Santiago, 12 de abril de 2018.- A viceportavoz do Grupo Popular, Paula Prado, salientou hoxe a “coherencia” amosada polo PPdeG na Comisión 5ª do Parlamento ao apoiar unha iniciativa do Grupo Socialista a través da que se solicita á Xunta a modificación da Lei do xogo de Galicia, “unha demanda que xa foi aprobada hai menos de dous meses a través dunha iniciativa do PPdeG, que naquela ocasión contou coa abstención dos socialistas”.
O GPP apoia que a Xunta inicie a dotación de prazas púbicas de residencia de maiories no Concello de A Estrada
Santiago, 12 de abril de 2018.- O Grupo Popular apoiou esta mañá no Parlamento a aprobación dunha proposición non de lei a través da que se insta á Xunta a iniciar, antes de 2020, a dotación no Concello da Estrada de prazas públicas en residencias de maiores, suficientes para acoller a demanda presente e no inmediato futuro na comarca de Tabeirós-Terra de Montes.
O voceiro de Sanidade critica que os socialistas racharan en Comisión o acordo unánime acadado en pleno para ampliar o listado de enfermidades raras
Santiago, 12 de abril de 2018.- O portavoz de Sanidade do Grupo Popular, Aurelio Núñez, criticou hoxe que “os socialistas racharan o acordo unánime aprobado polo Pleno do Parlamento demandando ao Goberno central a ampliación do lista de enfermidades consideradas raras, co único obxectivo de intentar ganar un puñado de votos”.
O Parlamento apoia o manifesto da FREMSS para a flexibilización da obriga de desembarque das capturas realizadas pola flota da Unión Europea
Santiago, 11 de abril de 2018.- O Parlamento de Galicia aprobou esta mañá unha proposición non de lei conxunta de todos os grupos parlamentarios a través da que se manifesta o apoio ao manifesto para a flexibilización da obriga de desembarque das capturas realizadas pola flota da Unión Europea, elaborado pola Fundación Rendemento Económico Mínimo Sostible e Social (FREMSS).
Marián García salienta as medidas postas en marcha polo Goberno galego en mateira de igualdade
Santiago, 11 de abril de 2018.- A portavoz de Igualdade do Grupo Popular, Marián García Míguez, salientou esta mañá no Parlamento o compromiso do Goberno galego en materia de igualdade no ámbito laboral, tal e como se pon de manifesto co impulso do I Plan de Emprego Feminino 2017-2020, que conta cun orzamento dun millón de euros.
Tellado: “Iglesias debería saber que a oferta da Xunta coloca aos empregados de Xustiza por riba da media estatal”
Santiago, 11 de abril de 2018.- O secretario xeral dos populares galegos, Miguel Tellado, lamentou o “profundo descoñecemento” que demostrou hoxe Pablo Iglesias trala reunión mantida cos representantes sindicais que lideran a folga da xustiza. Neste sentido, lembrou que a última oferta económica presentada pola Xunta de Galicia colocaría aos traballadores por riba da media que perciben os seus compañeiros do resto de España, e contén unha cláusula que blinda que sexa así nun futuro.
O Parlamento insta á Xunta a promover reformas legais para que poida defender ás mulleres nos xuízos por delitos de discriminación derivada da maternidade
Santiago, 11 de abril de 2018.- O Parlamento de Galicia aprobou hoxe a proposición non de lei, impulsada polo Grupo Popular, a través da que se solicita que a Xunta promova as reformas legais oportunas para que poida defender os dereitos das mulleres, sempre autorizadas por elas, e exercer a acción penal nos xuízos por delitos de discriminación derivada ou por razón da situación familiar consecuencia da maternidade.
O Parlamento de Galicia solicita que a Xunta reforce o Comité Internacional de Expertos do Camiño de Santiago
Santiago, 11 de abril de 2018.- O Parlamento de Galicia aprobou esta mañá a proposición non de lei, impulsada polo Grupo Popular, para que a Xunta de Galicia estableza unha serie de medidas e accións que fortalezan o Comité Internacional de Expertos do Camiño de Santiago. A proposta inclúe tamén a elaboración dun programa de colaboracións cos centros de estudos xacobeos.
O PPdeG salienta que o compromiso do Goberno central co AVE a Galicia amósase en que Fomento destine a estas obras o 50% dos 900 millóns previstos de investimento para 2018
Santiago, 10 de abril de 2018.- O portavoz de Infraestruturas do Grupo Popular, Martín Fernández Prado, salientou hoxe no Parlamento que “o compromiso do Goberno central co transporte ferroviario en Galicia refléxase en que dos 900 millóns de euros consignados por Fomento no proxecto de orzamentos do Estado para 2018 para a Comunidade galega, máis do 50 por cento son para o ferrocarril”.
A voceira de Cultura demanda de novo «prudencia e paciencia para que a Comisión de Expertos remate as súas propostas sobre a devolución do Pazo de Meirás»
Santiago, 10 de abril de 2018.- A deputada do Grupo Popular, María Antón, demandou de novo hoxe aos grupos da oposición no Pleno do Parlamento “prudencia e paciencia para esperar a culminación dos traballos da Comisión de Expertos e coñecer as súas propostas e estratexia para a devolución do Pazo de Meirás ao patrimonio público sen que lle custe un euro ao pobo galego”.