O PPdeG asegura que os servizos de inspección de Servizos Sociais da Xunta realizan “un rigoroso control” da residencia de maiores de Trives

Santiago, 6 de febreiro de 2019.- A portavoz de Asuntos Sociais do Grupo Popular, Marta Rodríguez Arias, asegurou hoxe que a residencia de maiores de Trives “é obxecto dun rigoroso control por parte da inspección de Servizos Sociais da Xunta de Galicia”. En concreto, apuntou que, “como consecuencia da última inspección realizada no pasado mes de xaneiro, o persoal inspector realizou unha proposta de expediente sancionador por incumprir a ratio de persoal de atención directa aos usuarios, ademais de propoñer unha nova inspección de seguimento no prazo de tres meses”.
Continue reading

O Parlamento demanda á Xunta que axilice a elaboración do censo de infraestruturas para avanzar na redacción do plan xeral de instalacións e equipamentos deportivos

Santiago, 6 de febreiro de 2019.- O Parlamento de Galicia aprobou hoxe, logo dunha transacción entre o Grupo Popular e o Grupo Socialista, unha proposición non de lei a través da que se demanda á Xunta que axilice a realización do censo de infraestruturas e equipamentos deportivos de Galicia, para posteriormente avanzar, en coordinación coas deputacións provinciais e os concellos, na redacción dun plan xeral de instalacións e equipamentos deportivos.
Continue reading

O Parlamento demanda que Xunta e Concello de A Estrada ubiquen a base da ambulancia e do seu persoal nunha zona anexa ao novo centro de saúde

Santiago, 6 de febreiro de 2019.- O Parlamento de Galicia aprobou hoxe, logo dunha transacción entre o Grupo Popular e En Marea, unha proposición non de lei a través da que se insta á Xunta a iniciar os trámites necesarios en colaboración co Concello de A Estrada para a ubicación dunha base para ambulancia do 061 e para os seus traballadores nunha zona anexa ao novo centro de saúde en construción.
Continue reading

O PPdeG defenderá no Pleno que o Parlamento rexeite os orzamentos do Estado e apoie á normalización democrática en Venezuela

Santiago, 5 de febreiro de 2019.- O Grupo Popular defenderá no Pleno da vindeira semana dúas proposicións non de lei a través das que o Parlamento galego manifeste o seu rexeitamento ao proxecto de lei de orzamentos xerais do Estado para 2019 e declare a súa solidariedade e apoio ao pobo de Venezuela, demandando medidas urxentes ante a situación de emerxencia humanitaria que vive ese país e amosando o apoio á Asamblea Nacional lexítima e democraticamente elixida e a Juan Guaidó como Presidente recoñecido.
Continue reading

O Grupo Popular pide que a Xunta aprobe un novo plan de contabilidade pública e cree rexistros de entidades instrumentais e contas bancarias

Santiago, 4 de febreiro de 2019.- O Grupo Popular rexistrou hoxe as súas propostas de resolución aos informes de fiscalización sobre o sector público de Galicia elaborado polo Consello de Contas, nas que solicita que a Xunta aprobe un novo plan de contabilidade pública e cree dous novos rexistros: un para as entidades instrumentais e outro sobre as contas bancarias que manexa a tesourería do sector público galego.
Continue reading

Puy salienta que “o primeiro que debe facer o Goberno central para reforzar o autogoberno é atender as demandas de Galicia nos orzamentos do Estado”

Santiago, 4 de febreiro de 2019.- O portavoz do Grupo Popular, Pedro Puy, salientou hoxe que “o primeiro que debe facer o  Goberno central, se se quere reforzar o autogoberno, é atender as demandas de Galicia en relación aos orzamentos do Estado, que non só prexudican en materia de infraestruturas senón que retroceden en relación a cuestións que adoptou o anterior goberno do PP, que estaban nos orzamentos de 2018 e non se cumpriron”.
Continue reading

Tellado: “Mentres en Galicia baixa o paro, en España medra a incerteza”

4, febreiro, 2019.  O secretario xeral do PPdeG, Miguel Tellado, asegurou que Galicia está consolidando o emprego creado nos últimos anos, comezando 2019 con 15.086 parados menos que hai un ano, o que supón unha baixada do 7,94%, cun nivel de desemprego moi inferior ao de hai unha década e cun ritmo de baixada superior ao rexistrado no Estado en 2,45 puntos. “Mentres en Galicia baixa o paro, en España medra a incerteza”, remarcou.

Continue reading