O secretario xeral do PPdeG, Miguel Tellado, asegurou que a Pedro Sánchez “aínda non lle dou tempo a estragar a gran herdanza económica que lle deixou o goberno do Partido Popular”. Así se expresaba logo de coñecerse os datos do paro de xuño, que reflicten que “Galicia volve demostrar que a súa estabilidade política repercute positivamente na evolución do emprego, con máis afiliacións que a media estatal”.
Pedro Puy amosa “a máxima vontade” do Grupo Popular para chegar a un acordo que permita reintegrar o Pazo de Meirás ao dominio público
Santiago, 2 de xullo de 2018.- O portavoz do Grupo Popular, Pedro Puy, amosou hoxe “a máxima vontade de chegar a un acordo” cos grupos da oposición respecto da proposición non de lei que pide á Administración do Estado que realice as accións legais que o Informe elaborado pola Comisión de expertos recomenda co obxecto de reintegrar o Pazo de Meirás ao ámbito dos bens de dominio público.
Feijóo di que Galicia non permitirá atrasos no AVE, coa “coartada do PSdeG”
01, xullo, 2018. O presidente do Partido Popular de Galicia, Alberto Núñez Feijóo, clausurou este domingo o congreso local da formación en Lalín, no que resultou elixido José Crespo como presidente. “Despois dunha carreira tan extensa e frutífera, o común dos mortais tería perdido xa a motivación e estaría buscando un retiro tranquilo, pero Pepe Crespo non é unha persoa común: é un político extraordinario”, salientou.
Feijóo cre que “moitos pontevedreses hoxe miran ao Concello e ven un proxecto esgotado cun alcalde canso”
O presidente do Partido Popular de Galicia, Alberto Núñez Feijóo, clausurou este sábado o congreso local da formación en Pontevedra, no que resultou elixido Rafael Domínguez como novo presidente. Feijóo gabou o “compromiso con Pontevedra”, o “espírito emprendedor” e a “fortaleza de carácter” de Domínguez, do que subliñou que “sabe escoitar” e “ten a forza e as enerxías necesarias para afrontar este importante reto”. “Estamos a vivir un día grande para o Partido Popular, pero tamén para Pontevedra”, apuntou, para expresar que este conclave é unha oportunidade para “afrontar con certezas o futuro” e volver a ilusionar á cidade.
O Parlamento galego demanda ao Goberno central beneficios fiscais para os afectados pola explosión de Tui
Santiago, 29 de xuño de 2018.- O Parlamento de Galicia aprobou hoxe, a instancias do Grupo Popular, unha proposición non de lei a través da que se demanda ao Goberno central beneficios fiscais para os afectados pola explosión de Tui, que van desde a exención do imposto da renda nas axudas percibidas; as cotas sobre o imposto de bens inmobles das vivendas, establecementos industriais ou locais de traballo; ou das taxas de Tráfico para a tramitación da baixa dos vehículos, ata a redución do imposto de actividades económicas ás industrias cuxos locais fosen danados polo accidente.
O Grupo Popular salienta que “as mulleres son un colectivo prioritario nos programas de formación e mellora da empregabilidade da Xunta
Santiago, 29 de xuño de 2018.- A viceportavoz do Grupo Popular, Paula Prado, subliñou hoxe no Parlamento que “as mulleres son un colectivo prioritario nos programas de formación e mellora da empregabilidade da Xunta e contan cun 25 por cento máis de axuda en todos os programas cos que se incentiva a contratación”. “Estas políticas de emprego do PPdeG están funcionando e mostra disto é que no último ano o desemprego feminino reduciuse en Galicia un 9 por cento e sete de cada dez mulleres ocupadas teñen un contrato indefinido”.
O Parlamento solicita que a Xunta informe no Parlamento das xestións que está a facer para analizar o impacto do Brexit en Galicia
Santiago, 29 de xuño de 2018.- O Parlamento galego aprobou hoxe, logo dunha transacción entre o Grupo Popular e o Grupo socialista, unha proposición non de lei a través da que se insta ao Goberno galego a presentar, para o seu debate na Cámara antes do fin de 2018, o posicionamento da Xunta nos eidos identificados como prioritarios no seu documento de análise do impacto do Brexit en Galicia.
O Grupo Popular defende reducir o prezo da electricidade producindo mellor e máis barato
Santiago, 29 de xuño de 2018.- A portavoz de Enerxía do Grupo Popular, Marta Nóvoa, manifestou hoxe no Parlamento que “é necesario reducir o prezo da electricidade, pero producindo mellor e máis barato, ao tempo que se axuda aos máis necesitados con medidas sociais como as que leva facendo o Goberno galego desde hai anos”.
O PPdeG salienta que “o mellor plan de desestacionalización é a Estratexia de Turismo de Galicia 2020”
Santiago, 28 de xuño de 2018.- A deputada do Grupo Popular Cristina Romero salientou hoxe que “o mellor plan de desestacionalización do turismo na Comunidade galega é a Estratexia de Turismo de Galicia 2020, que está a funcionar cun crecemento dos turistas superior ao 3 por cento o pasado ano, cando se superaron por primeira vez os 5 millóns de turistas, cunha chegada de visitantes máis intensa fóra da tempada estival”.
O PPdeG demanda ao Estado que realice as accións legais recomendadas pola Comisión de Expertos para reintegrar o Pazo de Meirás ao dominio público
Santiago, 27 de xuño de 2018.- O Grupo Popular vén de rexistrar esta tarde unha proposición non de lei, co obxectivo de que sexa debatida no vindeiro Pleno do Parlamento, a través da que insta á Xunta a remitir urxentemente á Administración Xeral do Estado o informe elaborado pola Comisión de Expertos sobre as posibilidades de incorporar ao patrimonio público o Pazo de Meirás, de xeito que se realicen as accións legais que este documento recomenda para recuperar este ben para o dominio público.