Santiago, 14 de xuño de 2018.- O Parlamento de Galicia aprobou hoxe unha proposición non de lei a través da que se solicita ao Concello de Vigo que realice as xestións necesarias para obter os terreos municipais que permitan a humanización da Avenida de Castrelos, no treito inicial da PO-330, de xeito que a Xunta poida executar esta actuación de mellora dos accesos ao Hospital Público Álvaro Cunqueiro.
O Parlamento demanda á Xunta que reabra de inmediato a base de helicópteros de Vilanova en O Barco
Santiago, 14 de xuño de 2018.- O Parlamento de Galicia aprobou hoxe, logo dunha transacción entre o Grupo Popular e o BNG, unha proposición non de lei a través da que se insta á Consellería do Medio Rural a que, unha vez finalizadas as xestións cos respectivos propietarios dos terreos e demais entes implicados, a efectos de declarar o seu uso exclusivo, reabra de xeito inmediato a base de helicópteros de Vilanova no Barco de Valdeorras para o seu uso nesta temporada de incendios.
O Grupo Popular asegura que “imos seguir pedindo ao novo Goberno socialista as mesmas demandas que ao PP respecto da AP-9”
Santiago, 14 de xuño de 2018.- O portavoz de Infraestruturas do Grupo Popular, Martín Fernández Prado, asegurou hoxe no Parlamento que, en materia da AP-9, “imos seguir pedindo ao novo Goberno socialista as mesmas demandas que facíamos ao Goberno do PP: o traspaso da titularidade desta autopista, o mantemento da Comisión Mixta Xunta-Ministerio e as súas reunións periódicas, a prestación dun servizo de calidade e a adopción de medidas ante situacións excepcionais no caso de retencións”.
O Grupo Popular demanda ao Concello de A Coruña que se implique no proceso de definición das novas liñas de transporte metropolitano
Santiago, 14 de xuño de 2018.- O portavoz de Infraestruturas do Grupo Popular, Martín Fernández Prado, demandou hoxe no Parlamento que o Concello de A Coruña se implique no proceso participativo que abriu a Xunta de Galicia no mes de abril para a definición das novas liñas de transporte público metropolitano, co obxectivo de que se adapten máis ás necesidades dos veciños.
O Grupo Popular demanda que a Xunta incorpore á reforma da PO-403 as suxestións recibidas no proceso de información pública
Santiago, 14 de xuño de 2018.- O deputado do Grupo Popular Jacobo Moreira defendeu hoxe no Parlamento que a Xunta incorpore ao proxecto de reforma da estrada comarcal PO-403, dentro das súas posibilidades, as suxestións recibidas no proceso de información pública, co obxectivo de mellorar tanto a seguridade viaria como dos peóns.
O PPdeG defende o modelo de organización do centro de saúde de Cambados acordado entre médicos e Consellería de Sanidade
Santiago, 13 de xuño de 2018.- O portavoz de Sanidade do Grupo Popular, Aurelio Núñez Centeno, criticou hoxe no Parlamento que o BNG “pretenda botar abaixo o sistema organizativo do centro de saúde de Cambados acordado entre os médicos e a Consellería, para abrir as quendas de mañá e tarde sen posibilidades de substitucións por falta de persoal”.
O PPdeG avoga por un protocolo con xinecoloxía, obstetricia e anatomía patolóxica para atender ás mulleres afectadas polo anticonceptivo essure
Santiago, 13 de xuño de 2018. A deputada do Grupo Popular Marta Rodríguez-Vispo avogou hoxe por un protocolo específico cos servizos clínicos de xinecoloxía, obstetricia e anatomía patolóxica para unha perfecta coordinación, atención e xestión de todos os casos de mulleres afectadas polo método anticonceptivo essure.
O Grupo Popular salienta que o Hospital Álvaro Cunqueiro estea a liderar os ránkings de reputación a nivel nacional e internacional
Santiago, 13 de xuño de 2018. A deputada do Grupo Popular Marián García Míguez salientou hoxe no Parlamento que o Hospital Público Álvaro Cunqueiro “estea a liderar os ránkings de reputación, colocando ao CHUVI nun nivel de recoñecemento profesional sen precedentes e entre os mellores 30 hospitais de España”.
O PPdeG defenderá no Pleno que se prime ás comunidades de montes que cumpran coas súas obrigas nas axudas e na cesión de parcelas abandonadas
Santiago, 12 de xuño de 2018. O Grupo Popular defenderá no Pleno da vindeira semana unha proposición non de lei a través da que se demanda que a Xunta prime ás comunidades de montes que estean cumprindo as súas obrigas legais na concesión de axudas públicas e na cesión de montes veciñais en grave estado de abandono. Así mesmo, demandará ao Goberno galego que elabore un informe sobre as posibilidades e circunstancias que se abren co Brexit para a comercialización de produtos pesqueiros galegos.
Galicia, con 279 compromisarios electos e 48 natos, será a cuarta autonomía con máis delegados no Congreso Nacional do PP
12, xuño, 2018. Galicia será a cuarta Comunidade Autónoma con máis delegados no Congreso Nacional do Partido Popular, cun total de 279 compromisarios electos e 48 natos.