Santiago, 22 de marzo de 2017.- A deputada do Grupo Popular Teresa Egerique cualificou hoxe de “irreal” e de “dubidosa rendibilidade para Galicia” a proposta de En Marea para o establecemento do servizo público de dragado portuario. Neste sentido, indicou que desde o PPdeG “seguiremos apoiando un plan de dragaxe conforme ás necesidades dos portos galegos e continuaremos traballando para reducir a tramitación nesas obras, porque consideramos que iso é o que xera os atrasos e non os problemas técnicos”.
O Grupo Popular solicitará a posta en marcha no primeiro semestre deste ano dun plan de Igualdade no emprego
Santiago, 21 de marzo de 2017.- A portavoz de Igualdade do Grupo Popular, Marián García Míguez, asegurou hoxe no Parlamento que desde o PP “non imos converter os debates de igualdade en recriminacións partidistas nin en loitas de posturas de máximos” e criticou que a desvergoña do Grupo Socialista privou dun acordo unánime no Parlamento para solicitar a posta en marcha no primeiro semestre deste ano dun Plan de igualdade no emprego; a realización dun estudo sobre a fenda salarial, intensificando o labor da Inspección de Traballo; ou a regulación a nivel estatal da figura do mobing maternal. Todas estas iniciativas serán recollidas polo Grupo Popular nunha proposición non de lei que rexistrará para a súa aprobación polo Parlamento.
O PPdeG critica que En Marea volva traer ao pleno demandas en materia ferroviaria que xa foron aprobadas no Parlamento
Santiago, 21 de marzo de 2017.- O portavoz de Infraestruturas do Grupo Popular, Martín Fernández Prado, criticou que En Marea “volva traer hoxe ao Pleno demandas en materia de transporte ferroviario que xa están aprobadas neste Parlamento”. “O Goberno galego, no ámbito das súas responsabilidades, seguirá a traballar para que se continúe coa mellora dos servizos ferroviarios dos últimos anos, que se atendan as demandas dos cidadáns e coordinando actuacións naqueles ámbitos de confluencia competencial”, indicou.
Isabel Novo:”En Galicia hai unha política industrial de automoción clara, transparente e sólida”
Santiago, 21 de marzo de 2017.- A deputada do Grupo Popular Isabel Novo Fariña asegurou hoxe no Parlamento que en Galicia hai “unha política industrial do sector da automoción clara, transparente e sólida, coa adxudicación de novos modelos a PSA que garanten unha década despexada, con 1.000 empregos máis que hai un ano, desenvolvendo o vehículo autónomo e con 3.000 millóns de euros de investimento para industria auxiliar”.
O Grupo Popular demanda á oposición que “se tomen en serio a ampliación do Hospital de Montecelo en Pontevedra”
Santiago, 21 de marzo de 2017.- O deputado do Grupo Popular Jacobo Moreira demandou hoxe no Parlamento que os grupos da oposición “se tomen en serio a ampliación do Hospital de Montecelo en Pontevedra” e cualificou de “boutade que traian ao debate da Cámara galega unha moción pedindo que se licite e adxudique o proxecto deste hospital en 2017, cando saben perfectamente que resulta imposible e o propio conselleiro xa avanzou no pasado pleno a previsión de que estará para finais de 2018 ou principios de 2019”.
Pedro Puy afirma que “temos a conciencia tranquila porque Galicia é das poucas CCAA que traballou para manter unha entidade bancaria no seu territorio”
Santiago, 20 de marzo de 2017.- O portavoz do Grupo Popular, Pedro Puy, avanzou hoxe que “non imos utilizar a Comisión de Investigación sobre as antigas caixas galegas como un instrumento de liorta política” e asegurou que “temos a conciencia absolutamente tranquila porque Galicia é unha das poucas comunidades autónomas que traballou por manter unha entidade domiciliada no seu territorio, cun impacto importante non só no crédito, senón tamén nos postos de traballo”.
O Grupo Popular solicita a declaración como BIC do Colexio de Nosa Señora da Antigua en Monforte
Santiago, 19 de marzo de 2017.- O Grupo Popular vén de rexistrar unha proposición non de lei a través da que se solicita á Xunta que realice os trámites necesarios para a declaración e inclusión do Colexio de Nosa Señora da Antigua na relación de bens de interese cultural de Galicia
O GPP rexistra a súa proposta de plan de traballo da Comisión de investigación das caixas galegas coa solicitude de 10 novos documentos
Santiago, 17 de marzo de 2017.- O Grupo Popular rexistrou esta tarde a súa proposta de Plan de Traballo para a Comisión de investigación das antigas caixas galegas, co obxectivo de rematar os traballos realizados durante a pasada IX lexislatura. Ademais de solicitar á Administración do Parlamento galego a posta a disposición dos membros da Comisión de toda a documentación reunida e as transcricións literais das 46 comparecencias realizadas na anterior lexislatura, o Grupo Popular solicita a incorporación de 10 documentos novos co obxectivo de proceder á elaboración da proposta de ditame da ponencia.
O Parlamento insta á Xunta a avanzar na implantación de medidas de eficiencia enerxética nos edificios administrativos e xudiciais
Santiago, 17 de marzo de 2017.- O Parlamento de Galicia aprobou esta mañá por unanimidade unha proposición non de lei, a iniciativa do Grupo Popular, a través da que se insta á Xunta de Galicia a continuar avanzando na implantación de medidas de eficiencia enerxética nos edificios administrativos e xudiciais, co fin de reducir o consumo enerxético, minimizar a emisión de gases de efecto invernadoiro e acadar o mellor aproveitamento posible das enerxías renovables, redundando todo elo nunha mellora da sostibilidade ambiental destes inmobles. Ademais, a Xunta deberá remitir ao Parlamento os resultados anuais do sistema de seguimento e avaliación da súa Estratexia de aforro e eficiencia enerxética.
O PPdeG ve nos vindeiros congresos “unha oportunidade de activar o partido e fortalecer os equipos”
Santiago, 17 de marzo de 2017.- O secretario xeral do PPdeG, Miguel Tellado, ofreceu este venres unha rolda de prensa na que avanzou a participación do presidente Alberto Núñez Feijóo nos Congresos autonómicos dos populares andaluces e madrileños, que se celebran esta mesma fin de semana.