Santiago, 21 de febreiro de 2018.- “Desde o Grupo Popular rexeitamos a folga convocada para o vindeiro 8 de marzo porque aposta polo enfrontamento entre mulleres e homes; por ser elitista e insolidaria; e porque é irresponsable”, explicou hoxe no Parlamento a viceportavoz popular, Paula Prado. Neste sentido, apuntou que “nós seguiremos reivindicando a igualdade de oportunidades e facendo propostas en positivo que melloren a situación das mulleres”.
O Parlamento insta á Xunta a presentar o balance do III Plan Director da Cooperación Galega e presentar o IV Plan Director para o período 2018-2020
Santiago, 21 de febreiro de 2018.- O Parlamento de Galicia aprobou hoxe, a instancias do Grupo Popular, solicitar á Xunta que presente no primeiro cuadrimestre deste ano un balance da execución do III Plan Director da Cooperación Galega 2014-2017, así como elaborar o IV Plan Director para o período 2018-2021.
O Parlamento insta á Xunta a incluír a construción modular de vivenda no seu programa de promoción pública
Santiago, 21 de febreiro de 2018.- O Parlamento de Galicia aprobou hoxe a proposición non de lei do Grupo Popular a través da que se insta á Xunta de Galicia a incluír a construción modular de vivendas dentro do seu programa de vivenda de promoción pública, co obxectivo de avanzar na industrialización dos procesos de construción de vivendas e reducir prazos no proceso de construción de novas vivendas para os sectores máis desfavorecidos da poboación.
O Parlamento aproba de xeito unánime unha proposición non de lei para que o Goberno central amplíe o listado de enfermidades consideradas raras e graves
Santiago, 21 de febreiro de 2018.- O Parlamento galego aprobou hoxe a proposición non de lei conxunta dos catro grupos parlamentarios, impulsada pola Federación Galega de Enfermidades Raras e Crónicas (Fegerec), a través da que se solicita ao Goberno do Estado a ampliación do listado de enfermidades contempladas no anexo do Real Decreto 1148/2011, de forma que inclúa aquelas enfermidades minoritarias consideras graves non incluídas no listado actual, así como os casos graves que estean no proceso de busca de diagnóstico dunha enfermidade rara.
Así mesmo, demándase que o Goberno central efectúe os cambios pertinentes neste Real Decreto para especificar criterios que definan o que se entende por “coidado directo, continuo e permanente”, xa que é un aspecto básico no que se fundamenta a resolución da prestación.
O portavoz de Sanidade do Grupo Popular, Aurelio Núñez, explicou que “as patoloxías pouco frecuentes afectan a moitas persoas, xa que segundo a Organización Mundial da Saúde xa están recoñecidas unhas 7.000 enfermidades raras, que as estatísticas afirman que poden alcanzar a un 7 por cento da poboación”. “Se aplicamos esa cifra ao total da poboación española, poderíamos deducir que uns tres millóns de persoas poden padecer unha enfermidade rara no noso país, polo que calquera de nós pode sufrir unha enfermidade rara en calquera etapa da súa vida”, apuntou.
O GPP defende o marco político e institucional vixente en Galicia porque é democrático e garante o autogoberno
Santiago, 20 de febreiro de 2018.- O portavoz do Grupo Popular, Pedro Puy, amosou hoxe o apoio ao marco político e institucional vixente en Galicia “porque é democrático e garante o autogoberno, resultado da libérrima opinión da gran maioría dos galegos e galegas, que apoian o Estatuto e a Constitución”.
O PPdeG critica que a oposición chegue tarde pedindo axudas para os viticultores afectados polas xeadas logo do traballo feito pola xunta desde o mes de abril
Santiago, 20 de febreiro de 2018.- O deputado do Grupo Popular Moisés Blanco criticou hoxe no Parlamento que “a oposición chegue tarde cunha proposición non de lei pedindo axudas para os viticultores afectados polas xeadas do pasado ano porque a Xunta e o Partido Popular veñen traballando desde o pasado mes de abril con medidas de apoio como rebaixas no IRPF, bonificacións á Seguridade Social, préstamos a custe cero ou impulso á contratación de seguros”.
O PPdeG demanda un incremento das contías económicas destinadas á prestación da asistencia persoal de dependentes
Santiago, 20 de febreiro de 2018.- A deputada do Grupo Popular Marta Rodríguez-Vispo defendeu esta tarde no Parlamento que a Xunta incremente as contías económicas destinadas á prestación de asistencia persoal aos dependentes, ao tempo que se demanda que no grupo de traballo creado no IMSERSO se siga traballando para mellorar esta prestación persoal.
O GPP afirma que a Xunta fai un seguimento exhaustivo semanal das actuacións do Goberno central en Galicia
Santiago, 20 de febreiro de 2018.- O portavoz de Infraestruturas do Grupo Popular, Martín Fernández Prado, afirmou hoxe no Parlamento que “a Xunta fai un seguimento exhaustivo todas as semanas das actuacións do Goberno do Estado en Galicia, a fin de garantir os investimentos estatais na Comunidade galega”.
Cerca de 1.300 persoas se beneficiaron da Lei de garantías sanitarias e só a 78 foille ofertado a realización de probas noutro centro sanitario do Sergas
Santiago, 20 de febreiro de 2018.- O portavoz de Sanidade do Grupo Popular, Aurelio Núñez, concretou hoxe que “case 1.300 persoas se teñen beneficiado da aplicación da Lei de garantías de prestacións sanitarias, e só a 79 foille ofertado a realización da proba ou a intervención noutro centro sanitario do Sergas”.
O PPdeG salienta que a Lei 1/2012 de medidas temporais no emprego público «permitiu facer fronte á crise e reducir o déficit sen menoscabar a prestación dos servizos»
Santiago, 20 de febreiro de 2018.- O deputado do Grupo Popular Jacobo Moreira acusou hoxe a En Marea de pretender derrogar a lei 1/2012 de medidas temporais en determinadas materias de emprego público “que permitiu facer fronte á crise económica e reducir o déficit público para conseguir unha situación de equilibrio sen menoscabar a prestación dos servizos públicos esenciais”.