Santiago, 30 de abril de 2019.- O Parlamento de Galicia aprobou este martes por unanimidade unha proposición non de Lei do Grupo Popular na que apoia á Xunta de Galicia na súa petición ao Goberno de España dunha resposta inmediata á proposta consensuada para a implantación do estaleiro 4.0 en Ferrol -vinculado ao programa de construción de cinco fragatas F110-, que suporá xeración dun número relevante de empregos e situará a Navantia na vangarda tecnolóxica do sector naval.
O PPdeG apoia solicitar ao Goberno do Estado a concesión discrecional de indulto para un percebeiro de Carnota condenado por agredir a un furtivo
Santiago, 30 de abril de 2019.- O Grupo Popular apoiou hoxe a aprobación no Parlamento de Galicia dunha proposición non de lei a través da que se solicita ao Goberno do Estado a concesión discrecional de indulto para o ex presidente dos percebeiros de Lira-Carnota, Manuel Antonio Martínez Lustres, ou cando menos que se lle exima de entrar en prisión en canto non se resolva a petición de indulto, en relación á pena que se lle impuxo por agredir a un furtivo en 2013.
O Parlamento esixe a Naturgy que garanta carga de traballo suficiente para o mantemento da empresa Unitono en Ourense
Santiago, 30 de abril de 2019.- O Parlamento de Galicia aprobou hoxe por unanimidade, logo dunha transacción acordada entre o Grupo Popular, Grupo Socialista e BNG, unha proposición non de lei a través da que se insta á Xunta a esixir a Gas Natural Fernosa-Naturgy que garanta a carga de traballo necesaria para o mantemento da empresa Unitono no Parque Tecnolóxico de Ourense e dos postos de traballo actualmente existentes.
O PPdeG salienta a creación en Galicia de 13 empresas cada día durante o primeiro trimestre de 2019
Santiago, 30 de abril de 2019.- A deputada do Grupo Popular Sandra Vázquez salientou hoxe no Pleno do Parlamento que, logo da aprobación da Lei de fomento de implantación de medidas empresariais en outubro de 2017, “durante o pasado ano se puxeron en marcha máis de 11 compañías en Galicia cada día, unha cifra que subiu a 13 durante o primeiro trimestre do presente ano”.
O Grupo Popular reitera á oposición que “deixen traballar e negociar á Xunta e acepten que se lles caeu o telderete que montaron para desprestixiar a sanidade galega”
Santiago, 29 de abril de 2019.- O portavoz de Sanidade do Grupo Popular, Aurelio Núñez Centeno, reiterou hoxe aos grupos da oposición que “deixen traballar e negociar á Xunta e acepten que se lles caeu o telderete que vostedes, e non os profesionais, montaron para desprestixiar a sanidade galega”.
O PPdeG salienta que a Xunta destina 143 millóns para as familias e a conciliación, un 70% máis que en 2009
Santiago, 29 de abril de 2019.- A portavoz de Asuntos Sociais do Grupo Popular, Marta Rodríguez Arias, salientou hoxe que a Xunta destina este ano 143 millóns de euros en axudas ás familias e á conciliación laboral e familiar, o que supón un incremento do 70 por cento respecto a 2009.
Tellado destaca o “plus de resistencia” do PPdeG en Galicia e advirte das consecuencias de dividir o voto
29, abril, 2019.O secretario xeral do PPdeG, Miguel Tellado, destacou o “plus de resistencia” do PPdeG fronte ao Partido Popular no resto de España: “Sacamos 11 puntos máis que a media do noso partido en toda España e Galicia é a primeira comunidade en apoios”.
O PPdeG salienta que a Xunta negocia cos sindicatos a creación de 548 novas prazas no servizo de extinción de incendios forestais e a ampliación da duración dos seus contratos
Santiago, 29 de abril de 2019.- O portavoz do Medio Rural do Grupo Popular, Moisés Blanco Paradelo, salientou hoxe que a Xunta “está a negociar cos sindicatos tanto o decreto que valora a experiencia dos traballadores que prestan os seus servizos en empresas públicas como Seaga, aos efectos da súa incorporación como persoal temporal ao servizo de loita contra os incendios forestais; como a ampliación da duración dos seus contratos ou a creación de 548 novas prazas para integrar todos os empregados do servizo de extinción de incendios no propio servizo”.
O Grupo Popular insta aos grupos da oposición a negociar as persoas substitutas da Valedora do Pobo e do seu Adxunto
Santiago, 29 de abril de 2019.- A viceportavoz do Grupo Popular, Paula Prado, instou hoxe aos grupos de En Marea, PSOE e BNG a negociar as persoas substitutas da actual Valedora do Pobo e do seu Valedor Adxunto.
O PPdeG solicita ao Goberno do Estado que simplifique e axilice a tramitación das prestacións por embarazo a mariscadoras, percebeiras, redeiras ou traballadoras da pesca artesanal
Santiago, 26 de abril de 2019.- O Grupo Popular vén de rexistrar unha proposición non de lei a través da que se solicita ao Goberno do Estado que garanta unha maior simplicidade e axilidade na tramitación das prestacións por risco durante o embarazo en favor de mariscadoras, percebeiras, redeiras e traballadoras da pesca artesanal por parte da entidade á que lle corresponde esta tramitación: ben sexa o Instituto Social da Mariña ou as mutuas colaboradoras da Seguridade Social.