O PPdeG demanda que os socialistas galegos se sumen á demanda para que o Goberno central cumpra o compromiso para financiar a Lei de dependencia

Santiago, 12 de setembro de 2018.- A portavoz de Asuntos Sociais do Grupo Popular, Marta Rodríguez Arias, demandou hoxe aos socialistas galegos “que se sumen á demanda do PPdeG para que o Goberno central avance no compromiso adquirido coas comunidades autónomas sobre o novo sistema de financiamento da dependencia e no incremento de fondos para poder cumprir o obxectivo de financiamento da Lei de dependencia”.
Seguir leyendo

O Parlamento galego solicita ao Goberno central un plan de transición enerxética máis racional e sustentable que manteña as centrais de As Pontes e Meirama

Santiago, 12 de setembro de 2018. O Parlamento de Galicia aprobou hoxe a proposición non de lei do Grupo Popular a través da que se demanda ao  Goberno central que constitúa de inmediato o grupo de traballo, no que se integren as comunidades autónomas, para analizar o modelo de transición enerxética máis racional e sustentable, no que teñan cabida as centrais térmicas máis eficientes, como a de Meirama e As Pontes. O deputado popular Diego Calvo defendeu a apertura dun proceso de reflexión profunda, diálogo e consenso ante o anuncio da Ministra de Transición Ecolóxica do peche “exprés” das centrais térmicas cun primeiro prazo situado no ano 2020.
Seguir leyendo

O PPdeG avoga pola baixada do prezo da electricidade xerando máis enerxía renovable

Santiago, 11 de setembro de 2018. A portavoz de Enerxía do Grupo Popular, Marta Novoa, salientou esta tarde no Parlamento a “necesidade” de baixar o prezo da electricidade, pero non da forma que propón En Marea, baixando o IVE da enerxía eléctrica”, xa que tal e como indicou, así “só prexudicaríamos a recadación de impostos que van dirixidos ás comunidades autónomas para a súa financiación, para a educación, para a sanidade…”. “Non vexo a bondade da súa iniciativa se, por un lado, piden baixar o IVE e por outro preténdese crear novos impostos como o imposto ao diésel”, dixo Novoa, quen indicou que con medidas deste tipo “o único que se consegue é crear incerteza nos usuarios, nas empresas e nos miles de traballadores do sector enerxético”.
Seguir leyendo

O Grupo Popular demanda a En Marea vontade de acordo para esixir ao Goberno central a condonación da débeda do porto de A Coruña

Santiago, 11 de setembro de 2018.- O deputado popular Martín Fernández Prado demandou hoxe no Parlamento a En Marea “a mesma vontade de acordo amosada onte no Concello de A Coruña para sacar adiante conxuntamente unha proposición non de lei que esixa ao Goberno central a condonación da débeda do porto de A Coruña e a inmediata execución da conexión ferroviaria”.
Seguir leyendo

O Grupo Popular declárase a favor dunha CRTVG “coas contas saneadas, cultura os 365 días do ano e plenamente dixital”

Santiago, 11 de setembro de 2018. A deputada do Grupo Popular Raquel Arias puxo en valor no Pleno de hoxe o proceso de dixitalización que afronta a CRTVG, que “cambiará a forma de traballar na corporación”. “A CRTVG vive unha etapa de modernización revolucionaria e histórica”, engadiu a parlamentaria, “que é viable grazas a unhas contas saneadas, con déficit cero e superávit continuado durante os últimos nove anos”.
Seguir leyendo

O Grupo Popular reitera que o proxecto da mina de Touro non é viable tal e como foi presentado

Santiago, 11 de setembro de 2018.- O deputado do Grupo Popular Moisés Blanco reiterou hoxe no Pleno do Parlamento que o proxecto da mina de Touro “non é viable, tal e como foi presentado ante a Consellería de Industria”. Así mesmo, criticou que En Marea “incida en recortar dereitos democráticos e que a Xunta prevarique e non permita que este proxecto mineiro, como outro calquera, se poida tramitar conforme a lei que o Goberno bipartito da Xunta aprobou en 2008”.
Seguir leyendo

O Parlamento insta á Xunta a seguir desenvolvendo a Lei galega contra a violencia de xénero e incrementar o orzamento para igualdade de xénero

Santiago, 11 de setembro de 2018.- O Grupo Popular apoiou a aprobación hoxe no Parlamento dunha moción a través da que se insta á Xunta a continuar desenvolvendo a Lei galega para a prevención e o tratamento integral da violencia de xénero en canto á sensibilización, prevención e tratamento integral da violencia sexual como violencia machista, incrementando no vindeiro presuposto o orzamento consignado para a igualdade de xénero, así como a prevención e intervención no ámbito da loita contra a violencia de xénero.
Seguir leyendo

O PPdeG demanda ao Goberno central que rectifique e conceda á Xunta seis novas prazas MIR de pediatría

Santiago, 11 de setembro de 2018.- O Grupo Popular solicitou esta tarde no Parlamento que o Ministerio de Sanidade rectifique a súa postura en torno á axilización do proceso de acreditación de prazas de novo ingreso a formación especializada en pediatría, de xeito que a Xunta poida incrementar os recursos coa contratación de máis pediatras e garantir a maior cobertura posible do servizo en Galicia.
Seguir leyendo

O Parlamento galego aproba crear unha comisión de investigación sobre o accidente do Marisquiño en Vigo

Santiago, 11 de setembro de 2018.- O Parlamento de Galicia aprobou hoxe, cos votos favorables dos grupos parlamentarios de En Marea e BNG, e a abstención do Grupo Popular, a creación dunha comisión de investigación para determinar as causas e dirimir as responsabilidades políticas no accidente ocorrido durante o Festival do Marisquiño en Vigo. “Son os propios socios do PSOE na Deputación de Pontevedra e noutras institucións galegas os que desconfían do alcalde de Vigo e utilizan as súas ferramentas no Parlamento para conseguir toda a información, logo do carpetazo e mordaza que existe no Concello vigués sobre todo o relacionado co accidente do Marisquiño”, sinalou a deputada popular Teresa Egerique.
Seguir leyendo