Pedro Puy: “O presidente Feijóo liderou unha reivindicación xusta á que se adheriron moitos líderes socialistas, curiosamente doutras comunidades”

Santiago, 10 de agosto  de 2018. O voceiro do Grupo Popular, Pedro Puy, indicou hoxe nunha entrevista de radio na cadena COPE en Galicia que o presidente da Xunta liderou “unha reivindicación xusta á que se adheriron moitos líderes socialistas, curiosamente doutras comunidades autónomas, e coa crítica política, moi difícil de entender, por parte dos socialistas galegos”. “Trátase de arranxar un problema derivado dunha decisión tomada no ámbito da recadación do IVE que retrasa o pago dunha mensualidade, que faría que as comunidades autónomas recibiran menos pero que é facilmente resoluble con boa fe” indicou o voceiro parlamentario.
Continue reading

Tellado: “Oxalá Gonzalo Caballero fose tan leal con Galicia como o é Javier Fernández con Asturias”

8, agosto, 2018.O secretario xeral dos populares galegos, Miguel Tellado, asegurou esta mañá que sería bo que a nosa Comunidade contara coa mesma lealdade por parte do PSdeG coa que si conta Asturias, cuxo presidente autonómico antepón os intereses do seu Principado ás prioridades da súa formación política. “Oxalá Gonzalo Caballero fose tan leal con Galicia como o é Javier Fernández con Asturias”, subliñou.

Continue reading

O PPdeG salienta que o CES constate que a recuperación económica estea chegando aos fogares

Santiago, 1 de agosto de 2018.- A deputada do Grupo Popular Teresa Egerique afirmou hoxe que “un bo tirón de orellas é o que merece o secretario xeral dos socialistas galegos por manexar ao seu antollo a memoria do Consello Económico e Social, xa que, a diferenza do que lle parece a Gonzalo Caballero, este organismo independente constata que a recuperación económica está chegando aos fogares, cun crecemento equilibrado e con taxas de variación interanuais positivas en todas as actividades”. 
 

Continue reading

Tellado: “Nin toda a cociña do CIS vai ser suficiente para branquear un dos maiores recortes da historia da autonomía”

3, agosto, 2018.O secretario xeral do PPdeG, Miguel Tellado, asegurou que “nin toda a cociña do CIS vai ser suficiente para branquear un dos maiores recortes da historia da autonomía nin a un goberno disposto a humillar a Galicia día si e día tamén”, logo de coñecerse que o Executivo de Pedro Sánchez pretende que a nosa Comunidade conte para os Orzamentos do vindeiro ano con 200 millóns menos que o ano pasado procedentes do sistema de financiamento autonómico e as liquidacións do IVE.

Continue reading

Tellado: “Non é unha casualidade que sexa Galicia a Comunidade que lidera a creación de emprego”

2, agosto, 2018. O secretario xeral do PPdeG, Miguel Tellado, valorou esta mañá os datos publicados do paro de xullo, nos que Galicia foi a autonomía que rexistrou a maior baixada do desemprego do pasado mes e na que máis subiron as afiliacións. “Non é casual que sexa Galicia, a única comunidade con maioría absoluta e con estabilidade institucional, a que leve liderando a creación de emprego durante os últimos meses”, subliñou.

Continue reading

A Comisión de estudo de política forestal e incendios aproba o seu ditame co voto favorable dos grupos do PPdeG e PSdeG

Santiago, 31 de xullo de 2018.- A Comisión de estudo sobre política forestal e prevención e extinción de incendios aprobou hoxe o seu ditame, co apoio dos grupos parlamentarios do PPdeG e PSdeG. Entre as recomendacións recollidas no documento figuran a necesidade dunha planificación integral do territorio e dos usos do solo rural, ao tempo que demanda dotar de novas competencias á Axencia Galega de Desenvolvemento Rural (Agader) para impulsar a mobilidade de terras produtivas e a creación de polígonos agrarios e distritos forestais. Tamén se solicita centralizar nun ente instrumental específico, dependente da Xunta, as funcións en materia de prevención de incendios e vixilancia de incumprimentos; así como a creación dun grupo de expertos para optimizar a eficacia do servizo de extinción de incendios.

Continue reading

Puy salienta que o 80% das iniciativas en Pleno sexan a proposta da oposición, convertendo o Parlamento galego no centro político de Galicia

Santiago, 30 de xullo de 2018.- O portavoz do Grupo Popular, Pedro Puy, salientou hoxe, na presentación do balance da actividade parlamentaria desenvolvida nesta primeira metade da X Lexislatura, que o 80 por cento das iniciativas debatidas en sesións plenarias foron a proposta dos grupos da oposición, co que “estamos a conseguir o obxectivo de facer do Parlamento o centro político de Galicia”. Puy destacou, ademais, o labor de control ao Goberno galego desenvolvido desde a Cámara, xa que teñen comparecido unha media de 2,4 veces cada día desde o inicio da lexislatura.
Continue reading

Puy salienta que o PPdeG razoa, rende contas e contrasta opinións fronte a formacións que basean a súa estratexia no slogan e a descualificación

Santiago, 29 de xullo de 2018.- O portavoz do Grupo Popular, Pedro Puy, criticou hoxe as formacións políticas que basean a súa estratexia “no slogan e a descualificación global do adversario”, fronte a un PPdeG que “entende o debate como unha forma de razoar, explicar, render contas e contrastar opinións”. Respecto do recente congreso nacional do  PP asegurou que o partido “está nun prazo moi breve de tempo renovado e con ilusión para afrontar o futuro”, logo de vivir “un proceso absolutamente natural de relevo no que prevaleceu a integración sobre a división e a confrontación”.
Continue reading