O PPdeG critica o rotundo cambio de opinión do PSOE respecto da suba das peaxes da AP-9: de pretender que as asumira Fomento a defender agora que as sufran os usuarios

Santiago, 5 de setembro de 2018.- O portavoz de Infraestruturas do Grupo Popular, Martín Fernández Prado, criticou hoxe “o rotundo cambio de opinión vivido polos socialistas galegos, encabezados polo novo delegado do Goberno en  Galicia, en relación á suba da peaxe da AP-9, xa que pasaron de pretender que o Ministerio de Fomento asumira este aumento a defender que sexan os usuarios os que directamente sufran unha suba das peaxes a través do Real Decreto que está preparando o Goberno de Pedro Sánchez”.
Continue reading

O Parlamento insta a Xunta e Concello de Vigo a acordar a tramitación urbanística necesaria para remodelar as pistas de atletismo de Balaídos

Santiago, 5 de setembro de 2018.- O Parlamento de Galicia aprobou hoxe, logo dunha transacción entre o Grupo Popular e o BNG, unha proposición non de lei a través da que se insta a Xunta e Concello de Vigo a dar cumprimento inmediato ao compromiso para a remodelación das pistas de atletismo de Balaídos, acordando a tramitación urbanística necesaria para levar adiante este proxecto.
Continue reading

O Grupo Popular reitera que a Xunta mantén a súa disposición para continuar negociando as melloras profesionais dos axentes forestais

Santiago, 5 de setembro de 2018.- O deputado do Grupo Popular Jacobo Moreira reiterou hoxe que “a Xunta segue mantendo a súa disposición para continuar negociando cos representantes sindicais dos axentes forestais as melloras na súa situación profesional e na dotación de material”. “O Goberno galego nunca quixo romper o diálogo e foron os sindicatos os que se levantaron da mesa, polo que é a eles a quen lles corresponde retomar as negociacións”, sinalou.
Continue reading

O Parlamento galego demanda ao Goberno central que garanta a corresponsabilidade parenteral no cese da convivencia dos proxenitores

Santiago, 5 de setembro de 2018.- O Parlamento de Galicia aprobou hoxe, co único apoio do Grupo Popular, unha proposición non de lei a través da que se insta ao Goberno de España para que modifique a lexislación estatal na materia a fin de que se garanta a corresponsabilidade parental e as relacións familiares con ambos proxenitores no cese da convivencia.
Continue reading

O Grupo Popular esixirá no Pleno ao Goberno central igualdade de trato para os portos galegos, logo dos beneficios anunciados para Valencia

Santiago, 4 de setembro de 2018.- O Grupo Popular defenderá no Pleno do Parlamento galego da vindeira semana unha proposición non de lei a través da que se esixe ao Goberno central igualdade de trato e consideración entre as diferentes autoridades portuarias, achegando unha compensación económica semellante nos termos xurídicos e administrativos equivalentes ás decisións adoptadas para o caso do porto de Valencia. Así mesmo, demandará que se constitúa de inmediato o grupo de traballo anunciado pola ministra de Industria para analizar o modelo de transición enerxética máis racional e sustentable ambiental e economicamente, no que teñan cabida as centrais térmicas máis eficientes, como as de Meirama e As Pontes.
Continue reading

Tellado: “O paro interanual baixa en Galicia e sobe en España porque aquí goberna o PP e no conxunto do Estado o PSOE”

4, setembro, 2018. O secretario xeral dos populares galegos, Miguel Tellado, asegurou que o paro interanual baixa en Galicia e sobe en España porque, mentres na nosa Comunidade goberna o Partido Popular, o conxunto do Estado está xestionado pola inestabilidade do PSOE. “A economía española comeza a sufrir as incertezas que xera o Goberno de Sánchez”, aseverou logo de publicarse esta mañá os datos do paro do mes de agosto.

Continue reading

O PPdeG avanza a inclusión no Pleno da comparecencia a petición propia do Vicepresidente da Xunta para informar das actuacións no accidente do Marisquiño

Santiago, 3 de setembro de 2018.- O Grupo Popular solicitará na Xunta de Portavoces de mañá a inclusión no Pleno da vindeira semana da comparecencia do Vicepresidente da Xunta para informar das actuacións da Administración galega no accidente do festival do Marisquiño en Vigo, segundo avanzou hoxe o portavoz Pedro Puy. Así mesmo, indicou que o PPdeG continuará no novo período de sesións “defendendo os intereses de Galicia ante as decisións do Goberno central que introducen incertezas moi grandes”, para o que “espero que os socialistas galegos nos axuden e sexan coherentes”.
Continue reading

Feijóo sinala que o PPdeG sae a gañar as próximas eleccións municipais “nos 313 concellos e nas catro deputacións”

01, setembro, 2018.O presidente dos populares galegos, Alberto Núñez Feijóo, salientou esta mañá que o PPdeG inicia o novo curso político “con optimismo e ilusión” e encara as próximas eleccións municipais saíndo a gañar “nos 313 concellos e nas catro deputacións”. Neste senso, indicou que, fronte ás demais formacións políticas, o Partido Popular de Galicia é o único “cun proxecto para os 313 concellos, cun proxecto para as catro provincias, cun proxecto para Galicia e cun proxecto para España”.

Continue reading