Santiago, 2 de maio de 2018. “Somos o único grupo parlamentario que incorporou á orde do día do Pleno da vindeira semana un asunto relacionado coa situación da Xustiza en Galicia, a pesar de que a oposición copa o 80 por cento dos asuntos que se tratarán na sesión”, afirmou o portavoz do Grupo Popular, Pedro Puy, ao remate da Xunta de Portavoces.
Pedro Puy pide á oposición que diga se apoia actuacións que vulneraron o exercicio libre do voto con coaccións e ameazas na folga da Xustiza
Santiago, 30 de abril de 2018. O portavoz do Grupo Popular, Pedro Puy, apelou hoxe aos grupos da oposición a pronunciarse sobre os feitos acontecidos o pasado venres durante as votacións dos funcionarios da Administración de Xustiza sobre a continuidade da folga e dicir “se apoian actuacións que vulneran o exercicio libre do voto con coaccións e ameazas, ou se consideran, coma nós, que son absolutamente condenables ou lamentables”.
O Parlamento insta á Xunta á creación do Observatorio Galego da Familia e a Infancia no primeiro semestre deste ano
Santiago, 26 de abril de 2018.- O Parlamento de Galicia aprobou hoxe, logo dun acordo entre o Grupo Popular e En Marea, solicitar á Xunta a creación, no primeiro semestre deste ano, do Observatorio Galego da Familia e a Infancia, que terá como unha das materias prioritarias a promoción da participación infantil a través da creación de grupos de traballo. Así mesmo, a iniciativa incorpora a posta en marcha do Consello Galego da Infancia e a Adolescencia, como organismo participativo destes sectores da poboación nas políticas públicas da Xunta.
O PPdeG salienta que a Xunta completará a mellora da residencia de Campolongo cunha sala polivalente, un novo comedor, un ascensor e aseos adaptados
Santiago, 26 de abril de 2018.- A portavoz de Asuntos Sociais, Marta Rodríguez Arias, avanzou hoxe que a Xunta ten previsto completar o acondicionamento da Residencia de maiores de Campolongo en Pontevedra coa creación dunha sala polivalente, un novo comedor, a instalación dun ascensor, a reorganización dos servizos de enfermería e a construción de aseos adaptados. “Estas actuacións están incluídas na partida orzamentaria de dous millóns de euros coa que a Xunta dará continuidade este ano ao Plan de melloras da rede autonómica de residencias”, apuntou.
Feijóo sinala que a política non é “pe-lexar por un escano” nin ser deputado en diferido, senón “escoitar e traballar”
O presidente do PPdeG, Alberto Núñez Feijóo, salientou esta tarde que, fronte a outras formacións, para o PPdeG “a política non é pelexar por un escano, non é ser deputado en diferido, non é dividir aos nosos veciños entre bos e malos galegos”, senón que “é escoitar aos galegos, traballar polos galegos, apoialos nos fracasos e acompañalos nos éxitos”.
José González asegura que “temos todos os medios para facer un ditame na Comisión sobre a política forestal á altura do que nos demanda a sociedade galega”
Santiago, 27 de abril de 2018.- O portavoz do Medio Rural, José González, afirmou hoxe, logo da constitución da ponencia encargada de elaborar o ditame da Comisión de estudo das reformas da política forestal e de prevención e extinción de incendios, que “temos todos os medios para poder facer un ditame á altura do que nos demanda a sociedade galega”. “Espera un traballo duro porque o compromiso é de ter o ditame antes de que remate o mes de maio”, polo que demandou á oposición que “se deixee de tacticismos políticos e busque un consenso de país”.
O PPdeG lamenta que Villares acepte no seu grupo a outro deputado que intentou intimidar a un Policía Local
27, abril, 2018. O secretario xeral do PPdeG, Miguel Tellado, asegurou que coa entrada de Xoán Hermida no Parlamento de Galicia “estamos nunha situación na que como Luis Villares non quería ter no seu grupo unha deputada que abusa da súa autoridade ante axentes da Policía, aceptou no seu grupo a outro deputado que tamén abusa da súa autoridade ante axentes da Policía”.
O Grupo Popular apoia demandar á Xunta que dote do persoal necesario e amplíe o centro de saúde de Pazos de Borbén
Santiago, 26 de abril de 2018.- O Grupo Popular apoiou esta tarde no Parlamento a aprobación dunha proposición non de lei a través da que se insta á Xunta a dotar do persoal necesario ao centro de saúde de Pazos de Borbén para poder atender de xeito eficaz a demanda da poboación e a realizar as obras de reforma e ampliación necesarias neste centro, “unha actuación xa prevista polo Servizo Galego de Saúde coa unión da antiga Casa do Médico”.
O Grupo Popular retira do debate da Comisión 5ª a súa PNL sobre o control da diabetes logo do acordo acadado onte no Consello Interterritorial de Sanidade
Santiago, 26 de abril de 2018.- O Grupo Popular decidiu hoxe retirar a proposición non de lei que se ía debater na Comisión 5ª desta tarde sobre a avaliación e a definición das características da poboación que se pode beneficiar das novas tecnoloxías de control da diabetes, logo de que o Consello Interterritorial de Sanidade celebrado onte en Madrid acordara o financiamento do sistema FLASH de monitorización de glucosa, procedendo a poñer en marcha de xeito inmediato o estudo de monitorización acordado en nenos e nenas entre 4 e 17 anos que requiran múltiples doses de insulina e máis de seis controis de glucemia diaria.
O Parlamento aproba instar á Xunta a impulsar o Plan Estratéxico da Conserva
Santiago, 25 de abril de 2018.- O Parlamento de Galicia aprobou hoxe a proposición non de lei do Grupo Popular a través da que se insta ao Goberno galego a darlle un pulo definitivo ao Plan Estratéxico da Conserva Horizonte 2020. Tal e como salientou a deputada do Grupo Popular, Teresa Egerique, trátase dunha iniciativa que “fala de futuro, de garantía e solvencia dun dos sectores estratéxicos de Galicia”.