13, outubro, 2019. O secretario xeral do PPdeG, Miguel Tellado, asegurou que o PSOE vai pagar nas urnas o que non lles está dando a Galicia. Así se expresaba nunha entrevista en Radio Nacional, na que afirmou que Pedro Sánchez é un mal presidente para España “pero aínda máis especialmente para Galicia”, engadindo que, en lugar de ser a solución, resultou ser o problema.
O Parlamento galego demanda que a Xunta difunda e defenda o ditame do Consello Galego de Pesca sobre o novo Fondo Marítimo e de Pesca
Santiago, 10 de outubro de 2019.- O Parlamento de Galicia aprobou hoxe a proposición non de lei do Grupo Popular a través da que se insta á Xunta a difundir e defender o ditame aprobado no Consello Galego de Pesca en relación coa “Proposta de Regulamento do Parlamento Europeo e do Consello relativo ao Fondo Europeo Marítimo e de Pesca e polo que se derroga o Regulamento (UE) 508/2014 do Parlamento Europeo e do Consello”, así como facer partícipe del ao Goberno central, para que os seus representantes poidan facer valer os argumentos sinalados polo sector pesqueiro galego.
O Parlamento galego solicita que o Goberno central estude a separación do stock sur da anchoa na zona IXa
Santiago, 10 de outubro de 2019.- O Parlamento de Galicia aprobou hoxe a proposición non de lei do Grupo Popular a través da que se solicita ao Goberno central que considere a petición dunha posible separación do stock sur da anchoa na zona IXa e demande a determinación dunha flexibilidade, canto menos do 25 por cento, nas zonas de confluencia entre a zona VIIIc e IXa.
O Grupo Popular critica que a oposición rompa o consenso unánime acadado en xuño respecto do depósito dos lodos da dragaxe do río Lérez
Santiago, 11 de outubro de 2019.- O deputado do Grupo Popular criticou hoxe “a viraxe” dos grupos da oposición respecto do depósito dos lodos da dragaxe do río Lérez “ao rexeitar esta mañá en Comisión o texto da proposición non de lei aprobado por unanimidade nun Pleno do Parlamento no mes de xuño e que demandaba á Xunta a elaboración, conforme á normativa vixente e ás directrices existentes respecto deste tipo de actuacións, dunha proposta alternativa e sustentable para o depósito de materiais procedentes do dragado do río Lérez, de tal forma que se garante que estes non afectarán a ningunha das rías galegas, en especial á ría de Arousa”.
Tellado: «Se o Goberno ten capacidade para pagar unha parte da débeda que ten con Galicia, tena tamén para pagar os 700 millóns íntegros”
11, outubro, 2019. O secretario xeral do PPdeG, Miguel Tellado, admitiu que, se o Goberno en funcións ten capacidade para pagar unha parte da débeda de 700 millóns que ten con Galicia, tamén a ten para pagar a cantidade íntegra “e iso é o que imos seguir reclamando”.
O PPdeG asegura que as novas ambulancias de Monforte, Salnés e Foz garanten a atención a calquera paciente e incrementan a supervivencia en patoloxías graves
Santiago, 10 de outubro de 2019.- O portavoz de Sanidade do Grupo Popular, Aurelio Núñez Centeno, asegurou hoxe no Parlamento que as novas ambulancias de Monforte, Salnés e Foz, “dotadas de médico, enfermería e técnico de emerxencias sanitarias, garantirán a atención e o manexo de calquera paciente crítico, ademais de incrementar a supervivencia dos infartados, das paradas cardiorespiratorias ou o ictus”.
O Grupo Popular incide que o Sergas “esixirá aos novos propietarios de Povisa o mantemento da calidade asistencial e dos postos de traballo”
Santiago, 10 de outubro de 2019.- O portavoz de Sanidade do Grupo Popular, Aurelio Núñez Centeno, incidiu hoxe no Parlamento que o Servizo Galego de Saúde “esixirá aos novos propietarios do Hospital Povisa de Vigo o mantemento da calidade asistencial e dos postos de traballo neste centro sanitario”.
O Parlamento galego solicita a creación dun observatorio dentro da futura lei reguladora dos xogos
Santiago, 9 de outubro de 2019.- O Pleno do Parlamento de Galicia aprobou hoxe a proposición non de lei do Grupo Popular a través da que se insta á Xunta a que, dentro da futura lei reguladora dos xogos de Galicia, cree un Observatorio Galego de Xogos, que elabore un protocolo de menores en materia de xogo, así como un informe anual sobre a situación deste sector na Comunidade galega.
Pedro Puy salienta que o teito de gasto “é unha demostración de que en Galicia si hai estabilidade, normalidade democrática e se fan as cousas ben”
Santiago, 9 de outubro de 2019.- O Pleno do Parlamento galego aprobou hoxe o teito de gasto da Xunta para 2020, fixado en 10.160 millóns de euros e que o portavoz do Grupo Popular, Pedro Puy, cualificou de “realista, prudente e axeitado ás novas circunstancias da desaceleración económica”.
O PPdeG solicita a convocatoria en 2020 de todas as prazas MIR acreditadas polo Ministerio de Sanidade en medicina familiar, pediatría e enfermería
Santiago, 9 de outubro de 2019.- O portavoz de Sanidade do Grupo Popular, Aurelio Núñez Centeno, solicitou hoxe que a Xunta convoque no ano 2020 o volume total de prazas MIR acreditadas polo Ministerio de Sanidade e que conten con titor, nas especialidades de medicina familiar e comunitaria, pediatría e enfermería familiar e comunitaria.