Santiago, 14 de xuño de 2017.- O deputado do Grupo Popular Jaime Castiñeira defendeu esta mañá no Parlamento que a Xunta continúe impulsando melloras na estrada LU-170 no concello lucense de Xermade, en particular para o remate da obra de conservación que se está a executar entre o puntos quilométricos 18,250 e 28,760, así como a adxudicación e posterior realización da senda peonil e ciclista entre o campo de fútbol de O Chao e a área recreativa de Cabreiros.
O Grupo Popular defenderá no Pleno modificar o marco normativo que regula a ocupación de vivendas e o establecemento de xuízos rápidos para estes delitos
Santiago, 13 de xuño de 2017.- O Grupo Popular defenderá no Pleno da vindeira semana unha proposición non de lei a través da que se establecen medidas para mellorar o marco normativo que regula o delito de ocupación de vivendas, o establecemento de xuízos rápidos para estes delitos e o realoxo dos ocupantes cando se trate en familias en risco de exclusión social. O Grupo Popular tamén solicitará que o Goberno central realice as xestións oportunas ante a Unión Europea para que Galicia, as comunidades do norte de España e a rexión norte de Portugal queden conectadas ao corredor atlántico ferroviario.
Pedro Puy cualifica como “viaxe importante” e “excelente idea” a visita que realiza Feijóo con empresarios a China
Santiago, 12 de xuño de 2017.- O portavoz do Grupo Popular, Pedro Puy, cualificou hoxe como “viaxe importante” e “excelente idea” a visita que o Presidente da Xunta está a facer a China porque “confiamos que funcione ben e se abran novas oportunidades para as exportacións, para incrementar o turismo procedente deste país asiático e para establecer canles institucionais que permitan mellorar as relacións”.
O Grupo Popular apoia que a Xunta faga un informe sobre as consecuencias da reestruturación bancaria en Galicia
Santiago, 9 de xuño de 2017.- O Grupo Popular apoiou hoxe a aprobación no Parlamento galego dunha proposición non de lei a través da que se insta á Xunta a realizar un informe que analice as consecuencias da reestruturación bancaria en Galicia, a situación de concentración do mercado bancario e as súas consecuencias para as persoas usuarias de servizos financeiros na Comunidade galega.
O Grupo Popular apoia reclamar á Axencia Tributaria que o galego poda ser empregado en todos os seus trámites
Santiago, 9 de xuño de 2017.- O Grupo Popular apoiou esta mañá no Parlamento unha proposición non de lei a través da que se reclaman á Axencia Tributaria que o galego poda ser empregado en Galicia en todos os trámites que se realicen por esta entidade, corrixindo as eivas denunciadas e comprometéndose a revisar periodicamente os procedementos para garantir a súa rápida detección e solución.
A deputada popular Sandra Vázquez lembrou que a páxina web da Axencia Tributaria ten a opción de mudar o seu contido a calquera das linguas cooficiais do Estado e apuntou que “recentemente realizou cambios nos seus programas, pero a Xunta de Galicia está en contacto e traballando conxuntamente con ela para que a información estea actualizada á maior brevidade posible”.
“A Xunta está a cumprir dentro das súas competencias, e colabora con todas as administracións e entidades para que se poidan facer todas as tramitacións en galego”, apuntou a deputada popular.
O Parlamento de Galicia aproba solicitar ao Concello de Vigo unha solución inmediata aos retrasos na tramitación dos recursos de servizos sociais municipais
Santiago, 8 de xuño de 2017.- O Parlamento de Galicia aprobou hoxe unha proposición non de lei, por iniciativa do Grupo Popular, a través da que se solicita ao Concello de Vigo unha solución inmediata aos retrasos na tramitación dos recursos de servizos sociais municipais. A deputada popular Marián García Míguez considerou “dramático” que 63.000 persoas de Vigo teñan un ingreso inferior ao limiar da pobreza e o Concello tarde 181 días en emitir o informe social para a percepción da Risga, cando o tempo que teñen os concellos galegos é de 30 días.
Continue reading
O Grupo Popular asegura que a atención pediátrica no barrio de Novo Mesoiro en A Coruña “está cuberta axeitadamente”
Santiago, 8 de xuño de 2017.- O portavoz de Sanidade do Grupo Popular, Aurelio Núñez Centeno, afirmou hoxe no Parlamento que a atención pediátrica do barrio de Novo Mesoiro en A Coruña “está cuberta axeitadamente”. Porén, indicou que o centro de saúde “deste barrio en crecemento está planificado para a atención dunhas 12.000 persoas, en previsión das necesidades de profesionais médicos que poidan xurdir a curto ou medio prazo”.
O Parlamento aproba que a reforma do Estatuto de Autonomía incorpore a supresión do aforamento dos deputados
Santiago, 7 de xuño de 2017.- O Grupo Popular apoiou hoxe a aprobación no Parlamento galego dunha proposición non de lei, logo dunha transacción co Grupo Socialista, que considera necesaria a supresión do instituto do aforamento das deputadas e deputados, preservando en todo momento que estas persoas non podan ser perseguidas polas opinións ou votos emitidos no exercicio das súas funcións. Esta posición deberá ser incorporada ao conxunto de reformas do Estatuto de Autonomía de Galicia que no seu momento se aborde. Ademais, ínstase á Xunta a trasladar esta posición aos grupos parlamentarios das Cortes Xerais para que calquera reforma do aforamento dos representantes nas Cámaras lexislativas estatais e autonómicas sexa tratada tamén dentro dun acordo a nivel estatal.
O PPdeG critica a En Marea por querer declarar Pena Trevinca como parque natural sen consenso nin ter falado coa xente e os concellos implicados
Santiago, 7 de xuño de 2017.- O deputado do Grupo Popular Moisés Blanco criticou hoxe a En Marea por “traer ao Parlamento unha proposta para declarar Pena Trevinca como parque natural sen estar sustentada por un gran consenso, nin ter falado coa xente que está nos concellos implicados, coas corporacións locais ou cos alcaldes e alcaldesas que teñen a capacidade suficiente, e as atribucións legais e políticas, para xestionar os recursos dos seus municipios”.
Continue reading
Raquel Arias:”a preocupación pola situación dos refuxiados é un sentimento compartido por todos”
Santiago, 7 de xuño de 2017.- A deputada popular Raquel Arias asegurou que a preocupación pola situación na que se atopan os refuxiados, que cualificou como un dos maiores problemas que ten Europa, “é un sentimento compartido por todos”, como así se puxo de manifesto xa o pasado mes de abril nunha declaración institucional realizada a este respecto polo Parlamento de Galicia. Neste sentido, lamentou que En Marea rexeitara que o Grupo Popular apoiara a súa iniciativa, xa que negouse a que fora votada por puntos unha vez se aceptou unha emenda do Grupo Socialista.