O Parlamento demanda que a Xunta habilite unha exposición permanente na Casa-Biblioteca de Domingo Fontán en Portas para divulgar a súa obra

Santiago, 14 de decembro de 2018.- O Parlamento de Galicia aprobou hoxe por unanimidade a proposición non de lei do Grupo Popular a través da que se solicita que a Xunta habilite na Casa-Biblioteca Domingo Fontán, no lugar de Porta de Conde no concello de Portas, unha exposición permanente no que se expoña o seu traballo e obra e poida ser visitado para divulgar a súa vida e obra.
Continue reading

Feijóo subliña que “hai un pouco do PP en cada recuncho de España e debe haber un pouco de cada recuncho de España no PP”

14, decembro, 2018.O presidente dos populares galegos, Alberto Núñez Feijóo,afirmou que “hai un pouco do PP en cada recuncho de España e debe haber un pouco de cada recuncho de España no PP”, subliñando que na súa formación hai xestión, Goberno, solvencia, experiencia e responsabilidade, por iso “non se vai a atopar noutro partido o que se busca no Partido Popular e non se vai a atopar noutro partido un Goberno que realmente goberne”.

Continue reading

O Grupo Popular demandará no Pleno que a Xunta traslade a Fomento unha proposta para reducir as peaxes na AP-9 e na AP-53

Santiago, 12 de decembro de 2018.- O Grupo Popular defenderá no Pleno da vindeira semana unha proposición non de lei a través da que se demanda ao Goberno galego, ademais de que desenvolva as bonificacións horarias nas peaxes da súa titularidade, que elabore unha proposta de medidas para reducir o impacto das peaxes na AP-9 e a AP-53, dando traslado da mesma ao Ministerio de Fomento para que as valore e as negocie coa empresa concesionaria.
Continue reading

Puy salienta a xornada de onte no Congreso coa aprobación de propostas para a transferencia da AP-9, a igualdade na tributación dos emigrantes e o ingreso do IVE ás autonomías

Santiago, 12 de decembro de 2018.- O portavoz do Grupo Popular, Pedro Puy, salientou a xornada vivida onte no Congreso favorable aos intereses de Galicia e os galegos xa que, ademais da admisión a trámite da proposición de lei proposta por unanimidade do Parlamento de Galicia solicitando a transferencia da AP-9,
Continue reading

A Comisión 3ª aproba o ditame dos proxectos de Lei de orzamentos e de acompañamento, pendentes da súa aprobación definitiva no vindeiro Pleno

Santiago, 11 de decembro de 2018.- A Comisión 3ª do Parlamento galego rematou esta tarde, coa aprobación do ditame, a tramitación tanto do proxecto de Lei de orzamentos da Xunta como do proxecto de Lei de medidas fiscais e administrativas, co que ambos textos quedan pendentes da aprobación na vindeira sesión plenaria para a súa entrada en vigor.
Continue reading

Martín Fernández demanda que o Goberno central convoque, en paralelo á tramitación no Congreso do traspaso da AP-9, a comisión de transferencia”

Santiago, 11 de decembro de 2018.- O portavoz de Infraestruturas do Grupo Popular no Parlamento galego, Martín Fernández Prado, asegurou hoxe no Congreso que “pedimos a transferencia da AP-9 non para separar, senón para unir, e non para atacar ao Goberno de España senón para colaborar lealmente con el na xestión máis racional e máis eficaz das nosas infraestruturas”.
Continue reading

Puy afirma que “todos deberíamos estar contentos de conseguir a transferencia da AP-9 e non andar mirando quen ten máis mérito”

Santiago, 10 de decembro de 2018.- O portavoz do Grupo Popular, Pedro Puy, salientou hoxe, en relación ao debate que terá lugar mañá no Congreso sobre a proposición de lei para a transferencia da AP-9 á Comunidade galega, que “o importante é que consigamos a transferencia desta autoestrada e que poidamos xestionar esta infraestrutura desde Galicia”, polo que “todos deberíamos estar contentos de conseguilo e non deberíamos andar mirando quen ten máis mérito, tendo en conta que a proposición foi aprobada no Parlamento de Galicia coa maioría absoluta do PPdeG e que agora a súa tramitación no Congreso vai contar co respaldo do grupo maioritario do PP”.
Continue reading

Tellado: “As Mareas aplican no seu partido as peores prácticas dos réximes que defenden”

O secretario xeral do PPdeG, Miguel Tellado, asegurou esta mañá que “as Mareas de Podemos, que predican democracia interna e transparencia, aplican no seu partido as peores prácticas dos réximes que defenden”. “É agora cando comezamos a saber por que se fixeron chamar rupturistas e imaxinamos que é porque viven cada día ao borde da ruptura interna”, engadiu.

 

Como sinalou, levamos semanas observando o espectáculo que están dando nas súas primarias internas, “un novo capítulo das continuas conspiracións que levamos vendo neste partido desde a súa formación” e, unha vez máis, confírmase que as Mareas de Podemos nunca se preocuparon polos problemas de Galicia, senón que só dos seus propios.

 

Tellado apuntou que, desde a súa fundación, non fixeron nin unha proposta sólida pensando nos intereses dos galegos xa que os debates que trasladaron á sociedade foron o chofer e a secretaria de Villares, os soldos dos deputados e os asesores aos que teñen dereito, os deputados que pagan cotas ao partido e os que non, se unha deputada que intenta intimidar a un policía durante uns actos vandálicos debe dimitir ou non, ou se no partido debe mandar Villares ou Martiño Noriega cun testaferro durante uns meses.

 

Por todo isto, expresou que a nosa Comunidade merece algo mellor como formación que lidere a oposición ao tempo que preguntaba “se os galegos poden fiarse dun partido no que os seus membros se acusan uns a outros de manipular votacións, de ser totalitarios ou de dar golpes de estado internos”.

 

UN NOVO AGRAVIO DOS SOCIALISTAS CON GALICIA

Por outra banda, o secretario xeral lamentou que, esta semana, a ministra de Defensa volvese utilizar ao secretario xeral dos socialistas galegos como recadeiro dos agravios que cometen con Galicia, para que Gonzalo Caballero xustificase un novo retraso na orde de execución das Fragatas F-110.

 

Tras lembrar que os gobernos do PP fixeron o máis difícil, que foi impulsar o proxecto nas fases de deseño e durante a peor crise económica dos últimos 40 anos, así como aprobar os orzamentos de 2018 e incluír unha partida de 252 millóns para as fragatas; pediu ao Goberno de Sánchez o máis sinxelo: “que non pare un proxecto que é fundamental para unha comarca farta de aturar o castigo inxustificado de gobernos socialistas desde a década dos 80”.

 

“Estamos moi acostumados a que os socialistas gobernen como se as institucións fosen súas, a que utilicen contas oficiais para mandar mensaxes de partido, a que usen o CIS para facer propaganda, a que o delegado do Goberno use o seu posto para facer oposición á Xunta, e a que os ministros usen os seus despachos para facer reunións de partido para tratar temas que se deberían tratar con conselleiros ou co presidente da Xunta”, dixo manifestando que os populares renuncian “a que os socialistas utilicen as institucións como é debido” pero que lles gustaría que polo menos o PSdeG intentase defender algunha vez os intereses de Galicia.

 

A DEFENSA DA CONSTITUCIÓN

Por último e con motivo da conmemoración da Constitución, Tellado quixo recordar o papel de Galicia como artífice da Carta Magna, salientando que “fomos parte fundamental dun momento histórico que nos trouxo a democracia e as décadas de maior prosperidade da nosa historia”. Ademais, recoñeceu que o sentimento maioritario na nosa Comunidade é “non renunciar a ser españois para ser galegos nin a ser galegos para ser españois” porque “entendemos que as nosas identidades suman e conviven dun xeito natural, pero nunca confrontan”.

 

Como mostra, aseverou que, mentres a inmensa maioría de galegos celebrou onte a Carta Magna -como o fai o resto de días-, unha minoría participaba nun acto en contra que celebrou o BNG, polo que expresou que “fronte aos que defendemos a Constitución están os que nos van obrigar a ver en Galicia papeletas cos nomes de Junqueras ou dos membros da antiga Batasuna”.