Santiago, 7 de abril 2017.- O secretario xeral do PPdeG, Miguel Tellado, asegurou esta mañá “en Galicia hai goberno, pero non hai unha oposición construtiva senón autodestrutiva”. Deste xeito, subliñou que, malia que custaba imaxinalo, nas Mareas de Podemos son entre eles máis duros polos seus problemas internos, do que o chegaron a ser os populares co seu labor na xestión municipal.
Continue reading
O Parlamento aproba demandar ao Goberno central que revise a aplicación da regra de gasto para adaptala á normativa europea
Santiago, 7 de abril de 2017.- O Parlamento de Galicia aprobou hoxe, a proposta do Grupo Popular, demandar ao Goberno central que revise o deseño e aplicación da regra de gasto seguindo as normas aprobados na Unión Europea, tendo en conta o criterios de estabilidade orzamentaria e de sostibilidade financeira das administracións públicas. Para iso, defendeu que se constitúa o anunciado grupo de traballo para analizar a regra de gasto contida na Lei de estabilidade orzamentaria e sostibilidade financeira e adaptala á normativa europea.
O PPdeG critica que a intransixencia do BNG privara dun acordo para solicitar a Fomento a supresión da peaxe na AP-9 entre Rande e Vigo
Santiago, 5 de abril de 2017.- O deputado do Grupo Popular Alberto Pazos criticou que “a intransixencia do BNG privara de aprobar hoxe un acordo no Parlamento a través do que se demanda ao Goberno centrala supresión da peaxe na AP-9 no treito entre Rande e Vigo, para que teña funcionalidade de circunvalación de Chapela e Teis”. Deste xeito, Pazos anunciou que o Grupo Popular presentará unha nova proposición non de lei “con este e outros asuntos dirixidos á mellora da calidade de vida e a minimizar o impacto das infraestruturas en Chapela, co obxectivo de que finalmente sexa aprobado polo Parlamento, co apoio ou non dos grupos da oposición”.
O Grupo Popular apoia demandar a Fomento os investimentos precisos para garantir un servizo ferroviario de ancho métrico nas mellores condicións
Santiago, 5 de abril de 2017.- O Grupo Popular apoiou esta mañá no Parlamento a aprobación dunha proposición non de lei a través da que se solicita ao Ministerio de Fomento para que realice os investimentos precisos para garantir un servizo ferroviario de ancho métrico (RENFE-FEVE) polo territorio galego nas mellores condicións posibles.
O Parlamento aproba elaborar un programa para conmemorar o 30 aniversario da declaración do Camiño de Santiago como 1º Itinerario Cultural Europeo
Santiago, 5 de abril de 2017.- O Parlamento de Galicia aprobou hoxe unha proposición non de lei, a iniciativa do Grupo Popular, a través da que se insta á Xunta a elaborar un programa de conmemoración do 30 aniversario da declaración, por parte do Consello de Europa, do Camiño de Santiago como 1º Itinerario Cultural Europeo, ao tempo que recolla no mesmo accións de impulso dos demais itinerarios culturais europeos do Consello de Europa nos que participa Galicia.
Continue reading
O Parlamento insta á Xunta a impulsar, xunto coa Fegamp, a creación de cemiterios que atendan os soterramentos conforme aos requisitos das confesións minoritarias
Santiago, 5 de abril de 2017.- O Parlamento de Galicia aprobou hoxe unha proposición non de lei, a iniciativa do Grupo Popular, a través da que se insta a Xunta de Galicia a impulsar, conxuntamente coa FEGAMP, a creación de cemiterios de carácter supramunicipal que podan atender a demanda de enterramentos conforme aos criterios das confesións relixiosas minoritarias con maior arraigamento en Galicia. Así mesmo, demándase a modificación do Decreto 151/2014 de sanidade mortuoria de Galicia, para regular aqueles soterramentos que teñan que ser feitos en contacto coa terra.
O Grupo Popular solicita que a empresa Suelo Empresarial del Atlántico aplique nos seus parques empresariais as bonificacións que aplica a Xunta
Santiago, 4 de abril de 2017.- O deputado do Grupo Popular Jaime Castiñeira solicitou hoxe no Parlamento que a empresa Suelo Empresarial del Atlántico (SEA) “aplique bonificacións nos prezos de venda de solo empresarial nos polígonos da súa competencia semellantes aos que aplica a Xunta”. Neste sentido, criticou que En Marea rexeite a política de bonificacións da Xunta para a compra de solo empresarial, lamentando que “unicamente pidan bonificacións para o polígono de Vimianzo, esquecéndose doutros parques da Costa da Morte como o de Laracha, Malpica, Cee e Muros”.
O PPdeG salienta a loita de Medio Rural contra as pragas do castiñeiro, cun investimento este ano de 680.000 € e a solta controlada de 133.000 insectos inimigos naturais da avespiña
Santiago, 4 de abril de 2017.- O portavoz do Medio Rural do Grupo Popular, José González Vázquez, salientou hoxe no Parlamento o traballo que está a desenvolver a Xunta de Galicia na loita contra as pragas do castiñeiro, “que este ano se traduce no investimento de 680.000 euros e a solta controlada de 133.000 insectos inimigos naturais da avespiña”.
Miguel Tellado repróchalle aos socialistas que “queiran ter o desemprego xuvenil de Alemaña propoñendo o modelo económico de Andalucía”
Santiago, 4 de abril de 2017.- O viceportavoz do Grupo Popular, Miguel Tellado, rexeitou este martes unha moción dos socialistas nas que se instaba a derrogar as reformas en materia de emprego “que permitiron que España e Galicia saísen da crise”.
O GPP afirma que Galicia pode achegar ao Pacto de Estado pola Educación a súa experiencia en novas tecnoloxías, ensino plurilingüe ou FP
Santiago, 4 de abril de 2017.- O portavoz de Educación do Grupo Popular, César Fernández Gil, manifestou esta tarde no Parlamento que a Xunta pode achegar ao Pacto de Estado pola Educación “a súa experiencia en ámbitos claves como as novas tecnoloxías, o ensino plurilingüe, a formación profesional ou a mellora e adaptación do sistema universitario galego á realidade socioeconómica do territorio”.