusan uns a outros de manipular votacións, de ser totalitarios ou de dar golpes de estado internos”.
UN NOVO AGRAVIO DOS SOCIALISTAS CON GALICIA
Por outra banda, o secretario xeral lamentou que, esta semana, a ministra de Defensa volvese utilizar ao secretario xeral dos socialistas galegos como recadeiro dos agravios que cometen con Galicia, para que Gonzalo Caballero xustificase un novo retraso na orde de execución das Fragatas F-110.
Tras lembrar que os gobernos do PP fixeron o máis difícil, que foi impulsar o proxecto nas fases de deseño e durante a peor crise económica dos últimos 40 anos, así como aprobar os orzamentos de 2018 e incluír unha partida de 252 millóns para as fragatas; pediu ao Goberno de Sánchez o máis sinxelo: “que non pare un proxecto que é fundamental para unha comarca farta de aturar o castigo inxustificado de gobernos socialistas desde a década dos 80”.
“Estamos moi acostumados a que os socialistas gobernen como se as institucións fosen súas, a que utilicen contas oficiais para mandar mensaxes de partido, a que usen o CIS para facer propaganda, a que o delegado do Goberno use o seu posto para facer oposición á Xunta, e a que os ministros usen os seus despachos para facer reunións de partido para tratar temas que se deberían tratar con conselleiros ou co presidente da Xunta”, dixo manifestando que os populares renuncian “a que os socialistas utilicen as institucións como é debido” pero que lles gustaría que polo menos o PSdeG intentase defender algunha vez os intereses de Galicia.
A DEFENSA DA CONSTITUCIÓN
Por último e con motivo da conmemoración da Constitución, Tellado quixo recordar o papel de Galicia como artífice da Carta Magna, salientando que “fomos parte fundamental dun momento histórico que nos trouxo a democracia e as décadas de maior prosperidade da nosa historia”. Ademais, recoñeceu que o sentimento maioritario na nosa Comunidade é “non renunciar a ser españois para ser galegos nin a ser galegos para ser españois” porque “entendemos que as nosas identidades suman e conviven dun xeito natural, pero nunca confrontan”.
Como mostra, aseverou que, mentres a inmensa maioría de galegos celebrou onte a Carta Magna -como o fai o resto de días-, unha minoría participaba nun acto en contra que celebrou o BNG, polo que expresou que “fronte aos que defendemos a Constitución están os que nos van obrigar a ver en Galicia papeletas cos nomes de Junqueras ou dos membros da antiga Batasuna”.
Santiago, 5 de decembro de 2018.- O Grupo Popular apoiou hoxe a aprobación polo Pleno do Parlamento dunha proposición non de lei a través da que se amosa a rotunda oposición á intención do Goberno central de establecer peaxes nas autovías, por consideralo unha medida regresiva, que fixa barreiras económicas no acceso á servizos básicos como son as infraestruturas viarias, pon en risco a seguridade viaria e supón un atranco ao desenvolvemento económico é a cohesión social na Galicia.
Nacido en O Valadouro (1962).
No ámbito orgánico exerce como coordinador xeral e voceiro do Partido Popular na provincia de Lugo.
Foi deputado no Parlamento de Galicia por esa mesma provincia nas VII, VIII, IX, X e XI lexislaturas. No último mandato exerceu como presidente da Comisión de Pesca e Marisqueo e portavoz da área de Infraestruturas e Mobilidade.
No período 2009 a 2016 foi Secretario da Mesa do Parlamento de Galicia e, dentro do Grupo Popular responsabilizouse da portavocía do Mar, Montes e Incendios.
Foi delegado territorial da Xunta na provincia de Lugo, entre 2016 e 2020.
No ámbito profesional foi director comercial dunha empresa de distribución maiorista durante 16 anos, e coordinador do equipo de venda en España e Portugal.
Senador da XV Lexislatura desde o 15/04/2024 en substitución de María José Gómez Rodríguez.
Nacido en Pontevedra (1955). Eurodeputado desde 2004 da Delegación española do PPE. Vicepresidente primeiro da Comisión de Pesca do Parlamento Europeo e Presidente do Intergrupo sobre Patrimonio Cultural Europeo, Camiños de Santiago e outros Roteiros Culturais Europeos, ademais de membro da Comisión de Asuntos Exteriores.
Licenciado en Dereito pola Universidade de Santiago de Compostela en 1977. Cursou tamén estudos de Filosofía e Letras. Posúe o Diploma de Estudos Internacionais da Escola Diplomática de Madrid. No ámbito universitario, entre 1988 e 1991 foi Profesor asociado de Dereito Internacional Público e Relacións Internacionais da Universidade Autónoma de Madrid.
Ingresou na Carreira Diplomática en 1980. Estivo destinado nas Embaixadas de España en Bonn (1984-1987) e Rabat (1993-1996). Ademais, ocupou distintos postos no Ministerio de Asuntos Exteriores. Entre outros, traballou na Dirección Xeral de Asuntos Consulares e na Asesoría Xurídica Internacional. Foi tamén Director do Gabinete do Secretario Xeral para as Comunidades Europeas (1991-1993), Director do Gabinete do Secretario Xeral de Política Exterior e para a UE (1996-1998) e Director Xeral de Política Exterior para Europa entre 1998 e 2000. Do 2000 ao 2003, foi Asesor para Asuntos Internacionais do Vicepresidente Primeiro do Goberno.
Ascendeu á categoría de Embaixador de España en xaneiro de 2022.
Nacido en Madrid (1982). Eurodeputado e presidente da Comisión de Asuntos Xurídicos do Parlamento Europeo desde 2020. Así mesmo, é membro suplente da Comisión de Agricultura e Desenvolvemento Rural.
Conta cunha dilatada traxectoria no ámbito das relacións internacionais, traballando no propio Parlamento Europeo, a OSCE ou a OTAN, así como en ámbito dos Asuntos Públicos.
Iniciou a súa formación na Facultade de Dereito da Universidade Complutense de Madrid, para logo especializarse en lingua e cultura xaponesa no International Studies Institute de Tokio. Posteriormente, obtivo a súa licenciatura en Estudos Internacionais na Universidade de Lindenwood (EE. UU.) e culminou os seus estudos cun master en Relacións Internacionais na Universidade de Warwick (Reino Unido). Desde xaneiro de 2022, imparte clase en ESADE e no Centro Universitario Cardeal Cisneros.
Ten as súas orixes familiares a comarca do Deza, de onde son os seus pais.
Deputado no Congreso por Pontevedra
Nacido o 12/01/1998
Grao Dereito pola Universidade de Santiago de Compostela.
#Máster en Práctica Xurídica (Avogacía) pola Universidade de Santiago de Compostela.
Avogado.
Concelleiro do Concello de Vilagarcía de Arousa (2023-2027)
Deputado da XV Lexislatura desde o 11/06/2024 en substitución de Ana María Pastor Julián.
Nacida en Santiago de Compostela o 26 de novembro de 1977.
Concelleira no Concello de Pontevedra (2019-2023).
Deputada provincial na Deputación de Pontevedra (2019-2023).
Avogada.
Nacida en Ourense o 21 de agosto de 1968.
Avogada con vinte e sete anos de exercicio profesional.
Empresaria.
Vicepresidenta oito anos da Confederación Empresarial de Ourense.
Nacida en Vigo o 25 de abril de 1975.
Deputada provincial na Deputación de Pontevedra (2008-2015)
Alcaldesa de Mos (desde 2008)
Santiago de Compostela, 1965. Historiadora e política española, deputada pola Coruña durante a X, XI e XII lexislatura. É tamén a actual vicesecretaria xeral de Comunicación do Partido Popular.
Durante a actual lexislatura, é portavoz adxunta do Grupo Parlamentario Popular no Congreso dos Deputados e tamén ocupa os seguintes cargos: portavoz adxunta de Igualdade, vogal suplente da Subcomisión do Pacto do Estado en materia de Violencia de Xénero, vogal da Comisión de Dereitos da Infancia e a Adolescencia, vogal de Sanidade e Servizos Sociais, adscrita á Comisión Mixta para o Estudo do Problema das Drogas e adscrita á Comisión para as Políticas Integrais da Discapacidade.
Lugo, 1971. Avogado. Licenciada en Ciencias Económicas e Empresariais pola Universidade de Alcalá de Henares e Máster en Administración Financeira e Tributaria pola Universidade da Coruña.
Comezou a traballar na Xunta de Galicia en 1999, onde ocupou distintos cargos nas consellerías de Familia, Economía e Finanzas, Asuntos Sociais, Política Territorial ou Traballo.
Santiago de Compostela, 1976. Deputada da X e XII lexislaturas. Licenciada en Ciencias Políticas e da Administración, Máster en Estudos Europeos pola Universidade Católica de Lovaina. Presidenta do Comité de Afiliacións do PP de Madrid, deputada na X Lexislatura, directora de Gabinete do Secretario de Estado de Presidencia do Goberno e asesora Político en PP e GPP.
A Coruña, 1970. Licenciado en Dereito. Deputado da X, XI e XII Lexislatura por Lugo no Congreso dos Deputados do Grupo Parlamentario Popular.
Portavoz Adxunto na dirección do Grupo Parlamentario Popular desde xullo de 2018. Até entón exerceu como Portavoz de orzamentos desde xaneiro de 2015; ademais de ostentar outras responsabilidades no Congreso.
É avogado en exercicio con despacho propio en Viveiro despois de desenvolver a súa traxectoria profesional nas especialidades do dereito civil, mercantil e laboral, tanto en despachos colectivos de Betanzos e A Coruña como en asesoría en Lugo.
Concelleiro da Corporación Municipal do Concello de Viveiro desde maio do 2011 e presidente da xunta xestora do PP local desde xaneiro do 2019.
Ferrol, 1954. É biólogo especializado en Ecoloxía pola USC e está en excedencia no Instituto Lucense de Desenvolvemento Económico e Social (INLUDES), onde exerceu distintas responsabilidades até ocuparse da súa dirección.
Entrou en política no ano 1990 para facerse cargo da Secretaría Xeral da Consellería de Agricultura, Gandaría e Montes (1990-1991). Desde entón exerceu como primeiro tenente de alcalde e concelleiro de economía e de Medio Ambiente ata que, en 1995, foi elixido alcalde de Lugo polo Partido Popular. En 2004 foi elixido deputado pola provincia de Lugo no Congreso dos Deputados, cargo de representación que revalidou até hoxe e que, entre 2007 e 2009, compaxinou coa portavocía do Grupo Popular no Concello de Lugo.
Bande, 1975. Licenciada en Dereito. Funcionaria do Corpo Superior da Administración Local e da escala executiva do Corpo Nacional de Policía. Secretaria Nacional de Emigración e responsable de Exterior do PP nacional.
Deputada nas VII, VIII, IX, X e XII lexislaturas. Portavoz do PP na comisión de Modelo Policial e portavoz adxunta na comisión de Seguridade Nacional.
Ourense, 1958. Avogado. Máster en Dirección de Empresas. Deputado e vicepresidente primeiro do Parlamento de Galicia (1997-2000). Deputado nas VII, VIII, IX, X, XI e XII lexislaturas. Presidente da comisión de Fomento do Congreso na X e XII lexislaturas.
Vigo, 1987.Licenciado en Dereito. Facultade de Ciencias Xurídicas e do Traballo. Universidade de Vigo. Especialidade en Dereito Económico. Xullo 2013. Máster en Asesoría Fiscal e Tributación polo Centro de Estudos Financieiros. Xullo 2014.
Presidente de Novas Xeracións do PP de Galicia entre os anos 2014 e 2017.
Presidente de Novas Xeracións do Partido Popular desde 2017 até a actualidade.
Concelleiro do Partido Popular en Vigo desde 2015 até a actualidade. É Membro do comité de dirección nacional do Partido Popular e membro do comité de dirección do PPdeG.
Pontevedra, 1961. Deputado da XI e XII lexislaturas. Licenciado en Dereito, avogado, profesor universitario e concelleiro. Foi elixido concelleiro do Concello da Coruña nas eleccións municipais de 2007. Volveu ser elixido concelleiro, neste caso de Servizos Sociais, nas eleccións municipais de 2011, nas que o Partido Popular fíxose por primeira vez co goberno municipal.
Nas eleccións municipais de 2015 volveu ser elixido concelleira, aínda que neste caso fóra do goberno. Meses máis tarde foi seleccionado para encabezar a candidatura do PP pola provincia da Coruña nas Eleccións Xerais de 2015. Foi reelixido en 2016.
Lugo, 1957. Licenciado en 1983 en Ciencias Económicas e Empresariais, disciplina na que é doutor e catedrático de Universidade.
Foi deputado no Parlamento galego entre 1997 e 2007; conselleiro de Medio Ambiente entre xaneiro do 2003 e agosto do 2005; portavoz do Grupo Parlamentario Popular entre o 2005 e o 2007; concelleiro no Concello de Lugo e portavoz do Grupo Popular na Deputación Provincial de Lugo entre xullo do 2007 e decembro do 2011; e senador pola provincia de Lugo desde 2008. Exerceu de portavoz de Economía do grupo Popular na IX Lexislatura e como portavoz do Grupo Popular no Senado nas lexislaturas X, XI e XII até xullo do 2018 cando pasou a ser portavoz adxunto e membro da Deputación Permanente.
É membro do Comité Executivo Nacional, do Comité de Dirección Nacional e do PPdeG.
Foi presidente provincial do PP desde o 2002 até o 2016 e vicepresidente da executiva galega do partido desde 2006 até o 2016.
Quiroga, 1987. Técnico superior en Xestión e Administración de Empresas.
Concelleiro de Mocidade, Voluntariado e Turismo desde 2011 no Concello de Quiroga. Foi vicepresidenta de NNXX de Galicia e na actualidade preside a formación provincial de NNXX de Lugo.
Chantada, 1951. Diplomado en Ciencias Sociais. Desenvolveu a súa actividade profesional como axente de seguros. Alcalde de Chantada desde o ano 1996 até 2007 e desde o 2011 até a actualidade. Tamén foi deputado provincial polo PP desde o 1998 até o 2011.
Arnoia, 1971. Enxeñeiro Técnico Agrícola. Técnico da Consellería de Medio Rural da Xunta de Galicia.
Secretario do Colexio Oficial de Enxeñeiros Técnicos Agrícolas.
Presidente do Consello Regulador da Denominación de Orixe Ribeiro (2012-2016).
Deputado no Congreso na XI e XII lexislaturas. Vicepresidente segundo da comisión de Agricultura, Alimentación e Medio ambiente e membro da Alianza Parlamentaria Española polo Dereito á Alimentación.
Vigo, 1953. Licenciada en Medicamento e Cirurxía. Médica de atención primaria.
Alcaldesa de Cartelle desde 1991 até 2017.
Senadora na IX, X, XI e XII lexislaturas. Membro titular da Deputación Permanente do Congreso e presidenta da Comisión de Seguimento das medidas do pacto de Estado contra a violencia de xénero.
Presidenta da Delegación española de Cortes Xerais na Asemblea Parlamentaria do Consello de Europa e vicepresidenta da Asemblea Parlamentaria do Consello de Europa.
Cortegada, 1959. Licenciado en Farmacia.
Alcalde de Leiro desde 1995 até a actualidade.
Senador na X, XI e XII lexislaturas.
Vicepresidente primeiro da comisión de Sanidade e Servizos Sociais e vogal na comisión de Suplicatorios e Entidades Locais.
Nada en Ferrol o 8 de xullo de 1975.
Politóloga.
Concelleiro no Concello de Ferrol (2011-2019).
Asesora na Deputación provincial da Coruña (2019).
Nacido o 06/07/1970
Casado, unha filla.
Licenciado en Dereito.
Avogado.
Concelleiro en Viveiro desde 2011.
Nacida o 02/05/1971
Licenciada en Dereito pola Universidade de Santiago de Compostela (1995).
Funcionaria de administración local, letrada asesora do Concello de Cervo (2006).
Subdirectora da Asesoría Xurídica da Deputación Provincial de Lugo (2015).
Xefa territorial en Lugo da Consellería de Política Social da Xunta de Galicia (2018-2021).
Xefa de Área Técnica en Lugo no Servizo de Emerxencias da Xunta de Galicia.
Concelleira do grupo municipal do Partido Popular de Lugo (2019-2023).
Vicesecretaria de Acción Social e membro do Comité Executivo Provincial do Partido Popular de Lugo.
Diploma de Directivo no ámbito da administración local de Galicia.
Nacido o 15/02/1968
Licenciado en Ciencias Económicas e Empresariais pola Universidade Complutense de Madrid. Doutor en Ciencias Económicas e Empresariais pola Universidade Complutense de Madrid.
Conselleiro de Economía e Industria da Xunta de Galicia desde decembro do 2012 a maio de 2022. Vicepresidente Primeiro e Conselleiro de Economía, Industria desde marzo 2022 a xuño 2023.
Deputado do Parlamento de Galicia desde decembro do 2016 a agosto de 2023.
Nacido o 23/02/1958
Licenciado en Dereito pola Universidade de Santiago de Compostela.
Avogado.
Deputado e Vicepresidente do Parlamento de Galicia (1997-2000).
Nacida o 29/03/1960
Doutora Ciencias Empresariais pola Universidade de Santiago de Compostela.
Profesora Titular de Universidade Departamento Economía Financeira e Contabilidade.
Deputada por Pontevedra lexislaturas X, XI e XII.
Presidenta do ICO.
Secretaria de Estado de Economía e Apoio á Empresa.
Publicacións no ámbito das finanzas.
Coordinadora Galicia UIMP.
Nacida o 25/01/1965
Casada. Unha filla.
Doutora en Historia Medieval.
Profesora Universitaria.
Documentalista no Grupo de Empresas Sargadellos.
Secretaria Executiva do Grupo Compostela de Universidades (1998-2003).
Directora Xeral do Servizo Galego de Igualdade da Xunta de Galicia (2003-2005; 2009-2011).
Secretaria Xeral de Igualdade da Xunta de Galicia (2009-2011).
Concelleira no Concello de Santiago de Compostela (2014-2015).
Vicesecretaria Xeral de Comunicación do PP.
Nacida o 17/08/1971
Licenciada en Ciencias Económicas e Empresariais. Máster en Administración Financeira e Tributaria.
Funcionaria do Corpo Superior da Xunta de Galicia (Grupo 1).
Concelleira no Concello de Oleiros (A Coruña).
Concelleira no Concello de Oleiros (A Coruña) (2015-2021).
Nacido o 13/02/1973
Casado, cunha filla.
Licenciado en Dereito pola Universidade Pontificia de Comillas ICADE E-1.
Máster en Dereito comunitario pola Universidade Libre de Bruxelas.
Avogado non ejerciente.
Asesor Consellería de Medio Ambiente da Xunta de Galicia (1999-2002)
Asesor Vicepresidencia 1ª da Xunta de Galicia (2002-2005)
Director Xeral de Gabinete da Presidencia da Xunta de Galicia (2009-2020).
Secretario Xeral da Presidencia da Xunta de Galicia (2020-2022).
Deputado do Parlamento de Galicia nas IX, X, XI lexislaturas.
Nacido o 17/10/1962
Licenciado e Doutor en Dereito.
Profesor titular de Economía Aplicada na Universidade de Santiago de Compostela.
Director Xeral de Relacións Institucionais na Xunta de Galicia (2002-2005).
Conselleiro do Consello de Contas de Galicia (2007-2009).
Deputado autonómico no Parlamento de Galicia (2009-2023).
Portavoz do Grupo Parlamentario Popular no Parlamento de Galicia (2011-2023).
Colaborador de varios medios de comunicación, actualmente de La Voz de Galicia.
Nacida o 29/05/1959 en Venezuela
Casada. Un fillo.
Doutora en Bioloxía Mariña.
Funcionaria.
Conselleira do Mar na Xunta de Galicia desde 2009 a 2023.
Nacido o 21/02/1974 en Ferrol
Licenciado en Ciencias Políticas pola Universidade de Santiago de Compostela.
Secretario Xeral do Partido Popular de Galicia (2016-2022).
Vicesecretario de Organización Territorial do Partido Popular (2022-2023).
Deputado autonómico en Galicia desde (2012-2022).
Senador por designación autonómica na XIV Lexislatura.
Lugar de nacemento: ESGOS.
Data: 3 de agosto de 1967.
Deputado autonómico no Parlamento de Galicia (2001-2012).
Deputado provincial e presidente da Deputación de Ourense (2011-2023).
Presidente EHTTA (2022-2023).
Presidente PARTENALIA (2018-2023).
Vicepresidente CEPLI (2018-2023).
Funcionario do Corpo Superior da Administración Xeral da Comunidade Autónoma de Galicia.
Letrado do Ilustre Colexio Provincial de avogados de Ourense.
Licenciado en Dereito pola Universidade de Santiago de Compostela (promoción 1985-1990)
Master en Dirección de Recursos Humanos no Centro de Estudos Financeiros de Madrid (1993)
Curso Superior en Dereito Contencioso Administrativo na Escola Galega de Administración Pública de Santiago de Compostela (1994).
Diplomado en Contabilidade e Análise Económico-Financeiro por F.A.M.E.S. (Finances, Accountancy and Management Education School) en Ourense (1995).
Curso Superior en Dereito Ambiental Escola Galega de Administración Pública en Santiago de Compostela (1996).
Diploma de Directivo da Xunta de Galicia, Curso IX (1993).
Nacido o 31 de decembro de 1975.
Deputado no Parlamento de Galicia (2016-2023).
Tenente de alcalde e concelleiro de Facenda e Patrimonio no Concello de Ferrol (2003-2007).
Deputado provincial na Deputación da Coruña (2007-2011).
Alcalde de Ferrol (2011-2015, 2023).
Conselleiro de Política Social da Xunta de Galicia (2015-2018).
Avogado.
Máster en Dereito Público e Administración.
Experto Universitario en Dirección Xeral Estratéxica da Empresa.
Diploma de Estudos da Defensa Nacional.
Nacida na Coruña o 15 de xuño de 1964.
Tenente de Alcalde no Concello da Coruña (2011-2015).
Concelleiro e portavoz do Grupo Municipal do PP no Concello da Coruña (2015-2019, 2019-2023).
Deputada provincial (2016-2019) e portavoz (2019-2023) na Deputación da Coruña.
Secretaria Xeral do PP na provincia da Coruña (2016-2021).
Vicepresidenta PP provincial da Coruña (2021-2023).
Membro do Comité Executivo do PP de Galicia (2016-2023).
Licenciada en Dereito pola Universidade de Santiago de Compostela.
Funcionaria do Corpo de Superior da Xunta de Galicia desde 1993 (actualmente é Servizos Especiais).
Diploma de Directivo da Xunta de Galicia.
Subdirectora de Persoal da Consellería de Educación (novembro 1999- outubro 2000).
Xefa de Servizo de Xestión Administrativa da Consellería de Cultura (outubro 2000- 2005).
Xefa da área Provincial do Instituto Galego da Vivenda e Solo na Coruña (desde 2009-na actualidade en situación de Servizos Especiais).
Conselleira de Xestur Coruña, S.A. (2009-2015).
Conselleira de Edar de Bens.
Conselleira de EMALCSA (2015-2023)
Conselleira de EMVSA ( 2019-2023)
Conselleira de Afigal (2019-2023)
Deputado autonómico no Parlamento de Galicia e portavoz do Grupo Popular (1993-2011).
Alcalde de Ribeira (2011-2023).
Licenciado en Dereito.
Procurador dos Tribunais.
Nacido en Lugo o 18 de setembro de 1957.
Deputado no Parlamento de Galicia (1997-2007).
Primeiro Tenente de Alcalde e Concelleiro de Economía no Concello de Lugo (1995-1999, 2007-2011).
Conselleiro de Medio Ambiente da Xunta de Galicia (2003-2005).
Vicepresidente 2 da Xunta de Galicia (2004-2005).
Deputado provincial e portavoz na Deputación de Lugo (2007-2011).
Portavoz do Grupo Parlamentario Popular no Senado (2011-2018).
Catedrático de Universidade (Universidade De Santiago de Compostela).
Doutor en Ciencias Económicas e Empresariais (Premio extraordinario de Doutoramento).
Membro da Real Academia de Ciencias Económicas e Financeiras de España.
Nacido en Portomarín o 30 de xullo de 1965.
Alcalde de Portomarín (2011-2023).
Director da Casa de Galicia en Madrid (2022-2023).
Tesoureiro da Asociación de Municipios do Camiño Francés (2015-2019).
Presidente Mancomunidade (2017-2018).
Representante FEGAMP en Patrimonio (2011-2013).
Concelleiro no Concello de Leiro (1991-1995).
Alcalde de Leiro (1995-2011).
Deputado provincial na Deputación de Ourense (1999-2003, 2009-2011).
Farmacéutico.
Alcaldesa de Cartelle (1991-2017).
Concelleira no Concello de Cartelle (desde 2017).
Médico de Atención Primaria do SERGAS no Concello de Cartelle.
Gandeiro, fundador da Cooperativa Aprodeza e presidente durante unha década.
Alcalde de Lalín desde hai 30 anos e actualmente no cargo.
Vicepresidente da Deputación de Pontevedra durante 20 anos.
Presidente da FEGAMP (Federacion Galega de Municipios e Provincias) durante 4 anos.
Monfero, 1977. Técnica de Administración e Finanzas.
Traballou como administrativa no sector público e privado.
Concelleira e voceira do Partido Popular no concello de Monfero.
Presidenta do PP do mesmo concello.
Nacida en Muxía no ano 1987, Sandra Vilela Riveiro é profesional do sector dos seguros e foi candidata do PP á Alcaldía de Muxía en 2019 e 2023.
Nacido na Fonsagrada no ano 1987, José Luis Regueiro Fernández é licenciado en Administración e Dirección de Empresas e técnico en Emerxencias Sanitarias, con certificado de profesionalidade para a docencia de formación profesional para o emprego. Conta tamén cun curso superior en corretoría de seguros. Na actualidade é responsable de formación e técnico en emerxencias sanitarias, ademais de socio e administrador dunha corretoría de seguros e dunha empresa de servizos funerarios.
É, desde o ano 2017, presidente do Partido Popular da Fonsagrada e foi candidato á Alcaldía da localidade nas eleccións municipais de 2019. Foi concelleiro e portavoz do Grupo Popular no municipio desde 2019 ata 2023.
Naceu en 1980 en Santiago de Compostela.
Licenciado en Dereito pola Universidade de Deusto, máster en Administración Local pola Universidade de Santiago de Compostela e doutor en Dereito, tamén pola USC.
Funcionario de Habilitación Nacional das subescalas de Intervención-Tesourería e Secretaría-Intervención. Pertence tamén ao Corpo Superior da Administración Xeral da Xunta de Galicia.
Foi secretario xeral técnico da Consellería de Economía, Emprego e Industria da Xunta de Galicia (2015-2020) e da Consellería de Economía e Industria (2011-2015).
Tamén foi subdirector xeral de Réxime Xurídico Local da Consellería de Presidencia e Administración Pública (2009-2011) e secretario-interventor do Concello do Saviñao (2007-2009).
Nacida en 1960. Arquitecto superior, titulada pola Escola Técnica Superior de Arquitectura da Coruña.
Funcionaria do Corpo de Arquitectos da Facenda Pública, exerceu de arquitecta-xefa e inspectora-xefa da Área urbana do Catastro na Delegación Provincial de Economía e Facenda en Pontevedra entre os anos 1990 e 1996.
Entre 1996 e 2001 foi delegada provincial da Consellería de Cultura, Comunicación Social e Turismo da Xunta de Galicia en Pontevedra. Desde 2003 ata 2005 foi conselleira de Familia, Xuventude, Deporte e Voluntariado.
En 2001 foi elixida deputada autonómica pola provincia de Pontevedra, revalidando a súa acta de deputada nos comicios de 2005 e de 2009.
En 2009 foi nomeada presidenta do Parlamento de Galicia, cargo do que renunciou en 2016 para incorporarse ao Congreso tras as eleccións xerais de 2015. Nas eleccións de xuño de 2016 revalidou o seu escano.
Vigo, 1964. Licenciado en Economía, desenvolve a súa labor profesional na xestión de distintas empresas, principalmente no sector textil.
Foi presidente de Novas Xeracións da provincia de Pontevedra e de Galicia. Concelleiro de Economía, Facenda, Patrimonio e Persoal no Concello de Vigo entre 2003 e 2007. En 2008 sae elixido deputado nacional ao Congreso dos Deputados, e en 2009 é nomeado Conselleiro de Economía e Industria. Tamén foi deputado do Parlamento de Galicia.
Nacido en 1963, é Licenciado en Ciencias Empresariais. Desenvolve o seu labor profesional como economista e profesional de banca.
Presidente local do PP de Redondela entre 2010 e 2019, encabezou a candidatura popular á alcaldía deste concello nos comicios municipais de 2011, 2015 e 2019. Foi alcalde de Redondela entre 2011 e xuño de 2019, e no último mandato foi tamén deputado provincial polo Partido Xudicial de Vigo.
Marín, 1970. Licenciada en Dereito pola Universidade Complutense e actual alcaldesa de Marín. Desenvolveu a súa labor profesional como asesora xurídica na empresa privada.
Foi deputada autonómica no Parlamento de Galicia e presidenta da Autoridade Portuaria de Marín.
Deputada por Pontevedra no Congreso dos Deputados ata 2011 e vogal nas comisións de Orzamentos, Cultura e na Comisión Mixta para as Relacións co Tribunal de Contas.
Tras gañar con maioría absoluta as eleccións municipais de 2011, foi elixida alcaldesa de Marín. Cargo que revalidou nas eleccións de 2015 e 2019, conseguindo un resultado histórico con 15 dos 21 concelleiros da corporación.
San Cibrao das Viñas, 1980. Graduada en Enxeñería Industrial Mecánica pola Universidade de León. Con 10 anos de experiencia na empresa privada no ámbito da xestión industrial, na actualidade está en excedencia no sector aeronáutico. Entre 2011 e 2015 foi segunda tenente alcalde do Concello de San Cibrao das Viñas e desde 2015 é a primeira tenente alcalde.
Foi deputada do Grupo Popular na X Lexislatura, actuando como portavoz en materia de Enerxía.
Kelkheim (Alemaña), 1967. Licenciada en Dereito pola UNED e especializada en Dereito Civil Galego pola Universidade de Santiago de Compostela. Funcionaria do Corpo Superior da Administración da Xunta de Galicia.
Foi delegada provincial da Consellería de Xustiza en Ourense (2003-2005) e desde 2009 ocupou a xefatura territorial en Ourense da Consellería de Educación e Ordenación Universitaria, ata que accedeu ao Parlamento de Galicia nos últimos meses da lexislatura. En decembro de 2012 accedeu á xefatura territorial da Vicepresidencia e Consellería de Presidencia, AA.PP. e Xustiza, pasando logo á secretaría territorial da Delegación da Xunta en Ourense. A mediados de 2015 accedeu de novo á cámara galega, ata que en outubro dese mesmo ano foi nomeada delegada territorial en Ourense, cargo no que permaneceu ata xuño de 2020.
Forma parte do Comité Executivo do PP de Ourense desde 2016, onde é coordinadora de Comisións Sectorais.
Técnico agrícola sempre vencellado ao mundo rural, onde hoxe en día exerce a súa profesión na Asociación de Criadores de Raza Rubia Galega (ACRUGA). Con anterioridade traballou nunha cooperativa do sector lácteo na Pastoriza (Lugo).
Foi presidente provincial de Novas Xeracións de Lugo e na actualidade desempeña o labor de secretario de Organización do Partido Popular de Lugo desde o último Congreso Provincial no ano 2016. Tamén é vicepresidente do Comité Executivo do Partido Popular de Ribadeo. Accedeu ao Parlamento en novembro do 2016.
Na X Lexislatura foi presidente da Comisión 7ª de Agricultura, Alimentación, Gandaría e Montes, e voceiro de Gandería do GPP.
Naceu en Vilalba en 1986.
Estudou Administración e Xestión de Empresas na USC e realizou un Máster Universitario en Banca e Seguros
Traballou ata o 2015 no sector da banca
Senadora pola provincia de Lugo desde as eleccións xerais do 2015 ata o 2016, sendo vocal da comisión de Economía e competitividade, voceira da comisión de igualdade e vocal da comisión de peticións.
É concelleira do Concello de Vilalba dende o ano 2015.
Na X Lexislatura no Parlamento foi voceira do Grupo Popular de Política Lingüística e de Innovación e Emprendemento.
Membro da Xunta Directiva do Partido Popular de Galicia.
Naceu en Ferreira de Valadouro en 1962
Foi director comercial dunha empresa durante 16 anos, e coordinador do equipo de venda en España e Portugal.
Militante activo do Partido Popular desde o ano 1994, exerceu o posto de 1º Tenente de Alcalde do Concello e portavoz municipal en Cervo.
Desde o ano 2005 foi deputado do Partido Popular no Parlamento de Galicia, actuando como voceiro en materia de Mar, Montes e Incendios.
Desde 2009 ao 2016 foi secretario da Mesa do Parlamento.
Desde 2017 ata 2020 foi delegado da Xunta de Galicia na provincia de Lugo.
Foi Secretario Provincial do Partido Popular de Lugo ata 2016 e agora desempeña o cargo de coordinador comarcal de A Mariña.
Naceu en Monforte de Lemos en 1968. É licenciado en Ciencias Económicas e Empresariais pola Universidade Complutense de Madrid e doutor, pola mesma institución académica, en Ciencias Económicas e Empresariais.
A súa traxectoria profesional desenvolveuse, entre 1995 e 2009, na Universidade CEU San Pablo, na que exerceu como profesor e ocupou diferentes responsabilidades como as de director da Aula de Estudos Europeos Robert Schuman, secretario do Instituto de Estudos Europeos e vicedecano da Facultade de Ciencias Económicas e Empresariais (2002-2004). En 2004 pasou a ocupar o posto de director de Relacións Institucionais desta mesma universidade, que desempeñou ata que, en 2005, foi nomeado vicerreitor deste mesmo departamento.
Entre 2009 e 2012 foi asesor do Presidente da Xunta de Galicia. Desde decembro de 2012 ata decembro de 2016 foi conselleiro de Economía e Industria, e desde esa data ata setembro de 2020 foi conselleiro de Economía, Emprego e Industria.
En setembro de 2020 foi nomeado Vicepresidente segundo da Xunta de Galicia e conselleiro de Economía, Empresa e Innovación.
Nado en Papucín (Frades) en 1957, foi empresario de hostalería e axente financeiro do Banco Santander.
Secretario do Xulgado de Frades e deputado provincial, tamén foi Presidente da Mancomunidade de Ordes.
Foi alcalde de Frades desde 1987 ata 2012, cando dimitiu para presentarse ás eleccións autonómicas.
Foi deputado no Parlamento de Galicia na IX e X Lexislaturas.
Doutora en Xerontoloxía e diplomada en Fisioterapia pola Universidade de A Coruña. Especialista universitaria en Captación de Fondos para ONG pola UNED, tamén conta co título de Experta en Fisioterapia Neurolóxica e un máster oficial en Xerontoloxía Clínica pola Universidade de A Coruña.
Rosalía López foi coordinadora da Area de Rehabilitación Física do Complexo Xerontolóxico La Milagrosa entre 2001 e 2012 e membro do Grupo de Investigación en Xerontoloxía da Universidade de A Coruña de 2002 a 2017.
Forma parte desde 2014 da Xunta Directiva do Grupo de persoas con discapacidade de A Coruña (Grumico) e da Asociación de mulleres con discapacidade de Galicia (Acadar), así como da Confederación Galega de Persoas con Discapacidade (Cogami) desde 2019.
Natural de A Coruña, é licenciada en Dereito, exercendo como avogada ata 2002. Desde esa data ata a actualidade é empregada pública da Xunta de Galicia, exercendo como técnico-xurídica na Consellería de Medio Ambiente, Territorio e Vivenda.
Foi membro do Comité de Dereitos e Garantías do PP de Galicia entre os anos 1999 e 2011 e vicesecretaria de Barrios da Xunta Local do PP de A Coruña de 2009 a 2011. Na actualidade, forma parte da Xunta Xestora do PP local de A Coruña e do Comité Executivo do PP provincial de A Coruña, como coordinadora de Mobilidade.
A nivel local, foi concelleira de Mobilidade no Concello de A Coruña e deputada provincial entre 2011 e 2015; e entre 2015 e 2019 foi concelleira do grupo municipal do PP neste municipio.
Foi deputada no Parlamento de Galicia entre novembro de 1999 e agosto de 2001, participando como ponente na Lei de réxime xurídico das concesións da Illa de ONs e na Lei de voluntariado de Galicia.
Nado en Oleiros en 1993, é graduado en dereito pola Universidade de A Coruña, cun mestrado de Acceso á Avogacía e posgrao de Especialista en Xerencia de Riscos e Seguros.
Asesor da Consellería do Medio Rural, preside Novas Xeracións do PP de Galicia desde 2017.
Noia (1975). Licenciada en Filoloxía hispánica na USC.
Foi concelleira de Relacións vecinais e Institucionais, Réxime Interno e Servizos Públicos en Noia do 2015 ao 2019
Foi deputada na X Lexislatura no Parlamento de Galicia
Naceu en Boqueixón en 1972.
Diplomado en Profesorado de Educación Xeral Básica, especialidade Educación Preescolar, pola Universidade de Santiago. Máster universitario en Xerontoloxía, especialidade Xerontoloxía Social, pola Universidade de Santiago. Técnico en Prevención de Riscos Laborais de nivel superior pola Universidade de Vigo.
Alcalde de Boqueixón entre os anos 2015 e 2016, tamén foi primeiro tenente de alcalde de Obras e Urbanismo (2007-2009), primeiro tenente de alcalde de Coordinación Sociocultural, Maior e Xuventude (2003-2007) e concelleiro de Cultura, Deportes e Xuventude (1999-2003).
Director xeral de Xuventude e Voluntariado da Xunta de Galicia entre 2009 e 2015, foi delegado da Xunta na provincia de A Coruña entre 2016 e 2020.
Naceu en Granada en 1962. É doutor en Dereito e profesor titular na Universidade de Santiago de Compostela (Área de Economía Aplicada).
Autor e coordinador de 7 libros e autor de máis de 50 capítulos en libros colectivos, artigos e notas en revistas especializadas.
Foi director xeral de Relacións Institucionais da Consellería de Presidencia na VI Lexislatura (2002-2005).
Conselleiro do Consello de Contas de Galicia, por designación do Parlamento de Galicia, desde o ano 2007 ata o 2009
Deputado no Parlamento de Galicia nas VIII, IX e X lexislaturas.
Dentro do Grupo Popular, foi portavoz de Economía, viceportavoz e desde marzo do 2011 é portavoz deste grupo parlamentario.
Coordinador dos programas electorais cos que o PPdeG concorreu as eleccións autonómicas do 2009, 2012, 2016 e 2020.
Ferrol (1975). Licenciado en Dereito. Especialista en Liderado de Xestión Pública polo IESE Business School. Avogado. Foi conselleiro de Política Social da Xunta de Galicia desde outubro de 2015 ata setembro do 2018.
No ano 2002 entra na Corporación Municipal de Ferrol, converténdose no concelleiro máis novo e asumindo a Portavocía adxunta do Grupo Municipal Popular. Foi concelleiro de Facenda, Patrimonio, Emprego e Xuventude durante o mandato popular 2003-2007 en Ferrol. Deputado provincial na Coruña entre 2007 e 2011.
Foi alcalde de Ferrol e presidente da Federación Galega de Municipios e Provincias (Fegamp) entre 2011 e 2015. É presidente do PP de Ferrol e vogal no Comité Executivo do PP de Galicia.
Naceu en Mos, en 1964. Administrativa.
Profesionalmente leva desenvolvendo actividades administrativas máis de 30 anos, tanto por conta propia como allea.
É coordinadora da parroquia de Tameiga no comité local do PP de Mos.
Ferrol (1953). Estudiou Enfermería na Universidade de Santiago de Compostela.
Tras ser concelleira en Vigo, foi directora xeral na Consellería de Sanidade da Xunta de Galicia (1999-2001), deputada polo PP no Parlamento de Galicia (2002-2003), conselleira de Asuntos Sociais (2001-2003) e alcaldesa de Vigo desde 2003 ata 2007.
Tamén foi vicepresidenta da Deputación de Pontevedra en dous mandatos e senadora nas Cortes Xerais en dous períodos distintos: 2004 – 2006, designada pola nosa Comunidade, e de 2008 a 2009.
De 2009 a 2011 foi presidenta de la Autoridade Portuaria de Vigo e dende xullo de 2011 ata 2019, presidenta do Consello Económico e Social de Galicia.
En xullo de 2019 foi nomeada Delegada Territorial da Xunta en Vigo.
Secretaria da mesa do Parlamento na XI Lexislatura.
| Nome da cookie | Activa |
|---|---|
| PHPSESSID | |