O PPdeG avoga porque a negociación aberta entre Sanidade e traballadores dos PAC “chegue a bo porto”

Santiago, 15 de marzo de 2018.- O portavoz de Sanidade do Grupo Popular, Aurelio Núñez Centeno, avogou hoxe porque a negociación aberta entre a Consellería de Sanidade e os traballadores dos puntos de atención continuada “chegue a bo porto para continuar coa importante labor que estes profesionais realizan para atender as necesidades sanitarias da poboación galega”.

Aurelio Núñez sinalou que a mesa sectorial de sanidade celebrada o pasado 23 de febreiro acordou a constitución dunha comisión técnica delegada para avaliar as demandas do persoal dos PAC galegos. “Esta comisión celebrou a súa primeira xuntanza o pasado 9 de marzo e acordouse manter unha nova reunión no entorno da Semana Santa, co tema monográfico da xornada dos puntos de atención continuada”, apuntou.

ESTUDOS SOBRE AS DEMANDAS

Máis en concreto, o portavoz popular lembrou o compromiso da Consellería de Sanidade de realizar os estudos pertinentes para comprobar as demandas dos profesionais e continuar mantendo reunións desa comisión técnica co debate sobre distintas reclamacións dos profesionais sanitarios dos PAC.

Núñez Centeno lembrou que “todos os traballadores públicos galegos sufriron as consecuencias da crise económica nas súas retribucións e condicións laborais a causa das medidas tomadas polos gobernos central e autonómico para paliar esta crise”.

“Pero tamén é certo que se teñen reposto moitos destes dereitos que se perderan, como a devolución de pagas extras, a recuperación dos complementos das mesmas, os días de libre disposición, os días adicionais de vacacións, os incrementos salariais, as OPEs, o Plan de Estabilidade, o Pacto de Contratación, os concursos de traslados abertos e permanentes ou as subas salariais”, concretou.

Ademais, indicou que “continúase a a negociar cos sindicatos na mesa sectorial e xa se ten chegado a distintos acordos en varios temas, como a carreira profesional e outras aspectos retributivos e de condicións laborais”.

O Grupo Popular apoia que aXunta dote ao CHUO dunha cociña propia e de calidade, adaptada ás necesidades do Hospital

Santiago, 15 de marzo de 2018.- O Grupo Popular apoiou hoxe no Parlamento solicitar á Xunta que dote ao Complexo Hospitalario Universitario de Ourense (CHUO) dunha cociña propia e de calidade, adaptada ás necesidades do hospital.

A deputada popular Marta Rodríguez-Vispo explicou que o proceso de contratación da nova cociña do CHUO “está en fase de licitación, colgado na páxina web da Xunta desde a pasada semana por un importe de 3.750.000 euros”. O período de recepción de ofertas rematará o vindeiro 11 de abril.

Rodríguez-Vispo explicou que, logo de estudar os beneficios e inconvenientes dos modelos de cociña de liña fría ou quente, a Consellería de Sanidade decidiuse por instalar un sistema mixto.

Respecto do persoal, a deputada popular subliñou que “a situación laboral dos traballadores que prestan neste momento servizos na cociña será a mesma que actualmente”.

O Grupo Popular pide aos sindicatos da Xustiza “responsabilidade e recoñecer que a Xunta está a cumprir todas as demandas aprobadas por unanimidade no Parlamento”

Santiago, 14 de marzo de 2018.- A viceportavoz e portavoz de Xustiza do Grupo Popular,  Paula Prado, demandou  hoxe aos representantes sindicais dos traballadores da Administración de Xustiza en Galicia “responsabilidade e recoñecer que a Xunta está a cumprir todas as demandas aprobadas por unanimidade neste Parlamento”.

Continue reading

O PPdeG defenderá no pleno que os grupos do Congreso faciliten a aprobación dos orzamentse que os concellos devolvan a plusvalía municipal cobrada indebidamente

Santiago, 13 de marzo de 2018.- O Grupo Popular defenderá no Pleno da vindeira semana dúas proposicións non de lei a través das que se solicita aos grupos parlamentarios do Congreso que faciliten a tramitación, debate e aprobación dos orzamentos do Estado para 2018; e se insta ao Goberno central para que permita aos concellos utilizar os remanentes de tesourería positivos para a devolución do imposto da plusvalía cobrada indebidamente.

Continue reading

O PPdeG critica que o PSOE pida agora que a Xunta rehabilite o Pazo de Lourizán cando se negaron desde a Deputación de Pontevedra a crear un centro de investigación co financiamento de Ence

Santiago, 13 de marzo de 2018.- O deputado do Grupo Popular Jacobo Moreira cualificou hoxe de “irresponsabilidade tremenda que o Goberno socialista da Deputación de Pontevedra rexeitara o proxecto da Xunta para rehabilitar o Pazo de Lourizán en Pontevedra e crear un centro de investigación, co financiamento da empresa Ence”.

Continue reading

Novas Xeracións inicia con DOWN Galicia a súa rolda de reunións con asociacións de ámbito social de Galicia

13 de Marzo de 2018.- O presidente e a coordinadora xeral de Novas Xeracións de Galicia, Adrián Pardo e Eugenia Vizcaíno, reuníronse este mércores co presidente de DOWN Galicia, Delmiro Prieto, e coa xerente da asociación, Sonia Caldas. Trala xuntanza, Pardo salientou o enorme labor que realizan este tipo de organizacións, “sendo un exemplo de compromiso social para outras asociacións”.

Continue reading

Feijóo: “Non deixedes de debater e de defender en público aquilo no que credes porque intentar convencer con argumentos é facer política”

Santiago, 11 de marzo de 2018.- O presidente dos populares galegos, Alberto Núñez Feijóo, clausurou esta mañá o II Torneo de Debate do PPdeG, onde pediu aos participantes que non deixen nunca de debater e de defender en público aquilo no que creen. “Sexa no bar, na casa, no salón de plenos, no Parlamento ou nun torneo coma este, intentar convencer aos demais cos argumentos e con razóns é facer política”, salientou.

Continue reading