Santiago, 21 de xuño de 2018.- O Parlamento de Galicia aprobou hoxe a proposición non de lei do Grupo Popular a través da que se insta á Xunta a establecer a convocatoria anual dun concurso de proxectos en materia agroforestal para poñer en valor aquelas iniciativas que destaquen polo seu carácter innovador. O deputado Moisés Blanco sinalou que esta convocatoria contribuiría “a dar visibilidade e impulso aos proxectos presentados e a xerar condicións favorables para a súa posta en marcha, cun intercambio de coñecementos e conformando un ambiente proclive á innovación e o emprendedorismo”.
O PPdeG salienta a loita da Xunta contra a avispiña do castiñeiro, á que este ano destinará máis de un millón de euros para a solta de 700.000 parásitos
Santiago, 21 de xuño de 2018.- O portavoz do Medio Rural, José González Vázquez, salientou hoxe o traballo que está a desenvolver a Xunta na loita contra a praga da avispiña do castiñeiro, á que este ano destinará máis de un millón de euros para a solta de máis de 700.000 individuos do parásito Torymus sinensis, a única forma coñecida ata o momento para combater o insecto.
O Grupo Popular salienta que a Xunta dispoña de 3.500 vivendas en réxime de alugueiro
Santiago, 20 de xuño de 2018.- O portavoz de Vivenda do Grupo Popular, Jaime Castiñeira, salientou hoxe que a Xunta dispón dun parque público de 3.500 vivendas en réxime de alugueiro, “unha cifra que se vai incrementar coas novas construcións que se levan a cabo nas grandes cidades e vilas de Galicia”.
O Grupo Popular considera “divertido que toda a oposición de esquerdas pida que se suban as taxas universitarias á xente do común”
Santiago, 20 de xuño de 2018.- O deputado do Grupo Popular Martín Fernández Prado manifestou hoxe no Pleno do Parlamento que “resulta divertido ver que toda a oposición de esquerdas está a pedir que se suban as taxas universitarias á xente do común”. Neste sentido, salientou que, “desde a chegada ao Goberno galego do Presidente Feijóo, a política de prezos e taxas universitarias en Galicia vense caracterizando por ser a mínima legal permitida”, e explicou que “a Xunta xa contempla nos seus orzamentos unha compensación ás universidades para paliar o orzamento que se aforran as familias”.
O Parlamento galego pide que se prime ás comunidades de montes que cumpran coas súas obrigas legais
Santiago, 20 de xuño de 2018.- O Parlamento de Galicia aprobou hoxe a proposición non de lei do Grupo Popular a través da que se insta á Xunta a que certifique aquelas comunidades de montes veciñais en man común que estean en cumprimento das súas obrigas legais, especialmente no relativo á aprobación dos seus instrumentos de ordenación ou xestión forestal, de xeito que supoña un criterio puntuable na concesión de axudas públicas e se prime na cesión dos montes veciñais en estado de abandono.
O Parlamento solicita á Xunta un informe sobre as posibilidades comerciais que se abren co Brexit para os produtos pesqueiros
Santiago, 20 de xuño de 2018.- O Parlamento de Galicia aprobou hoxe, a instancias do Grupo Popular, solicitar á Xunta que elabore un informe sobre as posibilidades e circunstancias que se abren co Brexit en termos comerciais en relación aos produtos pesqueiros galegos. “É moi importante saber cal pode ser o impacto, pero tamén converter este proceso nunha oportunidade, de aí que, vendo a posibilidade de que o Reino Unido perda o seu acceso directo aos mercados da Unión Europea, teñamos que estar atentos para ver que ámbitos de negocio se poden abrir para a pesca galega”, sinalou a portavoz do Mar, Teresa Egerique.
O PPdeG critica que o BNG pretenda implantar en toda Galicia o plan de compostaxe que en Pontevedra incrementou o lixo enviado a Sogama
Santiago, 19 de xuño de 2018.- O deputado do Grupo Popular Jacobo Moreira criticou hoxe que o BNG “pretenda establecer a nivel de toda Galicia o seu plan de compostaxe cando en Pontevedra, logo de gastar seis millóns de euros e pese a descender a poboación nesta provincia, incrementouse o lixo enviado a Sogama”. Deste xeito, Moreira defendeu que a Xunta continúe o diálogo cos concellos para facilitar a integración das súas iniciativas a prol da compostaxe no marco do Plan de xestión de residuos urbanos de Galicia 2010-2020.
O Grupo Popular demanda ao Goberno central a urxente aprobación definitiva e licitación inmediata do dragado da ría do Burgo
Santiago, 19 de xuño de 2018.- O portavoz de Medio Ambiente do Grupo Popular, Gonzalo Trenor, demandou hoxe no Pleno do Parlamento galego ao Goberno central a urxente aprobación definitiva do dragado da ría do Burgo e a licitación inmediata do mesmo.
O Grupo Popular demanda que a Xunta estude a posible creación dun parque de bombeiros de xestión pública directa no Val Miñor
Santiago, 19 de xuño de 2018.- O deputado do Grupo Popular Alberto Pazos demandou hoxe no Parlamento galego que a Xunta estude, no seo do grupo de traballo polas emerxencias de Galicia e conxuntamente coas administracións representadas nel, a posible creación dun parque de bombeiros de xestión pública directa con base nalgún dos concellos do Val Miñor, no que se integre o actual persoal do grupo de emerxencias supramunicipal existente nesta mancomunidade.
O PPdeG critica que En Marea intente desprestixiar a universidade galega ao tentar poñer en dúbida a súa xestión
Santiago, 19 de xuño de 2018. O deputado popular, Martín Fernández Prado, criticou esta tarde no Parlamento que En Marea intente desprestixiar o sistema universitario galego, “poñendo en dúbida e sementando sombras sobre a súa xestión cunha iniciativa sen pés nin cabeza e que denota o seu afán de intervencionismo”. Neste senso, indicou que o que pretende realmente En Marea é “interferir na autonomía das nosas universidades e poñer en cuestión a súa transparencia”.