A secretaria xeral do PPdeG, Paula Prado, xunto á numero dous ao Congreso pola provincia, Pepa Pardo, coñeceu de primeira man un adestramento de Las libélulas, o equipo feminino da modalidade de piragüismo Dragon Boat.
A número dous dos populares galegos puxo en valor o esforzo e a unión, así como o espírito de “equipo e superación” deste grupo, que está formado integramente por mulleres que superaron ou están loitando contra o cancro de mama e reman semanalmente nesta zona do Club Naval de Pontevedra. As protagonistas explicáronlles a terapia física e emocional que supón esta modalidade deportiva para elas.
