O presidente do PPdeG, Alfonso Rueda, destacou hoxe a inxección de ilusión e de enerxía que supuxo a presencia a véspera de Alberto Núñez Feijóo no multitudinario mitin celebrado no Multiusos do Sar, en Santiago de Compostela. Desde Melide, Rueda insistiu en que os populares van dalo todo, ata o último minuto da campaña, para que a partir do 29 de novembro Feijóo sexa o novo presidente do Goberno de España, poñendo fin a 8 anos de sanchismo, que tantos agravios causou a Galicia.
Acompañado polo candidato do á Alcaldía de Melide, Asier Polo, e a responsable da área de Política Social e Igualdade do Goberno galego, Ángeles Vázquez, así como outros candidatos ás Eleccións Xerais do 29N e cargos do partido, o líder dos populares galegos realizou un percorrido, que incluíu un paseo polo Cantón de San Roque e o mercado dominical na contorna da Praza das Universidades e do Parque Rosalía de Castro.