O Parlamento galego demanda ao Goberno central un reparto xusto das axudas para autónomos e pemes que non discrimine a Galicia

Santiago, 14 de abril de 2021.- O Parlamento de Galicia aprobou hoxe a proposición non de lei do Grupo Popular, sen o apoio do PSdeG, a través da que se esixe ao Goberno de España máxima urxencia na tramitación e sinatura do convenio coa Xunta de Galicia para a transferencia de fondos para o reparto das axudas a autónomos e pequena e mediana empresa, ademais de facilitar os requisitos de xustificación de gastos das mesmas. Así mesmo, demándase un reparto xusto destes fondos, que non volva a prexudicar a Galicia, seguindo os criterios de financiamento autonómico e a porcentaxe de autónomos na Comunidade galega; e ampliar os sectores beneficiados para que as axudas cheguen a máis profesionais.

Seguir leyendo

O Grupo Popular afirma que a Xunta avoga por unha política de vivenda sen intervención no mercado e con medidas que promovan o alugueiro

Santiago, 13 de abril de 2021.- A portavoz de Vivenda do Grupo Popular, Marisol Díaz Mouteira, afirmou hoxe no Pleno do Parlamento que, “mentres o Goberno de España vai e ven, a Xunta ten moi clara a súa política de vivenda: sen intervención no mercado, que só procuraría máis tensións e problemas; e si con medidas que promovan a posta en alugueiro de vivendas, que incrementen o parque público autonómico e municipal, e faciliten o acceso dos cidadáns, en xeral, e dos colectivos máis vulnerables, en particular, á vivenda en alugueiro”.

Seguir leyendo

O Grupo Popular asegura que en Galicia só se autorizan parques eólicos que compren todas as garantías técnicas, medioambientais e xurídicas

Santiago, 13 de abril de 2021.- A portavoz de Enerxía do Grupo Popular, Marta Nóvoa, asegurou hoxe no Pleno do Parlamento que “en Galicia só se autorizan parques eólicos que compren todas as garantías técnicas, medioambientais e xurídicas que establece a lexislación vixente, ademais de ser compatibles co resto de actividades económicas”.

Seguir leyendo