Santiago, 19 de abril de 2018.- O portavoz de Cultura do Grupo Popular, César Fernández Gil, avanzou hoxe a previsión de que as obras de rehabilitación do Pazo do Bispo en Ourense poidan iniciarse no outono do presente ano. “Para isto, é necesario que o Goberno central aprobe os orzamentos do Estado, polo que demandamos ao Partido Socialista o seu apoio para sacar adiante as contas e se poidan executar estas obras”, manifestou.
María Antón Vilasánchez critica que En Marea rexeite un acordo para solicitar a delimitación da Vía da Prata ao seu paso polos barrios de Canedo e Beiro en Ourense
Santiago, 19 de abril de 2018.- A deputada do Grupo Popular María Antón lamentou hoxe a negativa de En Marea para chegar a un acordo no Parlamento e demandar que a Xunta realice un estudo histórico previo á delimitación para a inclusión da variante da Vía da Prata-Camiño do Sueste ou Camiño Mozárabe que discorre polos barrios de Canedo e Beiro en Ourense. Deste xeito, estas zonas poderán acceder ás axudas do Programa de rehabilitación de vivendas nos Camiños de Santiago habilitadas dentro do Programa de fomento da rexeneración e renovación urbanas.
O PPdeG critica que «En Marea-Podemos defenda en Galicia a independencia xudicial cando se levantou e abandonou a subcomisión creada no Congreso para definir unha Estratexia Nacional de Xustiza»
Santiago, 18 de abril de 2018.- O deputado do Grupo Popular Jacobo Moreira criticou esta mañá no Parlamento que En Marea-Podemos “traia a esta Cámara unha proposta sobre a independencia do Consello Xeral do Poder Xudicial (CXPX) e a elección dos maxistrados do Tribunal Constitucional cando é consciente de que este Parlamento non é o lugar adecuado para este debate e cando Podemos se ten levantado e abandonado a subcomisión creada no Congreso creada para definir unha Estratexia Nacional de Xustiza”.
O Grupo Popular solicitará á Xunta o desenvolvemento do Plan Estratéxico da Conserva Horizonte 2020, así como o inicio da elaboración do Plan estratéxico do conxelado
Santiago, 17 de abril de 2018.- O Grupo Popular defenderá no Pleno da vindeira semana demandar que a Xunta desenvolva o Plan Estratéxico da Conserva Horizonte 2020 e inicie a elaboración do Plan estratéxico do conxelado así como ao Goberno central a inmediata posta en marcha da tarxeta social universal.
Pedro Puy concretou que, ben desde o Goberno galego ou desde o Grupo Popular, “traemos ao Pleno temas importantes e relevantes para Galicia que afectan ao sistema produtivo, tanto ao sector enerxético, a aplicación da Política Agraria Común ou o sector conserveiro; e temas de índole social, como a implantación da tarxeta social universal, a ampliación do Hospital de Montecelo en Pontevedra ou os centros de información á muller”.
Máis en concreto, especificou que na sesión plenaria comparecerán os conselleiros de Economía, Emprego e Industria, para falar das directrices enerxéticas de Galicia; e do Medio Rural, sobre o futuro da Política Agraria Común en Galicia.
No apartado de proposicións non de lei, o Grupo Popular demandará que a Xunta desenvolva o Plan Estratéxico da Conserva Horizonte 2020, que recolle as liñas principais para asegurar a competitividade e viabilidade do sector cara ao futuro. O portavoz popular subliñou que a produción da conserva en Galicia supuxo en 2016 un total de 1.291 millóns d euros, sendo o 85 por cento da produción de España.
Así mesmo, solicítase que se inicie a redacción do Plan estratéxico do conxelado, que determine as oportunidades que se abren neste sector e fortalecer as liñas de traballo que permitan a expansión da produción e a obtención de maior valor engadido para os produtos galegos.
INFORMACIÓN ENTRE ADMINISTRACIÓNS
En segundo lugar, o Grupo Popular defenderá que o Goberno central poña en marcha de xeito inmediato a tarxeta social universal. Pedro Puy salientou a importancia desta identificación porque, “ademais de permitir a mobilidade de información entre as diferentes administracións públicas, facilita coñecer a situación real de cada titular da tarxeta e poder prestar os servizos dun xeito máis racional e eficaz”.
No apartado de preguntas, o Grupo Popular cuestionará ao Goberno galego sobre os resultados do fomento da xestión compartida dos centros de información á muller existentes en Galicia; os avances e novidades respecto da ampliación do Hospital Montecelo en Pontevedra; e o balance da primeira fase do Plan de transporte público de Galicia.
Tellado di que a descomposición do PSOE de Lugo na Deputación demostra que debe gobernar a lista máis votada
Santiago, 17 de abril de 2018.- O secretario xeral do PPdeG, Miguel Tellado, declarou que a actual situación do goberno da Deputación de Lugo é a constatación da descomposición do partido socialista na provincia, estando ante o final do “besteirismo”. Para o número dous dos populares galegos, “nada disto tería pasado se se deixase gobernar a quen gañou as eleccións que foi o PP”.
Puy avoga porque a folga da Xustiza «remate canto antes nun acordo» e afirma que «a Xunta leva negociación coas persoas indicadas e que coñecen o sector»
Santiago, 16 de abril de 2018.- O portavoz do Grupo Popular, Pedro Puy, avogou hoxe porque a folga do persoal da Xustiza en Galicia “remate cando antes nun acordo”. Neste sentido, afirmou que “a Xunta está levando a negociación coas persoas indicadas e que coñecen o sector” e apuntou que “están defendendo o interese xeral da Comunidade autónoma fronte a quen representan un interese sectorial”.
O Grupo Popular se «avergoña» da actitude do deputado do BNG Luis Bará na tribuna do Parlamento no pasado pleno
Santiago, 13 de abril de 2018.- O portavoz do Grupo Popular, Pedro Puy, cualificou hoxe de “inapropiada” a conduta do deputado do BNG Luis Bará na tribuna do Parlamento no pasado Pleno, cando rachou dúas fotografías do Xefe do Estado, e asegurou que o Grupo Popular “se avergoña deste feito pola ofensa que se lle fai a quen simboliza a democracia, as liberdades e o autogoberno de Galicia”.
O Parlamento insta á Xunta a defender a pesca no marco europeo diante dos retos que se abren para o sector marítimo
Santiago, 13 de abril de 2018.- O Parlamento de Galicia aprobou esta mañá unha proposición non de lei a través da que se insta á Xunta a desenvolver unha política de actuación na defensa da pesca no marco europeo diante dos retos específicos que se abren para o sector marítimo pesqueiro e que nos leve a seguir pormenorizadamente os trílogos no marco europeo para tratar de evitar que as normas de eliminación de descartes e de medidas técnicas e de control se afasten das demandas galegas.
Feijóo indica que “ser ponte entre xeracións” é garantía para que o PPdeG siga sendo o que máis se parece a Galicia
O presidente do PPdeG, Alberto Núñez Feijóo asegurou, esta mañá, que “mentres outros partidos practican con esmero a eliminación xeracional, no PPdeG preferimos o relevo xeracional”. E é que tal e como apuntou o presidente dos populares galegos, ser “unha ponte entre xeracións é a única maneira de garantir que este partido sexa o que máis se parece a Galicia durante moitas décadas máis”.
Tellado: “O goberno provincial de Lugo e o goberno municipal de Ferrol son a zona cero da inestabilidade”
O secretario xeral dos populares galegos, Miguel Tellado, asegurou esta mañá que “tanto o goberno provincial de Lugo como o goberno municipal de Ferrol son a zona cero da inestabilidade e dos gobernos contra a vontade maioritaria dos cidadáns”, xa que amosaron a súa incapacidade para chegar a acordos cos seus socios e para manter a unidade dos seus propios partidos.