Categoría: PP de Galicia

O PPdeG reivindicou hoxe no Parlamento Europeo a necesidade de facer política “desde o territorio e para o territorio” para garantir non só o futuro do sector primario galego, senón tamén o relevo xeracional no rural e a incorporación da mocidade a actividades como a agricultura ou a gandaría.

 

No marco do Congreso de Mozos Agricultores e Gandeiros celebrado hoxe na sede da Eurocámara en Bruxelas, o coordinador de Medio Rural dos populares galegos, Avelino Souto, quixo subliñar a importancia de abordar este tipo de cuestións precisamente no lugar “onde se toman as decisións máis importantes para os gandeiros e agricultores galegos”.

 

“Hai que poñer enriba da mesa cuestións como a redución da burocracia, os incentivos económicos para a mocidade que queira apostar polo rural ou as cláusulas espello para garantir unha competencia leal”, explicou ao tempo que incidía no fundamental de “facer políticas desde o territorio e para o territorio”.

 

Do contrario, engadiu, daríanse problemáticas como a da protección do lobo, na que “se decidiu protexer a esta especie só por dogmas ideolóxicos e a costa de afogar aos gandeiros” e cuxo resultado foi que “por non escoitar ao territorio acabaron incrementándose máis dun 70% os ataques de lobo en Galicia”.

 

Ao respecto desta cuestión, o eurodeputado galego Francisco Millán Mon celebrou o recente cambio no Convenio de Berna para reducir a protección do lobo de especie “estritamente protexida” a “protexida”. Considerou este avance –orixinado nunha resolución do Parlamento Europeo de 2022– unha medida “imprescindible para priorizar ao sector primario e mellorar o control das poboacións de lobo en España”.

 

“Insto ao Goberno de Sánchez a actuar na mesma liña que a Unión Europea e atender esta demanda histórica do sector primario”, subliñou destacando o grave impacto do lobo na gandaría galega, que en 2023 sufriu 1.600 ataques con case 3.000 reses perdidas e que neste 2024 xa suma máis de 3.300 reses mortas.

 

Neste sentido, o eurodeputado pontevedrés recordou que a Xunta de Galicia leva tempo reclamando esta medida e avogou por un equilibrio que permita protexer ao sector primario como á especie, garantindo unha convivencia adecuada.

 

Pola súa banda, Adrián Vázquez recalcou a importancia de investir no futuro do medio rural: “Os mozos son a sociedade do mañá, e é imprescindible que sintan que o campo é unha oportunidade real para desenvolver o seu proxecto de vida se queremos seguir enchendo a neveira”.

 

O eurodeputado lalinense expresou ademais a alegría que lle produciu dar a benvida en Bruxelas a un veciño do seu pobo como Avelino Souto: “Avelino é a proba de que o campo ten futuro. Necesitamos máis mozos que, como el e como todos os que hoxe viñeron a Bruxelas dende todos os recunchos de Europa, se comprometan coa profesionalización e modernización do campo e dos seus concellos”.

 

“O noso compromiso é que esta lexislatura europea sirva para facerlle a vida máis sinxela ao noso medio rural e iniciativas coma esta son vitais para que a voz do campo galego resoe en Europa”, concluíu.

 

Tanto Francisco Millán Mon como Adrián Vázquez destacaron así mesmo o papel clave de Galicia nos debates sobre a Política Agraria Común (PAC) e o futuro do sector agro-gandeiro. De feito, o encontro celebrado hoxe “subliña a importancia de escoitar as demandas do sector primario e defender os seus intereses”.

 

Reiteraron así o seu apoio ao sector primario galego e o seu compromiso de seguir traballando desde as institucións europeas para poñer en valor o papel esencial destes sectores na economía e na cohesión social y territorial de Galicia.

A secretaria xeral do Partido Popular de Galicia, Paula Prado, asegurou hoxe que a muller e a igualdade seguirán sendo protagonistas das políticas do partido no novo ano 2025 que está preto de comezar.

Durante a tradicional cea de Nadal do PP de Mos, no pavillón Óscar Pereiro, á que asistiron 1.000 persoas, Prado salientou que hai un dato do que se sente “realmente orgullosa”, e non e outro que o feito de que o PPdeG sexa o partido con máis alcaldesas de Galicia, un total de 28, que “no futuro serán máis”.

Así, puxo de exemplo a Nidia Arévalo, que leva máis de 16 anos á fronte do Concello de Mos, a máis veterana das catro rexedoras populares do sur da provincia de Pontevedra, onde tamén lideran os seus concellos Marta Valcárcel, en Salvaterra de Miño; Cristina Correa, en Oia; e Nava Castro, en Ponteareas.

Ademais, a secretaria xeral sinalou que grazas a valores como Nidia Arévalo ou a concelleira Feli Rodríguez, deputada no Parlamento, “queda clara a importancia do éxito dos proxectos a longo prazo que levan o selo do PP”.

Por último, Paula Prado non quixo esquecer a achega de Mos “aos dous grandes éxitos deste ano do PP en Galicia”: en febreiro, co apoio ao presidente Alfonso Rueda con case un 44% de voto, e en xuño, con máis de 2.500 votos no concello para triunfar nas eleccións europeas.

LUIS LÓPEZ: “É UN ORGULLO CONTAR CON LÍDERES COMO NIDIA”

O presidente provincial do Partido Popular de Pontevedra, Luis López, destacou que un ano máis esta xuntanza de Mos se consolida como un dos referentes do Nadal da provincia, ao que acoden ano tras ano arredor dun milleiro de persoas.

“Penso que estas xuntanzas son moi boas. Serven para que compartamos uns intres nestas datas festivas e sobre todo para amosar a unidade e compromiso do noso partido, algo fundamental sempre, porque unidos traballaremos moito mellor e acadaremos os nosos obxectivos”, indicou.

O presidente popular fixo especial fincapé no magnífico resultado nas eleccións municipais en Mos e gabou o traballo da alcaldesa e senadora, Nidia Arévalo: ¨É unha muller incansable que traballa arreo por Mos, que atende as súas demandas e que escoita aos seus veciños, e que ademais nos representa no Senado, onde é un orgullo poder contar con ela alí defendendo os intereses de Pontevedra e de Galicia”.

NIDIA ARÉVALO: “SOMOS UN CONCELLO CON IDENTIDADE PROPIA”

A senadora e alcaldesa Nidia Arévalo dedicou parte da súa intervención a expresar a súa  “gratitude” tanto aos afiliados e simpatizantes do partido a nivel local como ao presidente Alfonso Rueda, de quen destacou “unha fidelidade a Mos demostrada con apoio económico, con investimentos e con xestión”.

Puxo en valor que nestes anos Mos “pasou de ser un concello descoñecido e de paso a converterse nun municipio con identidade, con nome propio, con cinco polígonos empresariais, catro escolas infantís, oito colexios e un instituto, así como coa Cidade deportiva do Real Club Celta e con case taxa cero de desemprego”.

Unha transformación que foi posible grazas á aposta por proxectos como os que botaron a andar durante este 2024 e que se farán realidade de cara ao vindeiro ano como: a humanización da estrada Pereiras-Tameiga na Pardaucha; o centro de coidados intermedios e a escola infantil do novo proxecto sociosanitario do Rebullón; a posta en valor da contorna parroquial da Igrexa de San Miguel de Pereiras; as novas vivendas protexidas en San Eleuterio; o novo polígono empresarial de Arrufana; e o proxecto Galicia Sports 360 do Celta.

Arévalo tivo tamén unhas breves pero contundentes palabras para a oposición, á que acusou de “buscar só o seu beneficio persoal e non interesarse por Mos”. Máis concretamente, reprochou ao nacionalista Gustavo Barcia que “queira meterse na política autonómica, aínda que sexa en contra da lideresa do seu partido, só para seguir vivindo de non facer nada” e á socialista Victoria Alonso que “defende a un Pedro Sánchez que o único que fai polos concellos é cargalos de novos impostos”.

Rematou asegurando que só cun presidente do Goberno como Alberto Núñez Feijóo, un presidente da Xunta como Alfonso Rueda, un presidente da Deputación provincial como Luis López e un goberno municipal do Partido Popular “poderemos manter unha España, unha Galicia, unha Pontevedra e un Mos prósperos e que sexan o mellor lugar para vivir”.

 

O PP condena, unha vez máis, “a falta de compromiso do Goberno de Sánchez” coa continuidade da actividade na planta de Alcoa na Mariña e o mantemento dos postos de traballo directos e indirectos tras anular a reunión da mesa de seguimento do acordo de viabilidade prevista para este luns 9 de decembro na que se debería tratar aspectos fundamentais sobre o futuro da factoría mariñá e que permitirían dar respostas aos traballadores.

A presidenta provincial e deputada no Parlamento de Galicia, Elena Candia, presidiu unha reunión na que participaron os senadores José Manuel Balseiro e José Manuel Barreiro, os deputados no Congreso Jaime De Olano e Cristina Abades, alcaldes e portavoces de concellos da comarca na que reivindicaron o cumprimento dos acordos no Parlamento de Galicia e no Congreso dos Deputados.

Os populares lamentaron “tanto as propias faltas de acción do Goberno de Sánchez que non está a cumprir o que promete como a falta de aclaracións nas respostas oficiais a preguntas dos senadores en relación a asuntos pendentes que contribuirían a garantir a viabilidade da planta e, polo tanto, á continuidade da súa actividade”.

Por unha banda, subliñaron que “a través das súas respostas recoñecen que a intención inicial do Goberno era que non participasen na mesa de seguimento ningún dos ministros implicados -Transición Ecolóxica e Reto Demográfico e Industria e Turismo-; xa que explican que estará presidida pola Secretaria de Estado de Industria”. Neste sentido, lembran que “o presidente da Xunta manifestou a súa vontade de asistir para garantir que a reunión sexa do máximo nivel e forzar a asistencia tamén dos respectivos Ministros”.

En relación ás medidas para garantir un prezo da enerxía competitivo, que é un dos principais problemas desta industria como o propio Goberno recoñece nas súas respostas, “non podemos ser moi optimistas coa implicación do Goberno de Sánchez” toda vez que “resolveron fóra de prazo e, a pesar de que prometeron reverter a situación, seguen sen autorización os parques eólicos de competencia estatal” vinculados a contratos de longa duración (PPA) con Alcoa. “Recoñecen por escrito que, dende decembro do ano pasado no que caducaba o prazo, non fixeron nada por darlle solución”. É dicir, “desautorizaron as promesas do secretario xeral do PSOE galego”.

Sobre a modificación do estatuto para a industria electrointensiva, “tampouco aclaran dende o Executivo cando estará aprobado nin en que condicións”. Do mesmo xeito, “non explican porque non esgota os instrumentos públicos de apoio a esta industria” coma a mellora das ferramentas de interrompibilidade ou establecendo a compensación máxima por CO2 permitida pola UE.

“O Goberno de Sánchez di que incrementou nun 25% con respecto ao 2023 estas axudas ata os 300M€ no 2024, moi lonxe dos preto de 900 M€ que se corresponderían co 25% dos ingresos por dereitos de emisión de CO2 que permite a Directiva Europea. As axudas que pon enriba da mesa do Executivo estatal non alcanzan nin a metade do permitido”, censuran.

Por outra banda, “o Goberno de Sánchez evita en todo momento aceptar unha posible intervención temporal e instrumental no caso de que, unha vez facilitadas todas as medidas necesarias para garantir a viabilidade da planta, fora preciso para manter a súa actividade”, expoñen. Á vista de que “incluso o PSOE votou en contra deste punto no Parlamento de Galicia rompendo a unanimidade coa que foran aprobados todos os anteriores; non podemos ser optimistas”.

Candia subliñou o apoio por parte do Partido Popular impulsando iniciativas nas distintas cámaras para esixir ao Goberno de España medidas para garantir a viabilidade da fábrica e que resultaron aprobadas no Congreso dos Deputados e, máis recentemente, no Parlamento de Galicia. Pola contra, na Deputación de Lugo PSOE e BNG tampouco apoiaron as reivindicacións do Grupo Popular “a pesar de que coinciden coas demandas dos traballadores”.

A través das iniciativas aprobadas no Congreso dos Deputados e no Parlamento de Galicia, o Partido Popular esixe responsabilidades en relación ao incumprimento dos compromisos adquiridos no acordo de viabilidade”.

IMPLICACIÓN REAL DO GOBERNO PARA UNHA SOLUCIÓN

Os populares reivindican unha “implicación real do Goberno de Sánchez nunha solución real e efectiva que permita recuperar a actividade completa da planta en condicións de competitividade con respecto a outras industrias noutros países de Europa” e que, polo tanto, “se garantan os empregos directos e indirectos. Non pode ser que esta situación de incerteza se manteña no tempo e arredor de 2.000 familias da Mariña sufran esta situación cada Nadal”.

 

O eurodeputado do PPdeG Adrián Vázquez subliña que, grazas ao Partido Popular, os concellos galegos confirmaron esta semana que a imposición do taxazo ao lixo que quere impoñer o Goberno de Sánchez “non é culpa de Bruxelas”, senón que “vén de Madrid”.

O vicepresidente executivo da Comisión Europea, Maros Sefcovic, negou nunha resposta aos populares que a lexislación europea obrigue ao Goberno español a aplicar unha taxa de lixo en todos os concellos a partir do mes de abril de 2025, tal e como levan defendendo moito tempo desde Moncloa e como pretenden impoñer.

“Non hai nada peor que empezar un novo traballo e que, na primeira semana, te pillen mentindo. Iso é o que lle pasou a Teresa Ribeira cando a Comisión Europea nos confirmou que ese taxazo ao lixo era mentira”, sinala Adrián Vázquez.

O eurodeputado galego explica que “non é unha obrigación que vén de Europa, é unha obrigación que fai o Goberno de Sánchez, que o único que lle interesa é recadar máis para gastalo onde non debe”.

Por iso, grazas o traballo que fixo o Partido Popular, os alcaldes e alcaldesas dos 313 concellos galegos saben agora que este “Sanchazo” é unha cousa que “vén de Madrid, non de Bruxelas”. “E si, estamos a favor da economía circular, pero non estamos a favor que se lle cargue ao cidadán, cada vez máis, o que non se lle ten que cargar”, conclúe Vázquez.

 

O Partido Popular de Galicia sae “aínda máis reforzado” para seguir traballando polos veciños e veciñas dos 313 concellos despois da súa participación na XXVII Intermunicipal do PP esta fin de semana en Valladolid.

“O PPdeG demostrou a súa fortaleza con intervencións nesta Intermunicipal no ámbito das políticas sociais, o medio ambiente ou a transformación dos municipios. Saímos se cabe máis reforzados para poñer en marcha en todos os concellos boas prácticas que recollemos de compañeiros do resto de España, para seguir traballando polos veciños e veciñas de Galicia”, subliñou a secretaria xeral, Paula Prado, antes de asistir á clausura.

O presidente do Partido Popular, Alberto Núñez Feijóo, contou co apoio hoxe de toda a delegación galega, máis dun cento de representantes: “É un militante máis de Galicia. Sempre defende a Galicia, desde Madrid ou calquera outro sitio”.

Neste sentido, Paula Prado sinalou que todos os populares presentes na Intermunicipal, e os que non están, están dicindo que se precisa “urxentemente” un cambio en España. “Necesitamos saír desta lameira de corrupción na que nos meteu o Goberno de Sánchez e camiñar cara un cambio liderado por Núñez Feijóo”, engadiu a número dous dos populares galegos.

Pola súa banda, Galicia demostrará nos vindeiros meses que “segue funcionando”, cun Goberno liderado polo presidente Alfonso Rueda que “pon os intereses dos galegos e galegas por enriba de calquera interese partidista”.

A DEBILIDADE E DESUNIÓN DE PSdeG E BNG

Por último, Paula Prado contrapuxo a “fortaleza” e “protagonismo” demostrados unha vez máis polo PPdeG dentro da estrutura nacional do partido fronte a un socialismo galego cunha presenza “residual” na executiva nacional do PSOE e nos intereses do Goberno de Sánchez, “cun só membro real, ao nivel dunha cidade autónoma, por facer unha comparativa”.

Así mesmo, salientou o contraste entre a “unión” dos populares galegos coa “ruptura e desunión” dentro do corazón do BNG, evidenciada na súa Asemblea: “Está claro que a gran maioría do BNG o que realmente quere é a independencia de Galicia; afondar no monolinguismo e a imposición do galego; e máis ideoloxía e menos futuro para a nosa terra”.

 

Tres representantes del PPdeG pusieron esta tarde ejemplos, delante de compañeros de toda España, de políticas de termalismo, conciliación o gestión de los residuos que han transformado sus territorios.

En el marco de la XXVII Intermunicipal del Partido Popular en Valladolid, el presidente de la Diputación de Ourense y alcalde de O Pereiro de Aguiar, Luis Menor; la alcaldesa de Mos, Nidia Arévalo; y el alcalde de Vedra, Carlos Martínez Carrillo, participaron en una sesión denominada Elevator Speech, en la que cada uno contó con una breve intervención.

“OURENSE ES LA PROVINCIA TERMAL, DE VALOR TERAPÉUTICO Y SOLIDARIO”

En su turno, Luis Menor destacó los factores que, como provincia termal, diferencian a Ourense del resto de España: sus valores terapéutico y solidario.

“Somos agua”, dijo Luis Menor de la provincia para subrayar el objetivo que se ha marcado la Diputación a la hora de personalizar el potencial termal de la provincia. Una línea de trabajo a la que sumó una particular característica de la población: la ultralongevidad de los habitantes de Ourense, hasta tal punto que en estos momentos se investiga la posibilidad de convertir a la provincia en la sexta Zona Azul del mundo con mayor porcentaje de personas centenarias.

Bajo estas premisas, Menor citó la labor que en materia de bienestar desarrolla la Diputación, como el desarrollo de un completo programa de termalismo para mayores, “con un marcado carácter social y de lucha contra la soledad no deseada”.

Pero, además, y también en su condición de presidente de la Red de Villas Termales de la FEMP, lanzó la propuesta del “termalismo solidario” para las personas mayores que viven y sufren las consecuencias de la DANA de Valencia, ofreciendo un programa de respiro en los balnearios de la provincia de Ourense, propuesta a la que invitó a sumarse a las villas termales y municipios españoles con balnearios.

“HEMOS CONSEGUIDO QUE MOS SEA UN TERRITORIO DE FUTURO”

Por su parte, Nidia Arévalo ha levantado al público presente al son de su “Somos Mos, con alegría y con orgullo”, después de explicar cómo transformar un ayuntamiento “de paso, invisible y abandonado” en “un territorio de oportunidades, futuro, vida y poderío”.

Así, señaló que en 2008 llegó a la alcaldía de un concello “atravesado por los cuatro costados por las infraestructuras de Fomento” y, a partir de ahí, “con inteligencia”, pensó con su equipo cómo sacar lo mejor de esa situación. “Y después de 17 años, lo hemos conseguido: en Mos hay cinco polígonos industriales y trabajan miles de personas de Vigo. De estar amenazados con ser devorados por Vigo, hoy Vigo es la ciudad dormitorio de Mos, donde trabajan los vigueses”, sentenció.

La regidora añadió que la “riqueza” de Mos se basa en que “no hay desempleo” y hay “mucha conciliación”, poniendo como ejemplo las cuatro escuelas infantiles, nueve centros educativos o el único colegio británico de la provincia de Pontevedra. Además, destacó la ciudad deportiva del Real Club Celta de Vigo, el proyecto Galicia Sport 360 del club, y el futuro complejo “pionero” de servicios sociosanitarios de O Rebullón, que incluirá escuela infantil, centro de cuidados intermedios, residencia de mayores y centro de salud.

“NUESTROS VECINOS TIENEN UNA GRAN CONCIENCIA MEDIOAMBIENTAL”

“Ya sabéis, si venís a vivir a Vedra, que seguro que alguno de vosotros vendrá, En Vedra Residuos KM Cero”, concluyó su intervención Carlos Martínez, alcalde y miembro de la Junta de Gobierno de la FEMP, que aprovechó para ahondar en un programa municipal de buenas prácticas relacionado con los biorresiduos.

Martínez Carrillo explicó que Vedra es un ayuntamiento de 5.000 habitantes “limítrofe a Santiago, pero 100% rural”, donde existen más de 130 núcleos de población, ninguno urbano, y más del 95% de las viviendas son unifamiliares”. Por ello, históricamente el municipio ha sido conocido como la “huerta o jardín” de Compostela y el vecindario “tiene una gran conciencia medioambiental”.

A través de En Vedra Residuos KM Cero, el objetivo del Concello es tratar más del 95% de los residuos orgánicos con compostaje in situ, y por tanto sin tener que transportarlos ni recogerlos, con lo que consiguen reducir el volumen de los restos; crear un compost de “excelente calidad” para sus huertas y jardines, eliminando así abonos químicos; contribuir a la mejora del clima; y reducir los costes del servicio. En este momento, el programa está integrado en el 40% de las viviendas y el objetivo es que en 2026 haya llegado al 100%.

 

El PPdeG reivindicó hoy las políticas sociales que durante los últimos años se vienen implementando en Galicia en materia de cuidado de los mayores y conciliación por considerarlas una referencia para toda España y un ejemplo de cómo los gobiernos populares se ocupan y preocupan de los problemas reales de las personas.

En el marco de la XXVII Intermunicipal del Partido Popular en Valladolid, el alcalde de Ferrol, José Manuel Rey Varela, aprovechó esta mañana su participación en la mesa redonda Los ayuntamientos, red de seguridad, cohesión e igualdad territorial para subrayar la diferencia entre “los gobiernos que resuelven los problemas de la gente y aquellos que sólo atienden sus propios problemas”.

Centrándose en las personas mayores, quiso destacar que “este país se construyó gracias a su esfuerzo y gracias a las oportunidades que le dejaron a las sucesivas generaciones” y puso el foco en el reto que suponen tanto el aumento de la esperanza de vida como la soledad no deseada.

“Vivimos cada vez más años y eso implica que debemos trabajar por garantizar que esos años podamos vivirlos cada vez mejor”, explicó al tiempo que aseguraba que el incremento de la esperanza de vida “no es un problema, sino una oportunidad y una historia de éxito”.

Sobre la soledad no deseada, explicó que el 4% de la población española vive sola y que este porcentaje aumenta en el caso de las personas mayores de 80 años hasta superar el 40%. Algo que, en su opinión, obliga a las administraciones a “poner en marcha políticas que integren la estas personas a través de una red de servicios”.

Recordando su experiencia como responsable de Política Social en el Gobierno gallego, el ahora alcalde de Ferrol aseguró que “en Galicia aprendimos que las personas mayores son una oportunidad y actuamos en consecuencia” y puso como ejemplo el hecho de que Galicia fue la primera comunidad autónoma en aprobar una ley de impulso demográfico.

En este sentido, explicó que “además de un magnífico gestor, Alberto Núñez Feijóo es una persona muy preocupada por los mayores” y rememoró un episodio de altas temperaturas vivido hace años en Galicia y cómo actuó el por entonces presidente de la Xunta, con la celeridad y la eficacia que demandaba la situación. Algo que, en su opinión, ejemplifica la importancia de contar al frente de los gobiernos con “gente sensible, con corazón y que realmente atienda los problemas de la gente”.

“No basta con hablar de los problemas. Hay que implementar políticas para que las palabras se conviertan en hechos y en beneficios para las personas”, concluyó destacando cómo bajo la presidencia de Alfonso Rueda las políticas de mayores están siendo incrementadas y cómo la Comunidad fue quien de dar ejemplo a nivel estatal en materia de conciliación con medidas como la gratuidad de las escuelas infantiles de 0 a 3 años.

 

 

O Partido Popular brindou hoxe con máis de 600 afiliados e simpatizantes de Ourense por un novo ano no que a formación siga sumando éxitos e contribuíndo, a través dos seus representantes autonómicos e nacionais, a que tanto Galicia como a provincia sigan funcionando.

Na súa intervención durante a cea de Nadal organizada polos populares da provincia de Ourense, Paula Prado quixo poñer en valor precisamente a ampla representación coa que conta a provincia e agradecer o traballo dos 56 alcaldes e alcaldesas, que “están cada día ao carón dos seus veciños” e dos 3 deputados nacionais e 3 senadores que “reivindican a Galicia como exemplo”. Así como tamén dos 8 deputados e deputadas autonómicos e do resto de persoas que “contribúen a facer do PP de Ourense un referente para toda España”.

A secretaria xeral do PPdeG incidiu en que os gobernos populares son sempre garantía de estabilidade e puxo como exemplo o feito de que tanto a Deputación de Ourense como a Xunta de Galicia van empezar o 2025 cuns Orzamentos aprobados. Algo do que, apuntou, non poden presumir nin o Goberno central nin moitos concellos dun PSOE e dun BNG “sumidos na desunión e a debilidade”.

Así mesmo, asegurou que o PP ourensán “vai seguir sumando éxitos” como os de este ano, no que a provincia outorgou un 50% de apoio a Alfonso Rueda e houbo máis dun 51% de votos populares nas eleccións europeas. E todo, salientou, “baixo o mandato na provincia de Luis Menor”, ao que agradeceu o seu “excelente” labor.

MIGUEL TELLADO: “ESPAÑA MERECE OUTRA COUSA”

O portavoz do Grupo Popular no Congreso, Miguel Tellado, destacou na súa intervención que ao Goberno de Sánchez “estánselle caendo todas as bandeiras”, xa que “viñeron ser o Goberno máis limpo e están de corrupción ata o pescozo, con comisións, bolsas de cartos e maletas con non se sabe que”. Tamén pretendía ser, recordou, “o máis feminista”, pero neste sentido criticou o sucedido co ex portavoz de Sumar, Iñigo Errejón.

Nesta liña denunciou a inacción do Executivo estatal, que non tramitou os Orzamentos Xerais do Estado “porque envían máis papeis aos xulgados que ao Congreso”, e porque ten “máis leis do PP paralizadas que leis aprobadas”.

“España merece outra cousa”, concluíu subliñando que outra política é posible da man do presidente Alberto Núñez Feijóo: “O líder que Ourense viu nacer, Galicia viu gobernar e o que o noso país merece”.

Celebrou tamén poder volver a Ourense e puxo en valor o gran traballo que está a facer o PP da provincia, apoiando tanto ao Goberno da Xunta, liderado por Alfonso Rueda, como ao da Deputación provincial, que “están centrados nos ourensáns e en todos os galegos”.

LUIS MENOR: “O PRINCIPAL DESAFÍO PARA 2025 SERÁ A CONSOLIDACIÓN DAS XUNTAS LOCAIS DA PROVINCIA E DE OURENSE CIDADE”

O presidente provincial, Luis Menor, afirmou pola súa banda que “o principal desafío para 2025 será a consolidación das xuntas locais da provincia e da capital”, afrontando así “o inicio dun amplo período congresual”. Advertiu neste sentido que cómpre non perder de vista o horizonte das municipais de 2027, co fin de configurar coa antelación suficiente “os mellores equipos en todas as xuntas locais”. Uns órganos que cualificou como “piares da estrutura do partido no territorio e para a máxima coordinación coa dirección provincial”.

Fixo unha mención específica á xunta local de Ourense, agora baixo a dirección dunha xestora, sinalando que “a xunta da capital é un paso necesario para construír unha alternativa de Concello, cun proxecto que ilusione á cidadanía”. Nesta liña, apelou ao compromiso dos militantes “para sumar esforzos, seguir facendo virtude da unión e consolidar a nosa presencia en cada concello e en cada barrio”.

Luis Menor, que agradeceu a multitudinaria resposta á convocatoria que contou con máis de 600 asistentes, repasou a actividade do partido desde o congreso provincial de xullo, destacando que das 15 propostas formuladas nese programa “hoxe temos en marcha ou en fase de organización case o 60%”.

Así, citou a constitución das 13 vicesecretarías e dos 9 comités de traballo que forman parte do organigrama da formación e que “están sempre abertas a novas incorporacións”, unha maior presenza da mocidade a través de Novas Xeracións coa campaña Escoitando para medrar; o aumento de militantes, con medio cento de novos afiliados; ou a celebración da primeira Interparlamentaria do PPdeOU, na que baixo o lema #OrgullodoRural os cargos electos na Deputación, no Parlamento de Galicia, no Congreso e no Senado se comprometeron á defensa e promoción do rural como garante do futuro do territorio.

O PPdeG terá un papel protagonista na Intermunicipal do Partido Popular que celebrará este fin de semana en Valladolid, á que asistirán un cento de representantes galegos co obxectivo de “deixar claro a importancia dos 313 concellos” e reivindicar que Galicia é un exemplo de estabilidade, xestión e sentidiño para toda España.

Tal e como anunciou hoxe a secretaria xeral dos populares galegos, Paula Prado, entre eses representantes intervirán alcaldes como o de Vedra, Carlos Martínez; o de Ferrol, José Manuel Rey Varela; o do Pereiro de Aguiar e presidente da Deputación de Ourense, Luis Menor; e a de Mos, Nidia Arévalo. “Catro grandes valores do noso partido e que serán a nosa voz nesta Intermunicipal”, explicou.

Unha Intermunicipal que servirá para reivindicar que “somos o partido da estabilidade, a xestión e o sentidiño, que non só goberna nos concellos, senón que o fai tamén na Xunta co apoio maioritario de todos os galegos e galegas”. Así como para deixar claro que “Alberto Núñez Feijóo é a alternativa que necesitamos os españois fronte a Sánchez e a corrupción”.

En declaracións aos medios acompañada polo alcalde de Vedra, Carlos Martínez, a secretaria xeral do PPdeG sinalou que o seu partido é tamén “o partido da Galicia que funciona, tamén en cada un dos municipios, sexan cidades, vilas ou pequenos concellos”. Así o testemuñan, engadiu, tanto as 154 alcaldías populares –case a metade na Comunidade e 37 na provincia da Coruña– como o feito de que foi o partido máis votado en moitos outros concellos “onde fai oposición fronte a pactos de perdedores”.

A IMPORTANCIA DO SENTIDIÑO NOS GOBERNOS MUNICIPAIS

Para Paula Prado o rexedor vedrés é un “referente” para o partido logo de “13 anos de mandato e de benestar para os seus veciños e veciñas”. Unha traxectoria que, puxo en valor, foi referendada nas urnas  cun 56% de apoio (máis de 1.600 votos) nas últimas eleccións municipais e 8 de 13 concelleiros na Corporación municipal.

Carlos Martínez, pola súa banda, quixo agradecer a oportunidade de poder participar na Intermunicipal popular e así “poder dar voz ao rural e compartir a experiencia dos concellos rurais gobernados polo Partido Popular”. Uns concellos que, explicou, se caracterizan por contar con “gobernos que aportan tranquilidade, sensibilidade, estabilidade e sentidiño aos veciños”.

Incidindo na necesidade de traballar para que a xente que queira vivir no rural poida facelo contando cos mesmos servizos que nas vilas ou nas cidades, o alcalde –que tamén é vogal da Xunta de Goberno da FEMP– incidiu en que os gobernos populares son garantía de “saber xestionar os recursos coa máxima eficiencia e lograr facer máis con menos”.

A DESUNIÓN E A DEBILIDADE DA ESQUERDA

A secretaria xeral do PPdeG contrapuxo a unión e fortaleza que vai demostrar o Partido Popular na Intermunicipal coa “desunión” e a “debilidade” que van mostrar tanto Pedro Sánchez no seu Congreso como Ana Pontón na súa Asemblea.

“A corrupción ten acurralado a Sánchez, que xa non sabe que máis escusas poñer e que máis cortiñas de fume inventar para tapar os seus escándalos”, afirmou referíndose ao “cada vez menor apoio” do PSOE ao seu líder.

No que se refire á desunión nas filas do nacionalismo, con tres candidaturas diferentes na Asemblea deste fin de semana, Prado sostén que “o corazón do BNG está roto” e que “cada vez hai máis voces críticas contra Ana Pontón”. Sobre todo, daqueles sectores que queren a independencia de Galicia e que son maioría no partido. “Se eu fose do BNG, estaría molesta co triunfalismo e a nula autocrítica de Pontón, que perdeu xa tres veces as eleccións”, concluíu.

 

O Partido Popular de Galicia defendeu hoxe que a violencia de xénero “non é cousa de cores” e por iso fixo un chamamento á acción colectiva para rexeitar “con contundencia e rotundidade” todo tipo de violencia contra as mulleres e traballar conxuntamente por apoiar e protexer ás vítimas deste “problema público de primeira magnitude”.

Así o manifestou esta mañá a secretaria xeral dos populares galegos, Paula Prado, no acto organizado polo seu partido en Santiago de Compostela para conmemorar o Día internacional da eliminación da violencia contra as mulleres, e que contou cun cento de asistentes. Un acto no que invitou aos asistentes a reflexionar, sensibilizarse e rexeitar sobre o que definiu como “unha lacra social que aínda estamos moi lonxe de eliminar”.

“Nunca nos imos resignar nin nos daremos por satisfeitos ata acadar a única cifra que vale: cero. Mentres non teñamos esa cifra, teremos que seguir traballando día a día porque nada do que fagamos será suficiente”, afirmou recordando ás catro vítimas mortais deste ano en Galicia e ás outras 36 mulleres que no que vai de ano foron asasinadas en toda España.

Reivindicando o compromiso do PPdeG coa eliminación da violencia de xénero, Prado destacou que o Goberno presidido por Alfonso Rueda loita contra ela “con feitos e non só con slogans, con recursos e non só con promesas” e puxo como exemplo o cumprimento da promesa electoral de aprobar unha lei específica e integral contra a violencia dixital.

“Cumprimos a palabra dada e esa lei será unha realidade o próximo ano, converténdonos na primeira comunidade en lexislar sobre as novas formas de violencia contra as mulleres que se estenden a través de Internet”, explicou.

A secretaria xeral lamentou que, pola contra, “algúns sigan empeñados en facer disto unha cuestión partidista e en patrimonializar unha loita que é de todos”; citando especificamente a un BNG que “segue sen pedir perdón por ter apoiado a chapuza lexislativa que beneficiou a máis de 1.400 agresores sexuais” e a un PSOE “centrado en manter a Sánchez na Moncloa a costa dunha parálise que está a prexudicar ás vítimas de violencia de xénero”.

Dita parálise, engadiu, é a que provoca que a Unidade de Policía Adscrita non conte con suficientes axentes para protexer ás vítimas ou que siga sen haber un xulgado específico de violencia de xénero en cada unha das cidades galegas. Así mesmo, criticou a falta de cumprimento e de renovación do Pacto de Estado contra a violencia de xénero ou que o sistema VioGen “non estea a resultar todo o efectivo que debería ser”.

Referíndose aos feitos que levaron á recente dimisión de Íñigo Errejón, a número dous dos populares galegos mostrouse especialmente crítica con Sumar –que este 25-N “cargará coa responsabilidade de ter protexido a un condenado por agresión sexual e coa culpabilidade de ter silenciado ás súas vítimas”– e con Yolanda Díaz, á que acusou de “saber, tapar, consentir e encubrir un secreto a voces polo que aínda non asumiu ningún tipo de responsabilidade”.

Por último, lembrou que o pasado 18 de febreiro, nas eleccións autonómicas, “as mulleres votaron de forma maioritaria ao Partido Popular de Galicia”.

FABIOLA GARCÍA: “A IGUALDADE É UNHA NECESIDADE DE XUSTIZA SOCIAL”

Pola súa banda, a responsable de Política Social e Igualdade no Goberno galego tamén quixo reivindicar que “a igualdade non é cuestión de ideoloxía, senón que é unha cuestión de xustiza social e unha necesidade que se acada con esforzo, con políticas concretas e con traballo diario”.

“Isto non vai de cores, vai de investir cada ano máis e de deseñar políticas que beneficien ás mulleres e permitan o avance da nosa sociedade”, incidiu poñendo en valor o incremento dun 10% en 2025 dos orzamentos autonómicos na loita contra a violencia de xénero e a promoción igualdade ata superar os 56 millóns de euros.

Fabiola García defendeu que Galicia é “un referente a nivel estatal” neste eido ao ter sido a primeira comunidade en ofrecer recursos económicos propios para axudar ás vítimas, en poñer en marcha a quenda de agarda, en ofrecer vivendas tuteladas e unha das primeiras en recoñecer a violencia dixital como unha forma de violencia de xénero.

Así mesmo, quixo aproveitar o acto para dar as grazas a todas as mulleres, como as 28 alcaldesas e 700 concelleiras do PPdeG, que traballan día a día nos concellos, “porta de entrada aos servizos sociais e lugar de apoio e comprensión”, e que son mulleres “valentes, comprometidas co traballo e garantes de que Galicia sexa un lugar seguro e un lugar cada vez mellor no que vivir”.

A VIOLENCIA DIXITAL E AS AGRESIÓNS SEXUAIS NON SON COUSA DE CORES

O acto organizado polo PPdeG albergou ademais dúas mesas redondas centradas na violencia dixital e no drama das agresións sexuais, moderadas respectivamente pola vicesecretaria de Igualdade do partido, Raquel Touriño, e polo responsable de Loita contra a Violencia de Xénero no Goberno galego, Roberto Barba.

Na primeira delas participaron o deputado autonómico Raúl Santamaría, a comunicadora Belén Xestal e a especialista en educación Ana Alzate, que debateron sobre a violencia dixital contra as mulleres, como é o control telefónico ou das redes sociais, entre moitos outros, e confrontaron as diferentes perspectivas desta problemática baixo os prismas da mocidade, da industria audiovisual e do ámbito socioeducativo.

Posteriormente, as concelleiras populares Susana Catalán, Paz Pérez e Sabela Fole compartiron as súas experiencias coas vítimas de agresión sexual a través do seus respectivos traballos como policía local, como xefa da Unidade contra a violencia sobre a muller en Pontevedra, e como avogada especialista en familia.