Borja Verea acusa ao PSdeG de facer no Parlamento “un lavado de imaxe e de mala conciencia” ante o abandono dos socialistas a Compostela

Santiago, 14 de decembro de 2021.- O deputado do Grupo Popular Borja Verea cualificou hoxe de “lavado de imaxe e de mala conciencia”, ante o abandono dos gobernos socialistas a Compostela, a emenda aos orzamentos da Xunta para 2022 defendida polo PSdeG, que demanda 1,5 millóns de euros para a cidade de Santiago, “cando a Xunta xa prevé un investimento de 160 millóns de euros para o Xacobeo, onde esta cidade é a principal protagonista”. “Deberían comezar defendendo e apoiando a Santiago alí onde gobernan, desde o Concello e desde a Moncloa, porque onde goberna o PPdeG xa é unha prioridade”, manifestou.

Seguir leyendo

A Comisión 3ª remata a tramitación dos orzamentos para 2022, que quedan pendentes da súa aprobación definitiva no Pleno da vindeira semana

Santiago, 14 de decembro de 2021.- O proxecto de orzamentos da Xunta para 2022 remataron esta mañá a súa tramitación en Comisión co que quedan pendentes do seu debate definitivo na vindeira sesión plenaria para a súa aprobación. O portavoz popular, Pedro Puy, salientou que “son os axeitados á situación que vivimos na actualidade” e lamentou que “BNG e PSdeG propoñan sempre o mesmo, con independencia da situación na que nos atopemos: subir impostos”

Seguir leyendo

Puy destaca a incorporación nos orzamentos para 2022 de rebaixas no IRPF, axudas para a compra de vivenda para a mocidade ou compensacións para a obra pública

antiago, 13 de decembro de 2021.- O portavoz do Grupo Popular, Pedro Puy, salientou hoxe que os orzamentos da Xunta para 2022, que entre hoxe e mañá rematarán a súa tramitación en Comisión para a súa aprobación definitiva no Pleno da vindeira semana, incorporarán “modificacións importantes como unha nova rebaixa do imposto da renda, a creación da categoría de facultativo especialista en atención primaria, compensacións pola falta ou incremento dos prezos nos materiais das obras públicas, reducións das peaxes autonómicas ou axudas para a compra de vivendas para os menores de 35 anos.

Seguir leyendo

O Parlamento galego esixe que o Goberno asuma as indemnizacións aos mariscadores mentres duren as obras de dragaxe da ría do Burgo

Santiago, 10 de decembro de 2021.- O Pleno do Parlamento de Galicia aprobou esta mañá a proposición non de lei do Grupo Popular, sen o apoio do PSdeG, para que a Xunta se dirixa, unha vez máis, ao Goberno do Estado e lle esixa que se faga cargo das indemnizacións ao colectivo de mariscadores de A Coruña mentres duren as obras de dragaxe da ría do Burgo, cun prazo de execución de 26 meses.

Seguir leyendo

O Parlamento de Galicia insta a defender os intereses do sector marítimo-pesqueiro fronte aos ataques do Goberno central

Santiago, 10 de decembro de 2021.- O Parlamento de Galicia aprobou hoxe a proposición non de lei do Grupo Popular, que non contou co apoio do BNG nin do PSdeG, a través da que se insta á Xunta a defender os intereses do sector marítimo-pesqueiro galego e da súa cadea mar-industria fronte aos ataques e obstáculos xurdidos en razón da actuación do Goberno central, desenvolvendo cantas accións sexan necesarias para frear e minorar a inestabilidade e a falla de seguridade xurídica que marca a modificación da Lei de costas a través da Lei de cambio climático; a incoherencia e descoordinación na pesca e comercialización do marraxo; e a indefinición e menoscabo do autogoberno xerado co recurso do Goberno central sobre a orde que regula o Plan Xeral de explotación marisqueira para o período 2021-2023.

Seguir leyendo

O Grupo Popular asegura que a maioría dos galegos “non quere a inmersión lingüística monolingüe que desexa o BNG”

Santiago, 9 de decembro de 2021.- “A maioría dos galegos teñen amosado a súa conformidade co actual modelo lingüístico no ensino galego, porque Galicia non quere a inmersión lingüística monolingüe que desexa o BNG para emular a outros nacionalistas do Estado”, manifestou hoxe no Pleno do Parlamento a portavoz de Lingua do Grupo Popular, Sandra Vázquez.

Seguir leyendo

O Grupo Popular garante que Galicia será a primeira comunidade en implantar o vindeiro curso a gratuidade nas escolas infantís

Santiago, 9 de decembro de 2021.- O portavoz de Asuntos Sociais do Grupo Popular, Alberto Pazos, garantiu hoxe no Pleno de Parlamento galego que, “con ou sen axuda do Goberno de Pedro Sánchez, con ou sen axuda do BNG e con ou sen axuda do que quede do PSdeG, Galicia se converterá no vindeiro curso na primeira comunidade autónoma de España coa totalidade das escolas infantís gratuítas”.

Seguir leyendo

O Grupo Popular defende no Parlamento a “absoluta honestidade” dos funcionarios do Servizo de Inspección da Xunta

Santiago, 9 de decembro de 2021.- O portavoz de Asuntos Sociais do Grupo Popular, Alberto Pazos, defendeu hoxe no Pleno do Parlamento galego que “os funcionarios do Servizo de Inspección da Xunta realizan o seu labor con absoluta honestidade” e criticou que os deputados do BNG “utilicen a súa condición de parlamentarios para atacar a funcionarios públicos, cuxa profesionalidade e bo nome se cuestiona, co único fin de desgastar ao Goberno galego”.

Seguir leyendo

O Parlamento demanda ao Goberno do Estado que dote de ferramentas como a Conta Láctea para fixar os custes de produción do sector gandeiro

Santiago, 9 de decembro de 2021.- O Parlamento galego aprobou hoxe por unanimidade, logo dunha transacción entre o Grupo Popular e o BNG, unha moción a través da que se demanda ao Goberno do Estado que, no desenvolvemento da Lei da cadea alimentaria, se dote aos sectores produtivos dunha ferramenta pública e obxectiva que fixe uns custes de produción de referencia vinculantes e obrigatorios, como é o caso da Conta Láctea impulsada pola Xunta de Galicia. Así mesmo, pídese que a Xunta vele porque os novos contratos entre produtores e industria transformadora incorporen as subas con referencia ao IPC galego dos alimentos para o gando, combustibles, electricidade, abonos de síntese e demais factores que inciden nos custes de produción.

Seguir leyendo