O Parlamento galego demanda ao Goberno de España a conexión de Vigo á rede de moi alta tensión e constrúa a nova subestación de Balaídos

Santiago, 27 de abril de 2022.- O Parlamento de Galicia aprobou hoxe por unanimidade a proposición non de lei do Grupo Popular a través da que se demanda ao Goberno de España que rectifique e inclúa na planificación de Rede Eléctrica de España para 2021-2026 a conexión de Vigo á rede de moi alta tensión e a construción dunha nova subestación no polígono de Balaídos para atender as necesidades de subministro da industria, demostrando así o seu compromiso con esta comarca e a automoción viguesa.

Seguir leyendo

O Parlamento galego demanda ao Goberno central a revisión dos coeficientes redutores dos traballadores do mar

Santiago, 27 de abril de 2022.- O Parlamento de Galicia aprobou hoxe por unanimidade a proposición non de lei do Grupo Popular a través da que se insta ao Goberno de España a iniciar o proceso de revisión dos coeficientes redutores dos traballadores e traballadoras do mar, adecuando os mesmos as circunstancias actuais da frota e da actividade marítimo-pesqueira, marisqueira e acuícola.

Seguir leyendo

O Grupo Popular critica que o PSdeG pida á Xunta unha rebaixa do imposto de hidrocarburos cando se trata dun gravame estatal

Santiago, 27 de abril de 2022.- O portavoz do Grupo Popular, Pedro Puy, criticou hoxe no Parlamento galego que os socialistas “traian a debate iniciativas impracticables”, como a solicitude para que a Xunta rebaixe o imposto de hidrocarburos cando se trata dun gravame estatal. Ademais, afirmou que “a Xunta non se beneficia da variación de prezos nin dos impostos sobre os combustibles, porque toda esa variación queda en mans do Estado”.

Seguir leyendo

O Grupo Popular salienta que BNG e PSdeG “levan 13 anos buscando un escándalo no Goberno galego que non aparece”

Santiago, 27 de abril de 2022.- O deputado do Grupo Popular Alberto Pazos salientou hoxe no Parlamento galego que BNG e PSdeG “levan 13 anos buscando un escándalo no Goberno galego que non aparece, o que demostra que estamos ante un Goberno honrado e unha oposición incompetente, máis preocupada na política de enlamar o debate que en poñer en marcha medidas para o desenvolvemento económico e social de Galicia”.

Seguir leyendo

Diego Calvo acusa a PSOE e BNG de “rebentar” o debate sobre a lei de mellora do ciclo da auga sen tan sequera ter lido o texto

Santiago, 26 de abril de 2022.- O deputado popular Diego Calvo criticou duramente a actitude do BNG e o PSdeG en todo o relativo ao debate parlamentario da Lei de mellora do ciclo integral da auga. Asegurou que acudiron ao pleno “a mentir” e a “rebentar o debate” sen ter lido este texto lexislativo. “Non se pode vir aquí a dicir non porque non, a contradicirse varias veces nunha mesma intervención e a acusar á Xunta de asumir competencias municipais e de non asumilas ao mesmo tempo”, asegurou.

Seguir leyendo

Pedro Puy afirma que “custa entender que BNG e PSdeG non recoñezan que Galicia precisa unha lei que mellore a xestión do ciclo da auga”

Santiago, 25 de abril de 2022.- O portavoz do Grupo Popular, Pedro Puy, afirmou hoxe que “custa entender que tanto BNG como o PSdeG non recoñezan que Galicia precisa unha lei que mellore a xestión do ciclo da auga”, polo que avanzou que o PPdeG rexeitará mañá no Pleno as emendas á totalidade presentadas polos grupos da oposición a este texto lexislativo.

Seguir leyendo

O Parlamento de Galicia pide ao Ministerio de Educación que facilite o acceso ás bolsas ao alumnado con necesidades educativas especiais

Santiago, 22 de abril de 2022.- O Parlamento de Galicia aprobou hoxe a proposición non de lei do Grupo Popular a través da que se demanda ao Ministerio de Educación que rectifique a súa esixencia para o acceso ás bolsas para alumnado con necesidades educativas especiais e con necesidades específicas de apoio educativo, de xeito que recupere e mellore os criterios para facilitar a súa concesión e propiciar que as familias e o alumnado poidan ter un mellor acceso a unha atención educativa e social que contribúa á súa inclusión real.

Seguir leyendo